စီးပွားရေးနှင့် ကူးသန်းရောင်းဝယ်ရေးဝန်ကြီး ဌာနကို Digitalized Ministry အဖြစ် အကောင်အထည်ဖော်ဆောင်ရွက် သွားမည်ဖြစ်ရာ ဌာနဝန်ထမ်းများအနေဖြင့် လုပ်ငန်းပိုင်း ဆိုင်ရာကျွမ်းကျင်မှုရှိရမည့်အပြင် IT နည်းပညာ ကျွမ်းကျင်မှုရှိရန်လိုအပ်ပါသဖြင့် စစ်ကိုင်းတိုင်း ဒေသကြီး စားသုံးသူရေးရာဦးစီးဌာန၊ ဝန်ထမ်းများအနေဖြင့် IT နှင့် ပတ်သက်၍ တိုးတက်လာ စေရန်နှင့် HR လူ့စွမ်းအားအရင်း အမြစ်များဖွံ့ဖြိုး တိုးတက်စေရေးအတွက် စဉ်ဆက် မပြတ်သင်ယူမှု၊ လေ့ကျင့်မှုများ ဆောင်ရွက်နိုင်ရန် ရည်ရွယ်၍ ကွန်ပျူတာမွမ်းမံနည်းပညာပေး သင်တန်းကို ၂၀.၁၁.၂၀၂၄ ရက်နေ့မှ ၂၁.၁၁.၂၀၂၄ ရက်နေ့ထိ (၂) ရက်ကြာ ဖွင့်လှစ်ခဲ့ရာ သင်တန်းဖွင့်ပွဲတွင် အရာထမ်း၊ အမှုထမ်း (၂၃)ဦးနှင့် သင်တန်းသား/သူ(၁၅)ဦး စုစုပေါင်း(၃၈)ဦး တက်ရောက်ခဲ့ကြောင်း သိရပါသည်။
သင်တန်းတွင် တိုင်းဒေသကြီးဦးစီးမှူး ဦးခမ်လျန်စွမ်းက အဖွင့်အမှာ စကားပြောကြားရာတွင် မိမိတို့ရုံးအနေဖြင့် လူ့စွမ်းအားအရင်း အမြစ် ဖွံ့ဖြိုးတိုးတက်ရေးကို စဉ်ဆက်မပြတ်ဆောင်ရွက်လျက်ရှိကြောင်း၊ ဝန်ထမ်းစွမ်းဆောင်ရည် မြှင့်တင်ရေးသင်တန်းများ၊ နည်းပညာဆိုင်ရာ သင်တန်းများ၊ စားသုံးသူရေးရာ ပညာပေးသင်တန်းများကို စီမံချက်များ ချမှတ်ဆောင်ရွက်လျက်ရှိကြောင်း၊ ဌာနအကြီးအကဲများ၏ လမ်းညွှန်ချက် များအရ ဝန်ထမ်း တိုင်းသည် ဒီဂျစ်တယ်နည်းပညာများကို တတ်မြောက်ထားရန်လိုကြောင်း၊ ကွန်ပျူတာ ဘာသာရပ်များဖြစ်သော (Microsoft Word, excel နှင့် E-mail ) Adobe photoshop တို့ကို ကျွမ်းကျင်စွာ တတ်မြောက် ထားရန်လိုကြောင်း၊ နောင်တွင် ကွန်ပျူတာကျွမ်းကျင်သည့် နည်းပြများခေါ်ယူ၍ Network ချိတ်ဆက်နည်းများ၊ Windowns တင်များ သင်တန်းများ အဆက်မပြတ်ဖွင့်လှစ်ပေးမည်ဖြစ်ကြောင်း၊ သင်တန်းသား/သူများသည် လက်တွေ့ လုပ်ငန်း ခွင်တွင် အကောင်အထည်ဖော် ဆောင်ရွက်ကြရမည်ဖြစ်ပြီး မိမိတို့၏ မြို့နယ်များသို့ ပြန်လည်ရောက်ရှိ၍ အခြားဝန်ထမ်းများအား တဆင့်ပြန်လည်သင်ကြား ပေးနိုင်သည့်အဆင့်ထိ ကြိုးစား လေ့လာသင်ယူ မှတ်သားကြရန်၊ မသိနားမလည်သည်များကို မေးမြန်းကြရန်နှင့် စဉ်ဆက်မပြတ် လေ့ကျင့်ကြရန် လိုကြောင်း ပြောကြားခဲ့ကြောင်း သိရပါသည်။
ဆက်လက်၍ သင်တန်းနည်းပြများက ကွန်ပျူတာနည်းပညာ ဘာသာရပ်အလိုက် သင်တန်းသား/သူများအား စာတွေ့လက်တွေ့ သင်ကြားရှင်းလင်းပို့ချခဲ့ကြောင်း သိရှိရပါသည်။
DOCA(စစ်ကိုင်း)
