စားသုံးသူရေးရာဦးစီးဌာန ၊ နတ်တလင်းခရိုင်၌ ဆန်စပါး ဥပဒေ(မူကြမ်း) ရှင်းလင်းဆွေးနွေးခြင်းဆိုင်ရာ အလုပ်ရုံဆွေးနွေးပွဲကို နတ်တလင်းမြို့နယ် ၊ ရန်ကုန်-ပြည်ကားလမ်းမဘေးရှိ သာစည်ရပ်ကွက် ၊ ရွှေထင်းဘိုးဘွားရိပ်သာခန်းမ၌ (၃.၄.၂၀၂၃) ရက်နေ့ ၊ နံနက် (၇ : ၀၀) နာရီအချိန်တွင် ကျင်းပပြုလုပ်ခဲ့ပါသည်။
အဆိုပါ ရှင်းလင်းဆွေးနွေးပွဲတွင် နတ်တလင်းခရိုင် စီမံအုပ်ချုပ်ရေးအဖွဲ့ ၊ ဥက္ကဌဦးခင်မောင်ဦးက အဖွင့်အမှာစကားပြောကြားရာတွင် မြန်မာနိုင်ငံသည် စိုက်ပျိုးရေးနဲ့ လယ်ယာစီးပွားရေးကို အခြေခံသည့်နိုင်ငံဖြစ်ပြီး နိုင်ငံတော်စီမံအုပ်ချုပ်ရေးကောင်စီ၏ ရှေ့လုပ်ငန်းစဉ်(၅)ရပ်မှာလည်း “တိုင်းပြည်သာယာဝပြောရေးနှင့် စားရေရိက္ခာဖူလုံရေးအတွက် ပြည်သူလူထုဗဟိုပြု ဖွံ့ဖြိုးရေးလုပ်ငန်းများကို လူမှုစီးပွားဘဝ ဖွံ့ဖြိုးတိုးတက်စေရန် ဆောင်ရွက်သွားမည် ” ဟူ၍ ဦးတည်ချက်ချမှတ်၍ ဆောင်ရွက် လျက်ရှိကြောင်း ၊ ပဲခူးတိုင်းဒေသကြီးအတွင်း ဆန်စပါကဏ္ဍပိုမိုဖွံ့ဖြိုးတိုးတက်ရေးအတွက် မိမိတို့ လုပ်ငန်းများရဲ့ လက်ရှိ ပကတိအခြေအနေများနှင့် အခက်အခဲများရှိပါက မည်ကဲ့သို့ ကျော်လွှားရမည်ကို ပွင့်ပွင့်လင်းလင်း ချစ်ကြည်ရင်းနှီးစွာ အကြံပြုဆွေးနွေးပေးကြပါရန် ပြောကြားခဲ့ပြီး စားသုံးသူရေးရာဦးစီးဌာန ၊ ပဲခူးတိုင်းဒေသကြီးဦးစီးမှူး ၊ ဦးဇေယျာဆွေက ဥပဒေ(မူကြမ်း)နှင့်စပ်လျဉ်း၍ ရှင်းလင်းဆွေးနွေးကာ တက်ရောက်လာသူများက ဥပဒေ(မူကြမ်း)အား အကြံပြုဆွေးနွေးခဲ့ကြောင်း သိရှိရပါ သည်။
DOCA(ပဲခူး)