မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်၊ မြို့မဈေး၌ ၂၀၂၃ခုနှစ်၊ မေလ ၁၇ ရက်နေ့တွင် ကျရောက်သည့် ကမ္ဘာ့ပတ်ဝန်းကျင်ထိန်းသိမ်းရေးနေ့အထိမ်းအမှတ် အသိပညာပေးလက်ကမ်းစာစောင်များ ဖြန့်ဝေခြင်းအခမ်းအနားတွင် စားသုံးသူကာကွယ်ရေးနှင့်စပ်လျဉ်း၍ အသိပညာပေးဆွေးနွေးခဲ့ပါသည်။
အဆိုပါ အသိပညာပေးလက်ကမ်းစာစောင်များဖြန့်ဝေခြင်းကို မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်ပတ်ဝန်းကျင်ထိန်းသိမ်းရေးဦးစီးဌာနနှင့် မြို့နယ်စားသုံးသူရေးရာဦးစီးဌာနတို့မှ ပူးပေါင်း၍ ချောက်မြို့မစျေးရှိ စျေးသည်များ နှင့် စျေးဝယ်သူများအား ဖြန့်ဝေပေးခဲ့ခြင်းဖြစ်ပါသည်။ စားသုံးသူရေးရာဦးစီးဌာနမှ ကုန်အညွှန်းအမှတ်အသားပြည့်စုံစွာ ဖော်ပြာထားခြင်းမရှိသော ကုန်ပစ္စည်းများအား ဝယ်ယူသုံးစွဲခြင်းမပြုရန်နှင့် စားသုံးသူကာကွယ်ရေးဥပဒေ(၂၀၁၉)၊ အခန်း(၁၈) ပါ ကုန်အညွှန်းအမှတ်အသားများတွင် ပြည့်စုံပါဝင်ရမည့်အချက်များပါဝင်သော အသိပညာပေးလက်ကမ်းစာစောင်များ၊ ပတ်ဝန်းကျင်ထိန်းသိမ်းရေးဦးစီးဌာနမှ ကာဗွန်ထုတ်လုပ်မှုလျော့နည်းစေရန် “နေအိမ်” တွင် ရိုးရှင်းစွာ လိုက်နာကျင့်သုံးနိုင်မည့် နည်းလမ်း(၁၀)ခု၊ ကာဗွန်ထွက်ရှိမှုလျှော့ချရန်နှင့် ပတ်ဝန်းကျင်ထိန်းသိမ်းရေးအတွက် လုပ်ငန်းခွင်အတွင်း လိုက်နာကျင့်သုံးနိုင်သည့် အချက်(၁၀)ချက်ပါ အသိပညာပေးလက်ကမ်း စာစောင်များ ဖြန့်ဝေပေးခဲ့ကြောင်း သိရှိရပါသည်။
DOCA(မကွေး)