စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ဝန်ထမ်းများသည် စားသုံးသူပြည်သူများ ဘေးအန္တရာယ်ကင်းရှင်းပြီး လုံခြုံစိတ်ချရမှုရှိသော ‌ဆေးနှင့် ဆေးဝါးများကို ဝယ်ယူသုံးစွဲနိုင်ရန်နှင့် စားသောက်ဆိုင်များတွင် သန့်ရှင်းသပ်ရပ်စွာ ရောင်းချစေရန် ရည်ရွယ်၍ (၁၂.၁၀.၂၀၂၆)ရက်နေ့၊ နံနက်(၁၀:၃၀)နာရီအချိန်တွင် ပခုက္ကူမြို့ပေါ်ရှိဆေးဆိုင်များနှင့် စားသောက်ဆိုင်များသို့သွားရောက်၍ မြို့နယ်အထွေထွေအုပ်ချုပ်ရေးဦးစီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာန (FDA)၊ ပြည်သူ့ကျန်းမာရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့် ပူးပေါင်း၍ ဈေးကွက်စောင့်ကြည့် စစ်ဆေးခဲ့ကြောင်း သိရပါသည်။

          ထိုသို့ ဈေးကွက်စောင့်ကြည့်စစ်ဆေးရာတွင် ခရိုင်ဦးစီးမှူးက စားသုံးသူပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ဆေးဆိုင်များတွင် ဆေးဝါးအတုများ၊ စံမညီဆေးဝါးများ၊ သက်တမ်းလွန်ဆေးဝါးများအား ဈေးကွက်အတွင်းရောင်းချခြင်း ရှိ/မရှိစစ်ဆေးခြင်းနှင့် သက်တမ်းလွန်ဆေးဝါးများရှိပါကဆက်လက်မရောင်းချရန်၊ တရားဝင်တင်သွင်းထားသော ဆေးဝါးများကိုသာ ရောင်းချသွားရန် အသိပညာပေး ဈေးကွက်စောင့်ကြည့်စစ်ဆေးပြီး အစားအသောက်နှင့် ဆေးဝါးကွပ်ကဲရေးဦးစီးဌာနမှ လိုင်စင်သက်တမ်းများ သက်တမ်းလွန်/မလွန် ကြည့်ရှု့စစ်ဆေးခြင်း၊ စားသောက်ဆိုင်များတွင် ချက်ပြုတ်ရောင်းချသည့် အစားအသောက်များ သန့်ရှင်းလတ်ဆတ်မှုရှိ/ မရှိနှင့် အစားအသောက်ကိုင်တွယ် ချက်ပြုတ်သူများ တစ်ကိုယ်ရည်သန့်ရှင်းမှုရှိစေရန် စားသုံးသူများအပေါ် ရိုင်းပျစွာဆက်ဆံခြင်းများမပြုလုပ်ရန် သက်ဆိုင်ရာအစိုးရဌာနများနှင့် ပူးပေါင်း၍ အသိပညာပေး ဆောင်ရွက်ခဲ့ကြောင်း သိရှိရပါသည်။

DOCA(မကွေး)

                စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊စားသုံးသူရေးရာဦးဌာန၊မန္တလေးတိုင်းဒေသ ကြီးဦးစီးမှူးရုံးသည် မန္တလေးတိုင်းဒေသကြီးအတွင်းရှိ မြို့နယ်အသီးသီးတွင် ၂၀-၇-၂၀၂၆ ရက်နေ့မှ စတင်၍ အိမ်ထောင်စုအလိုက် ဆီစာအုပ်များထုတ်ဝေပေးနိုင်ရေး စိစစ်ဆောင်ရွက်လျက်ရှိပါသည်။

          ထိုသို့ဆောင်ရွက်ရာတွင်စားသုံးသူပြည်သူများသက်သာချောင်ချိရေးအတွက်တစ်အိမ်ထောင်စုလျှင်  တစ်လ စားအုန်းဆီ (၂.၅၀) ပိဿာနှုန်းကို နိုင်ငံတောင်၏ သတ်မှတ်ရည်ညွှန်းဈေးနှုန်းဖြင့် ဝယ်ယူနိုင်ရေး စားသုံးသူရေးရာဦးစီးဌာနမှ မြို့နယ်တာဝန်ခံများ၊ ဆီလုပ်ငန်းရှင်များအသင်းမှ တာဝန်ရှိသူများ၊ သက်ဆိုင်ရာရပ်ကွက်အုပ်ချုပ်ရေးမှူးရုံးများနှင့်ပူးပေါင်း၍ မြို့နယ်အတွင်းနေထိုင် သူများကို အိမ်ထောင်စုမိတ္တူ၊ မှတ်ပုံတင်မိတ္တူနှင့် ဖုန်းနံပါတ်တို့ဖြင့်လည်းကောင်း၊အခြားတိုင်း/ မြို့နယ်မှပြောင်းရွှေ့နေထိုင်သူများကို အိမ်ထောင်စုမိတ္တူ၊ မှတ်ပုံတင်မိတ္တူ၊ ဧည့်စာရင်း၊ ဖုန်းနံပါတ် နှင့် သက်ဆိုင်ရာရပ်ကွက် အုပ်ချုပ်ရေးမှူးတို့၏ ထောက်ခံချက်များဖြင့် ဆီစာအုပ်များကို စနစ်တကျ ထုတ်ဝေပေးလျက်ရှိပါသည်။ ဆီစာအုပ်ထုတ်ဝေပေးရာတွင် ၅-၁၀-၂၀၂၆ ရက်နေ့ထိ အိမ်ထောင်စု စုစုပေါင်း(၁၄၉၇၄၁၉)ဦးရှိသည့်အနက် စိစစ်ပြီးစီးမှုမှာ (၁၀၇၃၉၃)ဦးရှိပြီး ၂၀၂၆ခုနှစ်၊ အောက်တိုဘာ(၃၁)ရက်နေ့ထိဆက်လက်ဆောင်ရွက်သွားမည်ဖြစ်ကြောင်းသတင်းရရှိပါသည်။

DOCA(မန္တလေး)

                   စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ ဦးမျိုးထွန်း၊ ဦးစီးအရာရှိနှင့် ဒေါ်သင်းသင်းအေး၊ ဒု-ဦးစီးမှူးတို့သည် မန္တလေးမြို့ပေါ်ရှိ အွန်လိုင်းမှတ်ပုံတင်ထားသည့် လုပ်ငန်းရှင်သည်မြို့နယ်အတွင်းရောင်းချနေသောလုပ်ငန်း၊နေရပ်လိပ်စာနှင့်ကုန်စည်များသည် မြေပြင်တွင် အမှန်တကယ်ကိုက်ညီမှု ရှိ/မရှိ မြေပြင်ကွင်းဆင်းစစ်ဆေးခြင်း လုပ်ငန်းများကို (၂၇-၉-၂၀၂၆) ရက်နေ့၊နံနက်(၁၀:၀၀)နာရီအချိန်တွင်မှတ်ပုံတင်ထားသည့်လုပ်ငန်းရှင်များထံသို့မြေပြင်ကွင်းဆင်း စစ်ဆေးဆောင်ရွက်ခဲ့ပါသည်။

            ထိုသို့ ကွင်းဆင်းစစ်ဆေးရာတွင် အွန်လိုင်းစနစ်ဖြင့် ရောင်းချသည့်လုပ်ငန်းမှ မှတ်ပုံတင် ထားသည့်လုပ်ငန်းများဖြစ်သည့် အထည်အလိပ်အဝတ်အထည်နှင့် ဆက်စပ်ပစ္စည်းများ၊ ဖက်ရှင် အသုံးအဆောင်ပစ္စည်းများ၊ လူသုံးကုန် ဖန်စီးပစ္စည်းများ၊ FDA မှ အတည်ပြုပြီးသည့် ဆေးဝါး၊ ကုသရေးသုံးပစ္စည်းများနှင့် ဖြည့်စွက်စာများ၊ လုပ်ငန်းသုံးပစ္စည်းများ၊ အီလက်ထရောနစ်ပစ္စည်း၊ အိမ်သုံးပစ္စည်းများ၊ ကလေးအသုံးအဆောင်ပစ္စည်းများ၊ ဆက်သွယ်ရေးဝန်ဆောင်မှုလုပ်ငန်းများ၊ အလှကုန်ပစ္စည်းများ၊ ဖိနပ်မျိုးစုံဖြန့်ချီရေးနှင့် စားသောက်ကုန်ပစ္စည်းများ ရောင်းချသည့်  လုပ်ငန်း ရှင်များထံသို့  သွားရောက်၍ အွန်လိုင်းမှတ်ပုံ တင်စဉ်က ဖြည့်သွင်းထားသည့် နေရပ် လိပ်စာ၊ ရောင်းချရန်  ကုန်စည် (သို့) ဝန်ဆောင်မှုအမျိုးအစားများ အတိုင်းကိုက်ညီမှု ရှိ/မရှိ စသည်တို့ကို မေးမြန်းစစ်ဆေးရာ မြေပြင်တွင် အမှန်တစ်ကယ် ရောင်းချလျက်ရှိကြောင်းစစ်ဆေးတွေ့ရှိရခြင်း၊ အွန်လိုင်းရောင်းချမှု လုပ်ငန်းနှင့်စပ်လျဉ်း၍ မြေပြင် စစ်ဆေးခြင်းလုပ်ငန်းကို လုပ်ထုံးလုပ်နည်း များနှင့်အညီ စနစ်တကျဆောင်ရွက်လျက်ရှိပြီးမှတ်ပုံတင်လက်မှတ်ရရှိပြီးနောက်တာဝန်ဖောက်ဖျက်မှု ရှိ/မရှိကိုမြေပြင်ကွင်းဆင်းဆောင်ရွက်ခြင်း လုပ်ငန်း စဉ်အတိုင်း စစ်ဆေးဆောင်ရွက် မည်ဖြစ်ပြီး တွေ့ရှိပါကအရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက် နိုင်ကြောင်း၊ စားသုံးသူ ကာကွယ်ရေးဥပဒေ ၂၀၁၉ အရလည်း အရေးယူခံရမည် ဖြစ်ကြောင်းနှင့် စားသုံးသူကာကွယ်ရေး ဥပဒေပါ စားသုံးသူအခွင့်အ‌ရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ ကုန်အညွှန်းအမှတ်အသားဖော်ပြခြင်းဆိုင်ရာ အကြောင်းများကို အွန်လိုင်းစနစ်ဖြင့် ရောင်းချသည့် လုပ်ငန်းရှင်အားသိရှိနိုင်စေရန် အသိပညာပေးဆွေးနွေးခဲ့ကြောင်း သိရှိရပါသည်။

DOCA(မန္တလေး)

       စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်တာဝန်ခံရုံးမှ ဒု-ဦးစီးမှူး ဒေါ်ရီရီထွေး ဦးဆောင်သော ဝန်ထမ်း(၃)ဦးသည် သရက်မြို့ပေါ်ရှိ နယ်စပ်ရေးရာဝန်ကြီးဌာန၊ ပညာရေးနှင့် လေ့ကျင့်ရေးဦးစီးဌာန၊ နယ်စပ်ဒေသတိုင်းရင်းသားလူငယ် ဖွံ့ဖြိုးရေးသင်တန်းကျောင်းသို့ ခရိုင် ပြန်/ ဆက် ဝန်ထမ်း(၄)ဦး၊ ဘေးစီမံဦးစီးဌာန ဝန်ထမ်း(၂)ဦးတို့နှင့်အတူ ပူးပေါင်း၍ (၁၀.၁၀.၂၀၂၆) ရက်နေ့၊ နေ့လယ်(၁၃:၀၀)နာရီအချိန်တွင် ကျောင်းသား(၄၁)ဦး၊ ဝန်ထမ်း(၁၃)ဦးအား စားသုံးသူကာကွယ်ရေး အသိပညာပေးဟောပြောခဲ့ကြောင်း သိရသည်။

     အဆိုပါဟောပြောပွဲတွင် ဘေးစီမံဦးစီးဌာနမှ သဘာဝဘေးအန္တရာယ် ကြိုတင်ကာကွယ်ရန် ဆောင်ရွက်ထားရမည့် အချက်များနှင့် ဖြစ်ပေါ်လာပါက ဆောင်ရွက်ရမည့် အချက်အလက်များအကြောင်းကိုလည်းကောင်း၊ ပြန်/ဆက်ဦးစီးဌာနမှ လူငယ်များနှင့်ပတ်သက်၍ အသိပညာပေးသိ ကောင်းစရာများကိုလည်းကောင်း၊ စားသုံးသူရေးရာဦးစီးဌာနမှ အသိပညာပေးခြင်း၊ ဈေးကွက်စောင့်ကြည့်စစ်ဆေးခြင်းလုပ်ငန်းတို့ကို ဆောင်ရွက်လျက်ရှိကြောင်း၊ စားသုံးသူများနစ်နာဆုံးရှုံးမှုရှိပါက စားသုံးသူသတင်းပြန်ကြား ရေးနှင့် တိုင်ကြားမှုလက်ခံဆောင်ရွက်ရေးစင်တာများ ဖွင့်လှစ်ထားရှိပြီး ဆောင်ရွက်ပေးလျက်ရှိပါကြောင်း၊ စားသုံးသူရေးရာဦးစီးဌာနနှင့် စပ်လျဉ်းသည့်ကိစ္စရပ်များ သိရှိလိုခြင်း၊ တိုင်ကြားမှုများပြုလုပ် လိုပါက (Consumer Call Centre) 1535 သို့ ခေါ်ဆိုနိုင်ကြောင်းကိုလည်းကောင်း အသိပညာပေးဟောပြောခဲ့ကြောင်း သိရှိရပါသည်။

DOCA(မကွေး)

     စားသုံးသူရေးရာဦးစီးဌာန၊ မကွေးတိုင်းဒေသကြီး၊ မကွေးခရိုင်တာဝန်ခံရုံးမှ ဝန်ထမ်းများသည် စားသုံးသူအခွင့်အရေးနှင့် တာဝန်များသိရှိစေရန်၊ ကုန်အညွှန်းအမှတ်အသားပြည်စုံသော ကုန်ပစ္စည်းများကို ရွေးချယ်ဝယ်ယူတတ်စေရန်ရည်ရွယ်၍ (၁၂.၁၀.၂၀၂၆)ရက်နေ့၊ နေ့လယ်(၁၄:၀၀) နာရီအချိန်တွင် မကွေးမြို့၊ ရာဇမုနိဘုန်းတော်ကြီးသင်ပညာရေးကျောင်းသို့ သွားရောက်၍ ဆရာ/ ဆရာမ (၈)ဦး၊ ကျောင်းသား/ ကျောင်းသူ (၇၂)ဦး၊ စုစုပေါင်း (၈၀)ဦးတို့အား စားသုံးသူကာကွယ်ရေး အသိပညာပေးဟောပြောခဲ့ကြောင်း သိရှိရပါသည်။

     အဆိုပါ ဟောပြောပွဲတွင် မကွေးခရိုင်တာဝန်ခံရုံးမှ ဒေါ်ဌေးဌေး (ဒု-ဦးစီးမှူး)က ဌာန၏ သမိုင်းကြောင်း၊ ဆောင်ပုဒ်၊ မျှော်မှန်းချက်နှင့် ရည်မှန်းချက်များ၊ ဆောင်ရွက်နေသည့်လုပ်ငန်းများ၊ စားသုံးသူအခွင့်အရေးနှင့် တာဝန်များအကြောင်းနှင့် ဒေါ်ခင်စုစုမွန် (ဒု-ဦးစီးမှူး)က စားသုံးသူကာကွယ်ရေးဥပဒေ ၂၀၁၉၊ အခန်း (၁၈)ပါ ကုန်စည်များတွင် ဖော်ပြရမည့်  ကုန်အညွှန်းအမှတ်အသားဆိုင်ရာအကြောင်း အရာတို့ကို အသေးစိတ်ရှင်းလင်းအသိပညာပေးခဲ့ပြီး လက်ကမ်းစာစောင်များ ဖြန့်ဝေပေးခဲ့ကြောင်း သိရှိရပါသည်။

DOCA(မကွေး)