စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မင်းဘူးခရိုင်၊ ပွင့်ဖြူမြို့နယ်တာဝန်ခံ (ဒု-ဦးစီးမှူး) ဒေါ်ဌေးဌေးဝင်းသည် (၂၅.၄.၂၀၂၃)နေ့ နံနက် (၁၀:၀၀)နာရီ အချိန်တွင် ပွင့်ဖြူမြို့ပေါ်ရှိ စက်သုံးဆီရောင်းချနေသော ဆီဆိုင်(၃)ဆိုင်အား မင်းဘူးခရိုင် ဦးစီးမှူးရုံးမှ ဝန်ထမ်းများနှင့်ပူးပေါင်း၍ သတ်မှတ်ထားသော အခြေခံရည်ညွှန်းလက်ကား ဈေးနှုန်းဖြင့် အမှန်တကယ်ရောင်းချမှု ရှိ/မရှိနှင့် အချင်အတွယ်များမှန်ကန်မှု ရှိ/မရှိအား ကွင်းဆင်းစစ်ဆေး ခြင်းဆောင်ရွက်ခဲ့ပါသည်။
မြို့နယ်တာဝန်ခံနှင့် ဝန်ထမ်းများအဖွဲ့သည် စက်သုံးဆီရောင်းချလျက်ရှိသော မြို့ပေါ်ရှိ “ရာစုသိန်း” စက်သုံးဆီဆိုင်၊ “Green Leaf” စက်သုံးဆီဆိုင်နှင့် “မင်းထက်ကြွယ်” စက်သုံးဆီ ဆိုင်ရှင်များအား သတ်မှတ်ထားသော အခြေခံရည်ညွှန်းဈေးဖြင့်ရောင်းချကြရန်၊ ဈေးနှုန်းများ ကိုလည်း အများပြည်သူများ သိရှိအောင် LED Board များတွင်ဖော်ပြပေးရန်၊ LED Board မရှိသော ဆိုင်များအား White Board ဖြင့် သိသာထင်ရှားစွာ နေ့စဉ်ရောင်းချသော ဈေးနှုန်းကိုဖော်ပြပေးရန်၊ အချင်အတွယ်အနေနှင့်လည်း (၁)လီတာ စံခွက်(သို့) (၂၀)လီတာ စံခွက်များထားရှိရန်နှင့် ဈေးနှုန်းများကို အများပြည်သူများမြင်သာအောင် ဖော်ပြပေးစေလိုပါကြောင်း၊ စက်သုံးဆီများကို ပေပါအလိုက်တဆင့်ပြန်လည် ရောင်းချမည့်သူများသို့ ရောင်းချခြင်းမပြုရန်၊ ဆီပြတ်လတ်မှုမရှိ စေရေးစီစဉ်ဆောင်ရွက်ထားရှိရန်၊ ရာသီဥတုပူပြင်းလာပြီဖြစ်၍ မီးဘေးအန္တရာယ် အထူးသတိပြု ဆောင်ရွက်ရန်၊ မီးသတ်ဆေးဗူးများထားရှိဆောင်ရွက်ရန်များကို အသေးစိတ်ရှင်းလင်းဆွေးနွေး ပြောကြားခဲ့ပါသည်။
DOCA(မကွေး)