ပြည်ပကုန်သွယ်မှုသတင်းများ

     Cebu Landmasters Inc. (CLI) ကုမ္ပဏီသည် Cebu IT ပန်းခြံတွင် ပီဆို ၉.၂ ဘီလီယံခန့် တန်ကြေးရှိသော အဆင့်မြင့်အိမ်ရာ စီမံကိန်းတည်ဆောက်ရန် ဂျပန်နိုင်ငံမှ NTT Urban Development (NTTUD) ကုမ္ပဏီနှင့် ပူးပေါင်းလိုက်ကြောင်း သိရပါသည်။ Wave Tower သည် CLI ၏ ပထမဆုံး နိုင်ငံတကာ ဖက်စပ်စီမံကိန်းဖြစ်ကြောင်း သိရပါသည်။ ၎င်းစီမံကိန်းကို ဖက်စပ်စီမံကိန်းကုမ္ပဏီဖြစ်သော CLI NUD စီမံကိန်းတွင် လုပ်ဆောင်သွားမည် ဖြစ်ကြောင်း သိရပါသည်။ NTTUD သည် ဂျပန်နိုင်ငံ NTTအဖွဲ့အစည်း၏ အိမ်ခြံမြေလုပ်ငန်းမောင်းတံဖြစ်ပြီး Tokyo၊ Melbourne၊ Boston၊ London နှင့် New York မြို့များတွင်လည်း လုပ်ငန်းများ ချဲ့ထွင်လျက် ရှိကြောင်း သိရပါသည်။ CLI က အဆိုပါ ပူးပေါင်းဆောင်ရွက်မှုသည် ကုမ္ပဏီ၏ သက်သေပြထားသော စံချိန်မှတ်တမ်းများတွင် ယုံကြည်မှုအားကောင်းလာစေနိုင်ပြီး  နိုင်ငံတကာ ၏ယုံကြည်မှု နှင့် ရေရှည်ရင်းနှီးမြှုပ်နှံမှုတန်ဖိုးများ ယူဆောင်လာနိုင်ကြောင်း ပြောကြားခဲ့ပါသည်။ အဆိုပါ Wave Tower စီမံကိန်းတွင် အထပ် ၄၀ ရှိသော Nagomi Tower မှစကာ  လူနေအဆောက် အဦး ၂ ခုပါဝင်မည်ဖြစ်ပြီး ပထမ tower တွင် ဂျပန်နိုင်ငံ၏ အနုပညာလက်ရာများနှင့် အတွင်းပိုင်း အလှဆင်ထားသော အိမ်ခန်းပေါင်း ၇၀၉ ခန်းခန့် ပါဝင်မည်ဖြစ်ကြောင်းနှင့် ၎င်း Tower တွင် အပန်းဖြေစခန်းနှင့် အားကစားခန်းမများ ပါဝင်ကြောင်း သိရပါသည်။

Philstar                                                                                             

DOCA(ရန်ကုန်)

        ဇူလိုင်လ ၁၆ ရက်နေ့တွင် ထုတ်ပြန်သော ဗဟိုဘဏ်အချက်အလက်များအရ ပြည်တွင်း ငွေတန်ဖိုးကျဆင်းနေမှုကြောင့် တောင်ကိုရီးယားနိုင်ငံ၏ တင်သွင်းကုန်တန်ဖိုးများ ၅ လဆက် ကျဆင်းနေကြောင်း သိရပါသည်။ တင်သွင်းကုန်တန်ဖိုးများသည် ဖေဖော်ဝါရီလမှစ၍ ဇွန်လအစောပိုင်းအထိ ၀.၆ ရာခိုင်နှုန်းခန့် ကျဆင်းနေကြောင်း ကိုရီးယားဘဏ် (BOK)၏ ဖော်ပြ ချက်အရ သိရပါသည်။ ၎င်းတစ်ဆက်တည်းကျဆင်းလာမှုသည် ‌ရေနံစိမ်းတန်ဖိုးမြင့်တက်မှုနှင့် နှိုင်းယှဥ်လျှင် ပြည်တွင်းသုံး‌ငွေ တက်လာမှုကြောင့် ဖြစ်ကြောင်း သိရပါသည်။ ရေနံစျေးတန်ဖိုးမြင့် တက်မှုကြောင့် ကုန်ကြမ်းတင်သွင်းကုန်တန်ဖိုးများ လစဥ် ၁.၅ ရာခိုင်နှုန်း မြင့်တက်လာကြောင်း သိရပါသည်။ ကြားခံကုန်ပစ္စည်းများ တင်သွင်းကုန်တန်ဖိုးသည် ဓာတုပစ္စည်းများ၊ သတ္တုထုတ်ကုန် များ၊ အီလက်ထရောနစ်ပစ္စည်းများ၊ စက်ပစ္စည်းများ နှင့် လျှပ်စစ်ကိရိယာများအတွက် စျေးနှုန်း ကျဆင်းမှုကြောင့် ၁.၆ ရာခိုင်နှုန်းကျဆင်းခဲ့ကြောင်း သိရပါသည်။ တောင်ကိုရီယားနိုင်ငံ၏ တင်ပို့ ကုန်ပစ္စည်းများတန်ဖိုးသည်လည်း ဇွန်လအစောပိုင်းမှစ၍ သုံးလဆက် ၁.၁ ရာခိုင်နှုန်း ဆက်လက် ကျဆင်းနေကြောင်း သိရပါသည်။

Xinhua                                                                                             

DOCA(ရန်ကုန်)

    ဘင်္ဂလားဒေ့ရှ်နိုင်ငံ၏ ကုန်သွယ်မှုလိုငွေများသည် ၂၀၂၄-၂၀၂၅ ဘဏ္ဍာနှစ် ပထမ ၁၁ လကာလအတွင်းတွင် ဒေါ်လာ ၈၈၄ သန်းခန့်ကျဆင်းရာမှ ဒေါ်လာ ၂၀ ဘီလီယံ နီးပါး အထိကျဆင်းခဲ့ကြောင်း ဘင်္ဂလားဒေ့ရှ်ဘဏ်(BB)၏ ထုတ်ပြန်သော အချက်အလက်များအရ သိရပါသည်။ ဇူလိုင်လ ၁၄ ရက်နေ့တွင် ထုတ်ပြန်သော ဘင်္ဂလားဒေ့ရှ်ဗဟိုဘဏ်၏ ထုတ်ပြန်ချက် များအရ ဘင်္ဂလားဒေ့ရှ်နိုင်ငံ၏ တင်သွင်းကုန်ငွေပေးချေမှုသည် ဇူလိုင်လနှင့် မေလအတွင်း ဒေါ်လာ ၆၀.၂၅ ဘီလီယံခန့် ယခင်နှစ်ထက် ၄.၇ ရာခိုင်နှုန်းမြင့်တက်ခဲ့ပြီး ၎င်း၏တင်ပို့ကုန်ဝင်ငွေ သည် ဒေါ်လာ ၄၀.၈၇ဘီလီယံခန့် ယခင်နှစ်ထက် ၉.၄ ရာခိုင်နှုန်းမြင့်တက်ခဲ့ကြောင်း သိရပါသည်။ အချက်အလက်များအရ ၂၀၂၃-၂၀၂၄ ဘဏ္ဍာနှစ်အတွင်း ၎င်းနိုင်ငံ၏ ကုန်သွယ်မှုလိုငွေသည်၂၀.၂၂ ဘီလီယံခန့်ပြီး ယခုနှစ်အတွင်း တင်ပို့ကုန်ဝင်ငွေ နှင့် တင်သွင်းကုန်ငွေပေးချေမှုကြား ကွာဟမှု သည် ယခင်ဘဏ္ဍာနှစ် နှင့်တူညီနေကြောင်း သိရပါသည်။

Xinhua                                                                                             

DOCA(ရန်ကုန်)

     စက်မှု၊ သိပ္ပံ၊ နည်းပညာနှင့် ဆန်းသစ်တီထွင်မှု ဝန်ကြီး Hem Vanndy သည် Huawei မှ ကိုယ်စားလှယ်အဖွဲ့နှင့် ဉာဏ်ရည်တု (AI) သုတေသနနှင့် ဖွံ့ဖြိုးတိုးတက်ရေးတွင် နက်ရှိုင်းစွာ ပူးပေါင်းဆောင်ရွက်ရေး၊ ကမ္ဘောဒီးယားနိုင်ငံ၏ အနာဂတ် နည်းပညာဆိုင်ရာ လုပ်သားအင်အား ပြုစုပျိုးထောင်ရေးတို့ကို ဆွေးနွေးမှုများပြုလုပ်ခဲ့ကြ ဝန်ကြီး ဌာန၏ ထုတ်ပြန်ချက်အရ သိရသည်။ အစည်းအဝေးအတွင်း Huawei ကိုယ်စားလှယ်အဖွဲ့သည် တရုတ်နိုင်ငံရှိ စက်မှု လုပ်ငန်းများကို ပြောင်းလဲနေပြီဖြစ်သော AI အပလီကေးရှင်းများစွာကို ပြသခဲ့ကြသည်။  AI ကို အသုံးပြုပုံနှင့် တစ်ချိန်ကမဖွံ့ဖြိုးသေးသော Quizhou ပြည်နယ်၏အောင်မြင်မှုကို ရှင်းလင်းပြ ခဲ့ပြီး ယခုအခါ ဒေတာစင်တာများနှင့် ဒစ်ဂျစ်တယ်အခြေခံအဆောက်အအုံများတွင် မဟာဗျူဟာ မြောက် ရင်းနှီးမြှုပ်နှံမှုများမှတစ်ဆင့် ပြန်လည်အသက်ဝင်လာကြောင်းကိုလည်း ကိုယ်စားလှယ် အဖွဲ့မှ မျှဝေခဲ့သည်။ Huawei သည် ကမ္ဘောဒီးယား၏ ဒစ်ဂျစ်တယ်နှင့် ဆန်းသစ်တီထွင်မှုဖြင့် စီးပွားရေးအသွင်ကူးပြောင်းရေးကို ပံ့ပိုးပေးရန် အခိုင်အမာကတိကဝတ်ပြုထားပြီး MISTI နှင့် နားလည်မှုစာချွန်လွှာ (MoU) ကို အဆိုပြုခဲ့ကြသည်။ ကမ္ဘောဒီးယား တော်ဝင်အစိုးရသည် အမျိုးသားသုတေသနနှင့် ဖွံ့ဖြိုးရေးကော်မတီကို ဖွဲ့စည်းပြီးလူမှုစီးပွားဖွံ့ဖြိုး တိုးတက်ရေး အတွက် ကဏ္ဍစုံဆန်းသစ်တီထွင်မှုမြှင့်တင်ရန် အမျိုးသားသုတေသန ဖောင်ဒေးရှင်းကို ဖန်တီး ဆောင်ရွက်လျက်ရှိကြောင်း ဝန်ကြီး Vanndy မှ ပြောကြားခဲ့သည်။

Source : Khmer Times

DOCA(ရန်ကုန်)

 ကမ္ဘောဒီးယားနိုင်ငံသည် ၂၀၂၅ ခုနှစ်၊ ပထမနှစ်ဝက်တွင် အထည်ချုပ်၊ ဖိနပ်နှင့် ခရီးသွား ကုန်ပစ္စည်းများ(GFT) တင်ပို့မှုမှ ကန်ဒေါ်လာ ၇.၃၈ ဘီလီယံဖိုး တင်ပို့ခဲ့ပြီး ယခင်နှစ် အလားတူကာလတွင် ရရှိခဲ့သာအမေရိကန်ဒေါ်လာ ၆.၀၂ ဘီလီယံထက် ၂၂ ရာခိုင်နှုန်း တိုးလာသည်ဟု ကမ္ဘောဒီးယား အကောက်ခွန်နှင့်ကုန်စည်စီးဆင်းမှုဦးစီးဌာန၏ အစီရင်ခံစာတွင် ဖော်ပြထား သည်။ အထည်ချုပ်ထုတ်ကုန်များတင်ပို့မှုသည် ဇန်နဝါရီမှ ဇွန်လအတွင်း ကန်ဒေါ်လာ ၅,၂၈၃ သန်းရှိပြီး တစ်နှစ်ထက်တစ်နှစ် ၂၂ ရာခိုင်နှုန်း တိုးလာသည်ဟု အစီရင်ခံစာတွင် ဖော်ပြထား သည်။ ဖိနပ်များတင်ပို့မှုသည် ယခင်နှစ်ကထက် ၃၃ ရာခိုင်နှုန်း မြင့်တက်ခဲ့ပြီး  ကန်ဒေါ်လာ ၁,၀၃၀ သန်းရရှိခဲ့သည်။ ခရီးသွားကုန်ပစ္စည်းများ တင်ပို့မှုမှ ကန်ဒေါ်လာ ၁,၀၆၈ သန်းရရှိခဲ့ပြီး နိုင်ငံတော်၏ GFT ထုတ်ကုန်များအတွက် အဓိက စျေးကွက်  များမှာ အမေရိကန်၊ အီးယူ၊ ကနေဒါနှင့် ဂျပန်တို့ဖြစ်ကြောင်း စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနမှ ထုတ်ပြန်ထားခဲ့သည်။ လက်ရှိတွင် ကမ္ဘောဒီးယားနိုင်ငံသည် GTF ကုန်ပစ္စည်းများ၊ ဆိုလာပြားများ၊ ပရိဘောဂများနှင့် စက်ဘီးများကို အနှစ်သက်ဆုံးနိုင်ငံများ၏ ကုန်သွယ်မှုဦးစားပေးအစီအစဉ်များအရ အမေရိကန်နိုင်ငံသို့အဓိကထားတင်ပို့လျက်ရှိသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ နိုင်ငံခြားရေး၀န်ကြီးနှင့် ပြောရေးဆိုခွင့်ရှိသူ Penn Sovicheat က ယင်းတိုးတက်မှုသည် ကမ္ဘာ့အ၀တ်အထည်နှင့် အထည်အလိပ်များ ၀ယ်လိုအား မြင့်တက်လာခြင်းကြောင့်ဟု ယူဆကြောင်း သို့သော်လည်း အမေရိကန်သမ္မတ ဒေါ်နယ်ထရန့်၏ မကြာသေးမီက အကောက်ခွန်ကြေငြာပြီးနောက်တွင် အဆိုပါကဏ္ဍသည် မသေချာမရေရာမှုများနှင့် ရင်ဆိုင်နေရကြောင်းပြောကြားခဲ့သည်။ ကမ္ဘောဒီးယား ကုန်သည်ကြီးများအသင်း ဒုတိယဥက္ကဋ္ဌ Lim Heng က ပို့ကုန်လုပ်ငန်းရှင်များကို အလွန်အကျွံစိတ်မပူရန် တိုက်တွန်းခဲ့ပြီး “အမေရိကန်က ကမ္ဘောဒီးယား ကုန်ပစ္စည်းတွေအပေါ် အခွန် ၃၆ ရာခိုင်နှုန်း စည်းကြပ်ထားပေမယ့် ကမ္ဘောဒီးယားရဲ့ ဒေသတွင်း ပြိုင်ဘက်တချို့လည်း အလားတူ အခွန်စည်းကြပ်မှုတွေ ရင်ဆိုင်နေရပါတယ်”ဟု ဆက်လက်ပြောကြားခဲ့သည်။ GFT လုပ်ငန်းသည် နိုင်ငံတော်အတွက် နိုင်ငံခြားဝင်ငွေအများဆုံးရရှိနေပြီး အဆိုပါကဏ္ဍတွင် စက်ရုံပေါင်း ၁,၆၀၈ ခန့်ရှိပြီး အလုပ်သမား ၉၁၃,၀၀၀ ခန့်ရှိသည်။ ၂၀၂၄ ခုနှစ်တွင် ကမ္ဘောဒီးယားနိုင်ငံသည် GFT ထုတ်ကုန်များ တင်ပို့မှုမှ အမေရိကန်ဒေါ်လာ ၁၃.၉၂ ဘီလီယံ ရရှိ ခဲ့ပြီး ၂၀၂၃ ခုနှစ်ထက် ၂၃ ရာခိုင်နှုန်း မြင့်တက်လာခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ အစီရင်ခံစာအရ သိရသည်။

DOCA(ရန်ကုန်)