ဘိုကလေးမြို့နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံနှင့်ဝန်ထမ်းတို့သည် (၁၈.၄.၂၀၂၃)ရက်နေ့၊ နေ့လယ်(၁၄:၀၀)နာရီအချိန်တွင် ဘိုကလေးမြို့နယ်တာဝန်ခံရုံး၌ စားသုံးဆီရောင်းချသူလုပ်ငန်းရှင်(၇)ဦးတို့အား စားသုံးသူကာကွယ်ရေး အသိပညာပေးဆောင်ရွက် ခဲ့ပါသည်။
ထိုဟောပြောပွဲတွင် မြို့နယ်တာဝန်ခံက တက်ရောက်လာသူ စားသုံးဆီလုပ်ငန်းရှင်များအား မြို့နယ်အနေဖြင့် (ယာယီ) အသင်းဖွဲ့စည်းပေးခဲ့ကြောင်း၊ စားသုံးသူကာကွယ်ရေးဥပဒေအရ အခန်း(၁၀)ပါ စီးပွားရေးလုပ်ငန်းရှင်များအကြောင်း၊ အခန်း(၁၈)ပါ ကုန်အညွှန်းအမှတ် အသားဖော်ပြချက်နှင့်စပ်လျဉ်းပြီး ဈေးကွက်တွင် ကျယ်ကျယ်ပြန့်ပြန့် ပါရှိနေပြီဖြစ်ကြောင်း၊ ကုန်စည်/ ဝန်ဆောင်မှုများကြောင့် စားသုံးသူများနစ်နာဆုံးရှုံးမှုများ ရှိလာပါက ရှင်းလင်းခွင့်၊ တိုင်ကြားခွင့်များအား စားသုံးသူရေးရာဦးစီးဌာနတွင် စင်တာများ ဖွင့်လှစ်၍ တိုင်ကြားမှုများအား လက်ခံပါကြောင်း၊ နေပြည်တော်၊ တိုင်း/ ခရိုင်များတွင် တိုင်ကြားနိုင်ကြောင်းနှင့် Call Center 1535 မှတစ်ဆင့်လည်း တိုင်ကြားနိုင်ကြောင်းအချက်များကို ထည့်သွင်းဆွေးနွေးအသိပညာပေးခဲ့ကြောင်း သတင်းရရှိပါသည်။
DOCA(ဧရာဝတီ)