စားသုံးသူရေးရာဦးစီးဌာန ၊ ပဲခူးတိုင်းဒေသကြီးဦးစီးမှူးရုံး အစည်းအဝေးခန်းမ၌ ( ၁၃.၃.၂၀၂၃) ရက်နေ့တွင် ပဲခူးတိုင်းဒေသကြီးအစိုးရအဖွဲ့ ၊ စီးပွားရေးရာဝန်ကြီးနှင့်တကွ စားသုံးသူရေးရာဦးစီးဌာန ၊ ရုံးချုပ်မှ တာဝန်ရှိပုဂ္ဂိုလ်များ ၊ ပဲခူးတိုင်းဒေသကြီးဦးစီးမှူးနှင့် တိုင်းရုံးမှ ဝန်ထမ်းများ ၊ မြန်မာနိုင်ငံဆန်စပါးအသင်းချုပ်မှ တာဝန်ရှိပုဂ္ဂိုလ်များ၊ တိုင်းဒေသကြီးအဆင့်ဌာနဆိုင်ရာ တာဝန်ရှိသူများ ၊ ဆန်စက်လုပ်ငန်းရှင်များ၊ ဆန်စပါးနှင့်ပတ်သက်သော အသင်း/အဖွဲ့များမှ တာဝန်ရှိသူများ ၊ စိုက်ပျိုး ထုတ်လုပ်သူများ တက်ရောက်ခဲ့ပါသည် ။
ပဲခူးတိုင်းဒေသကြီး အစိုးရအဖွဲ့ ၊ စီးပွားရေးရာဝန်ကြီးက အဖွင့်အမှာစကားပြောကြားရာတွင် စားသုံးသူရေးရာဦးစီးဌာနက ပြုစုရေးဆွဲထားသော ဆန်စပါးဥပဒေ (မူကြမ်း)ကို ပြင်ဆင်ဖြည့်စွက်နိုင်ရန် သက်ဆိုင်ရာကဏ္ဍအလိုက် တာဝန်ရှိသူ အသီးသီးမှ ပူးပေါင်းဆောင်ရွက်ကြသည့်အတွက် ဝမ်းသာ ကြိုဆိုပါကြောင်း ၊ ပဲခူးတိုင်းဒေသကြီးအတွင်း ဆန်စပါးကဏ္ဍစဉ်ဆက်မပြတ် ဖွံ့ဖြိုးတိုးတက်ရေး အတွက် ဝယ်ယူခြင်း၊ သယ်ယူခြင်း၊ သိုလှောင်ခြင်း၊ ကြိတ်ခွဲထုတ်လုပ်ခြင်း၊ ပြည်တွင်းဖြန့်ဖြူးခြင်း၊ ပြည်ပတင်ပို့ခြင်း၊ ထိန်းကျောင်းကြပ်မတ်ခြင်း ကဏ္ဍများကို ဤဥပဒေဖြင့် ဆောင်ရွက်သွားမှာဖြစ်ကြောင်း သိရှိရသည့်အတွက် တောင်သူ ၊ ပွဲစား ၊ စက်ပိုင် ၊ Exporter များ မျှမျှတတ အကျိုးအမြတ် ရရှိလာစေမှာဖြစ်ပါကြောင်းပြောကြားခဲ့ပြီး စားသုံးသူရေးရာဦးစီးဌာန ၊ ရုံးချုပ်မှ ညွှန်ကြားရေးမှူးက ဥပဒေ(မူကြမ်း)ရေးဆွဲရခြင်းရည်ရွယ်ချက်အကြောင်း ရှင်းလင်းဆွေးနွေးခဲ့ပြီး လက်ထောက်ညွှန်ကြားရေးမှူးက ဥပဒေ(မူကြမ်း)ပါ အကြောင်းအရာများကို အသေးစိတ်ရှင်းလင်းဆွေးနွေးခဲ့ကာ တက်ရောက်လာသူများ၏ အကြံပြုဆွေးနွေးချက်များအား ပြန်လည်ဆွေးနွေးခဲ့ကြောင်း သိရှိရပါသည် ။
DOCA(ပဲခူး)