![](http://www.doca.gov.mm/sites/default/files/styles/consumer_inner_image__847x424_/public/23.2.jpg?itok=oxqFBRom)
စားသုံးသူရေးရာဦးစီးဌာန၊ ပြည်ခရိုင်ဦးစီးမှူး၏ လမ်းညွှန်မှုအရ စားသုံးသူကာကွယ်ရေး ဥပဒေ ၂၀၁၉ ပါပြဌာန်းချက်များအား စားသုံးသူပြည်သူများကျယ်ကျယ်ပြန့်ပြန့် သိရှိနိုင်ရေး၊ လုံခြုံစိတ်ချရမှုရှိသော ကုန်စည်(သို့) ဝန်ဆောင်မှုများအား ရွေးချယ်ဝယ်ယူ အသုံးပြုတတ်စေရေးကို ရည်ရွယ်၍ ပြည်မြို့နယ်တာဝန်ခံနှင့် ဝန်ထမ်းများသည် (၁၄.၃.၂၀၂၃)နေ့ နေ့လယ် (၁၂:၀၀) အချိန်တွင် ပြည်မြို့နယ်နှောကန်အုပ်စု၊ ထန်းကုန်းကျေးရွာ၌လည်းကောင်း နေ့လယ် (၁:၃၀) အချိန်တွင် နှောကန်အုပ်စု၊ ကြို့ကုန်းကျေးရွာရှိ ကျေးလက်နေပြည်သူများအား နှောကန်ရွာ ဘုန်းတော်ကြီးကျောင်းဓမ္မာရုံ၌လည်းကောင်း စားသုံးသူကာကွယ်ရေးဆိုင်ရာ အသိပညာပေးဟောပြောပွဲများကျင်းပ ပြုလုပ်ခဲ့ပါသည်။
ရှေးဦးစွာ ပြည်မြို့နယ် တာဝန်ခံ ဦးထွန်းနိုင်လင်းမှ စားသုံးသူများရရှိရမည့် အခွင့်အရေး(၈)ချက်၊ ကုန်စည်နှင့် ဝန်ဆောင်မှုများနှင့်ပတ်သက်၍ ဆုံးရှုံးနစ်နာမှုများရှိခဲ့လျှင် တိုင်ကြားနိုင်မည့် နည်းလမ်းများကို ရှင်းလင်းဟောပြောခြင်းနှင့် ကျေးလက်နေပြည်သူများတွင် စားသောက်ကုန်၊ လူသုံးကုန် ထုတ်လုပ်သည့် စီးပွားရေးလုပ်ငန်းရှင်များအနေဖြင့်လည်း စားသုံးသူကာကွယ်ရေးဥပဒေ၌ ပါရှိသည့် စီးပွားရေး လုပ်ငန်းရှင်များ လိုက်နာရမည့်တာဝန်များကို ရှင်းလင်းဆွေးနွေးဟောပြောခဲ့ကြောင်း သိရှိရပါသည်။
DOCA(ပဲခူး)