စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ ခေတ္တညွှန်ကြားရေးမှူးချုပ် ဦးကျော်ကျော်လွင်ကို ၁၉၇၅ ခုနှစ်တွင် မန္တလေးမြို့၌ မွေးဖွားခဲ့ပါသည်။ ၁၉၉၆ ခုနှစ်မှ ၂၀၀၁ ခုနှစ်အထိ မန္တလေးတက္ကသိုလ်တွင် ဝိဇ္ဇာဘွဲ့(သမိုင်း)ကို ရရှိခဲ့ပါသည်။ ၁၉၉၅ ခုနှစ်တွင် အလုပ်သင်ဗိုလ်လောင်းသင်တန်းအမှတ်စဉ်(၂၃)သို့ တက်ရောက်ခဲ့ပြီး ၁၉၉၅ ခုနှစ်မှ ၁၉၉၆ ခုနှစ်ထိ ခလရ-၂၈ တွင် အလုပ်သင်ဗိုလ်ရာထူးဖြင့်လည်းကောင်း၊ ၁၉၉၆ ခုနှစ်မှ ၁၉၉၇ ခုနှစ်ထိ ခလရ-၂၆၆ တွင် ဒုဗိုလ်ရာထူးဖြင့်လည်းကောင်း၊ ၁၉၉၇ ခုနှစ်မှ ၂၀၀၀ ခုနှစ်ထိ ခလရ-၂၆၆ နှင့် ခမရ-၂၁၀ တွင် ဗိုလ်ရာထူးဖြင့်လည်းကောင်း၊ ၂၀၀၀ ခုနှစ်မှ ၂၀၀၄ ခုနှစ်အထိ စကခ-၁၅ နှင့် ခမရ-၄၃၅ တွင် ဗိုလ်ကြီးရာထူးဖြင့်လည်းကောင်း အဆင့်ဆင့်တာဝန်ထမ်းဆောင်ခဲ့ပါသည်။
၂၀၀၄ ခုနှစ်၊ ဇွန်လ ၁ ရက်တွင် သစ်တောရေးရာဝန်ကြီးဌာနသို့ မန်နေဂျာရာထူးဖြင့် လွှဲပြောင်းတာဝန်ထမ်းဆောင်ခဲ့ပြီး ၂၀၀၄ ခုနှစ်၊ အောက်တိုဘာလ ၁ ရက်နေ့မှစ၍ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနသို့ ပြောင်းရွှေ့တာဝန်ထမ်းဆောင်ခဲ့ရာ ၂၀၀၄ ခုနှစ်မှ ၂၀၀၆ ခုနှစ်အထိ ကုန်သွယ်ရေးညွှန်ကြားမှုဦးစီးဌာနတွင် လက်ထောက်ညွှန်ကြားရေးမှူးရာထူးဖြင့်လည်းကောင်း၊ ၂၀၀၆ ခုနှစ်မှ ၂၀၀၉ ခုနှစ်ထိ မန်နေဂျာရာထူးဖြင့်လည်းကောင်း၊ ၂၀၀၉ ခုနှစ်မှ ၂၀၁၃ ခုနှစ်ထိ လက်ထောက်အထွေထွေမန်နေဂျာရာထူးဖြင့်လည်းကောင်း၊ ၂၀၁၃ ခုနှစ်မှ ၂၀၁၈ ခုနှစ်ထိ ကုန်သွယ်မှုမြှင့်တင်ရေးနှင့် စားသုံးသူရေးရာဦးစီးဌာနတွင် ဒုတိယညွှန်ကြားရေးမှူးရာထူး ဖြင့်လည်းကောင်း၊ ၂၀၁၈ ခုနှစ်မှ ၂၀၂၅ ခုနှစ်ထိ စားသုံးသူရေးရာဦးစီးဌာနတွင် ညွှန်ကြားရေးမှူး ရာထူးဖြင့်လည်းကောင်း၊ ၂၀၂၅ ခုနှစ်မှ ၂၀၂၆ ခုနှစ်အထိ ဒုတိယညွှန်ကြားရေးမှူးချုပ်အဖြစ်လည်းကောင်း တာဝန်ထမ်းဆောင်ခဲ့ပါသည်။
၂၀၂၆ ခုနှစ်၊ ဇူလိုင်လ ၉ ရက်နေ့မှ ယနေ့အထိတွင် ခေတ္တညွှန်ကြားရေးမှူးချုပ်အဖြစ် စားသုံးသူရေးရာဦးစီးဌာနတွင် တာဝန်ထမ်းဆောင်လျက်ရှိပါသည်။
