စီးပွားရေးနှင့် ကူးသန်းရောင်းဝယ်ရေးဝန်ကြီးဌာနသည် စားသုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီကို ဖွဲ့စည်းပြီး ပြည်ပမှ တင်သွင်းလာသည့် စားသုံးဆီများ သတ်မှတ်အရည်အသွေး စံချိန်စံညွှန်းများနှင့် ပြည်မီစေရေး၊ စားသုံးသူပြည်သူများ ကျန်းမာရေးနှင့် ညီညွှတ်သော စားသုံးဆီများကို သုံးစွဲနိုင်ရေး စျေးနှုန်းတည်ငြိမ်စွာဖြင့် ဝယ်ယူစားသုံးနိုင်ရေး စားအုန်းဆီ ကမ္ဘာ့စျေးနှုန်းဖြစ်ပေါ်ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် စျေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိရာ မကွေးတိုင်းဒေသကြီး၊ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူး၏ လမ်းညွှန်မှုဖြင့် (၄.၄.၂၀၂၃) ရက်နေ့၊ (၁၅:၀၀)နာရီအချိန်တွင် မကွေးမြို့၊ စျေးလယ်စိုးရပ်၌ ကုမ္ပဏီများမှ ဖြန့်ဖြူးရောင်းချသော စားအုန်းဆီများကို မကွေးတိုင်း ဒေသကြီး ဆီကုန်သည်များနှင့် ဆီလုပ်ငန်းရှင်များအသင်းမှ စျေးကား(၁)စီးဖြင့် စားအုန်းဆီ(၁)ပိဿာလျှင် (၅၀၀၀)ကျပ်နှုန်းဖြင့် လူတစ်ဦးလျှင် (၁)ပိဿာနှုန်း ရောင်းချပေးနေမှုအား မကွေးခရိုင် ဦးစီးမှူးရုံးမှ ဦးအောင်ဖြိုးဝေ (ဒု-ဦးစီးမှူး)၊ ဦးဟာခေါဂေ (ဒု-ဦးစီးမှူး)နှင့် ဦးလင်းကိုကိုဖြိုး (ရုံးအကူမှူး)တို့မှ သွားရောက်ကြီးကြပ်ပူးပေါင်း ဆောင်ရွက်ခဲ့ပါသည်။(၄.၄.၂၀၂၃) ရက်နေ့တွင် စျေးကား(၈)စီးဖြင့် စစ်မှုထမ်းဟောင်းအိမ်ရာ၊ ကင်းရပ်၊ အုတ်ဖိုရပ်၊ စျေးလယ်စိုးရပ်၊ ဝါးတောချောင်း ကျေးရွာ၊ ကံလှ ကျေးရွာ၊ ကံပြားအရှေ့ကျေးရွာနှင့် ဝက်သိုက်ကျေးရွာတို့၌ သွားရောက်ရောင်းချခဲ့ကြောင်း သိရှိရပါသည်။
ထို့သို့ကွင်းဆင်းကြီးကြပ်ဆောင်ရွက်ရာ၌ စားသုံးသူပြည်သူများအဆင်ပြေချောမွေ့စွာဝယ်ယူနိုင်ရေး စားအုန်းဆီစျေးနှုန်းများ မှန်ကန်ရေး အလေးချိန်ပြည်ဝမှန်ကန်မှုရှိစေရေး စားအုန်းဆီဝယ်ယူရာတွင် တန်းစီစနစ်ဖြင့် စနစ်တကျရှိစေရေး ကြီးကြပ်ပူးပေါင်းဆောင်ရွက်ခဲ့ပါသည်။
DOCA(မကွေး)