သတင်းနှင့် လှုပ်ရှားမှုများ

         ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် အင်းမကျေးရွာ အ.ထ.က ကျောင်းတွင် လူငယ်အသိပညာပေးခြင်း၊ စားသုံးကာကွယ်ရေးသိကောင်းစရာများအကြောင်းကို (၂၀.၇.၂၀၂၃) ရက်နေ့ နံနက် (၀၉:၀၀)အချိန် မှ (၁၂:၀၀)အချိန် ဆရာ/ဆရာမနှင့် ကျောင်းသား/ ကျောင်းသူ (၁၂၀)ဦး ကို အသိပညာပေးဟောပြောပွဲ ပြုလုပ်ကျင်းပခဲ့ကြပါသည်။

            အခမ်းအနားတွင် မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ တာဝန်ရှိသူတစ်ဦးက လူငယ်များစာပေဖတ်ရှုခြင်းအကျိုးကျေးဇူးများ၊ အမှိုက်များကို စနစ်တကျစွန့်ပစ်ခြင်း၏ အကျိုးကျေးဇူးများအကြောင်းကို လည်းကောင်း၊ မြို့နယ် အားကစားနှင့် ကာယပညာဦးစီးဌာနမှ တာဝန်ရှိသူက  လူငယ်အားကစား၊ အားကစားနှင့် ခန္ဓာကိုယ်အတွက် ကျန်းမာခြင်း အကျိုးကျေးဇူးများကိုလည်းကောင်း၊ မြို့နယ် စားသုံးသူရေးရာဦးစီးဌာနမှ မြို့နယ်ဦးစီးမှူးဦးပိုးဖြူပိုင်မင်းက စားသုံးသူကာကွယ်ရေးဥပဒေ (၂၀၁၉)ပါ စားသုံးသူကာကွယ်ရေးဥပဒေအကြောင်း၊  စားသုံးသူအခွင့်အရေး၊ လိုက်နာရမည့်တာဝန်များ၊ စားသုံးသူကာကွယ်ရေးဥပဒေပါ အခန်း(၁၈) ကုန်အညွှန်အမှတ်မသားဖော်ပြခြင်းနှင့် ပတ်သက်၍ ကုန်စည်များတွင် ဖော်ပြရမည့်အချက်အလက်များအကြောင်းကိုလည်းကောင်း၊ စားသုံးသူ၏ အခွင့်အရေး (၈)ချက်၊ ကုန်စည်နှင့် ဝန်ဆောင်မှုများကို ရယူသုံးစွဲရာတွင်   စားသုံးသူအခွင့်အရေး အမှန်တကယ်နစ်နာဆုံးရှုံးမှု ဖြစ်ပေါ်လာပါက စားသုံးသူရေးရာဦးစီးဌာနသို့ တိုင်ကြားနိုင်သော နည်းလမ်းများ၊ Consumer Call Center 1535 သို့ဆက်သွယ် မေးမြန်းစုံစမ်းနိုင်ကြောင်းအသိပညာပေးဟောပြောခဲ့ရာ ကျောင်းသား/ ကျောင်းသူများမှ စိတ်ဝင်တစား မေးမြန်းခဲ့ကြပါသည်။ ဆက်လက်၍ စားသုံးသူအသိပညာပေး လက်ကမ်းစာစောင်များ ဖြန့်ဝေပေးခဲ့ကြောင်းသိရှိရပါသည်။

  DOCA(ဧရာဝတီ)    

          ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်ရှိ စားသုံးသူရေးရာဦးစီးဌာန၊ အထွေထွေ အုပ်ချုပ်ရေးဦးစီးဌာန၊ စည်ပင်သာယာရေးအဖွဲ့ တို့ပါဝင်သော ပူးပေါင်းအဖွဲ့မှ တာဝန်ရှိသူများသည် (၁၈.၇.၂၀၂၃) ရက်နေ့ နံနက် (၁၀:၀၀) အချိန်တွင် မအူပင်မြို့ မြို့မဈေး၊ မင်္ဂလာဈေး၊ ၃လမ်းဈေးရှိ စားသုံးဆီ ရောင်းချနေသော စားသောက်ကုန်စုံဆိုင်(၉)သို့ သွားရောက်၍ ရောင်းချနေသော စားသုံးဆီ အမျိုးမျိုးတွင် ဘေးအန္တရာယ်ကင်းရှင်းစေရေး ကုန်အညွှန်းအမှတ်အသား ဖော်ပြချက်များ ပါဝင်မှု ရှိ/မရှိတို့ကို စားသုံးသူ ကာကွယ်ရေးဥပဒေနှင့်အညီ လိုက်လံစစ်ဆေးခဲ့ကြပါသည်။

     အဆိုပါစစ်ဆေးဆောင်ရွက်မှုတွင် စားသုံးသူရေးရာဦးစီးဌာန၊ မအူပင်မြို့နယ်မှ ဦးစီးအရာရှိ ဦးအောင်ဇော်ဦးက စားသုံးသူများ ဘေးအန္တရာယ်ကင်းရှင်းရေးအတွက် ဒေသတွင်း အသုံးပြုလျက်ရှိသည့် စားသုံးဆီများတွင် ကုန်အညွှန်းအမှတ်အသားပြည်စုံစွာဖော်ပြပါဝင်ခြင်းရှိ/ မရှိ စစ်ဆေးရန်အတွက် ဈေးကွက် စောင့်ကြည့်စစ်ဆေးခြင်းဖြစ်ကြောင်း၊ စားသုံးသူကာကွယ်ရေးဥပဒေပါ အချက်များကိုသိရှိစေရေးအတွက် လုပ်ငန်းရှင်များကိုအသိပညာပေးခြင်းနှင့် အပတ်စဉ် အလိုက်ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိကြောင်းနှင့် စစ်ဆေးရေးအရာရှိ၏ လုပ်ငန်းတာဝန်များကို ရှင်းလင်းပြောကြား အသိပညာပေးပြောကြားခဲ့ကြောင်း သိရှိရပါသည်။

          ထိုနည်းတူစွာ ဓနုဖြူမြို့နယ် မြို့နယ်ဦးစီးအရာရှိ ဦးဝင်းမင်းစိုးနှင့် ဝန်ထမ်းများသည်လည်း ဓနုဖြူမြို့နယ်အတွင်းရှိ စားသုံးဆီဆိုင်များတွင် ရောင်းချနေသော စားသုံးဆီများကို စားသုံးသူကာကွယ်ရေး ဥပဒေနှင့်အညီ ရောင်းချခြင်းရှိ/မရှိ ကုန်အညွှန်းအမှတ်အသား ပြည်စုံစွာဖော်ပြပါဝင်ခြင်း ရှိ/ မရှိတို့ကို လိုက်လံစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ ဘိုကလေးမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့်  ဝန်ထမ်းတို့သည် ၂၀၂၃ခုနှစ်၊ ဇူလိုင်လ(၂၁)ရက်နေ့၊ နံနက်(၁၀:၃၀)နာရီအချိန်တွင် ဘိုကလေးမြို့နယ် သံဖြူရုံကျေးရွာသူရိန်ဆန်စက်သို့ ထုတ်ကုန်လုံခြုံစိတ်ချရမှုရှိစေရေးနှင့် MSMEs လုပ်ငန်းဖွံ့ဖြိုးတိုးတက်ရေးတို့အတွက်  ကွင်းဆင်းစစ်ဆေးခဲ့ကြပါသည်။

     ထိုသို့ကွင်းဆင်းစိစစ်ခဲ့ရာတွင် ယခုဖြစ်ပေါ်နေသော ဆန်စပါးဈေးနှုန်း ဈေးကွက်အခြေအနေများ၊ ကြိတ်ခွဲထုတ်လုပ်မှုတွင် ခေတ်မီစက်ကိရိယာများ တပ်ဆင်ထားရှိမှုအခြေအနေများ၊ စွန့်ပစ်ပစ္စည်းများနှင့် ပတ်သက်၍  စနစ်တကျစွန့်ပစ်နိုင်ခြင်း ရှိ / မရှိ အခြေအနေများကို ကွင်းဆင်းစစ်ဆေးခဲ့ကြောင်း သတင်းရရှိပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ ဖျာပုံခရိုင်၊ စားသုံးသူရေးရာဦးစီးဌာနနှင့် ကျန်မာရေးဦးစီးဌာနတို့   ပူးပေါင်း၍ ၂၀၂၃ခုနှစ်၊ ဇူလိုင်လ(၂၁)ရက်နေ့၊ နံနက်(၁၁:၀၀)နာရီအချိန်တွင် ဖျာပုံမြို့(၉)ရက်ကွက်ရှိ TTA ကိုယ်ပိုင်အထက်တန်းကျောင်းရှိ ကျောင်းသား / ကျောင်းသူများကို စားသုံးသူကာကွယ်ရေး အသိပညာပေး ဟောပြောခဲ့ပါသည်။

     အဆိုပါဟောပြောပွဲတွင် ဒုတိယ-ခရိုင်ဦးစီးမှူးမှ စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များ၊ ကုန်စည်နှင့်စပ်လျဉ်း၍ အာမခံပေးထားမှုအပေါ် စားသုံးသူက တောင်းဆိုနိုင်သည့်  အခွင်အ‌ရေးများ၊  လုပ်ငန်းရှင်များမှ မိမိတို့ဖြန့်ဖြူးသော  ကုန်စည်များ၏ တာဝန်ယူမှု၊ အာမခံချက်များအကြောင်း၊ ဈေးကွက်တွင် ဖြန့်ဖြူးရောင်းချလျက်ရှိသော  ကုန်စည်၊ ဝန်ဆောင်မှုများကို မည်သို့ရွေးချယ်ဝယ်ယူရမည် ဖြစ်ကြောင်းတို့ကို ဟောပြောခဲ့ပြီး မြို့နယ်တာဝန်ခံမှ စားသုံးသူကာကွယ်ရေးဥပဒေပါ လုပ်ငန်းရှင်များ၏တာဝန်များကို သိရှိလိုက်နာကြရန်ဖြစ်ကြောင်း၊ သတ်မှတ်ထားသော ကုန်အညွှန်း အမှတ်အသားများ ပြည့်စုံစွာဖော်ပြထားသည့် ကုန်စည်များကိုသာရောင်းချကြရန်ဖြစ်ကြောင်း၊ သက်ဆိုင်ရာ ဌာနများမှ စားသုံးရန်မသင့်ဟု တားမြစ်ထားသော ကုန်စည်များရောင်းချခြင်းမပြုရန်ဖြစ်ကြောင်း၊  စားသုံးသူကာကွယ်ရေး ဥပ‌ဒေပါပြဌာန်းချက်များကို လိုက်နာမှုမရှိပါက အ‌ရေးယူ ဆောင်ရွက်သွားမည်ဖြစ်ကြောင်း  ပြောကြားခဲ့ပြီး   ကျန်းမာရေးဌာနနှင့်ပူပေါင်း၍ ကျောင်းမုန့်ဈေးတန်းတွင် ကျန်းမာရေးနှင့်မကိုက်ညီသော အစားအစာများ ရောင်းချခြင်းရှိ/မရှိတို့ကိုစစ်ဆေးခဲ့ပါသည်။ အဆိုပါအခမ်းအနားသို့ ဆရာ/ဆရာမ( ၂၀ )ဦး၊ ကျောင်းသား / ကျောင်းသူ(၁၅၀)ဦး စုစုပေါင်း (၁၇၀)ဦးတို့   တက်ရောက်ခဲ့ကြောင်း သတင်းရရှိပါသည်။

DOCA(ဧရာဝတီ)

    ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ် သောင်တန်းကျေးရွာ သင်ဖျာလုပ်ငန်းရှင် (၇)ဦး အား စားသုံးကာကွယ်ရေးသိကောင်းစရာများအကြောင်းကို (၂၁.၇.၂၀၂၃) ရက်နေ့ ၊(၁၀:၀၀)နာရီအချိန်တွင် အသိပညာပေးခဲ့ပါသည်။

     ပန်းတနော်မြို့နယ်တာဝန်ခံ ဦးပိုးဖြူပိုင်မင်းက စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်များလိုက်နာရမည့် တာဝန်များအကြောင်းဆွေးနွေးခဲ့ပြီးနောက် သင်ဖျာလုပ်ငန်းရှင်များ လုပ်ကိုင်ဆောင်ရွက်နေသော သင်ဖျာစိုက်ပျိုးယက်လုပ်မှုအကြောင်းကို မေးမြန်းဆွေးနွေးခဲ့ရာ သင်ဖြူးဖျာလုပ်ငန်းသည် ပန်းတနော်မြို့နယ်အနီးတဝိုက် မိရိုးဖလာလက်မှုလုပ်ငန်းတစ်ခုလိုဖြစ်နေ၍ အားလုံးနီးပါး လုပ်ကိုင်ကာ ပန်းတနော်ကားလမ်းဘေးတွင် သင်ဖြူးဖျာနှင့်ပတ်သက်၍ အသုံးအဆောင်များကို ရောင်းချလျက်ရှိကြောင်း၊ သင်ပင်ကိုလွှာပြီး ရက်လုပ်ထားသော သင်ဖြူးဖျာသည် ကျန်းမာရေးနှင့်ညီညွတ်ပြီး အေးမြမှုကိုခံစားရရှိ၍ နွေရာသီကာလတွင် သင်ဖြူးဖျာနှင့် အိပ်စက်ခြင်းသည် အကောင်းဆုံးဖြစ်၍ အရောင်းအဝယ်သည်လည်း နွေရာသီတွင် ပိုမိုရောင်းချရပါကြောင်း၊ သင်ဖြူးဖျားများကို ရန်ကုန်၊ မန္တလေးနှင့် အခြားနယ်စပ်မြို့များသို့လည်း တင်ပို့ရောင်းချလျက်ရှိကြောင်း ယခုမိုးတွင်းကာလတွင် အနည်းငယ် ဝယ်လိုအားနည်းပါးကြောင်း၊ လုပ်ငန်းရှင်များကို ဌာနအနေဖြင့် နည်းပညာပံ့ပိုးမှုလိုအပ်ပါက ဌာနမှ လိုအပ်သည်များကို ချိတ်ဆက်ဆောင်ရွက်ပေးမည်ဖြစ်ကြောင်းနှင့် လုပ်ငန်းရှင်များမှ ထုတ်လုပ်သောကုန်စည်များ အရည်အသွေးမြင့်မားစေရေးနှင့် ကုန်စည်နှင့် ဝန်ဆောင်မှုနှင့် စပ်လျဉ်း၍ အာမခံချက်ပေးနိုင်သည့် အချက်အလက်များအကြောင်း၊ လုပ်ငန်းရှင်များသိရှိနိုင်ရန် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနသည် အွန်လိုင်းစနစ်ဖြင့် ရောင်းချခြင်းလုပ်ငန်းကို အရေးကြီးဝန်ဆောင်မှုလုပ်ငန်းအဖြစ် သတ်မှတ်ထားသည့် လုပ်ငန်းများကိုလည်း မှတ်ပုံတင်လျှောက် ထားရရှိရမည်ဖြစ်ပြီး အမိန်ကြော်ငြာစာထုတ်ပြန်ပြီး ခြောက်လပြည့်သည့်နေ့မှစ၍ မှတ်ပုံတင်မရှိပဲ အွန်လိုင်းစနစ်ဖြင့် ရောင်းချခြင်းမျိုးတွေ့ရှိပါက အ‌ရေးကြီးကုန်စည်နှင့် ဝန်ဆောင်မှုဥပဒေ ပုဒ်မ ၅ အရ အရေးယူခံရမည်ဖြစ်ကြောင်းကို အသိပညာပေး အပြန်အလှန်ဆွေးနွေးခဲ့ကြောင်း သိရပါသည်။  

DOCA(ဧရာဝတီ)