ပြည်ပကုန်သွယ်မှုသတင်းများ

ကမ္ဘာ့ဒုတိယအကြီးဆုံးစီးပွားရေး၏ အလားလာကောင်းဆုံးအချက်ထဲတွင်ပါဝင်သည့် တရုတ်နိုင်ငံ၏ ပို့ကုန်၊သွင်းကုန်မျှော်မှန်းချက်သည် စက်တင်ဘာလတွင် ခန့်မှန်းထားသည်ထက် ပိုမိုလျော့နည်းခဲ့သည်။ တနင်္လာနေ့တွင်ထုန်ပြန်သော အကောက်ခွန်အချက်အလက်များအရ စက်တင်ဘာလတွင် ပို့ကုန်စုစုပေါင်း၏ ၂.၄ ရာခိုင်နှုန်းရှိပြီး သွင်းကုန် ၀.၃ ရာခိုင်နှုန်းရှိကြောင်းသိရသည်။.
လေ့လာသူများ၏အဆိုအရ တရုတ်ပို့ကုန်များသည် စက်တင်ဘာလတွင် ခြောက်နှစ်အတွင်း ခန့်မှန်းတန်ဖိုး ၀.၉ ရာခိင်နှုန်းခန့်မြင့်တက်မည်ဟုခန့်မှန်းထားသော်လည်း ခန့်မှန်းထားသည်ထက်လျော့နည်းခဲ့ကြောင်း reuters ၏ စစ်တမ်းများအရသိရသည်။
ပို့ကုန်များသည် တရုတ်နိုင်ငံ၏ စီးပွားရေးဖွံ့ဖြိုးတိုးတက်မှုအတွက် အဓိကမောင်းနှင်အားတစ်ခုဖြစ်ပြီး မကြာသေးမီနှစ်များအတွင်း သုံးစွဲသူအသုံးစရိတ်နည်းပါးမှုနှင့် အိမ်ခြံမြေကျဆင်းမှုကြောင့် အလေးချိန်ကျဆင်းခဲ့သည်။ သို့သော် ကုန်သွယ်ရေးတင်းမာမှုများမြင့်တက်လာခြင်းသည် လာမည့်နှစ်တွင် အရှိန်အဟုန်ဖြင့် ဆက်လက်ကြီးထွားလာရန် တရုတ်နိုင်ငံ၏ ပို့ကုန်ကို ခက်ခဲစေလိမ့်မည်ဖြစ်ကြောင်း Pinpoint Asset Management ၏ ဥက္ကဋ္ဌနှင့် စီးပွားရေးပညာရှင် Zhiwei Zhang က မှတ်ချက်တစ်ခု၌ ပြောကြားခဲ့သည်
အမေရိကန်နှင့် ဥရောပသမဂ္ဂတို့သည် တရုတ်နိုင်ငံလုပ် လျှပ်စစ်ကားများအပါအဝင် အခြားသောထုတ်ကုန်များအပေါ် အခွန်တိုးမြှင့်ကောက်ခံလျက်ရှိသည်။ ၎င်း၏အကြီးဆုံးကုန်သွယ်ဖက်ဖြစ်သော အမေရိကန်သို့ တရုတ်နိုင်ငံ၏ပို့ကုန်သည် ပြီးခဲ့သည့်နှစ်ထက် စက်တင်ဘာတွင် ၂ဒသမ ၂ရာခိုင်နှုန်းမြင့်တက်ခဲ့ပြီး အမေရိကန်မှ တင်သွင်းမှုမှာ ၆ဒသမ ၇ရာခိုင်နှုန်းမြင့်တက်ခဲ့ကြောင်း CNBC ၏ တရားဝင်အချက်အလက်များ လေ့လာဆန်းစစ်မှုအရသိရသည်။ "ပြီးခဲ့တဲ့လက သွင်းကုန်ပမာဏကျဆင်းသွားပေမယ့် ဘဏ္ဍာရေးအသုံးစရိတ်က စက်မှုကုန်စည်တွေရဲ့ ဝယ်လိုအားကို တိုးမြင့်လာစေတဲ့အတွက် အချိန်တိုအတွင်း ပြန်တက်လာနိုင်ဖွယ်ရှိပါတယ်" ဟု Capital Economics မှ တရုတ်စီးပွားရေးပညာရှင် Zichun Huang က တနင်္လာနေ့တွင် မှတ်ချက်တစ်ခု၌ ပြောကြားခဲ့သည်။ ဒေသတွင်းအခြေခံအားဖြင့် တရုတ်နိုင်ငံ၏ အကြီးဆုံးကုန်သွယ်ဖက်ဖြစ်သော အရှေ့တောင်အာရှနိုင်ငံများအသင်းသို့တင်ပို့မှုမှာ ၅ဒသမ ၅ရာခိုင်နှုန်းမြင့်တက်ခဲ့ပြီး သွင်းကုန်မှာ ၄ဒသမ ၂ရာခိုင်နှုန်းမြင့်တက်ခဲ့သည်။ ဥရောပသမဂ္ဂသို့ တရုတ်၏ပို့ကုန်သည် ၁ဒသမ ၃ရာခိုင်နှုန်းမြင့်တက်ခဲ့ပြီး သွင်းကုန် ၄ရာခိုင်နှုန်းကျဆင်းခဲ့သည်။ BRICS မိတ်ဖက် ရုရှားနိုင်ငံသို့ တရုတ်နိုင်ငံ၏တင်ပို့မှုမှာ ၁၆ဒသမ ၆ရာခိုင်နှုန်းမြင့်တက်ခဲ့သော်လည်း သွင်းကုန် ၈ဒသမ ၄ရာခိုင်နှုန်းကျဆင်းခဲ့ကြောင်း ဆန်းစစ်ချက်တွင် ဖော်ပြထားသည်။ တရုတ်နိုင်ငံ၏ အလုံးစုံ မော်တော်ယာဥ်တင်ပို့မှုမှာ စက်တင်ဘာလတွင် တစ်နှစ်ထက်တစ်နှစ် ၂၅.၇ ရာခိုင်နှုန်းတိုးလာခဲ့ပြီး ဖိနပ်များ၊ အရုပ်များနှင့် စမတ်ဖုန်းများအားလုံးသည် အလားတူကာလထက် ကျဆင်းသွားခဲ့သည်။
ပြည်တွင်းဝယ်လိုအားအနေဖြင့် တရုတ်နိုင်ငံ၏ ရေနံစိမ်းတင်သွင်းမှုသည် စက်တင်ဘာလတွင် အမေရိကန်ဒေါ်လာဈေးနှုန်းဖြင့် ၁၀.၇ ရာခိုင်နှုန်းကျဆင်းသွားခဲ့ပြီး သဘာဝဓာတ်ငွေ့နှင့် ကျောက်မီးသွေးတင်သွင်းမှုမှာ ယခင်နှစ်ကာလတူနှင့်နှိုင်းယှဉ်ပါက မြင့်တက်ခဲ့သည်။ တရုတ်နိုင်ငံ၏ ရှားပါးမြေကုန်သွယ်မှုသည် ယခင်နှစ်ထက် စက်တင်ဘာလတွင် တင်ပို့မှု ၄၀ရာခိုင်နှုန်းကျော်ကျဆင်းခဲ့ပြီး သွင်းကုန် ၉ရာခိုင်နှုန်းခန့်ကျဆင်းသွားသဖြင့် တရုတ်နိုင်ငံ၏ ရှားပါးမြေကုန်သွယ်မှုသည် ပိုမိုကျဆင်းသွားခဲ့သည်။ ပိုမိုမတည်ငြိမ်သော အစားအသောက်နှင့် စွမ်းအင်စျေးနှုန်းများကို ဖယ်ရှားပေးသည့် အဓိကစားသုံးသူစျေးနှုန်းညွှန်းကိန်းသည် လွန်ခဲ့သောနှစ်ထက် စက်တင်ဘာလတွင် ၀.၁ ရာခိုင်နှုန်းမြင့်တက်ခဲ့သည်။ Wind Information database အရ ယခုအခြေအနေသည် ၂၀၂၁ နောက်ပိုင်းနှစ်များတွင် ဖေဖော်ဝါရီလနောက်ပိုင်း အနှေးဆုံးဖြစ်သည်။ စက်တင်ဘာ ၁ရက်နေ့မှစတင်ခဲ့သော ဆောင်းဦးရာသီနှင့် ရွှေရောင် ရက်သတ္တပတ် အားလပ်ရက်များကြားမှ ခရီးသွားလုပ်ငန်းဆိုင်ရာ စျေးနှုန်းများသည် တစ်နှစ်ထက်တစ်နှစ် ၂.၁ ရာခိုင်နှုန်းကျဆင်းခဲ့သည်။ တရုတ်အမျိုးသားစာရင်းအင်းဗျူရိုသည် သောကြာနေ့တွင် လက်လီရောင်းချမှု၊ စက်မှုထုတ်လုပ်မှုနှင့် ပုံသေပိုင်ဆိုင်မှုရင်းနှီးမြှုပ်နှံမှုတို့နှင့်အတူ တတိယသုံးလပတ် GDP ဒေတာကို သောကြာနေ့တွင်ထုတ်ပြန်ရန် စီစဉ်ထားသည်။ ရင်းနှီးမြုပ်နှံသူများစွာ မျှော်လင့်ထားသည့် ဘဏ္ဍာရေးမူဝါဒ အသေးစိတ်အချက်အလက်များမှာ တိုတောင်းနေသော်လည်း တရုတ်အာဏာပိုင်များသည် ပြီးခဲ့သည့်လနှောင်းပိုင်းကတည်းက လှုံ့ဆော်မှုကြေညာချက်များကို အရှိန်မြှင့်လုပ်ဆောင်ခဲ့သည်။ ဘေဂျင်း၏ စီးပွားရေးပံ့ပိုးမှု၏ နောက်ဆုံးအကျိုးသက်ရောက်မှုကို အကြိတ်အနယ်ငြင်းခုံနေကြစဉ် တရုတ်ရှိ စတော့ရှယ်ယာများတွင် လှုပ်ခတ်မှုများရှိခဲ့ကြောင်းသိရသည်။
sources- hnixhua news
DOCA(မန္တလေး)

အိန္ဒိယနိုင်ငံမှ ပုံမှန်တင်သွင်းနေသော်လည်း Dinajpur ရှိ Hili ဆိပ်ကမ်းမှ ကြက်သွန်နီဈေးသည် သုံးရက်အတွင်း တစ်ကီလိုလျှင် TK ၁၀~၁၂ ခန့်အထိမြင့်တက်လာခဲ့သည်။ ယခုကဲ့သို့ တိုးလာရခြင်းမှာ ပြည်တွင်းရောင်းလိုအားကျဆင်းခြင်းနှင့် တင်သွင်းလာသော ကြက်သွန်နီဝယ်လိုအားမြင့်မားလာခြင်းတို့ကြောင့်ဖြစ်သည်။ လက်ကားရောင်းချသူများနှင့် စားသုံးသူများသည် တတ်နိုင်သော နှုန်းဖြင့် ကြက်သွန်နီဝယ်ယူနိုင်စွမ်းကိုထိခိုက်စေပြီး ရုတ်တရက်ဈေးတက်ခြင်းအတွက် စိတ်ပျက်မိကြောင်းပြောကြားကြသည်။ အိန္ဒိယရှိ Diwali ဈေးကွက်ပိတ်မှုကြောင့် ဈေးနှုန်းများသည် ယာယီအကျိုးသက်ရောက်မှုရှိကြောင်း တင်သွင်းသူများက ရှင်းပြခဲ့ကြပြီး တစ်ပတ်အတွင်း တည်ငြိမ်လာရန်လည်း မျှော်မှန်းထားကြသည်။ ၂၆-၁၀-၂၀၂၄ ရက်နေ့ (စနေနေ့) တွင် Indore, Nashik, South နှင့် Nagar အမျိုးအစား ကြက်သွန်နီ ၉၉၁တန် အိန္ဒိယထရပ်ကား ၃၄စီးဖြင့် ရောက်ရှိလာခဲ့သည်။ ယင်းတို့အနက် Nashik ကြက်သွန်နီသည် လွန်ခဲ့သောသုံးရက်က TK ၉၀~၉၅ ခန့်ရှိပြီး ဆိပ်ကမ်းတွင် တစ်ကီလိုလျှင် TK ၉၈~၁၀၀ ဖြင့်ရောင်းချခဲ့ပြီး Indore မျိုးများကို တစ်ကီလိုလျှင် TK ၈၅ဖြင့်ရောင်းချခဲ့သည်။ တစ်ချိန်တည်းတွင် ပြည်တွင်းထွက်ကြက်သွန်နီများအား တစ်ကီလိုလျှင် TK ၁၃၀ ဖြင့် ဈေးကွက်အတွင်း ရောင်းချလျက်ရှိသည်။ Hili အကောက်ခွန်အဆိုအရ စနေနေ့အထိ အလုပ်ချိန် ၁၆ရက်အတွင်း ကြက်သွန်နီတန်ချိန် ၁၀၀၀၀နီးပါးတင်သွင်းခဲ့ကြောင်းသိရသည်။
Source : dhakatribune
DOCA(ရန်ကုန်)

ဒီဂျစ်တယ်စီးပွားရေးများ လျင်မြန်စွာပြောင်းလဲနေသော်လည်း စီးပွားရေးခေါင်းဆောင်များနှင့် နည်းပညာကျွမ်းကျင်သူများသည် ကမ္ဘောဒီးယားနိုင်ငံရှိ The Indian Business Chamber in Cambodia (IBCC) မှစီစဉ်ကျင်းပသော “ Navigating The Digital Future ” ခေါင်းစဉ်ဖြင့် အိန္ဒိယစီးပွားရေး၊ ကုန်သွယ်ရေးနှင့် ယဉ်ကျေးမှုဆိုင်ရာဆက်ဆံရေးများတွင် ပူးပေါင်းဆောင်ရွက်မှုများလုပ်ဆောင်ကြရန် ဆွေးနွေးခဲ့ကြသည်။ အဆိုပါအခမ်းအနားကို ကမ္ဘောဒီးယားနိုင်ငံဆိုင်ရာ အိန္ဒိယသံအမတ်ကြီး Devyani Uttam ၊ IBCC ဥက္ကဋ္ဌ Babulal Parihar ၊ ခရီးသွားလာရေးဝန်ကြီးဌာန၊ အတွင်းရေးမှူး So Visothy ၊ National Bank of Cambodia ( NBC ) ၏ ဘဏ်လုပ်ငန်းဝန်ဆောင်မှုဌာနတာဝန်ရှိသူတို့ တက်ရောက်ခဲ့ကြပါသည်။ အခမ်းအနားတွင် Babulal Parihar သည် နိုင်ငံတော်၏အလားအလာနှင့် ဖွံ့ဖြိုးတိုးတက်မှုကိုရှာဖွေရန် ပြောကြားခဲ့သည်။ စိုက်ပျိုးမွေးမြူရေး၊ ပညာရေး၊ ဒစ်ဂျစ်တယ်စီးပွားရေး၊ ကျန်မာရေးစောင့်ရှောက်မှုနှင့် ခရီးသွားလုပ်ငန်းဖွံဖြိုးတိုးတက်ရေးအတွက် ကမ္ဘောဒီးယားနိုင်ငံနှင့် ပူးပေါင်းဆောင်ရွက်ရန် စိတ်လှုပ်ရှားကြောင်းထပ်မံပြောကြားခဲ့သည်။ အိန္ဒိယသံအမတ်ကြီးက ကမ္ဘောဒီးယားတော်ဝင်အစိုးရ ( RGC ) နှင့်ပူးပေါင်းဆောင်ရွက်မှုအပေါ် ကျေနပ်အားရကြောင်း၊ နှစ်နိုင်ငံပြည်သူများအကျိုးအတွက် ကုန်သွယ်မှုနှင့်ရင်းနှီးမြှုပ်နှံမှုများကိုမြှင့်တင်ရာတွင် ကောင်းမွန်သောဆက်ဆံရေးအပြင် နှစ်နိုင်ငံယဉ်ကျေးမှုများကို နားလည်မှုရရှိရေးမြှင့်တင်ရန် လိုအပ်ကြောင်းပြောကြားခဲ့သည်။ IBCC ၏ထုတ်ပြန်ချက်များအရ အဆိုပါပွဲသည် အိန္ဒိယနှင့် ကမ္ဘောဒီးယားနိုင်ငံတို့မှ စီးပွားရေးခေါင်းဆောင်များ၊ အစိုးရအရာရှိများနှင့် နည်းပညာ ကျွမ်းကျင်သူများကိုစုစည်းကာ လျင်မြန်စွာတိုးတက်ပြောင်းမှုများကို စူးစမ်းလေ့လာရန်နှင့် နှစ်နိုင်ငံအတွက် များပြားသောစီးပွားရေးအခွင့်အလမ်းများကို ရှာဖွေဖော်ထုတ်ရန်ကြိုးပမ်းမှုတစ်ခုဖြစ်ခဲ့သည်။
Source: Khmer Times
DOCA(ရန်ကုန်)

ထိုင်းနိုင်ငံသည် တရုတ်၊ အမေရိကန်နှင့် ဗီယက်နမ်နိုင်ငံတို့နောက် ကမ္ဘောဒီးယားနိုင်ငံ၏ စတုတ္ထအကြီးဆုံးကုန်သွယ်ဖက်နိုင်ငံအဖြစ်သတ်မှတ်ထားသည်။ ၂၀၂၄ခုနှစ်၊ ဇန်နဝါရီလမှ စက်တင်ဘာလအတွင်း နှစ်နိုင်ငံကြားအပြန်အလှန်ကုန်သွယ်မှုတန်ဖိုးသည် အမေရိကန်ဒေါ်လာ ၃.၁၆၉ ဘီလီယံရှိပြီး ၂၀၂၃ခုနှစ်နှင့်နှိုင်းယှဉ်ပါက ၁၂.၄ ရာခိုင်နှုန်းတိုးလာခဲ့သည်။ ကုန်သွယ်မှုဆိုင်ရာ အသေးစိတ်အချက်အလက်များအရ ကမ္ဘောဒီးယားသည် ထိုင်းနိုင်ငံသို့ ကုန်ပစ္စည်းတန်ဖိုး အမေရိကန်ဒေါ်လာ ၆၄၅.၅ သန်းတင်ပို့ခဲ့ပြီး ထိုင်းနိုင်ငံမှ ကုန်ပစ္စည်း အမေရိကန်ဒေါ်လာ ၂.၂၅၃ ဘီလီယံကျော်တင်သွင်းခဲ့ကြောင်းသိရသည်။ ၂၀၂၄ခုနှစ်၊ အောက်တိုဘာလအတွင်း ထိုင်းနိုင်ငံသို့ ကမ္ဘောဒီးယား၏ ပို့ကုန်သည် ၅၅.၉ ရာခိုင်နှုန်း (အမေရိကန်ဒေါ်လာ ၇၄သန်း) အထိမြင့်တက်ခဲ့ပြီး ထိုင်းနိုင်ငံမှ သွင်းကုန် ၃၄ရာခိုင်နှုန်း (အမေရိကန်ဒေါ်လာ ၃၀၇.၆၈ သန်း) အထိတိုးလာခဲ့ကြောင်းသိရသည်။ ကမ္ဘောဒီးယားနိုင်ငံ၏ အဓိကပို့ကုန်တင်ပို့မှုတွင် သရက်သီး၊ ပီလောပီနံ၊ ပြောင်း၊ ငရုတ်ကောင်းနှင့် ပဲကဲ့သို့သော စိုက်ပျိုးရေးထုတ်ကုန်များပါဝင်သည်။ အပြန်အလှန်အားဖြင့် ထိုင်းနိုင်ငံမှ ဆောက်လုပ်ရေးသုံးပစ္စည်းများ၊ လျှပ်စစ်ပစ္စည်းများ၊ စိုက်ပျိုးရေးသုံးစက်ပစ္စည်းများ၊ အစားအစာနှင့်အဖျော်ယမကာများတင်သွင်းကြသည်။ သို့သော်ထိုင်းနိုင်ငံအာဏာပိုင်များသည် ၎င်းတို့၏ ပြည်တွင်းဈေးကွက်ကိုထိန်းညှိရန်နှင့် ဈေးနှုန်းတည်ငြိမ်စေရန် တင်းကြပ်သောသွင်းကုန်စည်းမျဉ်းများကို မကြာခဏချမှတ်သောကြောင့် ရိတ်သိမ်းရာသီတွင် ကမ္ဘောဒီးယားနိုင်ငံ၏ စိုက်ပျိုးရေးထုတ်ကုန်တင်ပို့သူများကို စိန်ခေါ်မှုတစ်ခုအဖြစ်ရှိနေသည် ဟု Battambang ပြည်နယ်ကူးသန်းရောင်းဝယ်ရေး ဦးစီးဌာန၏ ညွှန်ကြားရေးမှူး Kim Huot ကပြောကြားခဲ့သည်။
Source: KHMERTIMES
DOCA(ရန်ကုန်)

ကမ္ဘောဒီးယားသည် ၂၀၂၄ခုနှစ်၊ စက်တင်ဘာလတွင် နိုင်ငံခြားတိုက်ရိုက်ရင်းနှီးမြှုပ်နှံမှု ( FDI ) ဒေါ်လာ ၄၃၃သန်းရရှိနိုင်အောင်ကြိုးစားလျက်ရှိပြီး ဒေသခံပြည်သူများအတွက် အလုပ်အကိုင်ပေါင်း ၂၅,၀၀၀ ခန့်ဖန်တီးပေးနိုင်ခဲ့ကြောင်းထုတ်ပြန်ခဲ့သည်။ ကမ္ဘောဒီးယားဖွံဖြိုးတိုးတက်ရေးကောင်စီ (CDC) ဒုတိယထွေထွေအတွင်းရေးမှူး Sar Senera ယခုလအတွင်း ရင်းနှီးမြှုပ်နှံမှုပရောဂျက် ၂၈ခုကို မှတ်ပုံတင်ထားကြောင်းမှတ်ချက်ပြုခဲ့သည်။ ၂၀၂၄ခုနှစ်၏ ပထမ (၉) လအတွင်း CDC သည် ရင်နှီးမြှုပ်နှံမှုစီမံကိန်းစုစုပေါင်း ၃၁၅ခု၊ တန်ဖိုး အမေရိကန်ဒေါ်လာ ၅.၃ သန်းခန့်ရှိခဲ့သည်။ Sar Senera က နိုင်ငံအတွင်းသို့ FDI စီးဆင်းမှုအောင်မြင်မှုရရှိစေရန် ကမ္ဘာ့နိုင်ငံရေးတင်းမာမှုကို ထည့်သွင်းစဉ်းစားရန်လိုကြောင်းနှင့် ကမ္ဘောဒီးယားရင်းနှီးမြှုပ်နှံမှုဆိုင်ရာ ဥပဒေများသည် နိုင်ငံတွင်းငြိမ်းချမ်းရေးနှင့် နိုင်ငံရေးတည်ငြိမ်မှုအတွက် အထောက်အကူဖြစ်ကြောင်းပြောကြားခဲ့သည်။ ကမ္ဘောဒီးယားတော်ဝင်အစိုးရ (RGC) သည် အစိုးရ-ပုဂ္ဂလိကနှင့် အခြားနယ်ပယ်များမှတစ်ဆင့် ရင်းနှီးမြှုပ်နှံမှုများကို အလေးထားဆောင်ရွက်သွားမည်ဖြစ်ကြောင်း ထပ်မံပြောကြားသွားခဲ့သည်။ ငြိမ်းချမ်းရေး၊ နိုင်ငံရေးတည်ငြိမ်မှုနှင့် နိုင်ငံစုံလွတ်လပ်သော ကုန်သွယ်မှုသဘောတူညီချက်များသည် ကမ္ဘောဒီးယားသို့ ပြည်ပတိုက်ရိုက်ရင်းနှီးမြှုပ်နှံမှုများအားကောင်းလာစေရန် အရေးပါသောအခန်းမှပါဝင်သည်။ ရင်းနှီးမြှုပ်နှံမှုပရောဂျက်အများစုသည် စက်မှုလုပ်ငန်း၊ အခြေခံ အဆောက်အဦ၊ စွမ်းအင်၊ စိုက်ပျိုးရေးနှင့် ခရီးသွားလုပ်ငန်းတို့ကို အဓိကထားလုပ်ဆောင်ကြမည်ဟု ထပ်မံပြောကြားသွားခဲ့သည်။
Source: KHMERTIMES
DOCA(ရန်ကုန်)