ပြည်ပကုန်သွယ်မှုသတင်းများ

အင်ဒိုနီးရှားနိုင်ငံကုန်သွယ်ရေးဝန်ကြီးဌာန၏ ဒုတိယဝန်ကြီးဖြစ်သူ Jerry Sambuaga က ဌာနသည် အင်ဒိုနီးရှားထုတ်ကုန်များအား ပြည်ပသို့ဈေးကွက်တိုးချဲ့မှုအရှိန်မြှင့်တင်ရန် စီစဉ်နေကြောင်းပြောကြားခဲ့ပါသည်။ Sambuaga က တင်ပို့ကုန်များသည် အင်ဒိုနီးရှားစီးပွားရေးကြီးထွားမှုတွင် အပေါင်းလက္ခဏာဆောင်စွာပါဝင်နေကြောင်းနှင့် စီးပွားရေးလုပ်ငန်းရှင်များသည်လည်း ၎င်းတို့၏ထုတ်ကုန်များ ကမ္ဘာ့ဈေးကွက်သို့ ဝင်ရောက်မည့်ကိစ္စနှင့်ပတ်သက်၍ အကောင်းမြင်သင့်ကြောင်း ၁-၁၁-၂၀၂၄ ရက်နေ့တွင် ပြောကြားခဲ့ပါသည်။ အင်ဒိုနီးရှားသည် ကမ္ဘာတစ်လွှားတွင် ကုန်သွယ်ရေး ကိုယ်စားလှယ် ၄၆ဦးရှိကြောင်းသိရပါသည်။ ၁၉ဦးမှာ အင်ဒိုနီးရှားကုန်သွယ်မှုမြှင့်တင်ရေးစင်တာ (ITPC)၊ ကုန်သွယ်ရေးသံမှူး ၂၄ဦး၊ ကုန်သွယ်ရေးအတိုင်ပင်ခံတစ်ဦးနှင့် ကမ္ဘာ့ကုန်သွယ်ရေးအဖွဲ့အစည်းတွင် ၁ဦးတို့ဖြစ်ကြောင်းသိရပါသည်။ Sambuaga က အင်ဒိုနီးရှား၏ ကုန်သွယ်ရေးကိုယ်စားလှယ်များသည် စီးပွားရေးလုပ်ငန်းရှင်များအား ၎င်းတို့၏ထုတ်ကုန်များကို ပြည်ပသို့တင်ပို့ရာတွင် အဆင်ပြေ ချောမွေ့စေရေးအတွက် ကူညီရန်အဆင်သင့်ဖြစ်နေကြောင်း ပြောကြားခဲ့ပါသည်။ အင်ဒိုနီးရှားစာရင်းအင်းအချက်အလက်များအရ နိုင်ငံသည် ၂၀၂၀ခုနှစ်၊ မေလမှစ၍ ၄၄လဆက်တိုက် ကုန်သွယ်ရေးပိုငွေရခဲ့ကြောင်းသိရပါသည်။ ကုန်သွယ်ရေးဝန်ကြီးဌာနသည်လည်း အင်ဒိုနီးရှားထုတ်ကုန်များတင်ပို့မှု စဉ်ဆက်မပြတ်တိုးချဲ့ရန်အတွက် အစီအစဉ်ရှိနေကြောင်းသိရပါသည်။
Source : Antara News
DOCA(ရန်ကုန်)

Srinagar တွင် လက်ရှိတင်ပို့နေသော ဘင်္ဂလားဒေ့ရှ်နိုင်ငံနှင့်အတူ နီပေါနှင့်ဘူတန်သို့ပါ ကက်ရှ်မီးယားမှ ပန်းသီးများအား တင်ပို့မှုတိုးချဲ့မှုသည် ကက်ရှ်မီးယားပြည်တွင်း သစ်သီးဝလံစိုက်ပျိုးသူများအပေါ် အကောင်းမြင်လာစေသည်။ Sopore Fruit Mandi သည် ကျန်နိုင်ငံများသို့ ပန်းသီးတင်သော ထရပ်ကားများကို နေ့စဉ်ပို့ဆောင်ပေးခြင်းဖြင့် ကျန်ကုန်သွယ်မှုအတွက် ဗဟိုအချက်အချာအဖြစ် ပေါ်ပေါက်လာခဲ့သည်။ Sopore Fruit Mandi ၏ ဥက္ကဋ္ဌ Fayaz Ahmad Malik ၏ ပြောကြားချက်အရ ဘင်္ဂလားဒေ့ရှ်နိုင်ငံများသို့ တင်ပို့မှုပမာဏထက်နည်းသော်လည်း ဘူတန်နှင့် နီပေါတို့မှ တင်သွင်းသူများအနေဖြင့် ကက်ရှ်မီးယားပန်းသီးမျိုးကွဲများကို စိတ်ဝင်စားမှုတိုးလာနေကြောင်းသိရသည်။ နီပေါသည် တသမတ်တည်းတင်သွင်းသူဖြစ်ပြီး ဘူတန်သည် မကြာသေးမီက ဈေးကွက်သို့ ဝင်ရောက်ခဲ့ပြီး အဆိုပါပန်းသီးများအတွက် အလားအလာရှိသော ဝယ်လိုအားကိုပြသခဲ့ကြောင်း Malik က မှတ်ချက်ပြုခဲ့သည်။ ဝယ်လိုအားတိုးလာခြင်းကြောင့် နှစ်နိုင်ငံစလုံးတွင် အလားအလာရှိသော ဈေးကွက်ချဲ့ထွင်မှုကိုမျှော်လင့်ထားကြပြီး လာမည့်နှစ်များတွင် ပို့ကုန် ၅၀%ကျော်တိုးလာမည်ဟုခန့်မှန်းထားသည်။ ဘူတန်သည် ကက်ရှ်မီးယားနှင့် အမေရိကန်နှစ်နိုင်ငံလုံးမှ လတ်ဆတ်သော ပန်းသီးများကိုတင်သွင်းရန် စိတ်ဝင်စားကြောင်း မှတ်ချက်ပြုခဲ့သည်။ နှိုင်းယှဉ်ကြည့်လျှင် ဘင်္ဂလားဒေ့ရှ်သည် Sopore Fruit Mandi မှ မတ်ထရစ်တန်ချိန် ၃သန်းကျော်ဝယ်ယူတင်သွင်းလျက်ရှိသော တင်သွင်းမှုအများဆုံးနိုင်ငံဖြစ်သည်။ နီပေါနိုင်ငံမှ အရောင်းကိုယ်စားလှယ် Surjit Kumar သည် ကတ်ရှ်မီးယားပန်းသီးများ၏ အရသာနှင့်အရည်အသွေးကို အခြားနိုင်ငံများနှင့်နှိုင်းယှဉ်ကာ နီပေါနိုင်ငံအတွင်း ဝယ်လိုအားကြီးထွားလာမှုကို မီးမောင်းထိုးပြခဲ့သည်။
Source : Kashmir Monitor
DOCA(ရန်ကုန်)

ကုန်သွယ်ရေးတာဝန်ရှိသူတစ်ဦးက ဗီယက်နမ်လုပ်ငန်းများသည် အာရှသို့ တင်ပို့မှုအရှိန်မြှင့်တင်ရန်၊ ဆန်းသစ်တီထွင်မှုပြုလုပ်ရေးအားထုတ်ရန်၊ ယှဉ်ပြိုင်နိုင်စွမ်းမြှင့်တင်ရန်နှင့် ထောက်ပံ့မှုကွင်းဆက်အသစ်တွင် ပါဝင်ရန်လိုအပ်ကြောင်းပြောကြားခဲ့ပါသည်။ နိုဝင်ဘာလ ၅ရက်နေ့တွင် ကျင်းပခဲ့သော အာရှဈေးကွက်များသို့ ကုန်သွယ်မှုမြှင့်တင်ရေးကွန်းဖရန့်တွင် စက်မှုနှင့် ကုန်သွယ်ရေးဝန်ကြီးဌာနအောက်ရှိ ဘက်ပေါင်းစုံကုန်သွယ်ရေးမူဝါဒဦးစီးဌာန၏ အာဆီယံဒေသ ဒုတိယညွှန်ကြားရေးမှူးဖြစ်သူ Quyen Anh Ngoc က စီးပွားရေးလုပ်ငန်းများအား အခွင့်အရေးများကိုဆုပ်ကိုင်နိုင်ရန်အတွက် သင့်လျော်သောထုတ်လုပ်ခြင်းနှင့် စီးပွားရေးမဟာဗျူဟာဖွံ့ဖြိုးတိုးတက်စေရေးနှင့် လေ့လာသင်ယူရေးအတွက် အစိုးရနှင့် အသင်းအဖွဲ့ များနှင့်ညှိနှိုင်းရန် တိုက်တွန်းပြောကြားခဲ့ပါသည်။ ထိုပွဲတွင် RCEP နှင့် အာဆီယံမူဘောင်အတွင်း လွတ်လပ်သော ကုန်သွယ်ရေးသဘောတူညီချက်မူဘောင်များနှင့်ပတ်သက်၍ သတင်းအချက်အလက်များအား ဗီယက်နမ်ပို့ကုန်လုပ်ငန်းရှင်များကို ပြောကြားခဲ့ပါသည်။ RCEP သဘောတူညီချက်ရရှိပြီးနောက် ပင်လယ်စာ၊ အသား၊ ဟင်းသီးဟင်းရွက်များ၊ သစ်သီးများ၊ တချို့စက်နှင့် စက်အစိတ်အပိုင်းများ၊ အပိုပစ္စည်းများ၊ ကွန်ပျူတာများ၊ အီလက်ထရောနစ် ပစ္စည်းများ၊ ဖိနပ်၊ အထည်အလိပ်နှင့် ဓာတုပစ္စည်းများပါဝင်သော ဗီယက်နမ်၏ အဓိကပို့ကုန်တချို့မှာ နိုင်ငံများ၏ အကောက်ခွန်ကင်းလွတ်ခွင့်ရရှိခဲ့ကြောင်းသိရပါသည်။ ဗီယက်နမ်ပို့ကုန်များ၏ အလားအလာနှင့် အခွင့်အရေးများကိုရယူရန် Ngoc က သွင်းကုန်ပစ္စည်းရယူရာ အရင်းအမြစ်ကိုကွဲပြားရန်၊ တင်ပို့ရာဈေးကွက်များတွင် ဦးစားပေးသွင်းကုန်အခွန်နှုန်းထားနှင့် ပိုမိုသင့်လျော်သော ရင်းနှီးမြှုပ်နှံမှုနှင့် စီးပွားရေးဝန်းကျင်များကို အသားပေးပြောကြားခဲ့ကြောင်းသိရပါသည်။ အင်ဒိုနီးရှားနိုင်ငံဆိုင်ရာ ဗီယက်နမ်ကုန်သွယ်ရေးအတိုင်ပင်ခံပုဂ္ဂိုလ် Pham Thu Cuang က ကမ္ဘာ့စတုတ္ထမြောက် လူဦးရေအများဆုံးဖြစ်သော အင်ဒိုနီးရှားနိုင်ငံ၏ မြင့်မားပြီး တည်ငြိမ်သော စီးပွားရေးကြီးထွားမှုသည် စားသုံးမှုနှင့် တင်သွင်းလိုအားမြင့်တက်စေကြောင်းသိရပါသည်။ ထို့ပြင် အင်ဒိုနီးရှားသည် ကုန်ပစ္စည်းများ အထူးသဖြင့် စားသုံးကုန်ပစ္စည်းများ ဝယ်လိုအားမြင့်တက်လျက်ရှိကြောင်းသိရပါသည်။ နှစ်နိုင်ငံအကြား ပထဝီမြေနေရာနီးကပ်မှုကလည်း သယ်ယူပို့ဆောင်ရေးကုန်ကျစရိတ်လျှော့ချနိုင်ကြောင်းသိရပါသည်။ သို့သော် အင်ဒိုနီးရှားနိုင်ငံသည် ကာကွယ်မှုမြင့်မားသောဈေးကွက်ဖြစ်ပြီး သွင်းကုန်လုပ်ငန်းရှင်များအနေဖြင့် ဟာလာအသိအမှတ်ပြုလက်မှတ်နှင့် နိုင်ငံတော်စံညွှန်းကိုက်ညီရန်လိုအပ်သည့်အတွက် ထိုလက်မှတ်များလျှောက်ထားရန်လိုအပ်ကြောင်းသိရပါသည်။
Source : Vietnam Plus
DOCA(ရန်ကုန်)

ဘရာဇီးနိုင်ငံ၏ ပုံမှန်မဟုတ်သော ခြောက်သွေ့သောအခြေအနေများကြောင့် နိုင်ငံ့ကော်ဖီထုတ်လုပ်မှုရပ်တန့်သွားမည်ကို စိုးရိမ်မှုများကြောင့် အင်္ဂါနေ့တွင် ကော်ဖီဈေးနှုန်းများ အတန်အသင့်မြင့်တက်ခဲ့သည်။ Somar Meteorologia ၏ တနင်္လာနေ့ဖော်ပြချက်အရ ဘရာဇီးနိုင်ငံ၏ အကြီးဆုံးအာရေဗီကာကော်ဖီစိုက်ပျိုးသော Minas Gerais တွင် မိုးရေချိန် ၂၇.၄ မီလီမီတာသာရွာသွန်းခဲ့ကြောင်းသိရသည်။ Minas Gerais သည် ဘရာဇီးနိုင်ငံ၏ အကြီးဆုံးအာရေဗီကာ ကော်ဖီထုတ်လုပ်သည့် နေရာဖြစ်ပြီး မိုးခေါင်မှုများကြောင့် ၂၀၂၅-၂၀၂၆ အာရေဗီကာကော်ဖ သီးနှံများအတွက် အလားအလာများကိုလျော့ကျစေသည်။ ဘရာဇီးနိုင်ငံသည် ၁၉၈၁ခုနှစ်မှစ၍ အခြောက်သွေ့ဆုံးရာသီဥတုနှင့်ရင်ဆိုင်နေရကြောင်း သဘာဝဘေးအန္တရာယ်စောင့်ကြည့်ရေးစင်တာ Cemaden မှပြောကြားခဲ့သည်။ ၂၀၂၃-၂၀၂၄ သီနှံနှစ်တွင် ဗီယက်နမ်၏ ကော်ဖီထုတ်လုပ်မှုသည် ၂၀ရာခိုင်နှုန်း ၁၄၇၂ MMT သို့ကျဆင်းသွားကြောင်း ဗီယက်နမ်စိုက်ပျိုးရေးဌာနက မတ်လ ၂၆ရက်နေ့တွင်ပြောကြားခဲ့သည်။ ၂၀၂၄-၂၀၂၅ ဈေးကွက်သစ်တွင် ဗီယက်နမ်၏ robusta ကော်ဖီထုတ်လုပ်မှုသည် ၂၀၂၃-၂၀၂၄ ရာသီ အိတ် ၂၈သန်းမှ ၂၇.၉ သန်းသို့ အနည်းငယ်ကျဆင်းသွားမည်ဖြစ်ကြောင်း USDA fAS မှ မေလ ၃၁ရက်နေ့တွင် ခန့်မှန်းခဲ့သည်။ ဗီယက်နမ်၏ စက်တင်ဘာလ ကော်ဖီတင်ပို့မှုမှာ -၃၂.၆ ရာခိုင်နှုန်း ၅၁.၃၆၉ MT သို့ကျဆင်းခဲ့ပြီး ဗီယက်နမ် ဇန်နဝါရီ-စက်တင်ဘာကော်ဖီတင်ပို့မှုမှာ -၁၁.၇ ရာခိုင်နှုန်း ၁.၁ MT သို့ကျဆင်းခဲ့ကြောင်း ဗီယက်နမ်အကောက်ခွန်ဦးစီးဌာနက အောက်တိုဘာလ ၉ ရက်နေ့တွင်ထုတ်ပြန်ခဲ့သည်။
Source:Barchar
DOCA(ရန်ကုန်)

ရေနံနှင့်သဘာဝဓာတ်ငွေ့ကဏ္ဍအတွက် ပံ့ပိုးကူညီမှုသည် ၂၀၁၃ခုနှစ်တွင် ဒေါ်လာ ၂၅ဘီလီယံမှ ၈၅ရာခိုင်နှုန်းလျော့ကျသွားခဲ့ပြီး ၂၀၂၃ခုနှစ်တွင် ဒေါ်လာ ၃.၅ ဘီလီယံအထိလျော့ကျသွားခဲ့ကြောင်း တနင်္လာနေ့တွင် တရားဝင်မှတ်ချက်တစ်ခုအရသိရသည်။ အာရှဖွံ့ဖြိုးရေးဘဏ် (ADB) ၏အစီရင်ခံစာအရ လက်လီဈေးနှုန်းများ၊ အခွန်ဈေးနှုန်းများနှင့် ရွေးချယ်ထားသော ရေနံထွက်ကုန်များအတွက် ထောက်ပံ့မှုများအပါအဝင် ရေနံနှင့်သဘာဝဓာတ်ငွေ့ကဏ္ဍတွင် ဘဏ္ဍာရေးထောက်ပံ့မှုများကို ၈၅ရာခိုင်နှုန်းအထိလျှော့ချခဲ့ကြောင်း ဝန်ကြီးဌာနကပြောကြားခဲ့သည်။ ၂၀၁၄ခုနှစ်မှ ၂၀၁၇ခုနှစ်အတွင်း ကမ္ဘာ့ရေနံ ဈေးနိမ့်သောကာလတွင် ဓာတ်ဆီနှင့် ဒီဇယ်အပေါ် စည်းကြပ်ခွန်များတိုးမြင့်ကောက်ခံခြင်းဖြင့် အခွန်ရငွေများပိုမိုတိုးမြင့်လာခဲ့ကြောင်းသိရသည်။ ထို့နောက် အပိုဝင်ငွေများကို ကျေးလက်နေ ပြည်သူများအတွက် ရေနံဓာတ်ငွေ့ရည် (LPG) သုံးစွဲခွင့်ကိုချဲ့ထွင်နိုင်စေသည့် ပစ်မှတ်ထားသော ထောက်ပံ့ငွေများဆီသို့ ပြန်လည်ဦးတည်ကာ သဘာဝပတ်ဝန်းကျင်ဆိုင်ရာ ရည်မှန်းချက်များနှင့်လူမှုဖူလုံရေးနှစ်ခုလုံးကို ကိုင်တွယ်ဖြေရှင်းခဲ့သည်။ အိန္ဒိယ၏ ရုပ်ကြွင်းလောင်စာထောက်ပံ့မှုပြုပြင်ပြောင်းလဲမှုများသည် ရေရှည်တည်တံ့သောစွမ်းအင်ဆီသို့ အရင်းအမြစ်များကို လမ်းကြောင်းပေးကာ သန့်ရှင်းသောစွမ်းအင်အစာထိုးမှုများအတွက် အုတ်မြစ်ချကာ ပြတ်သားသောပြောင်းလဲမှုကို အမှတ်အသားပြုလျက်ရှိသည်။ ဓာတ်ဆီနှင့်ဒီဇယ်ထောက်ပံ့ကြေးများကို ၂၀၁၀ခုနှစ်မှ ၂၀၁၄ခုနှစ်အထိ ဖြည်းဖြည်းချင်းရပ်ဆိုင်းခဲ့ပြီး ၂၀၁၇ခုနှစ်အထိ လောင်စာဆီအပေါ်တိုင်းတာသည့် အခွန်တိုးမြင့်မှုများရှိကြောင်း အစီရင်ခံစာကဆိုသည်။ အိန္ဒိယသည် ၎င်း၏ ရုပ်ကြွင်းလောင်စာထောက်ပံ့မှုကို ဆက်တိုက်လျှော့ချကာ နေရောင်ခြည်စွမ်းအင်၊ လျှပ်စစ်ကားများနှင့် ပိုမိုအားကောင်းသော စွမ်းအင်လိုင်းများနှင့် ရင်းနှီးမြှုပ်နှံမှုအသစ်များအတွက် တံခါးဖွင့်ပေးထားကြောင်း ၎င်းကဆိုသည်။
Source:Business-standard
DOCA(ရန်ကုန်)