(၁၀.၃.၂၀၂၃)ရက်နေ့ ၊(၁၁:၀၀)အချိန်တွင် ဧရာဝတီတိုင်းဒေသကြီး၊ မအူပင်မြို့နယ် စိုက်ပျိုးရေးဦးစီးမှူးရုံးတွင် စပါးစိုက်တောင်သူများအား စားသုံးသူအသိပညာပေးဟောပြောခဲ့ကြ ပါသည်။
ဟောပြောဆွေးနွေးပွဲတွင် စားသုံးသူရေးရာဦးစီးဌာန၊ မအူပင်မြို့နယ်ဦးစီးမှူး ဦးအောင်ဇော်ဦးက စားသုံးသူကာကွယ်ပေးရေးဥပဒေ(၂၀၁၉)အရ စားသုံးသူကာကွယ်ရေးလုပ်ငန်းစဉ်အကြောင်းကို ရှင်းလင်းဆွေးနွေးရာ စားသုံးသူတို့၏ အခွင့်အရေးများနှင့်တာဝန်များကို သိရှိ လိုက်နာဆောင်ရွက်ကြရန် အသိပညာပေးဆွေးနွေးပြီး စားသုံးသူများအနေဖြင့် ကုန်စည်နှင့် ဝန်ဆောင်မှုနှင့် စပ်လျဉ်း၍ အမှန်တကယ်နစ်နာဆုံးရှုံးမှုရှိလာပါက စားသုံးသူရေးရာဦးစီးဌာနသို့ ဆက်သွယ်တိုင်ကြားနိုင်သည့် နည်းလမ်းပုံစံအမျိုးမျိုး၊ Online မှတဆင့် တိုင်ကြားလိုသူ ပြည်သူများအနေဖြင့် DOCA Website၊ DOCA Myanmae မိုဘိုင်း app တို့တွင်ပါရှိသည့် Consumer Complaint System တိုင်ကြားလွှာပုံစံပါ အချက်အလက်ဖြည့်သွင်း၍လည်းကောင်း၊ Consumer Call Center 1535 သို့လည်းကောင်း၊ CICC စင်တာများ၊ လိပ်စာနှင့် ဖုန်းနံပါတ်များကို ဆက်သွယ်၍လည်းကောင်း တိုင်ကြားနိုင်ပါကြောင်း ရှင်းလင်းပြောကြားကာ လုပ်ငန်းရှင်များ၏ သိရှိလိုသည်များကို မေးမြန်းမှုအပေါ် ပြန်လည်ဖြေကြားကာ တောင်သူ (၅၁)ဦး တက်ရောက်ခဲ့ကြောင်း သတင်းရရှိပါသည်။
DOCA(ဧရာဝတီ)