စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဉီးစီးဌာန၊ ဒု-ဉီးစီးမှူး ဒေါ်စန္ဒာမွန်နှင့် ဝန်ထမ်းများသည် ကလေးမြို့နယ်၊ ညောင်ပင်သာရပ်ကွက်ရှိ “ ရာပြည့် ” မုန့်မျိုးစုံ ရောင်းဝယ်ရေးလုပ်ငန်းရှင် ဒေါ်ရီမြင့်၏ နေအိမ်သို့ ဧပြီလ ( ၆ ) ရက်နေ့ နံနက်(၁၀:၃၀)နာရီအချိန် သွားရောက်၍ တွေ့ဆုံဆွေးနွေးခဲ့ပါသည်။
ထိုသို့တွေ့ဆုံဆွေးနွေးရာတွင် “ ရာပြည့် ” မုန့်မျိုးစုံရောင်းဝယ်ရေးလုပ်ငန်းရှင် ဒေါ်ရီမြင့်မှ ယခုလအတွင်း၌ ကိတ်မုန့်၊ပေါင်မုန့်နှစ်မျိုးကိုသာ ထုတ်လုပ်ရောင်းချလျက်ရှိပြီး ဖောက်သည်ဈေး (၈၀၀ ) ကျပ်မှ ( ၁၆၀၀ ) ကျပ် တန် ဈေးနှုန်းဖြင့် ရောင်းချလျက်ရှိပါသည်။ လုပ်သားအင်အား ( ၁၃ ) ဉီး ဖြင့် လုပ်ကိုင်ဆောင်ရွက်လျက်ရှိပြီး လစာနှုန်းထားများအနေဖြင့် ( ၅၀၀၀၀ ) ကျပ်မှ (၃၀၀၀၀၀) ကျပ် ခန့် ငှါးရမ်းသုံးစွဲခဲ့ပါသည်။ လုပ်ငန်းဆောင်ရွက်ရမှုအနေဖြင့် စားဝတ်နေရေးအတွက် ပုံမှန်အနေအထားသာ လုပ်ကိုင်ဆောင်ရွက်လျက်ရှိပြီး မုန့်လုပ်ရန်အတွက် ကုန်ကြမ်းပစ္စည်းများမှာ ဂျုံ(40KG)တစ်အိတ်လျှင် (၁၁၀၀၀၀) ကျပ်၊ စားဆီ ( ၁၀ )ပိဿာဝင်တစ်ပုံး ( ၇၈၀၀၀ )ကျပ်၊ သကြားအချိန် ( ၃၀ ) ပါ တစ်အိတ် လျှင် ( ၉၆၀၀၀ ) ကျပ်၊ ကြက်ဥတစ်ပိဿာ ( ၆၇၀၀ ) ကျပ်ပေး၍ လုပ်ငန်းအတွက် ဝယ်ယူအသုံးပြုဆောင်ရွက်လျက်ရှိပြီး လျှပ်စစ်မီး အချိန်ပြည့်ရရှိမှုမရှိသဖြင့် ဒီဇယ်၊ ဂက်(စ်)များကို အသုံးပြု၍ လုပ်ကိုင်ရသည့်အတွက် ကုန်ကျစရိတ်များမှာ ယခင်ကထက်နှစ်ဆခန့် ကုန်ကျမှုများ ရှိပါကြောင်း လုပ်ငန်းရှင် ဒေါ်ရီမြင့်မှ ဆွေးနွေးပြောကြားခဲ့ပါသည်။
ထိုနောက် စားသုံးသူရေးရာဉီးစီးဌာန၊ ဒေါ်စန္ဒာမွန် (ဒု-ဉီးစီးမှူး)မှ မုန့်များပြုလုပ် ထုတ်ပိုးရာတွင် လက်အိတ်များအသုံးပြု၍ ထုပ်ပိုးမှုများပြုလုပ်ရန်နှင့် မုန့်ဖုတ်သည့် မုန့်ဖိုများအတွင်း သန့်ရှင်းသပ်ရပ်စွာ ကိုင်တွယ်အသုံးပြုလုပ်ကိုင်ရန်နှင့် ဓာတုဆေးဝါး များအသုံးပြုခြင်း လျော့ပါးအောင် ပြုလုပ်ခြင်းဖြင့် ပြည်သူများ၏ ကျန်းမာရေးအတွက် အထောက်အကူပြုနိုင်သည့် နည်းလမ်းများကိုးအသုံးပြု၍ ပြုလုပ်ရောင်းချရန် ဆွေးနွေးပြောကြားခဲ့ကြောင်း သတင်းရရှိရပါသည်။
DOCA(စစ်ကိုင်း)