စက်သုံးဆီဈေးနှုန်းအနည်းငယ် မြင့်တက်လာ

          ကျိုက်ထိုမြို့နယ်အတွင်း စက်သုံးဆီဈေးနှုန်းများမှာ ယခင်ရက်များထက် အနည်းငယ် မြင့်တက်လာပြီး ဈေးကွက်အတွင်း စက်သုံးဆီဝယ်ယူသုံးစွဲသူများအနေဖြင့် ဈေးနှုန်း အပြောင်းအလဲကို သတိပြုစောင့်ကြည့်လျက်ရှိကြောင်း သိရသည်။

          စက်သုံးဆီဈေးနှုန်း အနည်းငယ်မြင့်တက်လာခြင်းသည် သယ်ယူပို့ဆောင်ရေးလုပ်ငန်း များ၊ အငှားယာဉ်လုပ်ငန်းများနှင့် စက်သုံးဆီအသုံးပြုရသည့် လုပ်ငန်းများအပေါ် ကုန်ကျ စရိတ် အနည်းငယ်မြင့်တက်လာစေနိုင်ကြောင်း သိရသည်။

          ထို့အပြင် စက်သုံးဆီသည် ကုန်စည်သယ်ယူပို့ဆောင်ရေးလုပ်ငန်းများတွင် အဓိက အသုံးပြုရသည့် လောင်စာဆီဖြစ်သဖြင့် ကုန်စည်သယ်ယူ ပို့ဆောင်ရေးစရိတ်များအပေါ် သက်ရောက်နိုင်ပြီး အခြားကုန်စည်များ၏ ဈေးနှုန်းများအပေါ်တွင်လည်း အနည်းငယ် သက်ရောက်မှုရှိလာနိုင်သည်။ စက်သုံးဆီအရောင်းဆိုင်များအနေဖြင့် စက်သုံးဆီများကို သတ်မှတ်ထားသည့် စည်းမျဉ်းစည်းကမ်းများနှင့်အညီ ရောင်းချရန်နှင့် စားသုံးသူများ အနေဖြင့်လည်းဝယ်ယူသည့် စက်သုံးဆီအမျိုးအစား၊ ပမာဏနှင့် ရောင်းဈေးနှုန်းတို့ကို စစ်ဆေးဝယ်ယူကြရန် လိုအပ်ကြောင်း သိရသည်။

          လက်ရှိအခြေအနေတွင် စက်သုံးဆီဈေးနှုန်း အနည်းငယ်မြင့်တက်လာသော်လည်း ဈေးကွက်အတွင်း ဆီဖြန့်ဖြူးရောင်းချမှုအခြေအနေများကို ဆက်လက်စောင့်ကြည့်ရန် လိုအပ် ပြီး ဈေးနှုန်းအပြောင်းအလဲများ ဖြစ်ပေါ်လာပါက သက်ဆိုင်ရာဌာနများ၏ ထုတ်ပြန်ချက်များ နှင့်အညီ ဆောင်ရွက်သွားရန် လိုအပ်လျက်ရှိကြောင်း သိရသည်။ လက်ရှိအချိန်ထိ 92 တစ်လီတာလျှင် ကျပ် ၄၇၃၅၊ 95 တစ်လီတာလျှင် ကျပ် ၄၉၄၀၊ ဒီဇယ်ရိုးရိုး တစ်လီတာလျှင် ကျပ် ၅၅၂၀၊ ပရီမီယမ် ဒီဇယ် တစ်လီတာလျှင် ကျပ် ၆၁၀၀ ဖြစ်နေကြောင်း သိရသည်။

DOCA (မွန်)