သတင်းနှင့် လှုပ်ရှားမှုများ

  ပန်းတနော်မြို့နယ် အထွေထွေအုပ်ချုပ် ရေးဦးစီးဌာန၊ အစည်းအဝေးခန်းမတွင် ပန်းတနော် ဆန်စက်ပိုင်ရှင်နှင့် ဆန်ကုန်သည် လုပ်ငန်းရှင်အသင်း ကိုဖိတ်ကြား၍ မြို့နယ်စည်ပင်သာယာ ရေးအဖွဲ့နှင့်အတူ ကုန်ဈေးနှုန်းတည်ငြိမ်ကျ ဆင်းရေးနှင့် စားသုံးသူကာကွယ်ရေး လုပ်ငန်းရှင် လိုက်နာရ မည့်တာဝန်များ အကြောင်းကို ၂၀၂၆ခုနှစ်၊စက်တင်ဘာလ ၂ရက်နေ့ နံနက် (၁၁၀၀) အချိန်တွင် အသိပညာပေး ဆွေးနွေးခဲ့ကြသည်။

            မြို့နယ်စည်ပင်သာယာရေးအဖွဲ့မှ တာဝန်ရှိသူက တက်ရောက်လာသော လုပ်ငန်းရှင်များကို အသိပညာပေး ပြောကြားရာတွင် ဆန်စက်နှင့် ဆန်အရောင်းဆိုင်ရှင်များ စည်ပင်သာယာနယ်နမိတ်အတွင်း လုပ်ငန်းရှင် များလုပ်ငန်းလိုင်စင်များ၊ ခွင့်ပြုချက်လုပ်ငန်းလိုင်စင်များ ကိုင်ဆောင်ထားကြရန်၊ ပူးပေါင်းစစ် ဆေးရေးအဖွဲ့မှ ကွင်းဆင်းစစဆေးသည့်အခါ လုပ်ငန်းလိုင်စင်ပြသနိုင်ခြင်းမရှိပါက လုပ်ငန်းလိုင်စင် ပယ်ဖျက်သည်အထိ အရေးယူဆောင်ရွက်နိုင်ကြောင်း တက်ရောက်လာသူများ သိရှိလိုသည့်ကိစ္စရပ်များကို မေးမြန်းနိုင်ကြောင်း ဆွေးနွေးခဲ့သည်။

            ဆက်လက်၍ ပန်းတနော်မြို့နယ်တာဝန်ခံ ဦးအောင်ကျော်သက်က ဆက်လက်ဟောပြောဆွေးနွေးရာ ရပ်ကွက်များ၊ ဈေးများနှင့် မြို့ရွာများအတွင်း ဖွင့်လှစ်သည့် လက်လီဆန်ဆိုင်များအား သတ်မှတ်ရည်ညွှန်း ဈေးများနှင့်အညီ ရောင်းချရန် ပစ္စည်းမှန်၊ ဈေးနှုန်းမှန်၊ အလေး ချိန်မှန်၊ အရည်အသွေးမှန်၊ အရောင်း အဝယ်မှန်စွာဖြင့် ရောင်းချရန်၊  လက်ကားပွဲရုံများ၊ ဆန်စက်များနှင့် ကုန်စည်ဒိုင်များထံမှ သတ်မှတ်ရည် ညွှန်းဈေးများနှင့် ကုန်စည်ရရှိမှု မရှိခြင်း၊ အရည်အသွေး လျော့နည်းသော ပစ္စည်းများ သာဝယ်ယူရရှိပါက စားသုံးသူရေးရာဦးစီးဌာနနှင့် မြန်မာနိုင်ငံ ဆန်စပါး အသင်းချုပ်သို့ ဆက်သွယ် တိုင်ကြားနိုင်ကြောင်း၊ စားသုံးသူအခွင့်အရေး ထိခိုက်နာစ်နာ ဆုံးရှုံးမှု အတွက် စားသုံးသူကာ ကွယ်ရေး ဥပဒေအရ စားသုံးသူအကျိုးစီးပွားကို ကာကွယ်ပေး သွားမည်ဖြစ်ကြောင်း၊ မိမိတို့ဒေသတွင်း လုပ်ငန်းရှင်၊ အစိုးရဌာန၊ ပုဂ္ဂလိက ပူးပေါင်း ဆောင်ရွက် ရန်လိုအပ်ပါကြောင်း၊ ဆန်ဆိုင်နှင့် သိုလှောင်ရုံ လုပ်ငန်း ရှင်များ ကလည်း ရောင်းချမှု လုပ်ငန်းလိုင်စင်၊နှင့် သိုလှေင်ရုံမှတ်ပုံတင်မှုလုပ်ငန်းများကို လုပ်ဆောင် ထားရန်နှင့် ကုန်ဈေးနှုန်း တည်ငြိမ် ကျဆင်းရေး အဖွဲ့မှလိုက်လံစစ်ဆေးသည့်အခါ လိုက်နာမှုမရှိ ကြောင်း စစ်ဆေး တွေ့ရှိရ ပါက တည်ဆဲ ဥပဒေ များအရ အရေးယူခံရနိုင်ကြောင်းကို လုပ်ငန်းရှင်များ သိရှိနိုင်စေရန် အသိပညာပေးဟော ပြောခဲ့ကြောင်း သိရပါသည်။

DOCA(ဧရာဝတီ)

        စားသုံးသူများအနေဖြင့် မိမိတို့၏ အခွင့်အရေးနှင့် တာဝန်များကို သိရှိနားလည်စေရေး၊ ကုန်စည်နှင့် ဝန်ဆောင်မှုများကို မှန်ကန်စွာရွေးချယ်သုံးစွဲတတ်စေရေး ရည်ရွယ်၍ ၂၀၂၆ ခုနှစ် စက်တင်ဘာလ ၂ ရက်နေ့ တွင် မအူပင်မြို့နယ် မအူပင်တက္ကသိုလ်၌ စားသုံးသူအသိပညာပေးဟောပြောပွဲကို မိတ်ဖက်အဖွဲ့ အစည်းများ ဖြစ်သော ကျန်းမာရေးဦးစီးဌာန၊ FDA တို့ နှင့် စားသုံးသူရေးရာဦးစီးဌာနတို့ ပူးပေါင်း၍ ဆောင် ရွက်ခဲ့ကြောင်း သိရသည်။

        အဆိုပါ အသိပညာပေးဟောပြောပွဲတွင် စားသုံးသူရေးရာဦးစီးဌာနက ဦးအောင်ဇော်ဦး ဦးစီးအရာရှိက နေစားသုံးသူကာကွယ်ရေးဆိုင်ရာ သိကောင်းစရာများ၊ စားသုံးသူများ၏ အခြေခံအခွင့်အရေးနှင့် တာဝန်များကို ရှင်းလင်းခြင်း၊ ကုန်ပစ္စည်းများဝယ်ယူသုံးစွဲခြင်း မပြုမီ သတိပြုရမည့်အချက်များ၊ နေ့စဉ်ဝယ်ယူသုံးစွဲသည့် ကုန်ပစ္စည်းများအပေါ်ပေးထားသော ဝန်ဆောင်မှုများ အပြည့်အဝရရှိစေရေးကိုလည်းကောင်း၊ ကုန်ပစ္စည်း (သို့)ဝန်ဆောင်မှုများ ဝယ်ယူရာ တွင် နစ်နာဆုံးရှုံးမှုများရှိပါက စားသုံးသူသတင်းပြန်ကြားရေးနှင့် တိုင်ကြားမှု လက်ခံဆောင်ရွက်ရေး ဌာနသို့ လူကိုယ်တိုင်ဖြစ်စေ၊ ဖုန်းဖြင့်ဖြစ်စေ၊ Websiteမှဖြစ်စေ၊ Doca Myanmar application များမှဖြစ်စေ ဆက်သွယ်တိုင်ကြား နိုင်ပါကြောင်း၊ MPT၊  Atom၊ Mytel ဆင်းကဒ် များဖြင့်လည်း ၁၅၃၅ နံပါတ်များသို့ ခေါ်ဆို၍ ကုန်စည်(သို့) ဝန်ဆောင်မှုနှင့် စပ်လျဉ်း၍ သိရှိလိုသည်များ မေးမြန်းခြင်း၊ နစ်နာဆုံးရှုံးမှုများအတွက် တိုင်ကြားခြင်းများပြုလုပ်နိုင်ကြောင်း အကျယ်တဝင့် ရှင်းလင်း ဆွေးနွေး ခဲ့ပြီး ကြောင်း တက်ရောက်သူ တက္ကသိုယ်ကျောင်းသား၊ ကျောင်းသူများမှလည်း သိရှိလိုသည်များ မေးမြန်းမှု ကို ပြန်လည်ဖြေကြားဆွေးနွေးပေးခဲ့ကြောင်း သိရသည်။

       အဆိုပါ စားသုံးသူအသိပညာပေးဟောပြောပွဲသို့ ဆရာ/ဆရာမ (၂၅) ဦး၊ ကျောင်းသား/ကျောင်းသူ (၃၉၀) ဦး စုစုပေါင်း (၄၁၅) ဦး တက်ရောက်ခဲ့ကြောင်းသိရသည်။

DOCA(ဧရာဝတီ)

        စားသုံးသူရေးရာဦးစီးဌာန၊ မြန်အောင်ခရိုင် ကြံခင်းမြို့နယ်တာဝန်ခံသည် (၂-၉-၂၀၂၆) ရက်နေ့၊ နံနက်(၁၀:၀၀) နာရီအချိန်တွင် ကြံခင်းမြို့၊ မင်းသီရိ(၂)၊ မြို့မရပ်ကွက်ရှိ "KK"ငါးပိကြော် ၊ငံပြာရည်ကျော်လုပ်ငန်းရှင် ဦးရဲမင်းသူနေအိမ်တွင် စားသောက်ကုန်လုပ်ငန်းရှင်များနှင့်တွေ့ဆုံ၍ စားသုံးသူကာကွယ်ရေးဆိုင်ရာ ကုန်အညွှန်းအမှတ်အသားဖော်ပြခြင်း၊ ဈေးကွက်မရောက်မီ ထုတ် ကုန်လုံခြုံစိတ်ချရမှုရှိစေရေး တွေ့ဆုံဆွေးနွေးခြင်းကို ဆောင်ရွက်ခဲ့ ပါသည်။

        အဆိုပါဆွေးနွေးပွဲတွင် မြို့နယ်တာဝန်ခံ ဦးကျော်နိုင်ဝင်းက စားသုံးကာကွယ်ရေးဥပဒေပါစီးပွားရေးလုပ်ငန်းရှင်၏တာဝန်များအကြောင်း၊ ကုန်အညွှန်းအမှတ်အသားအဓိပ္ပာယ်ဖွင့်ဆိုချက်၊ ကုန်အညွှန်း အမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁) ပုဒ်မခွဲ (ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့်အခြား ဘာသာတစ်ခု(သို့မဟုတ်)တစ်ခုထက်ပို၍ တွဲလျက်ဖြစ်စေ ရေးသားဖော်ပြ ရမည့်အကြောင်း၊ ကုန်စည် (သို့မဟုတ်) ဝန်ဆောင်မှုကို ဝယ်ယူအသုံးပြုခြင်းကြောင့် ဖြစ်ပေါ်လာ သည့် နစ်နာဆုံးရှုံးမှုများနှင့် စပ်လျဉ်း၍ ကုစားခွင့်ရရှိခြင်းများအကြောင်း၊ ပြစ်မှုနှင့်ပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ကြောင်းသိရှိရပါသည်။

 (DOCA ဧရာဝတီ)

       စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည်(၃-၉-၂၀၂၆)ရက်နေ့၊ နေ့လည် (၁၃:၀၀)နာရီအချိန်တွင် သက်ဆိုင်ရာဌာနဆိုင်ရာများနှင့်ပူးပေါင်း၍ ဟင်္သာတမြို့နယ်အတွင်း ဓမ္မီ တိုက်နယ်၊ သဲဖြူကျေးရွာအုပ်စု၊ ထိန်ကုန်းကျော်ကျေးရွာရှိ အိမ်ထောင်စုများအား ဆီဝယ်ယူခွင့် စာအုပ်ဖြင့် လက်လီကိုယ်စားလှယ်မှ ဆီရောင်းချမူကို ဈေးနူန်းမှန်ကန်စွာ ရောင်းချမူရှိ/မရှိ၊ အလေး ချိန်မှန်ကန်မူရှိ/မရှိ၊ အိမ်ထောင်စုများ ဆီရရှိမူ အခြေအနေများအား ကွင်းဆင်းစစ်ဆေးခြင်းကို ဆောင်ရွက်ခဲ့ပါသည်။

        ထိုသို့စစ်ဆေးခဲ့ရာတွင် ဟင်္သာတမြို့နယ်အတွင်း စားအုန်းဆီဖြန့်ဖြူးရောင်းချမှုနှင့် ပတ် သက်၍ သတ်မှတ်ရည်ညွှန်းဈေးအတိုင်းရောင်းချမှု ရှိ/မရှိ၊ ပြည်သူများလက်ဝယ်သို့ အမှန်တစ် ကယ် ရောက် ရှိခြင်း ရှိ/မရှိ စစ်ဆေးခဲ့ပြီး၊ ဆီအရောင်း စာအုပ်များနှင့် စျေးနှုန်းမှန်ကန်စွာ ရောင်းချရေး အရေအတွက် အချင်အတွယ် မှန်ကန်စွာ ရောင်းချပေးရေး၊ ဆီစာအုပ်ဖြင့် ရောင်းချထားမှု အခြေ အနေများအား ပြည်သူများနှင့်တွေ့ဆုံ၍ ဆီရရှိမှု အခြေအနေများအား မေးမြန်းစိစစ်ခဲ့ကြောင်း၊ ဟင်္သာတမြို့ ရပ်ကွက် /ကျေးရွာများရှိ လက်လီ/လက်ကားစားအုန်းဆီရောင်းချသည့် ကုန်မျိုးစုံဆိုင် များအား အိမ်ထောင်စု အလိုက် ဆီရောင်းချမှုအပေါ် မသမာသောနည်းလမ်းများသုံး၍ ရောင်းချမှု မရှိစေရေး၊အပတ်စဥ် ရောင်းချနေမှုအခြေအနေ၊ ရရှိမှုအခြေအနေများအား မြေပြင်ကွင်းဆင်း စစ်ဆေးခြင်းများ‌ဆောင်ရွက်ခဲ့ကြောင်း သိရှိရပါသည်။

(DOCA ဧရာဝတီ)

             ကျောက်ပန်းတောင်းမြို့နယ်ရှိ စက်သုံးဆီအရောင်းဆိုင်(၃၂)ဆိုင်မှ စက်သုံးဆီများကို နေ့စဉ် ပုံမှန်ဖွင့်လှစ်ရောင်းချလျက်ရှိရာ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီ ဥက္ကဌ မှ ဦးဆောင်၍ မိတ်ဖက်ဌာနများဖြစ်သော မြန်မာနိုင်ငံရဲတပ်ဖွဲ့၊ စီမံကိန်းရေးဆွဲရေးဦးစီးဌာန၊ ပြည်တွင်းအခွန်များဦးစီးဌာန၊ စားသုံးသူရေးရာဦးစီးဌာနနှင့်မြို့နယ်စည်ပင်သာယာရေးအဖွဲ့များဖြင့် မြို့ပေါ်ရှိ စက်သုံးဆီ ဆိုင်များသို့ (၁၁.၉.၂၀၂၆)ရက်နေ့၊ နံနက် ၀၉:၀၀ နာရီတွင် ကွင်းဆင်းစစ်ဆေးခဲ့ပါသည်။

            စက်သုံးဆီတင်သွင်းသိုလှောင်ဖြန့်ဖြူးခြင်းကြီးကြပ်ရေးကော်မတီမှ ၁၁.၉.၂၀၂၆ ရက်နေ့တွင် ထုတ်ပြန်ထားသည့် စက်သုံးဆီတစ်လီတာ၏ သတ်မှတ်ရည်ညွှန်းဈေးမှာ 92 Octance (၃၉၈၀)ကျပ်၊ 95 Octance(၄၁၀၅)ကျပ်၊ ရိုးရိုးဒီဇယ်(၄၃၀၀)ကျပ်၊ ပရီမီယမ်ဒီဇယ်(၅၂၀၅)ကျပ် ဖြစ်ကြောင်း  သိရှိရသည်။ သတ်မှတ်ရည်ညွှန်း ဈေးများသည် ယခင်အပတ်နှင့်နှိုင်းယှဉ်ပါက 92 Octance တစ်လီတာလျှင် (၁၁၅)ကျပ်၊ 95 Octance တစ်လီတာလျှင်(၁၃၅)ကျပ်များတက်ခဲ့ပြီး ရိုးရိုး ဒီဇယ် တစ်လီတာလျှင် (၈၅)ကျပ်၊ ပရီမီယမ်ဒီဇယ်တစ်လီတာလျှင်(၉၀) ကျပ် ဈေးနှုန်းများကျဆင်းခဲ့ကြောင်း သိရှိရသည်။မြို့ပေါ်ရှိ စက်သုံးဆီ အရောင်းဆိုင်များကို စက်သုံးဆီပြတ်လပ်မှုမရှိစေရေး၊ အရည်အသွေး၊ စံချိန်စံညွှန်းပြည့်မီစေရေး၊ ဈေးနှုန်းမှန်ကန်စွာဖြန့်ဖြူးရောင်းချမှုရှိစေရေး၊ ဈေးနှုန်းတည်ငြိမ်စေရေး၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်းများမပြုလုပ်ကြရန် စသည်တို့ကို ဆွေးနွေးပြော ကြားခဲ့ကြသည်။

DOCA(မန္တလေး)