ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊ မော်ကျွန်းမြို့နယ်၊ တာဝန်ခံ ဦးမင်းဇော်လတ်သည် မြို့နယ်ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၁၂.၅.၂၀၂၃)ရက်နေ့၊ နံနက်(၁၁:၀၀)နာရီတွင် မော်ကျွန်းမြို့နယ် ဆေးဆိုင်(၁၀)ဆိုင်အား တရားမဝင်တင်သွင်းလာသော ဆေးများရောင်းချခြင်းရှိ/မရှိကို ကွင်းဆင်းစစ်ဆေးခြင်း ဆောင်ရွက်ခဲ့ပါသည်။
ထိုသို့ကွင်းဆင်းဆောင်ရွက်ရာတွင် မြို့နယ်တာဝန်ခံက မြို့မဈေးအတွင်း/အပြင်ရှိ ရောင်းချနေသော အိမ်သုံးဆေးဆိုင်များတွင် တရားမဝင်တင်သွင်းလာသော Aung Lay အမည်ဖြင့် မျက်စဉ်းဆေးများ၊ မျက်ကပ်မှန်များ ရောင်းချနေခြင်း ရှိ/မရှိအား စစ်ဆေးခဲ့ပြီး ရောင်းချခြင်းမပြုရန်ဖြစ်ကြောင်း သက်တမ်းလွန်ဆေးဝါးများနှင့် လိုင်စင်မဲ့ဆေးဝါးများ ဈေးကွက်အတွင်း စစ်ဆေးတွေ့ရှိပါက အရေးကြီးကုန်စည်နှင့်ဝန်ဆောင်မှုဥပဒေများအရ အရေးယူဆောင်ရွက်သွားမည်ဖြစ်ကြောင်းနှင့် သက်ဆိုင်ရာဌာနများ၏ ညွှန်ကြားချက်များ၊ဥပဒေများ လိုက်နာဆောင်ရွက်ကြရန်ဖြစ်ကြောင်း အသိပေးစစ်ဆေးခဲ့ကြောင်း သိရှိရပါသည်။
DOCA(ဧရာဝတီ)