ပြည်ပကုန်သွယ်မှုသတင်းများ

            ကွန်ပျူတာချစ်ပ်များ ဝယ်ယူမှုနှင့်ပတ်သက်၍ ကမ္ဘာ့ဝယ်လိုအားကျဆင်းလာသည့်  လက္ခဏာများကြောင့် တောင်ကိုရီးယား၏ ပို့ကုန်တိုးတက်မှုသည် အောက်တိုဘာလတွင် တတိယလတွင် နှေးကွေးသွားဖွယ်ရှိကြောင်း Reuters စစ်တမ်းက ဗုဒ္ဓဟူးနေ့တွင် ဖော်ပြထားသည်။ အာရှ၏ စတုတ္ထအကြီးဆုံးစီးပွားရေးနိုင်ငံမှ ပြင်ပသို့တင်ပို့မှုမှာ အောက်တိုဘာလတွင် တစ်နှစ်ထက်တစ်နှစ် ၆.၉ ရာခိုင်နှုန်းထိ တိုးလာမည်ဟု ခန့်မှန်းထားကြောင်း အောက်တိုဘာ ၂၄-၂၉ စစ်တမ်းမှ စီးပွားရေး ပညာရှင် ၂၂ ဦး၏ ပျမ်းမျှအဆိုအရ သိရသည်။ ယင်းသည် နှစ်စဉ် ပို့ကုန်တိုးတက်မှု၏ ၁၃ ကြိမ်မြောက် ဆက်တိုက်ဖြစ်နိုင်သော်လည်း စက်တင်ဘာလတွင် တစ်နှစ်ထက်တစ်နှစ် ၇.၅ ရာခိုင်နှုန်း မြင့်တက်ပြီး ဇွန်လနောက်ပိုင်း အနှေးကွေးဆုံးနှုန်းထက် အနည်းငယ်လျော့နည်းသွားမည် ဖြစ်သည်။ တစ်ပိုင်း လျှပ်ကူး ပစ္စည်းမဟုတ်သော ပို့ကုန်များအတွက် ကန့်သတ်ထားသော ဝယ်လိုအားများကြားတွင် အိုင်တီဝယ်လိုအား တဖြည်းဖြည်းကျဆင်းလာသဖြင့် ပို့ကုန်တိုးတက်မှုသည် နှေးကွေးသည့် လမ်းကြောင်းသို့ ဝင်ရောက်သွားဖွယ်ရှိကြောင်း၊” ဟု Hana Securities မှ စီးပွားရေးပညာရှင် Chun Kyu-yeon က ပြောကြားခဲ့သည်။ အာရှ၏စတုတ္ထအကြီးဆုံးစီးပွားရေးဖြစ်သော တောင်ကိုရီးယား နိုင်ငံသည် ပို့ကုန် ကျဆင်းမှုကြောင့် တတိယသုံးလပတ်တွင် တိုးတက်မှုမရှိသလောက်ပင်ဖြစ်ပြီး၊ "တစ်ပိုင်းလျှပ်ကူးပစ္စည်းကဏ္ဍမှ ဦးဆောင်သော ပို့ကုန်များ နှေးကွေးခြင်းသည် အတည်ပြုနိုင်ပါက စီးပွားရေးတိုးတက်မှု အလားအလာအတွက် သတင်းဆိုးဖြစ်လာနိုင်ပြီး ယခုအောက်တိုဘာလ ပထမရက် ၂၀ တွင် ပို့ကုန် ၂.၉ ရာခိုင်နှုန်း ကျဆင်းခဲ့ပြီး အမေရိကန်နှင့် ဥရောပသမဂ္ဂသို့ တင်ပို့မှုမှာ ၂.၆ ရာခို်ငနှုန်း နှင့် ၈.၉ ရာခိုင်နှုန်း အသီးသီး ကျဆင်းခဲ့ပြီး တရုတ်နိုင်ငံသို့ တင်ပို့မှုမှာ ၁.၂ ရာခိုင်နှုန်း မြင့်တက်ခဲ့သည်။ "ခိုင်မာအားကောင်းတဲ့ အမေရိကန်ပြည်ထောင်စုကို တင်ပို့ရောင်းချမှု တိုးတက်မှုနှုန်း နှေးကွေးနေချိန်မှာ တရုတ်-မြန်မာနယ်စပ် တင်ပို့မှု ပြန်လည်ကောင်းမွန်လာနိုင်မှုကလည်း မျှော်လင့်ထားတာထက် အားနည်းလိမ့်မယ်" ဟု iM Securities မှ စီးပွားရေးပညာရှင် Park Sang-hyun က ပြောကြားခဲ့သည်။ သွင်းကုန်စာရင်းများအရ စက်တင်ဘာလတွင် ၂.၂ ရာခိုင်နှုန်း ခန့်တိုးတက်လာပြီးနောက် အောက်တိုဘာလတွင် ၂.၀ ရာခို်ငနှုန်းတိုး လာမည်ဟု ခန့်မှန်းထားခဲ့သည်။ စစ်တမ်း၏ ပျမ်းမျှခန့်မှန်းချက်မှာ ယခုလ၏ ကုန်သွယ်ရေးလက်ကျန်ငွေသည် ယခင်လက ကန်ဒေါ်လာ ၆.၆၆ ဘီလီယံနှင့် နှိုင်းယှဉ်ပါက ပိုငွေဒေါ်လာ ၄.၂၃ဘီလီယံထိရှိလာခဲ့သည်။

Sources-reuters

DOCA(မန္တလေး)

တရုတ်နိုင်ငံသည် ဗီယက်နမ်မှ ကွမ်းသီးတင်သွင်းမှုကို ပထမကိုးလအတွင်း ကန်ဒေါ်လာ ၂၇.၃ သန်းသို့ နှစ်ဆတိုးကာ ဆိုးရွာသောရာသီဥတုအခြေအနေကြောင့် ဖြစ်ပေါ်လာသော ပြည်တွင်း ထောက်ပံ့မှု သိသိသာသာကျဆင်းသွားမှုကိုကာမိစေရန် ကြိုးပမ်းလျက်ရှိသည်။ တရုတ်နိုင်ငံ၏ကွမ်းသီး ၉၀% ကျော်ကိုထုတ်လုပ်လျက်ရှိသော Haian ကျွန်းစီရင်စုတွင် မုန်တိုင်းဒဏ်ခံရပြီးနောက် ဗီယက်နမ်နှင့် အင်ဒိုနီးရှားကဲ့သို့သော အခြားနိုင်ငံများမှ အရင်းအမြစ်များကိုပိုမိုသုံးစွဲနေရကြောင်း ဗီယက်နမ်နှင့် အင်ဒိုနီးရှားကဲ့သို့သော အခြားနိုင်ငံများမှ အရင်းအမြစ်များကို ပိုမိုသုံးစွဲနေရကြောင်း ဗီယက်နမ်သစ်သီးဝလံနှင့် ဟင်းသီးဟင်းရွက်အသင်း၏ အထွေထွေအတွင်းရေးမှူး Dang Phu Nguyen ကပြောကြားခဲ့သည်။ ရောဂါကပ်ဘေးကြောင့် တရုတ်နိုင်ငံ၏ ကွမ်းသီးထုတ်လုပ်မှုကို လျော့နည်းစေပြီး ဈေးနှုန်းများသည် ယခုလအစောပိုင်းတွင် ၀.၆ ကီလိုဂရမ်လျှင် ၄၅ယွမ် (အမေရိကန်ဒေါ်လာ ၆.၃၂) အထိဈေးတက်လာပြီး ၂၀၁၆ခုနှစ်ထက် ၆ဆနီးပါးမြင့်တက်လာခဲ့သည်။ ယခုနှစ် ဗီယက်နမ်တွင် ကွမ်းသီးဈေးသည် ၁ကီလိုလျှင် VND ၁၀၀၀၀၀ နီးပါးအထိမြင့်တက်ခဲ့သော်လည်း ယခုအခါ VND ၅၀၀၀၀ သို့ ထက်ဝက်နီးပါးကျဆင်းသွားခဲ့သည်။ ၎င်းကွမ်းသီးများအား သကြားလုံးထုတ်လုပ်ရန်အတွက် အသုံးပြုပြီး ၎င်းတွင် နိုးကြားမှုနှင့် ပေါ့ပါးသောခံစားမှုကို ဆောင်ကြဉ်းပေးနိုင်သည့် အရီကိုလင်းပါဝင်ကြောင်းသိရသည်။
Source : Vietnam Plus
DOCA(ရန်ကုန်)

ဗီယက်နမ်နှင့် ဖိလစ်ပိုင်နိုင်ငံတို့အကြား ကုန်သွယ်မှုသည် ၂၀၂၄ခုနှစ်တွင် ဗီယက်နမ်နိုင်ငံ၏ပိုငွေ ကန်ဒေါ်လာ ၃ဘီလီယံကျော်နှင့်အတူ အမေရိကန်ဒေါ်လာ ၈.၅ ဘီလီယံအထိရှိလာနိုင်ကြောင်း ဖိလစ်ပိုင်နိုင်ငံရှိ ဗီယက်နမ်ကုန်သွယ်ရေးရုံး၏ အဆိုအရသိရသည်။ ၂၀၂၄ခုနှစ်၏ ပထမကိုးလအတွင်း နှစ်နိုင်ငံအကြား သွင်းကုန်ပို့ကုန်ကုန်သွယ်မှုပမာဏသည် အမေရိကန်ဒေါ်လာ ၆.၅ ဘီလီယံနီးပါးရှိပြီး ဗီယက်နမ်၏ ပို့ကုန်တင်ပို့မှုမှာ ၂၀.၇% တိုးမြင့်လာကာ တစ်နှစ်ထက်တစ်နှစ် ၂၀% တိုးလာကြောင်းသိရသည်။ ဖိလစ်ပိုင်သို့ ဗီယက်နမ်မှတင်ပို့သည့် ထုတ်ကုန် ၃၅မျိုးတွင် ယခုနှစ်၏ ပထမကိုးလတာကာလအတွင်း စံချိန်တင်တိုးတက်ခဲ့သော ထုတ်ကုန်များမှာ ဆန်စပါး ၅၃.၃%၊ ကော်ဖီ ၁၂၀.၇၂%၊ ငရုတ်ကောင်း ၃၇.၆%၊ ဓာတ်မြေဩဇာ ၂၁.၆%၊ သံမဏိထုတ်ကုန် ၇၁.၂%၊ တယ်လီဖုန်းနှင့် အစိတ်အပိုင်းများ ၄၂.၈%နှင့် ကင်မရာ၊ ကမ်ကော်ဒါနှင့် အစိတ်အပိုင်းများ ၆၄.၆% တို့ဖြစ်သည်။ တစ်ချိန်တည်းတွင် ပြည်ပသို့ တင်ပို့မှုလျော့နည်းသွားသော ထုတ်ကုန်များမှာ ရေထွက်ကုန် ၂၁.၂%၊ တိရိစ္ဆာန်အစာနှင့် ကုန်ကြမ်း ၁၅.၆%၊ စက္ကူနှင့် စက္ကူထွက်ကုန် ၁၉.၃%၊ ကြွေထည်ပစ္စည်းများ ၁၇.၂%၊ ကလစ်ကာနှင့် ဘိလပ်မြေ ၁၅.၇% တို့ဖြစ်သည်။ အထူးသဖြင့် ဖိလစ်ပိုင်ဈေးကွက်သို့ ဗီယက်နမ်၏ အဓိကပို့ကုန်ဖြစ်သော ဆန်သည် ယခုနှစ် ပထမကိုးလအတွင်း အမေရိကန်ဒေါ်လာ ၁.၉၈ ဘီလီယံအထိ တိုးတက်မှုအရှိန်အဟုန်ကို ထိန်းထားနိုင်ခဲ့သည်။ ၂၀၂၄ခုနှစ်၏ ကျန်လများတွင် ဖိလစ်ပိုင်၏ နှစ်ကုန်သီးနှံမှာ သဘာဝဘေးဒဏ်ကြောင့် ပျက်စီးမှုများရှိသော်လည်း ဖိလစ်ပိုင်၏ဆန်တင်သွင်းမှုသည် ပြည်တွင်းစားသုံးမှုအားကောင်းနေသောကြောင့် ဆက်လက်တိုးတက်လာမည်ဟုခန့်မှန်းထားကြသည်။
Source : VietnamPlus
DOCA(ရန်ကုန်)

စင်္ကာပူအခြေစိုက် CSNC ၏ အမေရိကန်ဒေါ်လာ ၁၂သန်းတန်ကြေးရှိသည့် ကမ္ဘောဒီးယား၏ အကြီးမားဆုံး သီဟိုဠ်စက်ရုံသည် ၂၀၂၄ခုနှစ်၊ ဒီဇင်ဘာလတွင် တည်ဆောက်မှုပြီးစီးမည်ဖြစ်ပြီး ၂၀၂၅ခုနှစ်၊ မတ်လတွင် စတင်လည်ပတ်မည်ဟုသိရပါသည်။ ထိုစက်ရုံသည် နှစ်စဉ်တင်ပို့ရန်အတွက် တစ်ရက်ကို သီဟိုဠ်စေ့ တန်၄၀နှင့် တစ်နှစ်ကို တန်၁၂၀၀၀ကျော်ထုတ်လုပ်နိုင်စွမ်းရှိကြောင်းသိရပါသည်။ သီဟိုဠ်ထုတ်ကုန်များသည် အဓိကဈေးကွက် ၄ခုဖြစ်သည့် တရုတ်၊ ဥရောပ၊ UAE နှင့် အမေရိကန်တို့တွင် အားကောင်းသည့်အလားအလာကို ပြသနေကြောင်းသိရပါသည်။ ကမ္ဘောဒီးယားနိုင်ငံသီဟိုဠ်စေ့အသင်း(CAC) ၏ ဒုတိယဥက္ကဋ္ဌဖြစ်သူ Suy Kokthean က စက်ရုံမှပြုပြင်ထုလုပ်ထားသော သီဟိုဠ်စေ့ ပထမဆုံးတင်ပို့မှုသည် တရုတ်နိုင်ငံဖြစ်လိမ့်မည်ဖြစ်ကြောင်း၊ ကမ္ဘောဒီးယား၏ အရွယ်အစားအကြီးစား M23 သီဟိုဠ်စေ့များ၏ အဓိကဈေးကွက်သည် တရုတ်နိုင်ငံဖြစ်ကြောင်းနှင့် CNSC ၊ CAC နှင့် တရုတ်မှသက်ဆိုင်သူများနှင့် ဆွေးနွေးမှုအပြီးတွင် ၎င်းတို့သည် လုံလောက်စွာထုတ်လုပ်နိုင်စွမ်းရှိပါက တရုတ်နိုင်ငံသို့ တိုက်ရိုက်တင်ပို့နိုင်ကြောင်းပြောကြားခဲ့ပါသည်။ အရှေ့အလယ်ပိုင်းဒေသသည် ဒုတိယအကြီးဆုံးဈေးကွက်ဖြစ်လာနိုင်ပြီး ဥရောပနှင့် အမေရိကန်ဈေးကွက်များသည် သီဟိုဠ်စေ့အကြီးထက်သေးငယ်သော သီဟိုဠ်စေ့များကိုအလိုရှိကြောင်း Kokthean ၏ အဆိုအရသိရပါသည်။ ထို့ပြင် Kokthean က နိုင်ငံ၏ သီဟိုဠ်စေ့လုပ်ငန်းသည် အစိုးရ၏ သီဟိုဠ်စေ့နိုင်ငံတော်မူဝါဒကြောင့် တောက်ပပြီး ကောင်းမွန်ကြောင်း၊ ထို့ပြင် ကမ္ဘောဒီးယားသည် RCEP သဘောတူညီချက်နှင့် အာဆီယံ-တရုတ်သဘောတူညီချက်များမှ အကျိုးအမြတ်ရရှိနေကြောင်း၊ မူဝါဒသည် ရင်းနှီးမြှုပ်နှံမှုလွယ်ကူချောမွေ့စေပြီး ရင်းနှီးမြှုပ်နှံသူအသစ်များကို ဆွဲဆောင်နိုင်ကြောင်းနှင့် နိုင်ငံသည် လာမည့် ၅နှစ်မှ ၆နှစ်အတွင်း ကမ္ဘာ့နံပါတ်တစ် သီဟိုဠ်စေ့ထုတ်လုပ်သူဖြစ်လာနိုင်စွမ်းရှိသည်ဟု ယုံကြည်ကြောင်းပြောကြားခဲ့ပါသည်။ ထို CSNC သီဟိုဠ်စေ့ပြုပြင်ထုတ်လုပ်သည့် စက်ရုံသည် ၁၂၀၀၀စတုရန်းမီတာကျယ်ဝန်းပြီး ကနဦး ရင်းနှီးမြှုပ်နှံမှုတန်ဖိုး အမေရိကန်ဒေါ်လာ ၁၂သန်းရှိကာ စင်္ကာပူ CSNC နှင့် ကမ္ဘောဒီးယားရှယ်ယာရှင်များကြား ပူးပေါင်းဖွင့်လှစ်ခြင်းဖြစ်ကြောင်းသိရပါသည်။
Source : Khmer Times
DOCA(ရန်ကုန်)

ကမ္ဘောဒီးယားနိုင်ငံစီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ဒီဇင်ဘာလတွင် ပထမဆုံးဒီဂျစ်တယ်ကုန်သွယ်မှုဖိုရမ်နှင့် အွန်လိုင်းကုန်စည်ပြပွဲကို လက်ခံကျင်းပမည်ဖြစ်သည်။ ထိုပွဲသည် ကမ္ဘောဒီးယားတွင် ဒစ်ဂျစ်တယ်ကုန်သွယ်မှုကိုမြှင့်တင်ရန်နှင့် ပြည်တွင်းထုတ်ကုန်များကို နိုင်ငံခြားဈေးကွက်သို့ထိုးဖောက်နိုင်ရန် ပံ့ပိုးမှုတစ်ခုဖြစ်မည်ဟုယုံကြည်ထားသည်။ ကမ္ဘောဒီးယားဒစ်ဂျစ်တယ်ကုန်သွယ်မှုဖိုရမ်နှင့် အွန်လိုင်းကုန်စည်ပြပွဲသည် နိုင်ငံအတွင်း ပထမဆုံးအကြိမ်ကျင်းပသည့်ပွဲဖြစ်ပြီး ၂၀၂၄ခုနှစ်၊ ဒီဇင်ဘာလ ၁၃ရက်နေ့မှ ၁၆ရက်နေ့အထိ ဖနွမ်းပင်မြို့တွင် ကျင်းပပြုလုပ်သွားမည်ဖြစ်သည်။ ဖိုရမ်နှင့်ပြပွဲသည် ကမ္ဘောဒီးယားတွင် ဆန်းသစ်တီထွင်မှုနှင့် ဒစ်ဂျစ်တယ်ကုန်သွယ်မှုကိုမြှင့်တင်ရန်ရည်ရွယ်ပြီး ပြည်တွင်းထုတ်ကုန်များ၏ ကမ္ဘာလုံးဆိုင်ရာအရောင်းမြှင့်တင်ခြင်းကို ပံ့ပိုးကူညီနိုင်မည်ဖြစ်သည်။ ပြပွဲအတွင်း CambodiaTrade.com မှတစ်ဆင့် ပြည်တွင်းနှင့် နိုင်ငံတကာဈေးကွက်များတွင် ကမ္ဘောဒီးယားစွန့်ဦးတီထွင်သူများအားလုံး အမျိုးသားထုတ်ကုန်များခင်းကျင်းရောင်းချခြင်းတွင် ပါဝင်နိုင်သည်ဟု ဝန်ကြီးဌာနကထုတ်ပြန်ထားသည်။ ပါဝင်သူများသည် e-business အနာဂတ်အတွက် အဖိုးတန်သော အတွေ့အကြုံများကိုရရှိစေမည်ဖြစ်ပြီး သုံးစွဲသူများ၏ယုံကြည်မှုကို တည်ဆောက်မည်ဖြစ်ကြောင်းသိရသည်။
Source: Khmer Times
DOCA(ရန်ကုန်)