သတင်းနှင့် လှုပ်ရှားမှုများ

          စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးမှ ဦးမြင့်နိုင် (စစ်‌ဆေးရေးအရာရှိ)နှင့် အဖွဲ့သည် အွန်လိုင်းစနစ်ဖြင့်ရောင်းချခြင်းလုပ်ငန်းများ မှတ်ပုံတင်လက်မှတ် စိစစ်ထုတ်ပေးခြင်း၊ မြေပြင်လုပ်ငန်းနှင့် မှတ်ပုံတင်ထားရှိမှု ကိုက်ညီမှု ရှိ/မရှိ၊ လုပ်ငန်းလိပ်စာ မှန်ကန်မှု ရှိ/မရှိ တို့ကို (၁၅.၁၀.၂၀၂၆) ရက်နေ့၊ နံနက်(၁၀:၃၀) နာရီအချိန်တွင် ဒေါနလမ်း၊ ပေါင်းလောင်းရပ်ကွက်၊ ပျဉ်းမနားမြို့ရှိ   “ KT Mart ” စားသောက်ကုန်ပစ္စည်းများ၊ အလှကုန်ပစ္စည်းများ၊ လူသုံးကုန်ပစ္စည်း များ လုပ်ငန်းသို့ သွားရောက်စစ်ဆေး ခဲ့ကြောင်း သိရှိရပါသည်။

          အဆိုပါကွင်းဆင်းစစ်ဆေးရာတွင် စစ်ဆေးရေးအရာရှိက လုပ်ငန်းရှင်များကို လိုအပ်သည် များမေးမြန်းခြင်း၊ မြေပြင်ကွင်းဆင်းစစ်ဆေးရမည့်အချက်(၁၈)ချက်နှင့် ကိုက်ညီမှု ရှိ/မရှိ စစ်ဆေး ခြင်း၊ စီးပွားရေးလုပ်ငန်းရှင်များ လိုက်နာရမည့် တာဝန်ဝတ္တရားများနှင့် စားသုံးသူကာကွယ်ရေး ဥပဒေပါ အခန်း(၁၇)ရှိ ကုန်စည်(သို့မဟုတ်)ဝန်ဆောင်မှုအပေါ် တာဝန်ရှိမှုနှင့် ပတ်သက်၍လည်းကောင်း တရားမဝင်ကုန်ပစ္စည်းများ ရောင်းချမှုမရှိစေရေး အသိပညာပေးဟောပြောခဲ့‌ကြောင်း သိရှိရပါသည်။

DOCA(ပြည်ထောင်စုနယ်မြေ)

ပြည်‌ထောင်စုနယ်မြေ၊ နေပြည်တော်၊ စားသုံးသူရေးရာဦးစီးဌာနမှ စာသုံးသူကာကွယ်ရေး ဥပဒေကို ပြင်ဆင်သည့် ဥပဒေ(မူကြမ်း) ရှင်းလင်းဆွေးနွေးပွဲကို (၁၃-၁၀-၂၀၂၆)ရက်နေ့၊ နေ့လယ် ၁၃:၀၀နာရီအချိန်တွင် နေပြည်တော်ကောင်စီ၊ ဇမ္ဗူသီရိခန်းမ၌ ကျင်းပရာ နေပြည်တော် ကောင်စီအတွင်းရေးမှူး ဦးသန်းဆွေဝင်း၊ ပုဗ္ဗသီရိမြို့နယ်၊ ပျဉ်းမနားမြို့နယ်နှင့် လယ်ဝေးမြို့နယ် တို့မှ လွှတ်တော်ကိုယ်စားလှယ်များ၊ မြန်မာနိုင်ငံရဲတပ်ဖွဲ့၊ ဒုတိယညွှန်ကြားရေးမှူးချုပ် မူပိုင်ခွင့်ဦးစီးဌာန၊ စားသုံးသူရေးရာဦးစီးဌာန၊ ညွှန်ကြားရေးမှူး ဒေါက်တာ မျိုးမျိုးထိုက်နှင့် နေပြည်တော်အဆင့်ဌာနဆိုင်ရာများမှ တာဝန်ရှိသူများ၊ ခရိုင်/မြို့နယ် စီမံခန့်ခွဲရေးနှင့် အုပ်ချုပ်ရေး ကော်မတီဥက္ကဋ္ဌများ၊ လုပ်ငန်းရှင်များ၊ အသင်းအဖွဲ့များမှတာဝန်ရှိသူများ တက် ရောက်ကြပါသည်။

ဦးစွာနေပြည်တော်ကောင်စီ အတွင်းရေးမှူး ဦးသန်းဆွေဝင်းက အမှာစကားပြောကြားရာ စားသုံးသူကာကွယ်ရေးဥပဒေသည် ၂၀၁၉ ခုနှစ်၊ မတ်လ ၁၅ ရက်တွင် ပြည်ထောင်စုလွှတ်တော် အမှတ်(၉)ဖြင့် ပြဋ္ဌာန်းခဲ့သော ဥပဒေတစ်ရပ်ဖြစ်ပြီး စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ စားသုံးသူရေးရာဦးစီးဌာနက စီမံခန့်ခွဲ၍ အကောင်အထည်ဖော်ဆောင်ရွက်သည့် ဥပဒေတစ်ရပ်ဖြစ်ပါကြောင်း၊ စားသုံးသူရေးရာဦးစီးဌာနအနေဖြင့် စားသုံးသူကာကွယ်ရေး ဥပဒေကို လက်တွေ့ကျင့်သုံးရာတွင် ထိရောက်မှုရှိ/မရှိ အခြေအနေအရပ်ရပ်ကို ပြန်လည် သုံးသပ်လျက်ရှိပါကြောင်း၊ ခေတ်စနစ်နှင့်လျော်ညီပြီး လက်တွေ့ကျင့်သုံးရာတွင် ပိုမို ထိရောက် မြန်ဆန်စွာ ဆောင်ရွက်နိုင်ဖို့အတွက် စားသုံးသူကာကွယ်ရေးဥပဒေကို ပြင်ဆင်သည့် ဥပဒေ (မူကြမ်း)ကို ရေးဆွဲရခြင်းဖြစ်ပါကြောင်း၊ ထို့ကြောင့် စားသုံးသူကာကွယ်ရေးဥပဒေကို ပြင်ဆင် သည့် ဥပဒေ(မူကြမ်း) ပြဋ္ဌာန်းနိုင်ရေး ဆောင်ရွက်ရာတွင် စနစ်တကျဆောင်ရွက်နိုင်ရေး အတွက် သက်ဆိုင်ရာအစိုးရဌာန၊ အစိုးရအဖွဲ့အစည်းများနှင့် စားသုံးသူကာကွယ်ရေးဆိုင်ရာ အသင်း အဖွဲ့များမှ ကိုယ်စားလှယ်များကို ဖိတ်ကြား၍ ရှင်းလင်းချပြ ဆွေးနွေးရခြင်းဖြစ်ပါကြောင်း၊ မူလဥပဒေတွင်ပါဝင်သော အဓိပ္ပာယ်ဖော်ပြချက် တစ်ခုချင်းစီ၏ အဓိပ္ပာယ်ဖွင့်ဆိုမှု အတိမ် အနက်အပေါ် မူတည်၍ ဥပဒေတစ်ရပ်လုံး၏ အသုံးချမှုနယ်ပယ် ပိုမိုကျယ်ပြန့်ခြင်း၊ စားသုံးသူ အခွင့်အရေးအတွက် ပိုမိုအကောင်အထည်ဖော်ဆောင်ရွက် နိုင်ခြင်းတို့ကိုလည်း သတိပြုစေလို ပါကြောင်း၊ စားသုံးသူကာကွယ်ရေးလုပ်ငန်းစဉ်များကို ပိုမိုထိရောက် အောင်မြင်စေရန်အတွက် သက်ဆိုင်ရာ အစိုးရဌာနများ၊ အစိုးရအဖွဲ့အစည်းများ၊ လုပ်ငန်းရှင်များ၊ အသင်း အဖွဲ့များနှင့် စားသုံးသူရေးရာ ကျွမ်းကျင်ပညာရှင်များ၏ ဝိုင်းဝန်း အကြံပြုချက် များသည် အလွန်ပင်အရေး ကြီးပါကြောင်း၊ ဆွေးနွေးပွဲသို့ တက်ရောက်လာကြသူများအနေဖြင့် ဥပဒေပြင်ဆင်မှုအပေါ် လိုအပ်ချက်များနှင့် အပြုသဘောဆောင်သည့် အကြံပြုချက် များကို ပွင့်ပွင့်လင်းလင်း ဝိုင်းဝန်း ဆွေးနွေးပေးကြပါရန် တိုက်တွန်းပြောကြားခဲ့ပါသည်။ ယင်းနောက် စားသုံးသူရေးရာ ဦးစီးဌာနမှ ဒုတိယညွှန်ကြားရေးမှူး ဦးထက်ဝင်းအောင်က စာသုံးသူကာကွယ်ရေးဥပဒေကို ပြင်ဆင်သည့် ဥပဒေ(မူကြမ်း)အား ရှင်းလင်းဆွေးနွေးခဲ့ရာ တက်ရောက်လာကြသူများက သိရှိလိုသည်များ မေးမြန်းဆွေးနွေးခဲ့ကြပါသည်။

ထို့နောက် နေပြည်တော်တိုင်းဦးစီးမှူး ဦးထွန်းထွန်းမှ နိဂုံးချုပ်ကျေးဇူးတင်စကား ပြောကြားခဲ့ပြီး ရှင်းလင်းဆွေးနွေးပွဲအား(၁၆:၃၀)အချိန်တွင်ရုပ်သိမ်းခဲ့ကြောင်း သိရှိရပါသည်။

DOCA(ပြည်ထောင်စုနယ်မြေ)

              ငါန်းဇွန်မြို့နယ် မြို့နယ်စီမံအုပ်ချုပ်ရေးအဖွဲ့၏ ဦးဆောင်မှုဖြင့် မြို့နယ်စားအုန်းဆီဖြန့်ဖြူး ရောင်းချမှုကြီးကြပ်ရေးအဖွဲ့သည် စားအုန်းဆီတင်သွင်းသိုလှောင်ဖြန့်ချိရေး ကြီးကြပ်မှုကော်မတီ၏ အစီအစဉ်ဖြင့် ငါန်းဇွန်မြို့နယ်ရှိ အများပြည်သူသို့ သက်သာသောသတ်မှတ်ရည်ညွှန်းဈေးဖြင့် ရောင်းချလျက်ရှိသောလက်လီ၊ လက်ကားအရောင်းဆိုင်များသို့ ကွင်းဆင်းကြီးကြပ်စစ်ဆေးမှုများကို ၁.၁၀၂၀၂၆ ရက်နေ့၊ နံနက် ၀၈:၃၀နာရီအချိန်တွင်ဆောင်ရွက်ခဲ့ကြောင်း သိရသည်။

          စားအုန်းဆီများကို စားအုန်းဆီလက်လီအရောင်းဆိုင်များမှ ရောင်းချရာတွင် ဈေးနှုန်းများ မှန်ကန်မှုရှိစေရေး၊ အလေးချိန်ပြည့်ဝစေရေး၊ အချိန်အတွယ်မှန်ကန်မှုရှိစေရေး၊ နိုင်ငံတော်မှ သတ်မှတ် ထုတ်ပြန်ထားသော သတ်မှတ်ချက်များအတိုင်းရောင်းချမှုရှိစေရေး၊ စားအုန်းဆီများဖြန့်ဖြူး ရောင်းချ ရာတွင် အများပြည်သူမြင်သာစေရန် ရောင်းချသည့်နေ့ရက်နှင့် ဈေးနှုန်းများကို ဗီနိုင်းတွင်ရေးသား၍  ချိတ်ဆွဲရောင်းချစေရေး၊ ခွဲတမ်းရရှိထားသောပမာဏများအလိုက် ပြည့်ဝစွာရောင်းချစေနိုင်ရေး၊ ဖြန့်ဝေထုတ်ထားပေးသော ဆီများကိုသာရောင်းချမှုရှိစေရေးနှင့် အဆိုပါစားအုန်းဆီများအား စားသုံး သူပြည်သူများထံသို့ အပြည့်အဝရောက်ရှိစေရေး၊ ဈေးကစားရန်ရည်ရွယ်ချက်ဖြင့် သိုလှောင်ထားမှု မရှိစေရေး၊ စားသုံးသူလက်ဝယ်သို့ အမှန်တကယ်တိုက်ရိုက်ရောက်ရှိစေရေးတို့အတွက် စဉ်ဆက်မပြတ် ကြီးကြပ်စစ်ဆေးမှုများဆောင်ရွက်လျက်ရှိကြောင်း သိရသည်။

DOCA(မန္တလေး)      

               ၂၀၂၆ ခုနစ်၊ စက်တင်ဘာလ(၂၉)ရက်နေ့၊ နံနက်(၁၀:၀၀)နာရီအချိန်တွင် ကျောက်ပန်းတောင်း မြို့ နယ်၊ စားသုံးသူရေးရာဦးစီးဌာန၊ မြို့နယ်တာဝန်ခံရုံး၌ မြို့နယ်အတွင်းရှိ MSME လုပ်ငန်းရှင်များကို မိမိတို့၏ကုန်စည်များတွင် ကုန်အညွှန်းအမှတ်အသားများ ပြည့်စုံစွာပါရှိရေးနှင့် MSME စက်မှုလုပ်ငန်း သုံးစားအုန်းဆီများ လုပ်ငန်းခွင်များတွင်အမှန်တကယ်အသုံးပြုစေရေးအတွက် စားသုံးသူရေးရာဦးစီး ဌာန၊ ကျောက်ပန်းတောင်းမြို့နယ် မြို့နယ်တာဝန်ခံရုံးရှိဝန်ထမ်းများနှင့် မြို့နယ်အတွင်းရှိ MSME လုပ်ငန်းရှင်များတွေ့ဆုံဆွေးနွေးပွဲအခမ်းအနားကျင်းပခဲ့ပါသည်။

          အဆိုပါတွေ့ဆုံဆွေးနွေးမှုတွင် စားသုံးသူရေးရာဦးစီးဌာန၊ မြို့နယ်တာဝန်ခံ ဒေါ်မြသန္တာထွန်း(ဒု-ဦးစီးမှူး)က MSME လုပ်ငန်းများအတွက်အသုံးပြုရန် စက်မှုလုပ်ငန်းသုံးစားအုန်းဆီများကို နိုင်ငံတော်မှ ရောင်းချထုတ်ပေးခဲ့ပါကြောင်း၊ ယခုလည်းဆက်လက်ထုတ်ပေးသွားမည်ဖြစ်ပြီး၊ MSME လုပ်ငန်းများ တွင်  အမှန်တကယ်အသုံးပြုရမည်ဖြစ်ပါကြောင်း၊ စားအုန်းဆီသည် အရေးကြီးကုန်စည် အမျိုးအစား တွင် ပါဝင်သဖြင့် သတ်မှတ်လုပ်ငန်းများမှလွဲ၍ အခြားနည်းဖြင့် ပြန်လည်သယ်ယူရောင်းချခွင့် မရှိ ပါကြောင်း၊ လုပ်ငန်းရှင်များ၏ လုပ်ငန်းခွင်လစဉ် လိုအပ်ချက်စားအုန်းဆီများကိုလည်း ကွင်းဆင်း စိစစ်၍ လုပ်ငန်းပမာဏအလိုက် ခွင့်ပြုပေးလျက် ရှိပါကြောင်း၊ စားသုံးသူရေးရာဦးစီးဌာနအနေဖြင့် MSME ဖွံ့ဖြိုးတိုးတက်ရေး၊ ကုန်စည်နှင့်ဝန်ဆောင်မှုများနှင့် ပတ်သက်၍ စားသုံးသူများ ထိခိုက်နစ်နာမှု မဖြစ်ပေါ်စေရေး ကာကွယ်ပေးခြင်း၊ စီးပွားရေးလုပ်ငန်းရှင်များအား ဥပဒေနှင့်အညီ ဆောင်ရွက်နိုင်စေရေးနှင့် ဖွံ့ဖြိုးတိုးတက်စေရေးကူညီပေးခြင်း၊ MSME လုပ်ငန်းများ ကြီးထွားလာစေရန်၊ လုပ်ငန်း အမျိုးအစားအလိုက် သက်ဆိုင်ရာဌာနအဖွဲ့အစည်းများနှင့် ချိတ်ဆက်၍ ထောက်ခံချက်များ၊ နည်းပညာ များ၊ အရင်းအနှီးချေးငွေရရှိရေး၊ ပြပွဲပြိုင်ပွဲတွင်ပါဝင်ပြသနိုင်ရေး စသည့်လိုအပ်သည့် ပံ့ပိုးကူညီမှုများ ဆောင်ရွက်ပေးခြင်း၊ MSME လုပ်ငန်းများမှ ထွက်ရှိလာသည့်ကုန်စည်များတွင်စားသုံးသူကာကွယ်ရေးဥပဒေပါကုန်အညွှန်အမှတ်အသားများပြည့်စုံမှန်ကန်စွာဖော်ပြစေရေးတို့ကို ဆောင်ရွက်လျက်ရှိ ပါကြောင်း ဆွေးနွေးပြောကြားခဲ့သည်။

          ဆွေးနွေးပွဲသို့ တက်ရောက်လာသည့် MSME လုပ်ငန်းရှင်များမှ သိရှိလိုသည်များဆွေးနွေး မေးမြန်းရာ မြို့နယ်တာဝန်ခံက ပြန်လည်ဖြေကြားဆွေးနွေးခဲ့ပြီး၊ လုပ်ငန်းရှင်(၆၇) ဦးတက်ရောက် ခဲ့ကြောင်းနှင့်စားသုံးသူရေးရာဦးစီးဌာန၊ မြို့နယ်တာဝန်ခံနှင့် MSME လုပ်ငန်းရှင်များ တွေ့ဆုံဆွေး နွေးပွဲအခမ်းအနားကို နေ့လည် ၁၁:၀၀  နာရီတွင် အောင်မြင်စွာရုပ်သိမ်းခဲ့ကြောင်း သိရှိရသည်။

DOCA(မန္တလေး)      

                 ပဲခူးတိုင်းဒေသကြီး၊ သာယာဝတီခရိုင်၊ ကြို့ပင်ကောက်မြို့နယ်အတွင်းရှိ လုပ်ငန်းသုံးဆီ လျှောက်ထားသည့် လုပ်ငန်းရှင်များနှင့် မြို့နယ်ဆီကုန်သည်အသင်းဥက္ကဌ ဆီလက်ကား ကိုယ်စား လှယ်တို့အား ၂၀၂၆ခုနှစ် စက်တင်ဘာလ ၁၈ရက်နေ့ ၊နေ့လည် (၂:၀၀) နာရီအချိန်တွင် ဆီရရှိမှု၊ ဖြန့်ဝေမှုအခြေအနေတို့အား သိရှိနိုင်ရန် စားသုံးသူရေးရာဦးစီးဌာန မြို့နယ်တာဝန်ခံရုံးတွင် တွေ့ဆုံ ဆွေးနွေးခဲ့ပါသည်။

              ထိုသို့တွေ့ဆုံဆွေးနွေးပွဲတွင် စားသုံးသူရေးရာဦးစီးဌာန ခရိုင်ဦးစီးမှူးမှတက်ရောက် လာကြသော စားသောက်ကုန်လုပ်ငန်း၊ စားသောက်ဆိုင်လုပ်ငန်း၊ လုပ်ငန်းရှင် (၂၀)ဦး တို့အား စက်မှုလုပ်ငန်းသုံးဆီလျှောက်ထားရာတွင် လိုအပ်သည့်စာရွက်စာတမ်းများ ပါဝင်လျှောက်ထားရန်နှင့် ရရှိလာသောဆီများကိုလည်းလုပ်ငန်းအတွက်အမှန်တကယ်အသုံးပြုရန်၊ပြင်ပသို့ရောင်းချမှုမရှိစေရေး တွေ့ရှိပါက အရေးယူဆောင်ရွက်မှုများ ရှိပါကြောင်း ဆွေးနွေးဟောပြောခဲ့ပြီး သက်ဆိုင်ရာဆီ ကုန်သည်နှင့် တက်ရောက်လာသည့် လုပ်ငန်းရှင်များအား သိလိုသည်များကို ပြန်လည်ဆွေးနွေး ပြောကြားခဲ့ကြောင်းသိရှိရပါသည်။

DOCA(ပဲခူး)