ပြည်ပကုန်သွယ်မှုသတင်းများ

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန (MOC) နှင့် တရုတ်ပြည်သူ့သမ္မတနိုင်ငံ အထူးအုပ်ချုပ်ခွင့်ရဒေသ (SAR) ၏ မကာအိုယူနီယံပေးသွင်းသူများအသင်း (MUSA) တို့ သည် မကာအိုတွင်ရှိသော မိတ်ဖက်ဈေးကွက်များနှင့် ပေးသွင်းသူ ၁,၀၀၀ ကျော်နှင့်ချိတ်ဆက်ရန် နားလည်မှုစာချွန်လွှာလက်မှတ်ရေးထိုးခဲ့သည်။ ဤပူးပေါင်းဆောင်ရွက်မှုသည် ကုန်သွယ်မှုအခွင့်အလမ်းများတိုးမြှင့်ရန်နှင့် ဒေသတွင်း၌ ပိုမိုခိုင်မာသောစီးပွားရေးဆက်ဆံမှုများကို မြှင့်တင်ရန်မျှော်လင့်ကြသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအတွင်းရေးမှူး Lim Lork Piseth နှင့် မကာအိုယူနီယံပေးသွင်းသူများအသင်း (MUSA) ဥက္ကဋ္ဌ Kit Heng Lei တို့ အောက်တိုဘာလ ၃၀ရက်နေ့က နားလည်မှုစာချွန်လွှာလက်မှတ်ရေးထိုးခဲ့ကြောင်း ဝန်ကြီးဌာန၏ သတင်းထုတ်ပြန်ချက်အရသိရသည်။ ထိုလက်မှတ်ရေးထိုးပွဲအခမ်းအနားကို မကာအိုဥပဒေပြုကောင်စီဥက္ကဋ္ဌ Kao Kaixian နှင့် မကာအို (SAR) ဗဟိုပြည်သူ့အစိုးရဆက်ဆံရေးရုံး၊ စီးပွားရေးဌာနကိုယ်စားလှယ် Dong Wei တို့က ဦးဆောင်ကျင်းပခဲ့သည်။ နှစ်နိုင်ငံကုန်သွယ်မှုနှင့်ရင်းနှီးမြှုပ်နှံမှုမြှင့်တင်ရေးတို့တွင် စီးပွားရေးအခွင့်အလမ်းများအကြောင်းကိုဆွေးနွေးခဲ့ကြပြီး တရုတ်-ကမ္ဘောဒီးယားတို့အကြား လွတ်လပ်သော ကုန်သွယ်မှုသဘောတူညီချက်များအကောင်အထည်ဖော်ရေးတို့ကို ဆက်လက်ဆွေးနွေးခဲ့ကြသည်။

Source: Khmer Times

DOCA(ရန်ကုန်)

       ၂၀၂၄ခုနှစ် တရုတ်-ကမ္ဘောဒီးယားဒစ်ဂျစ်တယ်စီးပွားရေးပူးပေါင်းဆောင်ရွက်မှုဖိုရမ်နှင့် တရုတ်-ကမ္ဘောဒီးယား ဒစ်ဂျစ်တယ်စီးပွားရေးပညာရှင်အသင်းစတင်ဖွင့်လှစ်ခြင်းတို့သည် နှစ်နိုင်ငံအကြား ဒစ်ဂျစ်တယ်ပူးပေါင်းဆောင်ရွက်မှုအတွက် အရေးပါသောမှတ်တိုင်တစ်ခုဖြစ်သည်။ Sofitel Phnom Penh Phokeethra ၌ ကျင်းပအပြုလုပ်ခဲ့သော ဒစ်ဂျစ်တယ်ဆန်းသစ်တီထွင်မှု၊ ကုန်သွယ်မှုနှင့် စီးပွားရေးဖွံ့ဖြိုးတိုးတက်မှုတို့တွင် ပူးပေါင်းဆောင်ရွက်မှု၏အရေးပါမှုကို စီးပွားရေးနှင့်ဘဏ္ဍာရေးဝန်ကြီးဌာန၊ ဒုတိယဝန်ကြီးချုပ် Aun Pornmoniroth က အလေးပေးပြောကြားခဲ့သည်။ ထိုပူးပေါင်းဆောင်ရွက်မှုသည် စီးပွားရေးရေရှည်တည်တံ့စေရေးအတွက် ဒီဂျစ်တယ်နည်းပညာကိုအသုံးချရန် ကမ္ဘောဒီးယားနိုင်ငံ၏မျှော်မှန်းချက်နှင့်ကိုက်ညီကြောင်း ထပ်မံပြောကြားခဲ့သည်။ အဆိုပါ ခမ်းအနားသို့ စက်မှုဝန်ကြီးဌာန၊ သိပ္ပံနှင့်နည်းပညာဝန်ကြီးအပါအဝင် ထိပ်တန်းပုဂ္ဂိုလ်အများအပြားတက်ရောက်ခဲ့ကြသည်။ အဖွင့်မိန့်ခွန်းတွင် Aun Pornmoniroth သည် နှစ်နိုင်ငံဒီဂျစ်တယ်ပူးပေါင်းဆောင်ရွက်မှုကိုမြှင့်တင်ရာတွင် ဖိုရမ်၏အရေးပါမှုကို အလေးပေးပြောကြားခဲ့ပြီး ၎င်းသည် ကမ္ဘောဒီးယားနှင့် တရုတ်နိုင်ငံတို့အကြား ပူးပေါင်းဆောင်ရွက်မှုကို ပိုမိုအားကောင်းစေရန်နှင့် နည်းပညာနယ်ပယ်တွင်းသာမက နှစ်နိုင်ငံဒစ်ဂျစ်တယ်စီးပွားရေး အလုံးစုံဖွံဖြိုးတိုးတက်မှုကိုမြှင့်တင်ရန် အထောက်အကူဖြစ်စေသည်ဟုပြောကြားခဲ့သည်။ ဒစ်ဂျစ်တယ်နည်းပညာလျင်မြန်စွားတိုးတက်မှုသည် ကုန်ထုတ်စွမ်းအားနှင့် ကမ္ဘာ့ကုန်သွယ်မှုကိုတွန်းအားပေးသည့် ဆန်းသစ်တီထွင်မှုများဖြင့် စီးပွားရေးလမ်းကြောင်းသစ်များကိုဖန်တီးပေးခဲ့သည်။ ၂၀၂၄ခုနှစ် ပထမသုံးလပတ်အတွင်း နှစ်နိုင်ငံအကြား ကုန်သွယ်မှုပမာဏသည် ခန့်မှန်းခြေအားဖြင့် အမေရိကန်ဒေါ်လာ ၉.၈ ဘီလီယံအထိရောက်ရှိခဲ့ပြီး ၂၀၂၃ခုနှစ်နှင့်နှိုင်းယှဉ်ပါက ၁၃.၂ ရာခိုင်နှုန်းတိုးမြင့်လာခဲ့သည်။ တရုတ်နိုင်ငံသို့ ကမ္ဘောဒီးယားတင်ပို့မှုသည် ၂၁ရာခိုင်နှုန်းမြင့်တက်ခဲ့ပြီး အမေရိကန်ဒေါ်လာ ၁.၂၇ ဘီလီယံခန့်မြင့်တက်ခဲ့ပြီး တရုတ်နိုင်ငံမှ သွင်းကုန် ၁၂ရာခိုင်နှုန်းတိုးလာခဲ့ပြီး အမေရိကန်ဒေါ်လာ ၈.၅၂ ရာခိုင်နှုန်းအထိမြင့်တက်လာခဲ့သည်။

Source: Khmer Times

DOCA(ရန်ကုန်)

        ဗီယက်နမ်၏ လတ်ဆတ်သော အုန်းသီးများမှာ အမေရိကန်၊ တရုတ်နှင့် UK ကဲ့သို့သော ပြည်ပဈေးကွက်များတွင် စားသုံးမှုမြင့်တက်လျက်ရှိပြီး ဗီယက်နမ်သစ်သီးတင်ပို့မှုကဏ္ဍသည် အနာဂတ်တွင် ထိုးဖောက်နိုင်ရန်အတွက် များစွာသောအခွင့်အလမ်းများနှင့်အတူ တောက်ပသည့်အနာဂတ်ရှိနေခြင်းကို မီးမောင်းထိုးပြနေကြောင်းသိရပါသည်။ ဗီယက်နမ်သည် ကမ္ဘာ့ အုန်းသီးဈေးကွက်တွင် စိုက်ခင်းဧရိယာနှင့် ထွက်ရှိမှုတို့တွင် နံပါတ်၆နေရာ၌ ရပ်တည်နေကြောင်းသိရပါသည်။ စိုက်ခင်း ၂၀၀၀၀၀ဟတ်တာရှိခြင်းနှင့်အတူ ဗီယက်နမ်သည် အုန်းသီး နှစ်စဉ်တန်ချိန် ၂သန်းခန့်ထုတ်လုပ်နိုင်ကြောင်းသိရပါသည်။ ထိုထုတ်လုပ်မှုစွမ်းရည်နှင့်အတူ ဗီယက်နမ်သည် ပြည်ပဈေးကွက် ၁၅ခုသို့ တန်၃၀၀၀၀တင်ပို့လျက်ရှိကြောင်းသိရပါသည်။ ဗီယက်နမ်အုန်းသီးများကို အနောက်ခြမ်းဈေးကွက်သို့ ၂၀၁၇ခုနှစ်မှစ၍ တင်ပို့ခဲ့ခြင်းဖြစ်ပြီး Vina T&T ကုမ္ပဏီက ယခင် ထိုင်းအုန်းသီးများကလွှမ်းမိုးထားသည့် အမေရိကန်ဈေးကွက်သို့ ဦးဆောင်ရှေ့ပြေးအနေဖြင့် ဝင်ရောက်ခဲ့ခြင်းဖြစ်ကြောင်းသိရပါသည်။ တရုတ်နိုင်ငံသို့ တင်ပို့ခွင့်ရရန်အတွက် ၂၀၁၆ မှစ၍ ညှိနှိုင်းဆွေးနွေးခဲ့ပြီး လတ်တလောတွင် တရုတ်နိုင်ငံက ပို့ကုန်သဘောတူခွင့်ပြုလိုက်ကြောင်းသိရပါသည်။ Vina T&T ၏ အထွေထွေညွှန်ကြားရေးမှူးဖြစ်သူ Nguyen Dinh Tung က ဗီယက်နမ်အုန်းသီးများသည် ချိုမြိန်မှုကြောင့် လူသိများပြီး အမေရိကန်၊ ဥရောပ၊ ကနေဒါနှင့် တောင်ကိုရီးယားနိုင်ငံတို့ထံမှ စားသုံးသူများ၏ သဘောကျမှုခံရကြောင်းပြောကြားခဲ့ပါသည်။ တရုတ်ဈေးကွက်အနေဖြင့် Vina T&T သည် ထိုဈေးကွက်သို့ ပထမအသုတ်တင်ပို့ရန်အတွက် တရုတ်ကုမ္ပဏီ ၂ခုဖြင့် စာချုပ်လက်မှတ်ရေးထိုးပြီးဖြစ်ကြောင်းသိရပါသည်။ လူဦးရေ ၁.၄ ဘီလီယံ ကျော်နှင့်အတူ ပြည်တွင်းထုတ်လုပ်နိုင်အားသည် စားသုံးလိုအား ၏ ၁၀% သာဖြည့်စွမ်းနိုင်သည့်အတွက် တရုတ်နိုင်ငံသည် ကြီးမားသောအလားအလာရှိသည့် ဈေးကွက်ကို ပိုင်ဆိုင်ထားကြောင်းသိရပါသည်။ ဗီယက်နမ်နိုင်ငံစိုက်ပျိုးရေးနှင့် ကျေးလက်ဒေသဖွံ့ဖြိုးရေးဝန်ကြီးဌာန (MARD) ၏ ဒုတိယဝန်ကြီးဖြစ်သူ Hoang Trung က တရုတ်နိုင်ငံ၏ အုန်းသီးစားသုံးမှုသည် နှစ်စဉ် ၄ဘီလီယံကျော်ရှိပြီး ၂.၆ ဘီလီယံခန့်သည် လတ်ဆက်သော အုန်းသီးများဖြစ်ကြောင်းသိရပါသည်။ တရုတ်နိုင်ငံ၏ ဝယ်လိုအားမြင့်ပြီး ထုတ်လုပ်နိုင်စွမ်းအကန့်အသတ်ရှိနေခြင်းသည် ဗီယက်နမ်အတွက် အခွင့်အလမ်းဖြစ်ကြောင်းသိရပါသည်။ MARD ၏ အချက်အလက်များအရ လတ်ဆတ်သောအုန်းသီးတင်ပို့မှုသည် ဒူးရင်း၊ နဂါးမောက်သီး၊ ငှက်ပျောသီး၊ သရက်သီးနှင့် ပိန္နဲသီးတို့နောက်တွင် ဗီယက်နမ် ၆ခုမြောက်ပို့ကုန်ဝင်ငွေအများဆုံး သစ်သီးအမျိုးအစားဖြစ်ကြောင်းသိရပါသည်။ ၂၀၂၄ခုနှစ်၏ ပထမ ၁၀လတာကာလတွင် အုန်းသီးတင်ပို့မှုမှ အမေရိကန်ဒေါ်လာ သန်း၁၂၀ရရှိကြောင်း ခန့်မှန်းရသည်ဟုသိရပါသည်။

Source : VietnamPlus

DOCA(ရန်ကုန်)

        ဆန်သည် ကမ္ဘာပေါ်တွင် အရေးကြီးဆုံးသော အစားအစာများထဲတွင် တစ်ခုအပါအဝင်ဖြစ်ပြီး မတူညီကွဲပြားသော ယဉ်ကျေးမှုများနှင့် အစားအစာများမှတစ်ဆင့် လူသန်းပေါင်းများစွာ အား အဟာရဖြည့်တင်းပေးလျက်ရှိသည်။ ဆန်သည် လွန်ခဲ့သောနှစ်ပေါင်း ၁၀၀၀၀ ကျော်ခန့်က အာရှတိုက်တွင် စတင်ပေါက်ဖွားလာခဲ့ခြင်းဖြစ်ပြီး ၎င်းသည် အိန္ဒိယဘာစမာတီအမျိုးအစားမှ ဂျပန်တွင် လူကြိုက်များသော စေးကပ်သောမျိုးကွဲများအထိ ကမ္ဘာတစ်ဝန်းရှိ အစားအစာများ၏ အခြေခံအစိတ်အပိုင်းတစ်ခုဖြစ်လာခဲ့သည်။ Carbohydrate များကြွယ်ဝစွာပါဝင်သော ဆန်သည် အရေးကြီးစွမ်းအင်အရင်းအမြစ်ကိုပံ့ပိုးပေးကာ ပါဝင်ပစ္စည်းအမျိုးမျိုးဖြင့် မကြာခဏတွဲစပ်ပြီး အသုံးပြုခြင်းဖြင့် ၎င်း၏ဘက်စုံအသုံးပြုနိုင်မှုကိုမြင့်တက်စေသည်။ ၎င်း၏ အချက်အပြုတ်ဆိုင်ရာအရေးပါမှုအပြင် စပါးစိုက်ပျိုးခြင်းသည် နိုင်ငံများစွာ၏ စီးပွားရေးတွင် အရေးပါသောအခန်းကဏ္ဍမှပါဝင်နေပြီး ၎င်းသည် အစားအစာအရင်းအမြစ်သာမက ယဉ်ကျေးမှုနှင့် စီးပွားရေးဆိုင်ရာ အခြေခံအုတ်မြစ်တစ်ခုလည်းဖြစ်သည်။ ၂၀၂၄ခုနှစ်၏ ဆန်အများဆုံးထွက်ရှိသော နိုင်ငံ(၁၀)နိုင်ငံအနေဖြင့် တရုတ်နိုင်ငံသည် ကမ္ဘာ့ဆန်ထုတ်လုပ်မှု၏ ၂၈% (မတ်ထရစ်တန်ချိန် ၁၄၄.၆၂ သန်း)ဖြင့် နံပါတ်(၁)နေရာတွင် ရပ်တည်နေပြီး၊ နံပါတ်(၂) အနေဖြင့် အိန္ဒိယနိုင်ငံမှ ကမ္ဘာ့ဆန်ထုတ်လုပ်မှု၏ ၂၆% (မတ်ထရစ်တန်ချိန် ၁၃၇.၈၃ သန်း)၊ နံပါတ်(၃) အနေဖြင့် ဘင်္ဂလားဒေ့ရှ်မှ ကမ္ဘာ့ဆန်ထုတ်လုပ်မှု၏ ၇% (မတ်ထရစ်တန်ချိန် ၃၇သန်း)၊ နံပါတ်(၄)အနေဖြင့် အင်ဒိုနီးရှားမှ ကမ္ဘာ့ဆန်ထုတ်လုပ်မှု၏ ၆% (မတ်ထရစ်တန်ချိန် ၃၃.၀၂ သန်း)၊ နံပါတ်(၅)အနေဖြင့် ဗီယက်နမ်မှ ကမ္ဘာ့ဆန်ထုတ်လုပ်မှု၏ ၅% (မတ်ထရစ် တန်ချိန် ၂၆.၆၃ သန်း)၊ နံပါတ်(၆)အနေဖြင့် ထိုင်းနိုင်ငံမှ ကမ္ဘာ့ဆန်ထုတ်လုပ်မှု၏ ၄% (မတ်ထရစ်တန်ချိန် ၂၀ သန်း)၊ နံပါတ်(၇)အနေဖြင့် ဖိလစ်ပိုင်မှ ကမ္ဘာ့ဆန်ထုတ်လုပ်မှု၏ ၂% (မတ်ထရစ်တန်ချိန် ၁၂.၃၃ သန်း)၊ နံပါတ်(၈)အနေဖြင့် မြန်မာနိုင်ငံမှ ကမ္ဘာ့ဆန်ထုတ်လုပ်မှု၏ ၂% (မတ်ထရစ်တန်ချိန် ၁၁.၉ သန်း)၊ နံပါတ်(၉)အနေဖြင့် ပါကစ္စတန်နိုင်ငံမှ ကမ္ဘာ့ဆန်ထုတ်လုပ်မှု၏ ၂% (မတ်ထရစ်တန်ချိန် ၉.၈၇ သန်း)၊ နံပါတ်(၁၀)အနေဖြင့် ဂျပန်နိုင်ငံမှ ကမ္ဘာ့ဆန်ထုတ်လုပ်မှု၏ ၁% (မတ်ထရစ်တန်ချိန် ၇.၃ သန်း) စသည်ဖြင့် အသီးသီးရပ်တည်လျက်ရှိသည်။

Source : jagranjosh

DOCA(ရန်ကုန်)

         ထိုင်ဝမ်နည်းပညာအင်အားကြီးကုမ္ပဏီဖြစ်သည့် Foxconn ၏ လက်အောက်ခံကုမ္ပဏီဖြစ်သည့် Shunsin Technology Vietnam Co.,Ltd. သည် ဗီယက်နမ်နိုင်ငံတွင် အမေရိကန် ဒေါ်လာ သန်း၈၀တန်ကြေးရှိ Chip ထုတ်လုပ်သည့် စီမံကိန်းအတွက် ပါမစ်တောင်းခံထားကြောင်းသိရပါသည်။ ထိုစီမံကိန်းကို Quang Chau စက်မှုဇုန်တွင် တည်ဆောက်မည်ဖြစ်ပြီး အကျယ်အဝန်းဧရိယာ ၄၄၃၄၃.၈ စတုရန်းမီတာရှိကြောင်းသိရပါသည်။ စီမံကိန်းမှ အီလက်ထရောနစ်အစိတ်အပိုင်းများ အထူးသဖြင့် integrated circuit boards များကိုထုတ်လုပ်မည်ဖြစ်ပြီး တစ်နှစ်လျှင် ၄.၅ သန်းထုတ်လုပ်နိုင်စွမ်းရှိကြောင်းသိရပါသည်။ ထိုထုတ်ကုန်အားလုံးကို အမေရိကန်၊ ဥရောပသမဂ္ဂနှင့် ဂျပန်သို့ တင်ပို့မည်ဟုသိရပါသည်။ သဘာဝပတ်ဝန်းကျင်သက်ရောက်မှုအကဲဖြတ်ခြင်းအစီရင်ခံစာအရ Shunsin သည် စီမံကိန်းတွင် အမေရိကန်ဒေါ်လာ သန်း၂၀ပါဝင်မည်ဖြစ်ပြီး ကျန်သန်း၆၀ကို ဈေးငှားခြင်းနှင့် ရန်ပုံငွေကောက်ခံခြင်းတို့ပြုလုပ်မည်ဟုသိရပါသည်။ Shunsin သည် ဆောက်လုပ်ရေးခွင့်ပြုချက်ပါဝင်သော ပါမစ်များကို ဒီဇာင်ဘာတွင် အပြီးသတ်ရန်ရည်ရွယ်ထားပြီး မေလ ၂၀၂၆ တွင် ဆောက်လုပ်ရေးနှင့် ပစ္စည်းကိရိယာတပ်ဆင်ခြင်းတို့ပြုလုပ်မည်ဟုသိရပါသည်။ စီမံကိန်းသည် ဇွန်လ ၂၀၂၆ တွင် စတင်မည်ဖြစ်ပြီး ဒီဇင်ဘာလ ၂၀၂၆ တွင် အပြည့်အဝလည်ပတ်နိုင်ရန် မျှော်လင့်ရကြောင်းသိရပါသည်။ ကုမ္ပဏီက ၎င်းတို့သည် တရုတ်နိုင်ငံရှိ ၎င်းတို့၏စက်ရုံများတွင် အကောင်အထည်ဖော်ခဲ့ပြီးဖြစ်သော အဆင့်မြင့် Closed-loop နည်းပညာကို အသုံးပြုမည်ဟုသိရပါသည်။ ထုတ်လုပ်မှုပုံစံတွင် စွမ်းရည်မြင့်သော လူအစား စက်ပစ္စည်းအသုံးပြုမှုများ၊ အဆင့်မြင့်နည်းပညာ၊ အလုပ်သမားများအတွက် အားကောင်းသောလုံခြုံရေးစီမံချက်၊ ရေရှည်လုပ်ငန်းလည်ပတ်မှုတည်ငြိမ်ခြင်းနှင့် ထုတ်လုပ်နိုင်စွမ်းတိုးမြှင့်ခြင်းတို့ကို အသားပေးထားကြောင်းသိရပါသည်။ စီမံကိန်းတွင် အလုပ်သမား ၁၄၅၀ဦးနှင့် ပြည်ပကျွမ်းကျင်ပညာရှင် ၃၅ဦးပါဝင်ကြောင်းသိရပါသည်။ Apple ၏ အဓိကပံ့ပိုးသူ Foxconn သည် ဗီယက်နမ်တွင် ၎င်းတို့၏ရင်းနှီးမြှုပ်နှံမှုများကို တိုးချဲ့ခြင်းဖြစ်ကြောင်းသိရပါသည်။ ၎င်းတို့သည် ဗီယက်နမ်နိုင်ငံ Bac Ninh နှင့် Bac Giang တို့တွင် မတ်လ ၂၀၀၇ မှစ၍ ကနဦးလုပ်ငန်းလည်ပတ်မှုစတင်ခဲ့ခြင်းဖြစ်ပြီးနောက်ပိုင်းတွင် Quang Ninh ၌ ထပ်မံတိုးချဲ့ခဲ့ခြင်းဖြစ်ကြောင်းသိရပါသည်။

Source : Vietnam Plus

DOCA(ရန်ကုန်)