သတင်းနှင့် လှုပ်ရှားမှုများ

            စစ်ကိုင်တိုင်းဒေသကြီးဉီးစီးမှူးရုံးအနေဖြင့် စားသုံးသူပြည်သူများ ထုတ်ကုန်လုံခြုံစိတ်ချရမှုရှိစေရန်၊ စားသုံးသူအခွင့်အရေးများ အပြည့်အဝရရှိစေရန် စီးပွားရေးလုပ်ငန်းရှင်များ စီးပွားရေးကျင့်ဝတ်၊ စည်းကမ်းနှင့်အညီဖြောင့်မတ်မှန်ကန်စွာ ဆောင်ရွက်နိုင်ရန်အတွက် တိုင်း၊ ခရိုင်၊ မြို့နယ်အလိုက် စားသုံးသူကာကွယ်ရေး အသိပညာပေးလုပ်ငန်းများ၊ စားသုံးသူတိုင်ကြားမှုဖြေရှင်းခြင်း လုပ်ငန်းများအား ဆောင်ရွက်လျက်ရှိရာ စစ်ကိုင်းတိုင်းဒေသကြီးဉီးစီးမှူးရုံးအနေဖြင့် မုံရွာမြို့၊ တိုင်းဒေသကြီးအစိုးရအဖွဲ့ရုံး၊ DICA ခန်းမတွင် (၁/ ၂၀၂၅) ကြိမ်မြောက် စားသုံးသူရေးရာကော်မတီ အစည်းအဝေး ကျင်းပပြုလုပ်ခြင်း၊ မုံရွာမြို့၊ တိုင်းဒေသကြီးအစိုးရအဖွဲ့ရုံး၊ ချင်းတွင်းခန်းမ၌ ကမ္ဘာ့ စားသုံးသူအခွင့်အရေးများနေ့ အထိမ်းအမှတ်အခမ်းအနားကျင်းပပြုလုပ်ခြင်း၊ ကမ္ဘာ့စားသုံးသူ အခွင့် အရေးများနေ့အထိမ်းအမှတ် စားသုံးသူအသိပညာပေးပြခန်း ခင်းကျင်းပြသခြင်း၊ မုံရွာတက္ကသိုလ်ရှိ ဓာတုဗေဒ/ ရူပဗေဒဌာန နည်းပြသရုပ်ပြ ဆရာ/မများအားလည်းကောင်း၊ Online စနစ်ဖြင့် ရောင်းချခြင်းဆိုင်ရာ အလုပ်ရုံဆွေးနွေးပွဲကျင်းပခြင်း၊ မုံရွာခရိုင်၊ ပြန်ကြားရေးနှင့် ပြည်သူ့ ဆက်ဆံရေးဦးစီးဌာနတွင်ကျင်းပပြုလုပ်သည့် စာကြည့်တိုက်သင်တန်းတွင်လည်းကောင်း၊ တိုင်း ဒေသကြီးသမဝါယမဉီးစီးဌာန၌ အသေးစားစက်မှုလက်မှုလုပ်ငန်းဉီးစီးဌာနမှ ဖွင့်လှစ်သော ဆပ်ပြာ ထုတ်လုပ်မှု နည်းပညာသင်တန်းတွင်လည်းကောင်း၊ ကလေးခရိုင်ဉီးစီးမှူးရုံးအနေဖြင့် ကလေးမြို့၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် ကမ္ဘာ့စားသုံးသူအခွင့်အရေးများနေ့ အထိမ်းအမှတ် စားသုံးသူအသိပညာပေးဟောပြောခြင်း၊ ကလေးခရိုင်ဦးစီးမှူးရုံးတွင် ဆီလုပ်ငန်းရှင် များအသင်းအားလည်းကောင်း၊ ကန့်ဘလူခရိုင်ဉီးစီးမှူးရုံးအနေဖြင့် ကျွန်းလှမြို့ရှိ အထက်တန်း ကျောင်းတွင်လည်းကောင်း၊ ကန့်ဘလူခရိုင်၊ ပြန်ကြားရေးနှင့် ပြည်သူ့ဆက်ဆံရေးဉီးစီးဌာနတွင် ကမ္ဘာ့စားသုံးသူအခွင့်အရေးများနေ့အထိမ်းအမှတ် စားသုံးသူအသိပညာပေး ‘Talk Show’ ပြုလုပ်ခြင်း၊ စစ်ကိုင်းခရိုင်ဉီးစီးမှူးရုံးအနေဖြင့် စစ်ကိုင်းခရိုင် အသေးစားစက်မှုလက်မှုလုပ်ငန်း ဉီးစီးဌာန၊ ယိုနှင့် ဖျော်ရည်ထုတ်လုပ်မှုနည်းပညာသင်တန်းတွင်လည်းကောင်း၊ စစ်ကိုင်းမြို့၊ သောတာပန်ရပ်ကွက်၊ အောင်မြေဉီးဘုန်းတော်ကြီးကျောင်း၌ အသေးစားစက်မှုလက်မှုလုပ်ငန်း ဉီးစီးဌာနမှပြုလုပ်သည့်  မုန့်ဖုတ်သင်တန်းတွင်လည်းကောင်း၊ မုံရွာခရိုင်ဦးစီးမှူးရုံးအနေဖြင့် မုံရွာမြို့၊ တိုင်းဒေသကြီး အသေးစားစက်မှုလက်မှုလုပ်ငန်းဦးစီးဌာန၊ လူသုံးကုန်ထုတ်လုပ်မှုနည်းပညာ သင်တန်းတွင်လည်းကောင်း၊ရွှေဘိုခရိုင်ဦးစီးမှူးရုံးအနေဖြင့် ရွှေဘိုမြို့၊ သူနာပြု သင်တန်း ကျောင်းတွင် အသိပညာပေးဟောပြောခြင်း စုစုပေါင်း (၁၁)ကြိမ်နှင့် ၂၀၂၅ ခုနှစ်၊ မတ်လအတွင်း အသိပညာပေး ဟောပြောဆွေးနွေးခဲ့ရာ ဌာန၏ မျှော်မှန်းချက်များ၊ ရည်မှန်းချက်တာဝန်များ၊ စားသုံးသူ အခွင့်အရေးများ၊ တာဝန်များ၊ ဌာနသို့ ဆက်သွယ်တိုင်ကြား နိုင်သည့်နည်းလမ်းများ၊ ဖြေရှင်း ဆောင်ရွက်ပေးခဲ့သည့် စားသုံးသူတိုင်ကြားမှုဖြစ်စဉ်များကို အသိပညာပေးဟောပြောခဲ့ကြပြီး လက်ကမ်းစာစောင်များ ဖြန့်ဝေပေးခဲ့ပါသည်။

            လုပ်ငန်းရှင်များနှင့်  တွေ့ဆုံဆွေနွေးအသိပညာပေးမှုများကိုလည်း တိုင်းဒေသကြီးဦးစီးမှူးရုံး အနေဖြင့်(၂)ကြိမ်၊ ကလေးခရိုင်ဦးစီးမှူးအနေဖြင့်(၄)ကြိမ်၊ ကသာခရိုင်ဦးစီးမှူးရုံးအနေဖြင့်(၂)ကြိမ်၊ ကန့်ဘလူမြို့နယ်တာဝန်ခံရုံးမှ(၂)ကြိမ်၊ စစ်ကိုင်းတိုင်းခရိုင်ဦးစီးမှူးရုံးအနေဖြင့်(၇)ကြိမ်၊ မုံရွာခရိုင် ဦးစီးမှူးရုံးမှ(၂)ကြိမ်၊ ယင်းမာပင်ခရိုင်ဦးစီးမှူးရုံးအနေဖြင့်(၂)ကြိမ်၊ ရွှေဘိုခရိုင်ဦးစီးမှူးရုံးအနေဖြင့် (၅)ကြိမ်၊ စုစုပေါင်း(၂၆)ကြိမ် ဆောင်ရွက်နိုင်ခဲ့ပါသည်။ ထိုသို့တွေ့ဆုံဆွေးနွေးဆောင်ရွက်ခြင်းများ ပြုလုပ်ရာတွင် စီးပွားရေးလုပ်ငန်းရှင်တို့၏တာဝန်များ၊ လိုက်နာရမည့်အချက်များ၊ ကုန်စည်နှင့် စပ်လျဉ်း၍ ဖော်ပြရမည့်အာမခံများ၊ ရိုးရှင်းမှန်ကန်သောသတင်းအချက်အလက်များ ပြည့်စုံစွာ ပေးရန် စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊  စည်းကမ်းနှင့်အညီ ဖြောင့်မတ်      မှန်ကန်စွာ ဆောင်ရွက်ရန်အချက်များကို ရှင်းလင်းဆွေးနွေးအသိပညာပေးခြင်း၊ ရည်ညွှန်းဈေး သတ်မှတ်ထားသောကုန်စည်များအား သတ်မှတ်ရည်ညွှန်းဈေးဖြင့် ရောင်းချစေရေးဆွေးနွေးဟော ပြောခြင်းများဆောင်ရွက်ခဲ့ပြီး စီးပွားရေးလုပ်ငန်းရှင်နှင့်သက်ဆိုင်သော လက်ကမ်းစာစောင်များ၊ စားသုံးသူကာကွယ်ရေးဥပဒေစာအုပ်များ ဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့နယ်အတွင်း အများပြည်သူသို့ ကြက်ဥများ ဈေးနှုန်းချိုသာစွာဖြင့် ရောင်းချပေးခြင်းကို ၂၀၂၅ခုနှစ် ဇန်နဝါရီလ၊ ဖေဖော်ဝါရီလ၊ မတ်လများတွင် နေ့စဉ် နံနက်ပိုင်းမှစ၍ မြို့မစျေးကြီးအရှေ့ နှင့် မြို့နယ်အတွင်း သတ်မှတ်နေရာများတွင် နေ့စဥ်ဆောင်ရွက်ပေးလျက်ရှိသည်။ ကြက်ဥ ၂၀၂၅ခုနှစ်အတွင်းအလုံးရေ ၆၆၀၀၀လုံး ရောင်းချပေးနိုင်ခဲ့ကြောင်း သိရသည်။

ထိုသို့ ရောင်းချပေးရာတွင် ကြက်ဥတစ်လုံးလျှင် သက်သာသော စျေးနှုန်း ၃၅၀ ကျပ်နှုန်းဖြင့် နေ့စဥ်ကြက်ဥအလုံးရေ သုံးထောင်၊ ကြက်သား ၁၀ပိသာ တစ်ဆယ်သာ ၁၅၀၀ကျပ်၊ ဆီပိဿာချိန် ၁၀ကိုရည်ညွှန်းဈေးဖြင့် မြို့မစျေးကြီးသို့ လာရောက်စျေး ဝယ်သူများနှင့် မြို့နယ်အတွင်းရှိ ရပ်ကွက်များအလိုက် လူစည်ကားရာနေရာများတွင် ရပ်ကွက်တာဝန်ရှိသူများမှ ရပ်ကွက်နေပြည်သူများ လက်ဝယ်အရောက် စနစ်တကျဖြန့်ဝေ ရောင်းချပေးလျက်ရှိသည်။

အဆိုပါ ကြက်ဥများ သက်သာသောစျေးနှုန်းဖြင့် ရောင်းချပေးရာသို့ ပန်းတနော်မြို့နယ် ဌာနဆိုင်ရာတာဝန်ရှိသူများမှ ကြီးကြပ်၍ ရပ်ကွက်အုပ်ချုပ်ရေးအဖွဲ့ဝင်များ၊ စည်ပင်သာ ယာရေးဝန်ထမ်းများက လိုအပ်သည်များ ဝိုင်းဝန်းကူညီဆောင်ရွက်ပေးလျက်ရှိကြောင်း သိရသည်။

DOCA(ဧရာဝတီ)

မအူပင်ခရိုင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံးရှိ လူထုအခြေပြုဗဟိုဌာနခန်းမတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်းကာ ၂၂-၃-၂၀၂၅ ရက်နေ့ နံနက်ပိုင်းက အွန်လိုင်းရောင်းဝယ်မှုဆိုင်ရာ စားသုံးသူအသိပညာပေး ဆွေးနွေးပွဲ(Talk Show)အစီအစဉ်ကို အွန်လိုင်းမှ တစ်ဆင့် ကျင်းပပြုလုပ်ခဲ့ကြောင်းသိရသည်။

ဆွေးနွေးပွဲတွင် မြို့နယ်ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ Talk Show အစီအစဉ် ကျင်းပပြုလုပ်ရသည့် ရည်ရွယ်ချက်ကို ရှင်းလင်းပြီး ‌မြို့နယ်စားသုံးသူရေးရာဦးစီးဌာနမှ မြို့နယ်တာဝန်ခံ ဦးအောင်ကျော်သက်က စားသုံးသူရေးရာဦးစီးဌာန၏ လုပ်ငန်းဆောင်ရွက်မှုများ၊ ယနေ့ခေတ်၌ တွင်တွင် ကျယ်ကျယ်အသုံးပြုလာသည့် အွန်လိုင်းရောင်းဝယ်မှုများနှင့်အတူ ပေါ်ပေါက် လာသည့် စားသုံးသူတို့၏ ထိခိုက်နစ်နာမှုများနှင့် တိုင်ကြားမှုများ၊ စားသုံးသူများ အနေဖြင့် အွန်လိုင်းမှတစ်ဆင့် ဝယ်ယူခြင်းမပြုမီ သတိပြုရမည့်အချက်များ၊ စားသုံးသူ ထိခိုက်နစ်နာမှုများနှင့်ပတ်သက်၍ တိုင်ကြားနိုင်သည့် နည်းလမ်းများ၊ အွန်လိုင်းမှ ဝယ်ယူစားသုံးသူများအနေဖြင့် ထိခိုက်နစ်နာမှုမရှိစေရေးအတွက် ထိန်းကျောင်းနိုင်ရန် စားသုံးသူရေးရာဦးစီးဌာနမှ အကောင်အထည်ဖော် ဆောင်ရွက် နေသည့် Online Shopping မှတ်ပုံတင်စနစ် လုပ်ငန်းများ စသည့် သိမှတ်ဖွယ်ရာများ တို့ကို ကျယ်ကျယ်ပြန့်ပြန့် ရှင်းလင်းဆွေးနွေးခဲ့ကြသည်။

ပန်းတနော်မြို့နယ် ပြန်ကြား‌ရေးနှင့်ပြည်သူ့ဆက်ဆံရေးဦးစီးဌာနအနေဖြင့် ယခုကဲ့သို့ အသိပညာပေး ဆွေးနွေးပွဲ Talk Show အစီအစဉ်များ ရိုက်ကူးထုတ်လွှင့်ခြင်း အပါအဝင် ပြည်သူအသိပညာပေးဝန်ဆောင်မှု လုပ်ငန်းများကို စဉ်ဆက်မပြတ် ဆောင်ရွက်လျက်ရှိပြီး Talk Show အစီအစဉ်များကို ပြည်သူများအကျိုးရှိစေမည့် သတ်မှတ်ခေါင်းစဉ်အလိုက် ရိုက်ကူးထုတ်လွှင့်ခြင်းအား လူထုအခြေပြုဗဟိုဌာနခန်းမ၌ လစဉ်ပုံမှန်ပြုလုပ်‌လျက်ရှိကြောင်း သိရသည်။

DOCA(ဧရာဝတီ)

          စားသုံးသူရေးရာဦးစီးဌာန စားသုံးသူကာကွယ်ပေးရေး အသိပညာများ တိုးပွားရရှိစေရေး အသိပညာပေးဟောပြောပွဲ ကျင်းပရာ အခမ်းအနားကို အမှတ်၁၀ရပ်ကွက် မင်းလမ်းရှိ စက်မှုသင်တန်းသင်တန်းကျောင်းခန်းမ၌ တွင်ခုံနှင့် စက်ပစ္စည်း ပြုပြင်သော သင်တန်းသားများအား ၂၀၂၅ခုနှစ် မတ်လ ၂၁ရက်နေ့  နံနက် (၁၀) နာရီအချိန်က စုစုပေါင်းအင်အား ၄၅ ဦး အား အသိပညာပေးဟောပြောခဲ့ကြောင်း သိရသည်။

အခမ်းအနားတွင် ရှေးဦးစွာ သင်တန်းတာဝန်ခံမှ သင်တန်းကျောင်းမှ သင်တန်းသားများ အသိပညာ တိုးပွားရရှိစေရေးအတွက် အသိပညာပေး ဟောပြောပွဲများ ဆောင်ရွက်ရခြင်းနှင့် ပတ်သက်၍ မိတ်ဆက်အမှာစကား ပြောကြားခဲ့ပြီးနောက် စားသုံးသူရေးရာဦးစီးဌာနမှ ဒေါ်သဇင်ဦးဒု-ဦးစီးမှူးက စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ရည်ရွယ်ချက်များနှင့် လုပ်ငန်းဆောင်ရွက်မှုများ အကြောင်းကိုလည်းကောင်း၊ စားသုံးသူကာကွယ်ရေး ဥပဒေပါကုန်ညွှန်းအမှတ်အသားများအကြောင်း၊ စားသုံးသူတို့ တိုင်ကြားရမည့် နည်းလမ်းများနှင့် ဖြေရှင်းဆောင်ရွက်ခဲ့သည့် တိုင်ကြားမှုဖြစ်စဉ်များကိုလည်းကောင်း ရှင်းလင်းပြီး စားသုံးသူတို့သည် အွန်လိုင်းစနစ်ဖြင့် ကုန်စည်ဝန်ဆောင်မှုများကို ဝယ်ယူရာတွင် အွန်လိုင်းမှတ်ပုံတင်ပြီးသော လုပ်ငန်းများကို စိစစ်၍ ဝယ်ယူကြရန် အကျယ်တဝင့် ရှင်းလင်းခဲ့ပြီး စားသုံးသူအခွင့်အရေးထိခိုက်နစ်နာမှု ရှိပါက  စားသုံးသူပြည်သူများက မေးမြန်းစုံစမ်းလာသည့် သတင်းအချက်အလက်များကို ပြန်လည်ဖြကြားနိုင်ရန်နှင့် တိုင်ကြားမှုများကို လက်ခံနိုင်ရန်ရည်ရွယ်၍ နေပြည်တော်ရုံးချုပ်တွင် Main Site အဖြစ် Consumer Call Center ၁၅၃၅ ကို ၂၀၂၀-၂၀၂၁ ငွေလုံးငွေရင်းရန်ပုံငွေဖြင့် တည်ထောင်ခဲ့သည် ဖြစ်စဉ်ကိုလည်းကောင်း၊ စားသုံးသူများအနေဖြင့် ဆက်သွယ်၍မေးမြန်း တိုင်ကြားလိုပါက Consumer Call Center ၁၅၃၅ကို ဆက်သွယ်၍ ရနိုင်ကြောင်းနှင့် ၂၀၂၁ ဇွန်လ မှ ၂၀၂၄ ဇူလိုင်လအထိ တိုင်ကြားမှုပေါင်း ၃၃၃ မှု ရှိပြီး ၃၃၀ ဖြေရှင်းဆောင်ရွက်ပေးနိုင်ခဲ့ကြောင်းကို သင်တန်းများအား အသိပညာပေး ဟောပြောခဲ့သည်။

ထို့နောက် တက်ရောက်လာကြသူများက စားသုံးသူကာကွယ်ပေးရေးအကြောင်းအရာများနှင့် ပတ်သက်၍ သိရှိလိုသည့်မေးမြန်းချက်များအပေါ် တာဝန်ရှိသူများက ပြန်လည်ရှင်းလင်း ဆွေးနွေးခဲ့ကြကြောင်း သိရပါသည်။

DOCA(ဧရာဝတီ)

ဧရာဝတီဒေသကြီးအစားအသောက်နှင့် ဆေးဝါးကွပ်ကဲရေးဦးစီးဌာန(FDA)မှ တာဝန်ရှိသူများ  ဦးဆောင်သော ဝန်ထမ်းများအဖွဲ့က မအူပင်ခရိုင်ဌာနဆိုင်ရာများ လိုက်ပါ၍ ၂၀၂၅ခုနှစ် မတ်လ ၂၀ နေ့ နေ့လည် ၁၄၀၀ နာရီခွဲက မအူပင်မြို့ပေါ်ရှိ မြို့မဈေးအတွင်းဆေးဆိုင်(၂)ဆိုင်နှင့် ကမ်းနာလမ်းပေါ်ရှိ ဦးကျားဗိုလ်ဆေးဆိုင်၊ မြမဥ္ဇူဆေးဆိုင်၊ ဇီဝကဆေးဆိုင်၊ မြမြဆေးဆိုင်၊ ဆေးဝါးပစ္စည်း အရောင်း ဆိုင်များ(၆) သွားရောက်ပြီး သတ်မှတ်စည်းကမ်းချက်များနှင့် အညီ စနစ်တကျ ရောင်းချခြင်း ရှိ/ မရှိ ကွင်းဆင်းစစ်ဆေးခဲ့ကြောင်း သိရသည်။

စစ်ဆေးရာတွင် မအူပင်မြို့ပေါ်ရှိ ဆေးဝါပစ္စည်းအရောင်းဆိုင်များအား တာဝန်ရှိသူများ ပူးပေါင်းစစ်ဆေးရေးအဖွဲ့က ဆေးဆိုင်လုပ်ငန်းရှင်များအနေဖြင့် ဆေးဝါးပစ္စည်းများ ရောင်းချရာ၌ ပြည်သူလူထု ဘေးအန္တရာယ် မဖြစ်စေရေးအတွက် တရားမဝင် မှတ်တင်ထားခြင်းမရှိသော ဆေးဝါးများနှင့် သက်တမ်းလွန် နေသော ဆေးဝါးများ ဖြန့်ဖြူးရောင်းချခြင်းများ မပြုလုပ်ကြရန် ၊ စစ်ဆေးတွေ့ရှိပါက တည်ဆဲဥပဒေများနှင့် အညီ ထိရောက်စွာ အရေးယူဆောင်ရွက်မည့် ပြစ်မှု ပြစ်ဒဏ်များကို အသိပညာပေးဆွေးနွေး ပြောကြားပြီး ဆေးဆိုင်များအလိုက် ပြည်သူလူထု ဘေးအန္တရာယ်ဖြစ်စေနိုင်သော သက်တမ်းလွန် ဆေးပစ္စည်းများနှင့် တရားမဝင် မှတ်ပုံတင်ထား ခြင်းမရှိသော ဆေးဝါးများ ဖြန့်ဖြူးရောင်းချနေမှု ရှိ/ မရှိ တို့ကို ရှာဖွေစစ်ဆေးခဲ့ကြသည်။

မအူပင်ခရိုင်အတွင်းရှိ ပြည်သူများ ယခုလို ကာလတွင်  ဆေးဝါးပစ္စည်းများ ဝယ်ယူစားသုံးရာ၌ မလိုလားအပ်သော ဘေးအန္တရာယ်တွေ မဖြစ်စေရေးအတွက် ဆေးပစ္စည်း အရောင်းဆိုင်တွေမှာ သက်တမ်းလွန်ဆေးဝါးပစ္စည်းများနဲ့ တရားမဝင် မှတ်ပုံတင်ထားခြင်းမရှိသော ဆေးဝါးများ ဖြန့်ဖြူး ရောင်းချမှုတွေ မရှိစေရေး လစဉ်၊ ဌာနဆိုင်ရာများမှ ကွင်းဆင်းကြီးကြပ်စစ်ဆေး ဆောင်ရွက် လျက် ရှိပါကြောင်း  စစ်ဆေးတဲ့အခါမှာ သက်ဆိုင်ရာ ခရိုင်/မြို့နယ်အလိုက် ဌာနဆိုင်ရာ တာဝန်ရှိသူ များနဲ့ ပူးပေါင်းပြီး စစ်ဆေးဆောင်ရွက်တာဖြစ်ပါတယ်။ ဆေးဆိုင်းရောင်းချသူများမှ သတ်မှတ်ချက်များနှင့် ကိုက်ညီစွာ လိုက်နာဆောင်ရွက် ရောင်းချခြင်းမရှိကြောင်း စစ်ဆေးတွေ့ပါက အမျိုးသားဆေး ဝါးဥပဒေအရလည်းကောင်း၊ သက်ဆိုင်ရာဌာန၏ အရေးကြီးကုန်စည်နှင့် ဝန်ဆောင်မှု ဥပဒေအရ လည်းကောင်း၊ အရေးယူဆောင်ရွက်သွားမည်ဖြစ်ကြောင်းကို ဆိုင်ရှင်များအား မှာကြားပြော ကြားခဲ့ကြောင်း သတင်းရရှိပါသည်။

DOCA(ဧရာဝတီ)