ပြည်ပကုန်သွယ်မှုသတင်းများ
ရေနံဈေးနှုန်းများ ကျဆင်းမှုမရှိစေရေးအတွက် လွန်ခဲ့သောလများမှ စတင်၍ ထုတ်လုပ်မှု ထပ်မံလျှော့ချရန် တွန်းအားပေးဆောင်ရွက်လျက်ရှိသည့် ဆော်ဒီအာရေဗျနိုင်ငံ ဦးဆောင်သော ရေနံတင်ပို့သည့်နိုင်ငံများ အဖွဲ့အစည်း (Organization for Petroleum Exporting Countries-OPEC) မှ နုတ်ထွက်သွားမည်ဖြစ်ကြောင်း အင်ဂိုလာနိုင်ငံအစိုးရက ၂၁-၁၂-၂၀၂၃ နေ့တွင် ပြောကြားခဲ့ပါသည်။
![](http://www.doca.gov.mm/sites/default/files/styles/trade_image_560x280_/public/opec.jpg?itok=lAUZbcL7)
အိန္ဒိယနိုင်ငံ၌ စားသောက်ကုန် ဈေးနှုန်းဖောင်းပွမှုကို ထိန်းချုပ်ရန်ရည်ရွယ်လျက် စားသုံးဆီများဖြစ်သော သန့်စင်ပြီး ပဲပုပ်ဆီနှင့် နေကြာဆီများ တင်သွင်းမှုအပေါ် အခွန်လျှော့ချ သတ်မှတ် ထားရှိမှုအား ၂၀၂၅ ခုနှစ်၊ မတ်လအထိ သက်တမ်းတိုးမြှင့်သည့် အမိန့်ကြော်ငြာစာကို အစိုးရက ၂၂-၁၂-၂၀၂၃ ရက်နေ့တွင် ထုတ်ပြန်ခဲ့ကြောင်း သိရှိရသည်။
ထိုင်းနိုင်ငံ၏ ပြည်တွင်းထုတ်လုပ်မှုကို အထောက်အကူပြုစေရန် ၂၀၂၄ ခုနှစ်အတွင်း ပြောင်း၊ ပဲပုပ်ကြိတ်ဖတ်နှင့် ငါးစာများအပါအဝင် တိရစ္ဆာန်မွေးမြူရေး အစားအစာ ကုန်ကြမ်းများ တင်သွင်းခွင့်ဆိုင်ရာ မူဝါဒများကို ထိုင်းအစိုးရအဖွဲ့က ၂၆-၁၂-၂၀၂၃ ရက်နေ့တွင် အတည်ပြုခဲ့ကြောင်း သိရှိရပါသည်။
![](http://www.doca.gov.mm/sites/default/files/styles/trade_image_560x280_/public/မွေးမြူရေးအစာ.jpg?itok=BTnVBXCU)
ပြည်တွင်း၌ ကောက်ပဲသီးနှံ၊ ပြောင်းနှင့် ပဲပုပ်စေ့များ ထုတ်လုပ်မှုကို တည်ငြိမ်စေရန်၊ ဆီမုံညင်းစိုက်ဧရိယာတိုးချဲ့နိုင်ရန်နှင့် အထွက်နှုန်း တိုးတက်စေရန် ရည်ရွယ်လျက် ၂ဝ၂၄ ခုနှစ် အတွက် သီးနှံထုတ်လုပ်မှုလျာထားချက်ကို ချမှတ်ပြီးဖြစ်ကြောင်း တရုတ်နိုင်ငံ စိုက်ပျိုးရေးနှင့် ကျေးလက်ရေးရာဝန်ကြီးဌာနက ကြေညာချက်ထုတ်ပြန်ခဲ့ပါသည်။
![](http://www.doca.gov.mm/sites/default/files/styles/trade_image_560x280_/public/ကောက်ပဲသီးနှံ_0.png?itok=TegHfKUR)
အိန္ဒိယနိုင်ငံ၏ စားသောက်ကုန်အမျိုးမျိုး တင်ပို့မှုအပေါ် ချမှတ်ထားသော မူဝါဒကန့်သတ်ချက်များနှင့် ပြည်တွင်း နိုင်ငံရေးပြဿနာများကြောင့် အိန္ဒိယထံမှ ဆန်နှင့် သကြား တင်သွင်းရာ တွင် အဟန့်အတားဖြစ်ပေါ်နေကြောင်း အင်ဒိုနီးရှား အမျိုးသားစားနပ်ရိက္ခာအေဂျင်စီ (Bapanas) ၏ အကြီးအကဲဖြစ်သူ Arief Prasetyo Adi က ၂၂-၁၂-၂၀၂၃ နေ့တွင် ပြောကြားခဲ့ပါသည်။
ဖိလစ်ပိုင်သမ္မတ ဖာဒီနန်မားကို့စ်သည် လာမည့်လများ၌ ဖြစ်ပေါ်မည့် ခြောက်သွေ့ရာသီဥတုတွင် ဈေးနှုန်းများတည်ငြိမ်မှုရှိစေရေးအတွက် ဆန်နှင့် အခြားစားသောက်ကုန်များ တင်သွင်းမှုအပေါ် အခွန်လျှော့ချခြင်းကို ၂၀၂၄ ခုနှစ် နှစ်ကုန်အထိ သက်တမ်းတိုးရန် အတည်ပြုခဲ့ကြောင်း သမ္မတရုံးက ၂၆-၁၂-၂၀၂၃ ရက် အင်္ဂါနေ့တွင် ပြောကြားခဲ့သည်။ .
![](http://www.doca.gov.mm/sites/default/files/styles/trade_image_560x280_/public/ဆန်_15.jpg?itok=6Q4YPujf)
သီရိလင်္ကာနိုင်ငံ၌ ကုန်သည်များအနေဖြင့် ဆန်မက်ထရစ်တန်ချိန် ၅၀၀၀၀ ကို ဝယ်ယူ တင်သွင်းရန်အတွက် အစိုးရဝန်ကြီးများအဖွဲ့ထံမှ ခွင့်ပြုချက်ရရှိခဲ့ကြောင်း သီရိလင်္ကာအစိုးရ သတင်းပြန်ကြားရေးဌာန၏ ထုတ်ပြန်ချက်တွင် ဖော်ပြထားပါသည်။
![](http://www.doca.gov.mm/sites/default/files/styles/trade_image_560x280_/public/ဆန်2_0.jpg?itok=AeeStEYe)
အင်ဒိုနီးရှားနိုင်ငံအနေဖြင့် ၂၀၂၄ ခုနှစ်အတွင်း ဆန်ရောင်းလိုအားအပိုင်း မြှင့်တင်နိုင်ရန်အတွက် အိန္ဒိယနိုင်ငံနှင့် ထိုင်းနိုင်ငံတို့ထံမှ ဆန်တင်သွင်းမှုဆိုင်ရာ ကတိပြုချက်များကို ရယူနိုင်ခဲ့ကြောင်း သိရှိရပါသည်။
![](http://www.doca.gov.mm/sites/default/files/styles/trade_image_560x280_/public/ဆန် 1_4.jpg?itok=cxnakqGE)
အိန္ဒိယနိုင်ငံ၌ ပဲနီလေးတင်သွင်းမှုအပေါ် စိုက်ပျိုးရေး အခြေခံအဆောက်အအုံ ဖွံ့ဖြိုးတိုးတက်မှု ထပ်ဆောင်းအခွန် (Agriculture Infra-structure and Development Cess) ကောက်ခံခြင်းကို ၃၁-၃-၂၀၂၄ နေ့အထိ ကင်းလွတ်ခွင့်ပြုထားရာမှ နောက်ထပ် ၁ နှစ် တိုးမြှင့်လျက် ၂၀၂၅ ခုနှစ် မတ်လ ၃၁ ရက်နေ့အထိ ခွင့်ပြုမည်ဖြစ်ကြောင်း ဘဏ္ဍာရေးဝန်ကြီးဌာနက ၂၁-၁၂-၂၀၂၃ နေ့တွင် အကောက်ခွန်ဆိုင်ရာ အမိန့်ကြော်ငြာစာ ထုတ်ပြန်ခဲ့ပါသည်။
![](http://www.doca.gov.mm/sites/default/files/styles/trade_image_560x280_/public/ပဲနီ_0.jpg?itok=rnDFy9ft)
တောင်သူလယ်သမားများ၏ဝင်ငွေကို တိုးတက်စေမည့် ဈေးကောင်းရရှိစေရန်နှင့် အရန်ရိက္ခာဖြည့်ဆည်း သိုလှောင်ရန်အတွက် လက်ရှိကာလတွင် အခြေခံရည်ညွှန်းဈေးနှုန်း၏ အထက်၌ ရောင်းဝယ်လျက်ရှိသော ပဲစင်းငုံများအား ပြောင်းလဲမှုရှိသော ဈေးနှုန်းတွက်ချက်မှုပုံစံဖြင့် အိန္ဒိယ အစိုးရက ဝယ်ယူစုဆောင်းမည်ဖြစ်ကြောင်း သိရှိရပါသည်။
ကမ္ဘောဒီးယားနိုင်ငံသည် ၂၀၂၃ ခုနှစ်၊ ဇန်နဝါရီလမှ နိုဝင်ဘာလထိ ၁၁ လတာ ကာလ အတွင်း ရော်ဘာအခြောက် တန်ချိန် ၃၃၄၁၇၆ တန် တင်ပို့ခဲ့ပြီး ယမန်နှစ်အလားတူ တင်ပို့မှု ၃၂၂၅၈၆ တန်အပေါ် ၃.၆% တိုးတက်ခဲ့ကြောင်း၊ အဆိုပါကာလအတွင်း ရော်ဘာတင်ပို့မှုမှရငွေမှာ အမေရိကန်ဒေါ်လာ ၄၄၅.၄ သန်းရှိပြီး ယခင်နှစ်ကာလတူ၌ ဒေါ်လာ ၄၆၅.၈ သန်းရရှိခဲ့သည့် အတွက် တန်ဖိုးအားဖြင့် ၄.၄% ကျဆင်းခဲ့ကြောင်း ကမ္ဘောဒီးယား ရော်ဘာလုပ်ငန်းညွှန်ကြားမှု ဦးစီးဌာနက ၁၅-၁၂-၂၀၂၃ ရက်နေ့တွင် ထုတ်ပြန်သည့် အစီရင်ခံစာ၌ ဖော်ပြပါသည်။
![](http://www.doca.gov.mm/sites/default/files/styles/trade_image_560x280_/public/ရာဘာ 1_0.jpg?itok=fl_qVXst)
ဗီယက်နမ်ရော်ဘာလုပ်ငန်း ၂၁ ခုကို ကုန်သွယ်မှု အမှတ်တံဆိပ်ဖြစ်သည့် “ဗီယက်နမ် ရော်ဘာ” အမှတ်တံဆိပ်ဖြင့် တရုတ်၊ အိန္ဒိယ၊ ထိုင်ဝမ် (တရုတ်)၊ လာအိုနှင့် ကမ္ဘောဒီးယားတို့တွင် မူပိုင်ခွင့်ဆိုင်ရာ အကာအကွယ်ပေးရေးအတွက် မှတ်ပုံတင်ထားပြီးဖြစ်ကြောင်း Vietnam News သတင်းဌာနက ဖော်ပြပါသည်။
ဗီယက်နမ် ရော်ဘာအဖွဲ့ (Vietnam Rubber Group-VRG) ၏ ဖော်ပြချက်အရ အဆိုပါ ရော်ဘာလုပ်ငန်း ၂၁ ခု၏ စက်ရုံ ၃၃ ရုံမှ ထုတ်ကုန် ၉၆ မျိုးအထိ တင်ပို့နိုင်ခြင်းသည် ၎င်းတို့၏အမှတ်တံဆိပ်အပေါ် ယုံကြည်စိတ်ချရမှု တိုးမြင့်လာခြင်းကို သက်သေပြနေကြောင်း သိရပါသည်။
![](http://www.doca.gov.mm/sites/default/files/styles/trade_image_560x280_/public/ရာဘာ_3.jpg?itok=UOjprbve)