သတင်းနှင့် လှုပ်ရှားမှုများ

      စားသုံးသူရေးရာဦးစီးဌာန၊ မြန်အောင်မြို့နယ်ဦးစီးမှူးနှင့်ဝန်ထမ်းများသည် မိတ်ဘက်ဌာနဆိုင်ရာများနှင့်ပူးပေါင်း၍(၁၃.၁.၂၀၂၆)ရက် နေ့လယ် (၁၂:၀၀)နာရီအချိန်တွင် မြန်အောင်မြို့နယ်၊ သပြေကုန်း ကျေးရွာ၊ အခြေခံပညာအထက်တန်းကျောင်းရှိ ကျောင်းမုန့်ဈေးတန်းအား ကျန်းမာရေးအဖွဲ့ ၊ကျောင်း မုန့်ဈေးတန်း ကော်မတီဝင်များနှင့်အတူ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ပါသည်။

    ထိုသို့ကွင်းဆင်းစစ်ဆေးရာတွင်  ကျောင်းမုန့်ဈေးတန်းများရှိ ရောင်းချနေသောမုန့်များတွင် ကုန် အညွှန်းအမှတ်အသားပြည်စုံမှုရှိ/မရှိ ကွင်းဆင်းစိစစ်ခဲ့ပြီး၊ ကုန်အညွှန်းအမှတ်အသား ပြည့်စုံသော မုန့် များကိုသာရောင်းချရန်၊သက်ဆိုင်ရာဌာနများမှ ထုတ်ပြန်ထားသော တားမြစ်မုန့်များ၊ အစားအသောက် များ၊သက်တမ်းလွန်အစားအစာများရောင်းချမှုမရှိစေရေး၊မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသောညွှန်ကြားချက်အမှတ် (၂/၂၀၁၉)နှင့်အညီ မြန်မာဘာသာဖြင့် ပြည်စုံစွာ ဖော်ပြထားသော ကုန်စည်များကိုသာရောင်းချရန်စသည်တို့ကို မုန့်ဈေးတန်းရောင်းချသူများအား အသိ ပညာပေး မှာကြားခဲ့ကြောင်းသိရှိရပါသည်။

EYDNS (DOCA ဧရာဝတီ)

    ဧရာဝတီတိုင်းဒေသကြီး၊စားသုံးသူရေးရာဦးစီးဌာန၊ လပွတ္တာခရိုင် ၊လပွတ္တာမြို့နယ်တာဝန်ခံရုံးမှ ဦးမြင့်ဌေးသည် (၁၃.၁.၂၀၂၆)ရက်နေ့၊ နေ့လယ် (၁၂:၀၀)နာရီက လပွတ္တာမြို့၊ အမှတ်(၇)ရပ်ကွက်၊ နန္ဒဝန်ဈေးရှိကုန်မျိုးစုံ ရောင်းချသော စီးပွားရေး လုပ်ငန်းရှင်များအား   စားသုံးသူအသိပညာပေး ဟောပြောပွဲ ဆောင်ရွက်ခဲ့ပါသည်။

      ထိုသို့ဟောပြောဆွေးနွေးရာတွင် ဦးမြင့်ဌေးမှလပွတ္တာမြို့၊အမှတ်(၇)ရပ်ကွက်၊နန္ဒဝန်ဈေးတွင် ကုန်မျိုးစုံရောင်းချ နေသော စီးပွားရေးလုပ်ငန်းရှင်များအနေဖြင့် စားသုံးသူများဘေး အန္တရာယ်ကင်းရှင်းစေခြင်းအကျိုးငှာ စားသုံးသူ ကာကွယ်ရေး အသိပညာများတိုးပွားစေရန် အတွက် ဟောပြောရခြင်းဖြစ်ပါကြောင်း၊ မိမိတို့ဌာနအနေဖြင့်လစဉ် စီးပွားရေးလုပ်ငန်းရှင် များအား အလှည့်ကျပညာပေးလုပ်ငန်းများ ဆောင်ရွက်လျှက်ရှိပါကြောင်း၊ စီးပွားရေးနှင့် ကူးသန်းရောင်းဝယ် ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ၂၀၁၉ ပါပြဌာန်းချက်များမှစားသုံးသူ၏အခွင့်အရေးနှင့်တာဝန်များ၊စီးပွားရေးလုပ်ငန်းရှင်၏တာဝန်များ၊တားမြစ်ချက်များ၊ပြစ်မှု ပြစ်ဒဏ် များ၊ ဥပဒေအခန်း(၁၈)ပါ ကုန်အညွှန်း အမှတ်အသားဖော်ပြခြင်းနှင့်စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မ(၄၁) ပုဒ်မခွဲ(ခ)နှင့်(ဆ)တို့ပါကုန်အညွှန်းအမှတ်အသားဖော်ပြရာတွင်မြန်မာဘာသာဖြင့်ဖြစ်စေ၊အခြားဘာသာ တစ်ခု (သို့) တစ်ခုထက်ပို၍ တွဲလျှက်ဖြစ်စေ ရေးသားဖော်ပြရမည် ဖြစ်ပြီး၊ စီးပွားရေးလုပ်ငန်းရှင်များအနေဖြင့် စားသုံးသူများ ထိခိုက်နစ်နာမှုမရှိ စေရေးအလေးထား ဆောင်ရွက်ရန်လိုအပ်ပါကြောင်း၊ ဌာနမှထုတ်ပြန်ထားသော ဥပဒေညွှန်ကြား ချက်များအတိုင်း လိုက်နာဆောင်ရွက်ကြရန်လိုအပ်ပါကြောင်း၊ လိုက်နာမှုမရှိပါက ထုတ်ပြန်ထား သောဥအဒေများအတိုင်းဆောင်ရွက်ရမည်ဖြစ်ပါကြောင်းရှင်းလင်းဟောပြောခဲ့ပါသည်။ဟောပြောပွဲသို့ကုန်မျိုးစုံ ရောင်းချသူလုပ်ငန်းရှင်(၁၀)ဦး တက်ရောက်ခဲ့ကြောင်း သိရှိရပါသည်။

(DOCA ဧရာဝတီ)

       ဧရာဝတီတိုင်းဒေသကြီး ၊စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ်တာဝန်ခံရုံးမှဒေါ်ဇင်မာသန်း နှင့်ဝန်ထမ်းများသည် (၁၄.၁.၂၀၂၆)ရက်နေ့ နံနက်(၁၁:၀၀)နာရီတွင် မြို့နယ်ထွေ/အုပ်၊မြို့နယ်စည်ပင်သာယာရေးအဖွဲ့နှင့် ပူးပေါင်း၍အိမ်မဲမြို့ရှိဆေးဆိုင်များအားအာဟာရဖြည့်စွက်စာများရောင်းချမှုနယ်မြေဈေးကွက်စောင့်ကြည့်   စစ်ဆေးဆောင်ရွက်ခဲ့ပါသည်။

          ထိုသို့ ကွင်းဆင်းစစ်ဆေးဆောင်ရွက်ရာတွင် စားသုံးသူရေးရာဦးစီးဌာန၊ အိမ်မဲမြို့နယ် တာဝန်ခံမှ ဆေးဆိုင်ပိုင်ရှင်များအား စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှ ထုတ်ပြန်ထားသော၂၀၁၉ ပါဥပဒေပြဌာန်းချက် များမှဥပဒေအခန်း(၁၈)ပုဒ်မခွဲ(ခ)နှင့်(ဆ)တို့ပါ ကုန်အညွှန်းအမှတ် အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့)တစ်ခုထက်ပို၍ တွဲလျက်ဖြစ်စေရေးသားဖော်ပြရမည်ဖြစ်ကြောင်း စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များ၊ လိုက်နာဆောင်ရွက်ကြရန် အာဟာရ ဖြည့်စွက်စာအမျိုးမျိုးနှင့်စပ်လျဉ်း၍ ကုန်အညွှန်းအမှတ်အသားဖော်ပြချက်နှင့် ထားသိုသိမ်းဆည်းမှုအညွှန်းအတိုင်း ထားသိုရောင်းချကြရန်ထုတ်လုပ်သည့်ရက်စွဲ၊ သက်တမ်းကုန်ဆုံး သည့်ရက်စွဲများကိုလည်းစစ်ဆေးရောင်းချ ကြရန် အစားအသောက်ဖြစ်သည့်အတွက် အလေးထားဆောင်ရွက်ကြရန်ဆေးဆိုင်ပိုင်ရှင် များအားသတိပေးမှာကြားခဲ့ ကြောင်း သတင်းရရှိပါသည်။

(DOCA ဧရာဝတီ)

        စားသုံးသူရေးရာဦးစီးဌာန၊ ဘိုကလေးမြို့နယ် တာဝန်ခံနှင့်ဝန်ထမ်းတို့သည် ဆီလုပ်ငန်းရှင် အသင်းနှင့် ပူးပေါင်း၍ ၂၀၂၆ ခုနှစ်၊ ဇန်နဝါရီလ(၁၂) ရက်နေ့၊ နံနက်(၁၀:၀၀)နာရီ အချိန်တွင် မြို့ပေါ်ရှိ ကုန်မျိုးစုံ အရောင်းဆိုင်များတွင် ရောင်းချနေသော စားသုံးဆီ(ဘူးဆီ)များတွင် ကုန်အညွှန်းအမှတ်အသား ၊ပြည့်စုံမှုမရှိသော ကုန်စည်များ ဈေးကွက်အတွင်းမှ ပပျောက်စေရန် ရည်ရွယ်၍ အရောင်းဆိုင်များသို့ ကွင်းဆင်းစစ်ဆေးခဲ့ကြပါသည်။

          အဆိုပါ ကွင်းဆင်းစစ်ဆေးရာတွင် မြို့နယ်တာဝန်ခံ ဒေါ်ခင်စန်းအေး(စစ်ဆေးရေးအရာရှိ) က စားသုံးသူကာကွယ်ရေး ဥပဒေပါ အခန်း(၁၈) ပုဒ်မ ၄၁အရ (ဘူးဆီ)များကို ကုန်အညွှန်း အမှတ်အသား ဖော်ပြခြင်းဆိုင်ရာ အချက်(၈) ချက်နှင့် တိုက်ဆိုင်စစ်ဆေးခဲ့ပြီး ပုဒ်မ(၄၁) ပုဒ်မခွဲ(ခ) နှင့် (ဆ) ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာ တစ်ခု(သို့မဟုတ်) တစ်ခုထက်ပို၍ တွဲလျက်ဖော်ပြထားသော ကုန်စည်၊ သက်ဆိုင်ရာ ဌာနများ၏ ထောက်ခံချက် ပြည့်စုံစွာ ပါဝင်သော များကိုသာ ရောင်းချရန် ဆွေးနွေးတိုက်တွန်းခဲ့ပြီး ဈေးကွက်အတွင်း ကွင်းဆင်းစိစစ်ခဲ့ကြောင်း သတင်းရရှိပါသည်။

(Doca ဧရာဝတီ)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊မြောင်းမြခရိုင်၊ မြောင်းမြမြို့နယ်တာဝန်ခံ ဦးလှထွဠ်ဦးနှင့် ဝန်ထမ်းများသည် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍  (၁၃.၁.၂၀၂၆)ရက်နေ့၊ နံနက် (၁၀:၀၀) နာရီက မြောင်းမြမြို့နယ်၊ စကမြား အထကကျောင်းတွင် ဆရာ/ဆရာမ၊ ကျောင်းသား၊ ကျောင်းသူများအား စားသုံးသူကာကွယ်ရေး အသိပညာပေး ဟောပြော ဆောင်ရွက် ခဲ့ပါသည်။

          ထိုသို့ဟောပြောဆွေးနွေးရာတွင် စားသုံးသူရေးရာဦးစီးဌာန၊ မြောင်းမြမြို့နယ် တာဝန်ခံမှ မိတ်ဆက်စကား ပြောကြားပြီး စားသုံးသူရေးရာဦးစီးဌာန၏ မျှော်မှန်းချက်၊ရည်မှန်းချက်များ၊ ဌာနမှလက်ရှိဆောင်ရွက်နေသောလုပ်ငန်းတာဝန်များ ဆက်လက် ဆောင်ရွက်ရမည့်လုပ်ငန်းတာဝန်များအားဦးစွာရှင်းလင်းပြောကြားခဲ့ပါသည်။စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန   မှထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ ပါ ပြဌာန်းချက်များမှ စားသုံးသူ၏ အခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ ၄၁ ပုဒ်မခွဲ(ခ)နှင့်(ဂ)တို့ပါ ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ် သည့်ရက်စွဲ၊  သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့အား အသေးစိတ်ရှင်းလင်း ဟောပြောခဲ့ပြီး၊ မိမိတို့စားသောက်နေသောအစားအသောက်များတွင်ဓါတုဆိုးဆေးများ အလွန်အကျုးပါဝင်နေခြင်း၊ သက်တမ်းလွန်အစား အသောက်များအား မိမိ၏အသိဖြင့်ဆင်ခြင်ဝယ်ယူစားသောက်ကြရန် ဟောပြောခဲ့ပါသည်၊ ထို့နောက်ကျောင်း မုန့်ဈေးတန်း အဖွဲ့ဖြင့် မုန့်ဆိုင်များအား စစ်ဆေးခဲ့ပြီး ဆိုင်ရှင်များအား ကျန်းမာရေးနှင့်ညီညွတ်သော အစားအသောက်များကိုသာ ရောင်းချရန် နှင့်သက်တမ်းလွန်မုန့်များရောင်းချခြင်းမပြုရန်အသိပေးဆောင်ရွက်ခဲ့ပါသည်၊ စားသုံးသူအသိပညာပေး ဟောပြောပွဲ သို့ ဆရာ/ ဆရာမ၊ ကျောင်းသားကျောင်းသူ စုစုပေါင်း (၁၅၀)ဦး တက်ရောက်ခဲ့ကြောင်း သိရှိရပါသည်။

(DOCA ဧရာဝတီ)