သတင်းနှင့် လှုပ်ရှားမှုများ

          ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ် ဆန်စပါးအား အဓိကထုတ်လုပ်ပြီး အခြားတိုင်းဒေသကြီးသို့ ဆန်/စပါး တင်ပိုရောင်းချခြင်းလုပ်ငန်းများ ဆောင်ရွက်လျှက်ရှိရာ ၂၀၂၆ခုနှစ်၊ ဇွန်လ (၁၄)ရက်နေ့၊ ညနေ ‌(၁၅:၃၀)နာရီအချိန်တွင် Wilmar Myanmar ပေါင်းဆန်စက်ရုံမှ ရန်ကုန်တိုင်းသီလဝါသို့ တင်ပို့မည့် စပါးတင်ထားသော ရေယာဉ်(၁)စီးအား ကွင်းဆင်းစစ်ဆေးခဲ့ကြောင်း သိရသည်။

      အဆိုပါကွင်းဆင်းစစ်ဆေးခြင်းကို ခရိုင်/မြို့နယ် စီမံခန့်ခွဲရေးနှင့် အုပ်ချုပ်ရေးကောမတီ၊ ခရိုင်/ မြို့နယ် စားသုံးသူရေးရာဦးစီးဌာန၊ လ.ဝ.ကဦးစီးဌာန၊ မီးသတ်ဦးစီးဌာန၊ ဆန်စက်လုပ်ငန်းရှင် အသင်းတို့ပါဝင်သော ပူးပေါင်းအဖွဲ့သည် Wilmar Myanmar ပေါင်းဆန်စက်ရုံမှ သီလဝါသို့ ကုန်တင်ကားဖြင့် စပါးတန်ချိန် (၆၅) တန် တင်ဆောင်ထားရှိမှုအား စစ်ဆေးဆောင်ရွက်ခြင်းနှင့် စပါးများသယ်ဆောင်ရာတွင် ကန့်သတ်ကုန် ပစ္စည်းများသယ်ဆောင်ခြင်းမရှိစေရေးနှင့် တရာဥပဒေနှင့် အညီ ညီညွတ်မှုမရှိသည့် ကိစ္စရပ်များဖြစ်ပွားမှု မရှိစေရေး ကွင်းဆင်းစစ်ဆေးဆောင်ရွက်ခဲ့ပြီး ထွက်ခွာခွင့်ပြုခဲ့ပါကြောင်း သတင်းရရှိခဲ့ပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊  မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူး ဦးဝေဠုအောင်သည်(၁၀.၆.၂၀၂၆)ရက်နေ့၊ နေ့လယ်(၁၅:၀၀)နာရီ အချိန်တွင် ပခုက္ကူခရိုင်ဦးစီးမှူးရုံး၊ အစည်းအဝေးခန်းမ၌ ပခုက္ကူမြို့ပေါ်ရှိ စားအုန်းဆီလက်လီ/လက်ကားရောင်းချသော  ကိုယ်စားလှယ် များ နှင့် စားအုန်းဆီရောင်းချ ဖြန့်ဖြူးမှုနှင့်စပ်လျဉ်း၍ အစည်းအဝေးပြုလုပ်ခဲ့ပါသည်။

       အဆိုပါ လုပ်ငန်းညှိနှိုင်းအစည်းအဝေးတွင် စားအုန်းဆီရောင်းချသော ကိုယ်စားလှယ်များအား  စားသုံးသူပြည်သူများသို့ ဆီဖြန့်ဖြူးရောင်းချသည့် စည်းကမ်းသတ်မှတ်ချက်များ၊ ပြည်သူလက်ဝယ် ရောက်ရှိနိုင်ရေး ကြီးကြပ်ဆောင်ရွက်ရန်၊ စားအုန်းဆီ လက်လီ/ လက်ကားဖြန့်ဖြူးရောင်းချရာတွင် သတ်မှတ်ထားသော ရည်ညွှန်းဈေးထက် ဈေးနှုန်းမြှင့်တင်ရောင်းချခြင်းမရှိစေရန်၊ အိမ်ထောင်စု များသို့ ကျယ်ကျယ်ပြန့်ပြန့်လွှမ်းခြုံမှု အားကောင်းစေရန် ၊ သတ်မှတ်ကာလအတွင်း ရောင်းချရမည့် ပမာဏကို ဈေးနှုန်းမှန်ကန်စွာဖြင့် အရည်အသွေး၊ အလေးချိန်ပြည့်ဝစွာ ဖြန့်ဖြူးရောင်းချရန် ၊ သတ်မှတ်ထားသော မှန်(၆)မှန်ဖြင့် ရောင်းချရန်လိုအပ်ကြောင်း အသိပေးဆွေးနွေးခဲ့ပြီး လုပ်ငန်းရှင်(၉)ဦးတက်ရောက်ခဲ့ကြောင်း သတင်း ရရှိပါသည်။

DOCA(မကွေး)

         စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီး ဦးစီးမှူး၏ လမ်းညွှန်မှုဖြင့် လက်ထောက်ညွှန်ကြားရေးမှူးနှင့် ဝန်ထမ်းများသည် (၁၆.၆.၂၀၂၆ )ရက်နေ့၊နံနက်(၀၉:၃၀)အချိန် တွင် မကွေးမြို့ပေါ်ရှိ အွန်လိုင်းစနစ်ဖြင့်  Z & Z အလှကုန်ပစ္စည်းများရောင်းချသည့် လုပ်ငန်းရှင်အား ကုန်သွယ်ရေးဦးစီးဌာနသို့ အွန်လိုင်းမှတ်ပုံတင်လက်မှတ် လျှောက်ထားသည့် အချက်အလက်နှင့် မြေပြင်ကွင်းဆင်း စစ်ဆေးရာတွင် အချက်အလက်များ ကိုက်ညီမှု ရှိ/မရှိ ကွင်းဆင်းစစ်ဆေး ဆောင်ရွက်ခဲ့ကြောင်း သိရပါသည်။

          ထိုသို့ကွင်းဆင်းစစ်ဆေးရာတွင် အွန်လိုင်းမှတ်ပုံတင်လက်မှတ်လျှောက်ထားစဉ်က အချက် အလက်များနှင့် မြေပြင်ကွင်းဆင်းစစ်ဆေးခဲ့သည့် အချက်အလက်များမှာ ကိုက်ညီမှုရှိကြောင်း၊ အွန်လိုင်းစနစ်ဖြင့် ရောင်းချသည့် လုပ်ငန်းဆိုင်ရာ အမိန့်ကြော်ငြာစာများ၊ အွန်လိုင်းမှတ်ပုံတင် လက်မှတ်ရရှိထားသူ၏တာဝန်များ၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ တာဝန်များနှင့် ကုန်အညွှန်းအမှတ်အသားဖော်ပြချက်များ၊ အခြားသိကောင်းစရာများနှင့် စားသုံးသူ အခွင့်အရေးနှင့်တာဝန်များအကြောင်းကို ရှင်းလင်းဆွေးနွေးခဲ့ကြောင်း သိရှိရသည်။

DOCA(မကွေး)

            စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံးမှ ဝန်ထမ်း(၂)ဦးတို့သည် “ခရိုင်ဆန်သိုလှောင် ဈေးနှုန်းမြှင့်တင်ရောင်းချမှုများ စိစစ်ရေးလုပ်ငန်းအဖွဲ့”မှ အဖွဲ့ဝင်များဖြစ်သော  ခရိုင်အထူးစုံစမ်း စစ်ဆေးရေးလုပ်ငန်းဦးစီးဌာန၊ မြို့နယ်စည်ပင်သာယာ‌ရေးအဖွဲ့တို့မှ တာဝန်ရှိသူများနှင့်အတူ ၂၀၂၆ခုနှစ်၊ ဇွန်လ ၁၈ ရက်နေ့ နံနက်(၁၁း၀၀)နာရီအချိန်တွင် စစ်ကိုင်းမြို့၊ ချင်းစုရပ်ရှိ ”မြတ်နိုးအိမ်”နှင့် ရွာထောင်ရပ်ရှိ “သင်းသင်း” ဆန်အရောင်းဆိုင်သို့ကွင်းဆင်း၍ ဈေးနှုန်းဈေးကွက် အခြေအနေများ၊ စီးဝင်/စီးထွက်မှု အခြေအနေများ၊ သယ်ယူခနှုန်းထားများနှင့် ဈေးနှုန်းမြှင့်တင် ရောင်းချခြင်းအလို့ငှာ သိုလှောင်ခြင်း၊  ဖြန့်ဖြူးရောင်းချမှုများ ရှိ/မရှိကို ကွင်းဆင်းစစ်ဆေး ဆောင်ရွက်ခဲ့ကြောင်း၊ ထိုသို့ ဆောင်ရွက်ရာတွင် စားသုံးသူရေးရာဦးစီးဌာနမှ ဦးဆောင်သော ပူးပေါင်းအဖွဲ့သည်   ဈေးနှုန်းမြှင့်တင် ရောင်းချခြင်း၊ ဈေးနှုန်းမြှင့်တင်ရန် သိုလှောင်ထားခြင်းများ မပြုလုပ်ရန်၊ ဈေးကစားရန်ရည်ရွယ်ချက်ဖြင့် သိုလှောင်ထားခြင်းများရှိပါက အရေးကြီးဝန်ဆောင် မှုဥပဒေအရ အရေးယူမည်ဖြစ်ကြောင်း၊ ဆန်အိတ် (၅၀၀)နှင့်အထက် သိုလှောင်ထားရှိပါက သိုလှောင်ရုံ မှတ်ပုံတင် ပြုလုပ်ရမည်ဖြစ်ကြောင်း၊ စစ်ကိုင်းမြို့၊ ချင်းစုရပ်ရှိ ဆန်အရောင်းဆိုင်များ ဖြစ်သော ချင်းစုရပ်ရှိ “မြတ်နိုးအိမ်”နှင့် ရွာထောင်ရပ်ရှိ “သင်းသင်း” နှင့်ဆန်ဆိုင်များအနေဖြင့် ဆန်များကို ရွှေဘိုမြို့မှ အများဆုံး ဝယ်ယူရောင်းချကြောင်း၊ ရွှေဘိုမြို့သို့ သွားရောက်ဝယ်ယူ၍လည်းကောင်း၊ မိမိတို့ဆိုင်များသို့ အရောက်ပို့၍လည်းကောင်း ဝယ်ယူကြောင်း၊ ဝယ်ယူရာတွင် ရောင်းအားရှိသလောက် ဝယ်ယူကြောင်း၊ စစ်ကိုင်းမြို့ပေါ်ရှိ ပြည်သူများ ကြိုက်နှစ်သက်စွာ ဝယ်ယူသုံးစွဲမှု အများဆုံးဆန်မှာ ရွှေဘိုပေါ်ဆန်း၊ ဧရာမင်းနှင့် မနောသုခဆန်များကို အများဆုံးရောင်းချသည်ကို စိစစ်တွေ့ရှိရကြောင်း၊ ဆန်အမျိုးအစား အလိုက် (၂၄) ပြည်တစ်အိတ် ဈေးနှုန်းများမှာ ဆန်အမျိုးအစား၊ အရည်အသွေးအလိုက် ရွှေဘိုပေါ်ဆန်း (သစ်)(၂၀၀၀၀၀ မှ ၂၀၅၀၀၀)ကျပ်၊ ဧရာမင်း(သစ်)(၁၃၅၀၀၀ မှ ၁၄၅၀၀၀)ကျပ်၊မနောသုခ(ဟောင်း) (၁၀၅၀၀၀)ကျပ်နှင့် နောသုခ(သစ်)(၉၀၀၀၀)ကျပ်များဖြင့် အရောင်းအဝယ်ရှိကြောင်း သယ်ယူခနှုန်းထားများမှာ ရွှေဘိုမြို့မှ စစ်ကိုင်းမြို့သို့ ဆန်(၂၄)ပြည် တစ်အိတ်လျှင် (၅၀၀၀) ကျပ်မှ   (၇၀၀၀) ကျပ်ရှိကြောင်း ဆန်များကို သိုလှောင်ထားခြင်းမရှိဘဲ   လိုသလောက်သာ မှာယူရောင်းချသောကြောင့် ဆန်သိုလှောင်သော ဆန်ဂို ဒေါင်များမရှိပါကြောင်း၊ အရောင်းဆိုင်များတွင် ရောင်းအားရှိသလောက် ဝယ်ယူရောင်းချနေကြောင်း  သတင်းရရှိပါသည်။

DOCA(စစ်ကိုင်း)

         ( ၁၈.၆.၂၀၂၆ ) ရက်နေ့တွင် စစ်ကိုင်းတိုင်းဒေသကြီး၊ ကလေးခရိုင်ဦးစီးမှူးရုံးနယ် မြေအတွင်းရှိ ကလေးမြို့ပေါ်ရှိ ကုန်မျိုးစုံအရောင်းဆိုင် ( ၃ ) ဆိုင်နှင့် ဈေးကွက်မရောက်မီ စက်ရုံ/ အလုပ်ရုံ ( ၄ ) ရုံသို့ စားသုံးသူရေးရာဦးစီးဌာနမှ ဦးဆောင်၍ အသေးစားစက်မှုလက်မှုလုပ်ငန်း ဦးစီးဌာနတို့ ပူးပေါင်း၍ မြေပြင်ကွင်းဆင်းစစ်ဆေးကြပ်မတ်ခြင်းများ ဆောင်ရွက်ခဲ့ကြောင်း သိရသည်။

        စားသုံးသူရေးရာဦးစီးဌာန၊ ခရိုင်ဦးစီးမှူး ဒေါ်သန်းသန်းဝင်း ဦးစီးအရာရှိက  ကုန်အညွှန်းအမှတ်သားများကို မြန်မာဘာသာဖြင့်ဖော်ပြရာတွင် စားသုံးသူကာကွယ်ရေးဥပဒေ ပုဒ်မ ၃ အရ စီးပွားရေးလုပ်ငန်းရှင်သည် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်များတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာ တစ်ခု (သို့မဟုတ်) တစ်ခုထက်ပို၍ တွဲလျက်ဖြစ်စေ ဖော်ပြရမည့်အချက်များအတိုင်း ပြည့်စုံစွာဖော်ပြထားသည့် ကုန်စည်များကိုသာ ဈေးကွက်အတွင်းဖြန့်ဖြူးရောင်းချရန်နှင့် မပြည့်စုံသည့် ကုန်စည်များတွေ့ရှိ၍ လိုအပ်သည့် အချက်များကို ထပ်မံဖြည့်စွတ်၍ ရောင်းချရန်နှင့် ကုန်အညွန်းအမှတ်အသားများ ပြည့်စုံခြင်း ရှိ/ မရှိ ကို မိမိတို့ဌာနတွင် အခမဲ့ လာရောက်လျှောက်ထားနိုင်ကြောင်း လုပ်ငန်းရှင်များအား ပြောကြားခဲ့ကြောင်း သိရှိရပါသည်။

DOCA(စစ်ကိုင်း)