စားသုံးသူရေးရာဦးစီးဌာန၊ တောင်ငူခရိုင်၊ အုတ်တွင်းမြို့နယ်တာဝန်ခံ ဒေါ်အေးအေးခိုင်သည် (၁၄.၃.၂၀၂၃) ရက်နေ့ ၊နံနက် ၉:၃၀ နာရီအချိန်တွင် အုတ်တွင်းမြို့နယ် ဆွဲလဲချောင်းကျေးရွာ၌လည်းကောင်း၊ နံနက် ၁၀:၃၀ အချိန်တွင် ဂွေးတောက်ခင်ကျေးရွာ၌လည်းကောင်း ကျေးရွာသူကျေး ရွာသားများအား စားသုံးသူကာကွယ်ရေးဆိုင်ရာများကို အသိပညာပေးဟောပြောခဲ့ပါသည်။
ဟောပြောပွဲတွင် မြို့နယ်တာဝန်ခံ ဒေါ်အေးအေးခိုင်က စားသုံးသူရေးရာဦးစီးဌာန ပေါ်ပေါက်လာပုံ၊ စားသုံးသူ၏ အခွင့်အရေးနှင့် တာဝန်များ၊ စားသုံးသူနစ်နာဆုံးရှုံးမှုမဖြစ်ပေါ်စေရေးအတွက် ဈေးကွက်စောင့်ကြည့် စစ်ဆေးဆောင်ရွက်နေမှုများ၊ ကုန်စည်များဝယ်ယူသုံးစွဲရာတွင် ကုန်အညွှန်းအမှတ်အသားများကို ဦးစားပေးဖတ်ရှုသင့်သည့်အကြောင်းများ၊ စားသုံးသူနစ်နာဆုံးရှုံးမှုများဖြစ်ပေါ်ပါက စားသုံးသူသတင်းပြန်ကြားရေးနှင့် တိုင်ကြားမှုလက်ခံဆောင်ရွက်ရေးစင်တာ (CICC)များတွင်လည်းကောင်း၊ စားသုံးသူရေးရာဦးစီးဌာန၏ website ဖြစ်သော www.doca.gov.mm တွင်လည်းကောင်း တိုင်ကြားနိုင်ခြင်းများကို အသိပညာပေးဆွေးနွေးခဲ့ပါသည်။
ဟောပြောပွဲများသို့ ဆွဲလဲချောင်းကျေးရွာမှ ကျေးလက်နေပြည်သူ ၄၈ ဦးနှင့် ဂွေးတောက်ခင်ကျေးရွာမှ ကျေးလက်နေပြည်သူ ၃၂ ဦးတက်ရောက်ပါသည်။ စားသုံးသူရေးရာဦးစီး ဌာန၊ တောင်ငူခရိုင်အနေဖြင့် စားသုံးသူပြည်သူများအား စားသုံးသူကာကွယ်ရေးဆိုင်ရာများကို အသိပညာပေး ဟောပြောလျက်ရှိရာတွင် ယခုကဲ့သို့ လုပ်ငန်းခွင်မှ အားလပ်သည့် ကာလတွင် ကျေးလက်နေပြည်သူများအား အသိပညာပေးဟောပြောခြင်းကို ဦးစားပေးဆောင်ရွက်လျက်ရှိကြောင်း သိရှိရပါသည်။
DOCA(ပဲခူး)