မကွေး/ချောက်ခရိုင်အတွင်းရှိ မြို့နယ်တာဝန်ခံများသည် ဆေးနှင့်ဆေးပစ္စည်း အရောင်းဆိုင်များအားကွင်းဆင်းစိစစ်ခြင်း

    ဆိုရှယ်မီဒီယာ Facebook အသုံးပြု၍ “*******” အမည်ဖြင့် Account မှ မျက်စိအားဆေး (ဖြည့်စွက်စာ)အဖြစ် LUTEIN ESTER BLUEBERRY SALT ALGA ဆေး၊ LB အမှတ်တံဆိပ်ပါ Lutein Billberry Plus ဆေးနှင့် အရောင်ခွဲခြားနိုင်မှုမရှိသူများ (Colour Blind) အတွက် ကုန်အညွှန်း အမှတ်အသားမပါရှိသည့် မျက်ကပ်မှန်များနှင့် အရည်အသွေးနိမ့် မျက်မှန်များအပါအဝင် အခြားသော မျက်စိဆေးများကို “မျက်စိကျန်းမာရေးနှင့်ရောဂါ၊ မျက်စိကျန်းမာရေးနှင့်ရောဂါ(၁)၊ မျက်စိ ကျန်းမာရေးနှင့်ရောဂါ(၂)၊ မျက်စိကျန်းမာရေးနှင့်ရောဂါ(၃)နှင့် မျက်စိကျန်းမာရေး နှင့်ရောဂါ-ပရဟိတအသင်း” စသည့်အမည်များဖြင့် Facebook Page များ ဖွင့်လှစ်ပြီး Online ပေါ်တွင် ရောင်းချနေကြောင်းနှင့် ထိုသို့ရောင်းချနေသည့် ဆေးများတွင် ပြည်တွင်းရှိ ပုံနှိပ်တိုက်တစ်ခုမှ ဘူးခွံများ Printing လုပ်ထားသော ဆေးများပါရှိခြင်း၊ မြန်မာနိုင်ငံ အစားအသောက်နှင့်ဆေးဝါးကွပ်ကဲရေး ဦးစီးဌာနမှ ထုတ်ပေးသည့် ထောက်ခံချက်များနှင့် စားသုံးသူကာကွယ်ရေးဥပဒေ ၂၀၁၉ အခန်း(၁၈) တွင် ဖော်ပြထားသည့် ကုန်အညွှန်းအမှတ်အသားဖော်ပြရာတွင် ပြည့်စုံရမည့်အချက်အလက်များ မပါဝင်ခြင်းကြောင့် စားသုံးသူများနစ်နာနိုင်ပါသဖြင့် စျေးကွက်အတွင်း ရောင်းချမှု ရှိ/ မရှိ ကွင်းဆင်း စစ်ဆေးခြင်းဆောင်ရွက်ခဲ့ပါသည်။

        ထိုသို့ စိစစ်ခြင်းကို မကွေး/ချောက်ခရိုင်အတွင်းရှိ မကွေး၊ တောင်တွင်းကြီး၊ နတ်မောက်၊ မြို့သစ်၊ ရေနံချောင်းမြို့နယ်တာဝန်ခံများသည် (၁၂.၅.၂၀၂၃) ရက်နေ့တွင် ဆေးနှင့် ဆေးပစ္စည်း အရောင်းဆိုင် (၂၈)ဆိုင်အား ကွင်းဆင်းစိစစ်ခဲ့ရာ LUTEIN ESTER BLUEBERRY SALT ALGA ဆေး၊ LB အမှတ် တံဆိပ်ပါ Lutein Billberry Plus ဆေးနှင့် အရောင်ခွဲခြားနိုင်မှုမရှိသူများ (Colour Blind) အတွက် ကုန်အညွှန်းအမှတ်အသား မပါရှိသည့် မျက်ကပ်မှန်များ၊ အရည်အသွေးနိမ့်မျက်မှန်များ ရောင်းချမှုမရှိကြောင်း၊ တရားဝင်တင်သွင်းသော ဆေးနှင့် ဆေးပစ္စည်းကုမ္ပဏီများမှသာ ဝယ်ယူ ရောင်းချကြောင်း Online မှ ရောင်းချသော ဆေးနှင့်ဆေးပစ္စည်းများအား တစ်ဆင့်ဝယ်ယူရောင်းချမှုမရှိကြောင်း စိစစ်တွေ့ရှိရပါသည်။

DOCA(မကွေး)