စားသုံးသူရေးရာဦးစီးဌာန၊ မုံရွာခရိုင် ဦးစီးမှူးရုံးမှ ချောင်းဦးမြို့နယ်တာဝန်ခံနှင့် ဝန်ထမ်းများသည် (၂၂.၃.၂၀၂၃)ရက်နေ့ ၊နံနက်(၁၀:၀၀)နာရီတွင် မုံရွာမြို့၊နန္ဒဝန်ရပ်ကွက်အတွင်းရှိ ကုန်စုံဆိုင်များသို့ သွားရောက်၍ ကုန်စုံဆိုင်များတွင် ရောင်းချလျက်ရှိသော စားသောက်ကုန်ပစ္စည်းများတွင် ကုန်အညွန်းအမှတ်အသားပါဝင်မှုရှိ/မရှိ နှင့်ကိုက်ညီမှုရှိ/မရှိ အခြေအနေများအား ဈေးကွက်စောင့်ကြည့်စစ်ဆေးခဲ့ပါသည်။
ထိုသို့ဈေးကွက်စောင့်ကြည့်စစ်ဆေးရာတွင် မြို့နယ်တာဝန်ခံက ကုန်စုံဆိုင်ပိုင်ရှင်များအား အစားအသောက်နှင့်ဆေးဝါးကွပ်ကဲရေးဦးစီးဌာန၏ ထောက်ခံချက်မပါရှိသော စားသောက်ကုန်များ၊ အသားလုံးအသားချောင်းများအား အားရောင်းချခြင်းမပြုကြရန်၊ စားသုံးသူကာကွယ်ရေးဥပဒေ (၂၀၁၉) ၊အခန်း (၁၈)ပါ ကုန်အညွှန်းအမှတ်အသားဖော်ပြခြင်းနှင့် ပတ်သက်၍ ပုဒ်မ ၄၁။(ခ)နှင့်(ဆ)တို့တွင် ဖော်ပြထားသည့် ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်ပမာဏ၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်း၊ ကျန်းမာရေးဆိုင်ရာဘေးထွက်ဆိုးကျိုး သို့မဟုတ် ဓာတ်မတည့်ကြောင်းဖော်ပြချက်နှင့် ကြိုတင်သတိပေးချက်တို့ကို မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍ တွဲလျက်ဖြစ်စေ ရေးသားဖော်ပြထားသည့် ကုန်ပစ္စည်းများကိုသာ ဦးစားပေးရောင်းချစေလိုကြောင်း အသိပညာပေး ဆွေးနွေးခဲ့သည်ဟု သိရှိရပါသည်။
DOCA(စစ်ကိုင်း)