ပြည်ပကုန်သွယ်မှုသတင်းများ

          နိုင်ငံပိုင်အမျိုးသား စားနပ်ရိက္ခာ အာဏာပိုင်အဖွဲ့အစည်း (NFA) သည် လာမည့်ရိတ်သိမ်းရာသီတွင် စပါးရိတ်သိမ်းရန်နှင့် အချိန်မီဂိုဒေါင်များကင်းစင်စေရန်အတွက် ဆန်တန်ချိန် ၂၅၀၀၀ မက်ထရစ်တန်ချိန်ခန့် လေလံတင်ရောင်းချသွားမည်ဖြစ်ကြောင်း သိရပါသည်။ NFA အုပ်ချုပ်ရေး မှုး Larry Lacson က အဆိုပါလေလံတွင် ကီလိ ၅၀ အိတ် ၅၀၀၀၀၀ခန့် သို့မဟုတ် တန်ချိန် ၂၅၀၀၀ မက်ထရစ်တန်ချိန်ခန့် လေလံတင်ရောင်းချနိုင်ရန် မျှော်မှန်းကြောင်း သိရပါသည်။ လေလံကြမ်းခင်းစျေးနှင့်ပတ်သက်၍ Lacson က ၎င်းသည် အထူးသဖြင့် လက်လီစျေးကွက်နှင့် တင်သွင်းလာသော ထောက်ပံ့ရေးပစ္စည်းများပေါ်တွင် မူတည်နေကြောင်း သိရပါသည်။ ထို့အပြင် Lacson က ၎င်းအနေဖြင့် လေလံစျေးသည် တစ်ကီလိုလျှင် ပီဆို ၂၉ ရရန် မျှော်‌မှန်းထားကြောင်း ပြောကြားခဲ့ပါသည်။ ယခုလအစောပိုင်းတွင် Lacsonက ဆန်လေလံတင်ရောင်းချပွဲအတွက် လမ်းညွှန်ချက်များကို စပါးစေ့အေဂျင်စီ၏ အမြင့်ဆုံးမူဝါဒချမှတ်ရေးအဖွဲ့အစည်း (NFA)မှ အတည် ပြုခဲ့ပြီးဖြစ်ကြောင်း ပြောကြားခဲ့ပါသည်။ NFA သည် ၎င်း၏ လေလံတင် ရောင်းချမှုလမ်းညွှန်ချက်များနှင့် ပတ်သက်၍ နိုင်ငံတစ်ဝှမ်း စေ့စပ်ဆွေနွေးမှုများ ပြုလုပ်ခဲ့ကြောင်းသိရပါသည်။ NFA မှ သိုလှောင်ထားသောဆန်များကို ‌ရောင်းချရန်အတွက် လျင်မြန်စွာစီစဥ်နေပြီး စပါးစေ့အေဂျင်စီ အား ပြည်တွင်းလယ်သမားထံမှ ဆန်စျေးနှုန်း ကျဆင်းချိန်ကြား စပါးရိတ်သိမ်းချိန် မိုးရာသီတွင် ဆန်များ ဝယ်ယူသိုလှောင်ရန်အတွက် နေရာများ စီစဥ်နေကြောင်း သိရပါသည်။ NFA စာရင်းထုတ် ပြန်ခြင်းဆိုင်ရာ ရွေးချယ်မှုများသည် ဆန်စည်းကြပ်မှုဥပဒေဖြင့် ကန့်သတ်ထားသောကြောင့် ဆန်စပါးအေဂျင်စီ၏ သိုလှောင်ဆန်များ ရောင်းချမှုနှုန်းသည် ၎င်း၏ ဝယ်ယူရေးအဆင့်ထက် နှောင့်နှေးနေကြောင်း သိရပါသည်။ လက်ရှိတွင် NFA သည် DA မှထောက်ပံ့ပေးသောဆန်များကို ရောင်းချလျက်ရှိပြီး လူမှုဝန်ထမ်းနှင့် ဖွံ့ဖြိုးတိုးတက်ရေးဦးစီးဌာနများကဲ့သို့ အစိုးရဌာနများသို့ ဆန်များကို ‌ရောင်းချလျက်ရှိကြောင်း သိရှိရပါသည်။

Source: Philstar

DOCA(ရန်ကုန်)

                                                                                 DOCA(ရန်ကုန်)

               ထိုင်းနယ်စပ်ရှိကမ္ဘောဒီးယားပြည်နယ်ဖြစ်သည့် Koh Kong ရှိလက်လီရောင်းချသူများ သည် ထိုင်းနိုင်ငံကနယ်စပ်ပိတ်ပင်မှုကြောင့် လိုအပ်လျက်ရှိသည့် ကုန်ပစ္စည်းများကို ဗီယက်နမ်ထံမှ တင်သွင်းလျက်ရှိကြောင်း သိရပါသည်။ ထိုင်းကုန်သည်တစ်ဦးဖြစ်သည့် Pornchai Limploypitat က ကမ္ဘောဒီးယားရှိ ၎င်းထံမှဝယ်ယူသူများသည် အသင့်စားအစားအစာ၊ အသင့်စားခေါက်ဆွဲနှင့် ‌ဆောက်လုပ်ရေးပစ္စည်းများပါဝင်သည့်ထိုင်းကုန်ပစ္စည်းများပြတ်လပ်မှုကြောင့် ဗီယက်နမ်ထံမှစားသုံးကုန်ပစ္စည်းများကို ရောင်းချလျက်ရှိကြောင်း သိရပါသည်။ ဗီယက်နမ် ကုန်ပစ္စည်းများသည် ထိုင်းကုန်ပစ္စည်းများကဲ့သို့ Koh Kong ဈေးကွက်များတွင် မကျော်ကြား ကြောင်းသိရပါသည်။ ထိုင်းနိုင်ငံသည် ကမ္ဘောဒီးယားနှင့် နယ်စပ်အငြင်းပွားမှုပြသနာဖြစ်ပွားပြီး နောက် ကုန်ပစ္စည်းများတင်ပို့မှုပိတ်ပင်ခဲ့ကြောင်း သိရပါသည်။ ထိုင်းနိုင်ငံသည် Koh Kong သို့ ကုန်ပစ္စည်းများကို Hat Lek နယ်စပ်ဂိတ်မှတစ်ဆင့်တင်ပို့ပြီး ၂၀၂၄ ခုနှစ်တွင် နှစ်ဖက် အပြန်အလှန်ကုန်သွယ်မှုတန်ဖိုးမှာ ဘတ် သန်း ၃၀ ရှိပြီး ထိုင်းနိုင်ငံကတင်ပို့မှုမှာ ဘတ် ၂၃ သန်းတန်ဖိုးရှိကြောင်း သိရပါသည်။ လွန်ခဲ့သည့်နှစ်ပတ်အတွင်း ဘီစကွတ်များ၊ နို့များ၊ ချောကလက်များနှင့် ခေါက်ဆွဲ အစရှိသည့် ဗီယက်နမ်အမှတ်တံဆိပ်များ Koh Kong ဈေးကွက်များတွင် နေရာယူလာကြောင်း သိရှိရပါသည်။

Bangkok Post

DOCA (ရန်ကုန်)                                                                           

          ထိုင်းနိုင်ငံတွင်ကားဈေးကွက်နှေးကွေးနေသော်လည်း တရုတ်လျှပ်စစ်ကားထုတ်လုပ် သည့် Omoda & Jaecoo သည် လျှပ်စစ်ကားများအရောင်းလှုံ့ဆော်ရန်အတွက် ရင်းနှီးမြှုပ်နှံမှု တိုးချဲ့ရန် စီစဉ်နေကြောင်း သိရပါသည်။ တရုတ်ကုမ္ပဏီ Cherry ၏ ကုမ္ပဏီခွဲဖြစ်သည့် Omoda & Jaecoo သည် ယခုနှစ် စတုတ္ထ ၄ လပတ်ကာလတွင်စတင်လည်ပတ်ရန် ရည်ရွယ်ထားသည့် လျှပ်စစ်ကားဘက်ထရီစက်ရုံတည်ဆောက်ရန်အတွက် ဘတ် ၇ ဘီလီယံရင်းနှီးမြှုပ်နှံမည်ဟု အစော ပိုင်းကာလကကြေညာခဲ့ပါသည်။ ကုမ္ပဏီ၏ ဥက္ကဌဖြစ်သူ Qi Jie က ၎င်းတို့သည် ရင်းနှီးမြှုပ်နှံမှု ဘက်ဂျက်ကိုဖြတ်တောက်ရန်အစီအစဉ်အရှိပဲ ထိုအစား ကားရောင်းချမှုအရှိန်မြှင့်တင်ရန် အရောင်းမြှင့်တင်ခြင်းကမ်ပိန်းများအတွက် ဘက်ဂျက်မြှင့်တင်သွားမည်ဖြစ်ကြောင်းနှင့် ထိုကမ်ပိန်းသည် ပြိုင်ဘက်လျှပ်စစ်ကားကုမ္ပဏီများ အထူးသဖြင့် တရုတ်နိုင်ငံမှကုမ္ပဏီများနှင့် ယှဉ်ပြိုင်ရန်အတွက် လိုအပ်ကြောင်း ပြောကြားခဲ့ပါသည်။ များစွာသောတရုတ်လျှပ်စစ်ကား ထုတ်လုပ်သူများသည် ရောင်းချမှုအရှိန်မြှင့်တင်ရန် ဈေးနှုန်းဗျူဟာနှင့် အမှတ်တံဆိပ် တည်ဆောက်ခြင်းတို့တွင် အရောင်းမြှင့်တင်ရေးကမ်ပိန်းများ၌ ငွေသုံးစွဲလျှက်ရှိကြောင်း သိရပါ သည်။ Mr Qi ၏အဆိုအရ ကုမ္ပဏီသည် ထိုင်းနိုင်ငံရင်းနှီးမြှုပ်နှံမှုဘုတ်အဖွဲ့၏ ပြည်တွင်း၌ ထုတ်လုပ်တပ်ဆင်သည့်လျှပ်စစ်ကားအစိတ်အပိုင်းများကို ပြည်တွင်းအရင်းအမြစ်များပိုမိုသုံးစွဲ ရန် တွန်းအားပေးနေခြင်းအပေါ်စိုးရိမ်မှုမရှိကြောင်းနှင့် ၎င်းတို့အနေဖြင့် စုစုပေါင်းကုန်ကျစရိတ် ၏ ၅၀ ရာခိုင်နှုန်းကို ထိုင်းပြည်တွင်းအရင်းအမြစ်များအတွက် သုံးစွဲသွားမည်ဟု ပြောကြားခဲ့ပါ သည်။ ယခုနှစ်၏ပထမ ၆ လတာကာလတွင် ကုမ္ပဏီသည် ထိုင်းနိုင်ငံ၌ အရောင်းပြခန်း ၄၂ ခု ဖွင့်လှစ်ထားပြီး ၂၀၂၅ ခုနှစ်ကုန်တွင် ၇၀ ထိတိုးမြှင့်ရန် ရည်မှန်းထားကြောင်း သိရပါသည်။ ၂၀၂၄ ခုနှစ် အောက်တိုဘာလမှ ၂၀၂၅ ခုနှစ် ဇွန်လအတွင်း Omoda & Jaecoo သည် ထိုင်းနိုင်ငံ ၌ ကားအစီးရေ ၁၀၀၀ ခန့်ရောင်းချခဲ့ပြီးဖြစ်ကြောင်း သိရပါသည်။

Bangkok Post 

DOCA (ရန်ကုန်)                                                                          

          အင်ဒိုနီးရှားနိုင်ငံ Transmigration ဝန်ကြီး Muhammad IFtitah Sulaiman Suryanagara သည် West Sulawesi တွင် ချောကလက်စက်ရုံတည်ထောင်ခြင်းအားဖြင့် ကိုကိုးပြုပြင်ထုတ်လုပ်ခြင်းကိုပံ့ပိုးရန်အတွက် ရင်းနှီးမြှုပ်နှံသူများကိုဆွဲဆောင်ရန် စီစဉ်နေ ကြောင်း သိရပါသည်။ Surtanagara က Transmigration ဧရိယာများရှိ ကိုကိုးများသည် အာမခံချက်ရှိသောအလားအလာရှိကြောင်း၊ ထိုဒေသတွင်ချောကလက်စက်ရုံများတည်ထောင် ပါက ဒေသခံများအတွက် ကိုကိုးကုန်ကြမ်းတင်ပို့ခြင်းကိုသာ မီခိုနေရခြင်းကိုလျှော့ချနိုင်ကြောင်း နှင့် West Sulawesi ရှိ Transmigration ဧရိယာများသည် ကိုကိုး၊ ဆီအုန်း၊ ငါးလုပ်ငန်းနှင့် ခရီးသွားကဏ္ဍတို့ပါဝင်သည့် ရင်းနှီးမြှုပ်နှံသူများရောက်ရှိလာနိုင်သည့် များစွာသောစီးပွားရေး အခွင့်အလမ်းများကို ကမ်းလှမ်းနိုင်ကြောင်း ပြောကြားခဲ့ပါသည်။ ထုတ်ကုန်ဖွံ့ဖြိုးတိုးတက်ရေး အပေါ် ဘက်ပေါင်းစုံလေ့လာမှုများနှင့်အတူ ကြီးမားသောရင်းနှီးမြှုပ်နှံမှုအခွင့်အလမ်းများကို ရွေးထုတ်နိုင်ကြောင်း သိရပါသည်။ လူသားအရင်းအမြစ်အရည်အသွေးမြှင့်တင်ခြင်းသည် ရင်းနှီးမြှုပ်နှံသူများက ဒေသသို့ ရင်းနှီးမြှုပ်နှံမှုပြုရန် တုံ့ဆိုင်းမနေဘဲဝင်ရောက်လာနိုင်ကြောင်း ဝန်ကြီးက ဖြည့်စွက်ပြောကြားခဲ့ပါသည်။ တစ်ချိန်တည်းမှာပင် West Sulawesi အုပ်ချုပ်ရေးမှူး Suhardi Duka က ၎င်းတို့သည် ခရိုင်တစ်ခုခြင်းတွင် ဖွံ့ဖြိုးတိုးတက်ရေးစင်တာများအဖြစ် ဆောင်ရွက်ရန် အတွက် Transmigration ဧရိယာများပြင်ဆင်ထားကြောင်းနှင့် West Sulawesi သည် နိုင်ငံ၏ စတုတ္ထအကြီးမားဆုံး ကိုကိုးထုတ်လုပ်သူဖြစ်ကြောင်း ပြောကြားခဲ့ကြာင်း သိရှိရပါသည်။

Antara News

DOCA (ရန်ကုန်)                                                                             

          စင်ကာပူနိုင်ငံဆိုင်ရာဗီယက်နမ်သံရုံးသည် ဗီယက်နမ်လုပ်ငန်းများတင်ပို့မှုအရှိန်မြှင့်တင် ရေးကူညီပေးနိုင်ရန်နှင့် နိုင်ငံတကာဈေးကွက်များသို့ဝင်ရောက်မှုတိုးချဲ့ရန် ရည်ရွယ်၍ စင်ကာပူ သစ်သီးနှင့် ဟင်းသီးဟင်းရွက်တင်သွင်းသူများနှင့် တင်ပို့သူများအသင်း(SFVIEA) နှင့် ပူးပေါင်း၍ ဗီယက်နမ်သစ်သီးနှင့် ဟင်းသီးဟင်းရွက်ပွဲ‌တော် ၂၀၂၅ ကို ဇူလိုင်လ ၁၈ ရက်နေ့ကကျင်းပ ပြုလုပ်ခဲ့ကြောင်း သိရပါသည်။ ထိုပွဲတော်ကို ဗီယက်နမ်သစ်သီးနှင့် ဟင်းသီးဟင်းရွက်တင်ပို့သူ ၁၁ ဦးနှင့် စင်ကာပူနိုင်ငံတွင်လည်ပတ်နေသည့် များစွာသောဗီယက်နမ်စားသောက်ဆိုင်များ တက်ရောက်ခဲ့ကြောင်း သိရပါသည်။ ပါဝင်သူများသည် စင်ကာပူဈေးကွက်သို့ပိုမိုနက်ရှိုင်းစွာ ဝင်ရောက်နိုင်ရေးအားကောင်းသောအလားအလာရရှိရန်အတွက် ဗီယက်နမ်မှ အထူးစိုက်ပျိုးရေး ထုတ်ကုန်များကို ပြသခဲ့ကြောင်း သိရပါသည်။ စင်ကာပူနိုင်ငံဆိုင်ရာဗီယက်နမ်သံအမတ် Tran Phuoc Anh က ဗီယက်နမ်သည်ဒေသတွင်းထိပ်တန်း သစ်သီးနှင့် ဟင်းသီးဟင်းရွက်တင်ပို့သူ များထဲမှတစ်ခုဖြစ်လာကြောင်းနှင့် ပွဲတော်သည်နှစ်နိုင်ငံအပြန်အလှန်စီးပွားရေး၊ ကုန်သွယ်မှုနှင့် ရင်းနှီးမြှုပ်နှံမှုအားကောင်းစေရန်အတွက် ကုန်သွယ်မှုမြှင့်တင်ရေးအခမ်းအနား ဖြစ်ကြောင်း ပြောကြားခဲ့ပါသည်။ SFVIEA ၏ ဒုတိယဥက္ကဌဖြစ်သူ Tai Seng Yee ကတင်သွင်းမည့်သစ်သီး နှင့် ဟင်းသီးဟင်းရွက်များအတွက် အရည်အသွေးလိုအပ်ချက်များပါဝင်သည့် စင်ကာပူဈေးကွက် လိုအပ်ချက်များအပေါ် ပါဝင်သည့်အချက်များ၏အကျဉ်းချုပ်နှင့် ပြည်တွင်းစားသုံးသူများ၏ ဦးစားပေးမှုများကို အသားပေးပြောကြားခဲ့ကြောင်း သိရပါသည်။ စင်ကာပူနိုင်ငံရှိ ဗီယက်နမ် ကုန်သွယ်ရေးရုံး၏ အကြီးအကဲ Cao Xuan Thang က စင်ကာပူသည် အဓိက transshipment အချက်အချာအဖြစ်ရပ်တည်နေပြီး ထိုဈေးကွက်တွင် ဗီယက်နမ်ကုန်စည်များတည်ရှိမှု အားကောင်းခြင်းသည် ဗီယက်နမ်စီးပွားရေးလုပ်ငန်းများက အခြားဒေသတွင်းဈေးကွက်များသို့ ဝင်ရောက်ရန်ကူညီပေးနိုင်မည်ဟု ပြောကြားခဲ့ပါသည်။ ပွဲတော်သည် စင်ကာပူစီးပွားရေး လုပ်ငန်းများနှင့် ဗီယက်နမ်ပို့ကုန်လုပ်ငန်းရှင်များကို ချိတ်ဆက်ရန်အခွင့်အလမ်းများ ဖန်တီးပေး နိုင်ခဲ့ကြောင်း သိရပါသည်။ စင်ကာပူအာဏာပိုင်များနှင့် သွင်းကုန်လုပ်ငန်းရှင်များသည် ဒူးရင်း၊ သရက်သီးများ၊ လိုင်ချီး၊ အုန်းသီး၊ နဂါးမောက်သီး၊ မှိုနှင့် အုန်းသီးများပါဝင်သည့် များစွာသော ဗီယက်နမ်ထုတ်ကုန်များအပေါ် အသိအမှတ်ပြုခဲ့ကြောင်း သိရပါသည်။

Vietnam Plus

DOCA (ရန်ကုန်) 

                                                                            DOCA (ရန်ကုန်)