ပဲခူးတိုင်းဒေသကြီး၊ တောင်ငူခရိုင်၊ ရေတာရှည်မြို့နယ်အတွင်းရှိရက်(၁၀၀)စီမံချက်ဖြင့်ကျေးရွာများ ဖွံ့ဖြိုးတိုးတက်စေရန်ရည်ရွယ်၍  (၄.၆.၂၀၂၆)ရက်နေ့နံနက်(၉:၀၀)နာရီအချိန်တွင် ဌာနဆိုင်ရာများပူးပေါင်း၍ရေတာရှည်မြို့နယ်၊ညောင်ပင်သာ၊ထန်းကုန်း၊ ဆွာမင်းလမ်းကျေးရွာအုပ်စုများသို့ ကွင်းဆင်း ဆောင်ရွက်ခဲ့ ပါသည်။

         အဆိုပါကွင်းဆင်းဆောင်ရွက်ရာတွင် အသေးစားစက်မှုလက်မှုလုပ်ငန်းဦးစီးဌာနမှ ခရိုင်လက် ထောက်ညွှန်ကြားရေးမှူးမှ ကျေးရွာနေပြည်သူများအလုပ်အကိုင်အခွင့်အလမ်းများ တိုးတက်ရရှိရေး ၊ အခြေခံထွက်ကုန်သီးနှံများတန်ဖိုးမြှင့်တင်ထုတ်လုပ်နိုင်ရေး၊ ပြည်တွင်း၊ ပြည်ပသို့တင်ပို့နိုင်ရေးနှင့် မိသားစု စားဝတ်နေရေးကိုတစ်ဖက်တစ်လမ်းမှ အထောက်အကူပြုနိုင်ပြီး တစ်ပိုင်တစ်နိုင်လုပ်ကိုင်  စေရန်နှင့် မိသားစုဝင်ငွေတိုးပွားလာစေရန်အတွက် အသေးစားစက်မှုလက်မှုလုပ်ငန်းများထွန်းကားလာခြင်းအပြင် နိုင်ငံ့စီးပွားဖွံ့ဖြိုးတိုးတက်မှုကိုလည်းများစွာ အထောက်အကူဖြစ်စေရန်ရည်ရွယ်၍ လူသုံးကုန်နှင့် စားသောက်ကုန်လုပ်ငန်းများအတွက် သင်တန်းများ ဖွင့်လှစ်ဆောင်ရွက်ပေးသွားမည်ဖြစ်ကြောင်းလည်း ရှင်းလင်း ဆွေးနွေးပြောကြားခဲ့ပါသည်၊၊

        ထို့ပြင် ဌာနဆိုင်ရာအသီးသီးမှ မြို့နယ်ဦးစီးမှူးများက မိမိတို့ဌာန၏ လုပ်ငန်းဆောင်ရွက်ချက်များ အား အသီးသီးရှင်းလင်းပြောကြားခဲ့ကြပြီး၊ စားသုံးသူရေးရာဦးစီးဌာနမှ မြို့နယ်တာဝန်ခံ ဒေါ်ပပလင်းက စားသုံးသူအခွင့်အရေးနှင့်ထုတ်ကုန်များ၏ ကုန်အညွှန်းအမှတ်အသားများအကြောင်းလည်း ရှင်းလင်း ပြောကြားခဲ့ပါသည်။

         အဆိုပါ ဆွေးနွေးပွဲသို့တက်ရောက်လာသူကျေးရွာနေပြည်သူများသည် စိတ်ပါဝင်စားစွာ နားထောင် ခဲ့သည့်အပြင် အလုပ်အကိုင်အခွင့်လမ်းများနှင့် စားသုံးသူအခွင့်အရေးများအကြောင်း သိရှိခဲ့ပြီး ကျေးရွာ များရှိဒေသခံပြည်သူ(၁၉၈)တက်ရောက်ခဲ့ပါသည်။

DOCA(ပဲခူး)

      (၁၉.၆.၂၀၂၆)ရက်နေ့၊ နံနက် (၁၀:၀၀) နာရီအချိန်တွင် ဓနုဖြူမြို့နယ် အိမ်အမှတ်(၂၅၀)၊ (၁၇)ရပ်ကွက်၊ (၅)လမ်းရှိ  ပိုင်ရှင်အမည် ဒေါ်အေးချမ်းပြည့်ဦး၊ လုပ်ငန်းအမည် (Pyae Skincare&Cosmetics ‌)Online Saleရောင်းချမှုအပေါ်  ဓနုဖြူမြို့နယ် စစ်ဆေးရေးအရာရှိမှ မြေပြင်ကွင်းဆင်းစစ်ဆေးခဲ့ကြောင်း သိရသည်။

         ထိုသို့ ကွင်းဆင်းစစ်ဆေးရာတွင် ဦးဝင်းမင်းစိုး စစ်ဆေးရေးမှူးမှ  ဈေးကွက်အတွင်း ရောင်းချနေသာ လူသုံးကုန်ပစ္စည်းများအား ဝယ်ယူအသုံးပြုရာတွင် ဘေးအန္တရာယ်ကင်းရှင်းစေရန် လုံခြုံစိတ်ချရမှုရှိစေရန် ကုန်အညွှန်းအမှတ်အသားပြည့်စုံစွာ ဖော်ပြထားခြင်းရှိ/ မရှိ၊ သက်တမ်း လွန်ရက်စွဲများ ဖော်ပြထားခြင်းရှိမရှိ၊  လုပ်ငန်းများလျှောက်လွှာပုံစံတွင် ဖြည့်သွင်းထားသည့် လိပ်စာအတိုင်း လုပ်ငန်းအမှန်တစ်ကယ် တည်ရှိခြင်းရှိ/ မရှိ၊ ရောင်းချသော ကုန်စည်များ လျောက်ထားစဉ်က တူညီမှုရှိ/ မရှိကို စစ်ဆေးခြင်း၊ ရောင်းချရန်တင်ပြထားသော ကုန်စည်(သို့မဟုတ်) ဝန်ဆောင်မှုအမျိုးအစား စာရင်းအတိုင်း မြေပြင်တွင် အမှန်တကယ်ရောင်းချနေသော စာရင်းကိုက်ညီမှုရှိ/ မရှိတို့ကို စစ်ဆေးခဲ့ပြီး စားသုံးသူကာကွယ်ရေးဥပဒေပါ ကုန်စည်ပေါ်တွင် ဖော်ပြပါရှိရမည့် ကုန်အညွှန်းအမှတ်အသားဖော်ပြမှုတို့ကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

         စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးအနေဖြင့် စားသုံးသူကာကွယ်ရေး အသိပညာပေးဟောပြောပွဲများအပြင်၊  စီးပွားရေးလုပ်ငန်းရှင်များအား တွေ့ဆုံပြီး ဌာနမှ ထုတ်ပြန်ထားသည့် ဥပဒေ၊ အမိန့်နှင့်ညွှန်ကြားချက်များ ရှင်းလင်းဆွေးနွေးခြင်းများကို ဆောင်ရွက်လျက်ရှိရာ (၁၉.၆.၂၀၂၆)ရက်နေ့၊ နေ့လယ် (၁၅း၀၀) နာရီအချိန်တွင် စားသုံးသူရေးရာဦးစီးဌာနမှ ပန်းတနော်မြို့နယ်တာဝန်ခံနှင့် ဝန်ထမ်းများသည် မြို့နယ်ဦးစီးမှူးရုံးခန်းမတွင် ကုန်မျိုးစုံလုပ်ငန်းရှင်(၇)ဦး အား တွေ့ဆုံဆွေးနွေးခဲ့ကြောင်း သိရသည်။

     ထိုသို့ တွေ့ဆုံဆွေးနွေးရာတွင် မြို့နယ်တာဝန်ခံ ဦးအောင်ကျော်သက်က စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့် စီးပွားရေးလုပ်ငန်းရှင်၏တာဝန်များ၊ စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာနမှဆောင်ရွက်လျက်ရှိသော လုပ်ငန်းများကိုသိရှိလိုပါက ရုံးဖွင့်ရက်ရုံးချိန်အတွင်း Consumer Call Center No 1535လိုင်းခွဲ(၁)နေပြည်တော်၊ လိုင်းခွဲ(၂)ရန်ကုန်၊ လိုင်းခွဲ(၃)မန္တလေးသို့ ဆက်သွယ်မေးမြန်းနိုင်သည့်အကြောင်းများ၊ စားသုံးသူကာကွယ်ရေးဥပဒေပါ ကုန်အညွှန်းအမှတ်အသား ဖော်ပြခြင်းအကြောင်းများ၊  ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မြန်မာနိုင်ငံ စားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါအကြောင်းများ၊ အသင့်စားမုန့် အမျိုးမျိုးတွင် ထည့်သွင်းဖော်ပြရမည့် ကုန်အညွှန်းအမှတ်အသားအကြောင်းများ  အသိပညာပေး ဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

         (၂၀.၆.၂၀၂၆) ရက်နေ့ နံနက် (၁၀:၀၀)နာရီအချိန်တွင် ညောင်တုန်းမြို့နယ် ကျောင်းစုကျေးရွာရှိ ထက်ထက်(ဇီးတော်ဖီ)လုပ်ငန်းအား ကုန်အညွှန်းအမှတ်အသား ပြည့်စုံမှန်ကန်မှု ရှိ/ မရှိကို မြို့နယ်စားသုံးသူရေးရာဦးစီးဌာနမှ မြို့နယ်ဦးစီးမှူး ဒေါ်ချိုမီဇင် ဒုဦးစီးမှူးမှ  သွားရောက်စိစစ်ကွင်းဆင်းဆောင်ရွက်ခဲ့ကြောင်း သိရသည်။

        ကွင်းဆင်းစစ်ဆေးဆောင်ရွက်ရာတွင် ပြည်တွင်း၌ ထုတ်လုပ်ဖြန့်ဖြူးရောင်းချသည့် ထုတ်ကုန်များ (MSME) ထုတ်ကုန်များတွင် စားသုံးသူကာကွယ်ရေးဥပဒေပါ ကုန်အညွှန်းအမှတ် အသားဆိုင်ရာသတ်မှတ်ချက်နှင့် အညီ ဆောင်ရွက်နိုင်စေရေးအတွက် ဒေသထုတ်ကုန်လုပ်ငန်းများ ကုန်အညွှန်အမှတ်အသားပြည်စုံမှု ရှိ/မရှိ ထုတ်လုပ်သည့် ရက်စွဲနှင့် သက်တမ်းကုန်ဆုံးရက်စွဲများ ဖော်ပြထားခြင်း ရှိ/ မရှိအား အထူးစီမံချက်အနေဖြင့် အထက်ဌာနလမ်းညွှန်ချက်နှင့် အညီ ကြပ်မတ်စစ်ဆေးဆောင်ရွက်ခြင့်ဖြစ်၍ ထက်ထက်(ဇီးတော်ဖီ) လုပ်ငန်းအား စစ်ဆေး‌ဆောင် ရွက်ခဲ့ရာ သတ်မှတ်ချက်နှင့် အညီ လိုက်နာဆောင်ရွက်လျက်ရှိကြောင်းကို စစ်ဆေးတွေ့ရှိရပြီး လုပ်ငန်းရှင်အား စားသုံးသူကာကွယ်ရေးဥပ‌ဒေ လုပ်ငန်းရှင်လိုက်နာရမည့် တာဝန်များအကြောင်းကို ရှင်းလင်းပြောကြားခဲ့ကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံးမှ ဦးမျိုးထွန်း၊ ဦးစီးအရာရှိနှင့် ဒေါ်သင်းသင်းအေး၊ ဒု-ဦးစီးမှူးတို့သည် မန္တလေးမြို့ပေါ်ရှိ အွန်လိုင်းမှတ်ပုံတင်ထားသည့် လုပ်ငန်း ရှင်သည် မြို့နယ်အတွင်း ရောင်းချနေသောလုပ်ငန်း၊ နေရပ်လိပ်စာနှင့် ကုန်စည်များသည် မြေပြင်တွင် အမှန်တကယ်ကိုက်ညီမှု ရှိ/မရှိ မြေပြင်ကွင်းဆင်းစစ်ဆေးခြင်းလုပ်ငန်းများကို (၈-၆-၂၀၂၆)ရက်နေ့၊ နေ့လယ် (၁:၀၀)နာရီအချိန်တွင် မှတ်ပုံတင်ထားသည့် လုပ်ငန်းရှင်များထံသို့ မြေပြင်ကွင်းဆင်း စစ်ဆေးဆောင်ရွက်ခဲ့ပါသည်။

            ထိုသို့ ကွင်းဆင်းစစ်ဆေးရာတွင် အွန်လိုင်းစနစ်ဖြင့် ရောင်းချသည့်လုပ်ငန်းမှ မှတ်ပုံတင် ထားသည့် လုပ်ငန်းများဖြစ်သည့် အလှကုန်ပစ္စည်းများ၊ လူသုံးကုန်ပစ္စည်းများ၊ အိမ်သုံးပစ္စည်းများ၊ စက်မှုလုပ်ငန်းသုံး၊ စီးပွားရေးနှင့်ဆောက်လုပ်ရေးလုပ်ငန်းသုံးပစ္စည်းများ၊ ကလေးအသုံးအဆောင် ပစ္စည်းများ၊ အီလက်ထရောနစ်ပစ္စည်းများ၊ ဖက်ရှင်အသုံးအဆောင်ပစ္စည်းများ၊ ဖန်စီပစ္စည်းများ၊  လက်မှုပစ္စည်းများ၊ အထည်အလိပ်အဝတ်အထည်နှင့်ဆက်စပ်ပစ္စည်းများ၊ စားသောက်ကုန်ပစ္စည်း များနှင့် အခြားဝန်ဆောင်မှုများရောင်းချသည့် လုပ်ငန်းရှင်များထံသို့သွားရောက်၍ အွန်လိုင်းမှတ်ပုံ တင်စဉ်က ဖြည့်သွင်းထားသည့် နေရပ်လိပ်စာ၊ရောင်းချရန်ကုန်စည်(သို့) ဝန်ဆောင်မှုအမျိုးအစားများ ကိုက်ညီမှု ရှိ/မရှိ စသည်တို့ကို မေးမြန်းစစ်ဆေးခြင်း၊ အွန်လိုင်းရောင်းချမှု လုပ်ငန်းနှင့်စပ်လျဉ်း၍ မြေပြင်စစ်ဆေးခြင်းလုပ်ငန်းကို လုပ်ထုံးလုပ်နည်းများနှင့်အညီ စနစ်တကျ ဆောင်ရွက်လျက်ရှိပြီး မှတ်ပုံတင်လက်မှတ်ရရှိပြီးနောက် တာဝန်ဖောက်ဖျက်မှု ရှိ/မရှိကို မြေပြင်ကွင်းဆင်းဆောင်ရွက်ခြင်း လုပ်ငန်းစဉ်အတိုင်း စစ်ဆေးဆောင်ရွက်မည်ဖြစ်ပြီးတွေ့ရှိပါက အရေးကြီးကုန်စည်နှင့်ဝန်ဆောင်မှု ဥပဒေအရအရေးယူဆောင်ရွက်နိုင်ကြောင်း၊ စားသုံးသူကာကွယ်ရေးဥပဒေ ၂၀၁၉ အရလည်း အရေးယူခံရမည်ဖြစ်ကြောင်းနှင့် စားသုံးသူကာကွယ်ရေးဥပဒေပါ စားသုံးသူအခွင့်အ‌ရေးနှင့် တာဝန် ၂များ၊ စီးပွားရေးလုပ်ငန်းရှင်၏တာဝန်များ ကုန်အညွှန်းအမှတ်အသား ဖော်ပြခြင်းဆိုင်ရာ အကြောင်း များကို အွန်လိုင်းစနစ်ဖြင့်ရောင်းချသည့်လုပ်ငန်းရှင်အား သိရှိနိုင်စေရန် အသိပညာပေးဆွေးနွေးခဲ့ ကြောင်း သိရှိရပါသည်။  

DOCA(မန္တလေး)