သတင်းနှင့် လှုပ်ရှားမှုများ

        စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံး၏ ညွှန်ကြားချက်နှင့် အညီ ကုန်စည်နှင့်ဝန်ဆောင်မှုများအား ဝယ်ယူအသုံးပြုရာတွင် ဘေးဥပဒ်အန္တရာယ်ကင်းရှင်းစေရေးနှင့် ထုတ်ကုန်များလုံခြုံစိတ်ချရမှုရှိစေရေးတို့အတွက် မတ်လ(၂၀)ရက်နေ့၊ ညနေ(၁၀:၃၀)နာရီအချိန်တွင် ကော့မှူးမြို့နယ်၊ မစန်းကျေးရွာအုပ်စု ကျေးရွာအုပ်ချုပ်ရေးမှူးရုံးတွင် စားသုံးသူကာကွယ်ရေး အသိပညာပေးဟောပြောပွဲ ကျင်းပပြုလုပ်ခဲ့ကြောင်း သိရသည်။

          အဆိုပါ အသိပညာဟောပြောပွဲခဲ့ရာတွင် မစန်းကျေးရွာအုပ်ချုပ်ရေးမှူး ဦးလှိုင်သင်းက အဖွင့်အမှာစကားပြောကြားခဲ့ပြီး ကော့မှူးမြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံ ဦးတင်မင်းက စားသုံးသူကာကွယ်ရေးဥပဒေကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေဖြင့် ၂၀၁၉ ခုနှစ် မတ်လ (၁၅)ရက်နေ့တွင် ပြည်ထောင်စုလွှတ်တော် ဥပဒေအမှတ် (၉)အရ အတည်ပြုပြဌာန်းခဲ့ပြီး ၎င်းဥပဒေတွင်ပါဝင်သော စားသုံးသူအခွင့်အရေးများဖြစ်သော လုံခြုံစိတ်ချစွာဖြင့် ဘေးအန္တရာယ်ကင်းရှင်းစွာ အသုံးပြုနိုင်ခွင့်၊ သတင်းအချက်အလက် ပြည့်စုံစွာရရှိနိုင်ခွင့်၊ မိမိစိတ်ကြိုက်ရွေးချယ်နိုင်ခွင့်၊ အခြေခံလိုအပ်ချက်များအပေါ် စိတ်ကျေနပ်မှုရရှိခွင့်၊ နစ်နာဆုံးရှုံးမှုများအတွက် ပြောဆိုတင်ပြကြားနာနိုင်ခွင့်၊ စားသုံးသူရေးရာကိစ္စနှင့်ပတ်သတ်၍ သိရှိလေ့လာနိုင်ခွင့်၊ ထိခိုက်နစ်နာမှုများအတွက် လျော်ကြေးရပိုင်ခွင့်၊ ကောင်းမွန်သန့်ရှင်းသော ပတ်ဝန်းကျင်ကိုရရှိနိုင်ခွင့် စသည့်အချက်များအား ကျေးရွာနေပြည်သူများ သိရှိနိုင်ရန်နှင့် စားသုံးသူ၏ တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်စည်(သို့မဟုတ်)ဝန်ဆောင်မှု နှင့်စပ်လျဉ်း၍ စားသုံးသူပြည်သူများ၏ အကျိုးစီးပွားကို ကာကွယ်ပေးခြင်းနှင့် စီးပွားရေးလုပ်ငန်းရှင်တို့အကြား မျှတမှုရှိသော သတ်မှတ်ဆောင်ရွက်ပေးသည့် ကော်မရှင်နှင့်ကော်မတီ အဆင့်ဆင့်တို့၏ လုပ်ငန်းစဉ်များအကြောင်း အကျယ်တဝင့်ရှင်းလင်းဆွေးနွေး ဟောပြောပေးခဲ့ကြောင်း သိရှိရပါသည်။

DOCA(ရန်ကုန်)

             ရှမ်းပြည်နယ်(တောင်ပိုင်း)စားသုံးသူရေးရာဦးစီးဌာန၊ ကလောခရိုင်ဦးစီးမှူးရုံး(အောင်ပန်း) မှ ခရိုင်ဦးစီးမှူး ဦးမြင့်နိုင် နှင့် ဝန်ထမ်းများသည် ၂၀၂၆ခုနှစ်၊ မတ်လ ၁၉ရက်နေ့၊ နံနက် ၁၀:၀၀နာရီ အချိန်တွင် အောင်ပန်းမြို့ရှိ နယ်စပ်ရေးရာဝန်ကြီးဌာန၊ ပညာရေး နှင့်‌လေ့ကျင့်ရေး ဦးစီးဌာန၊ နယ်စပ် ဒေသတိုင်းရင်းသား လူငယ်များ စက်မှုလက်မှုပညာသင်တန်းကျောင်းရှိ ကျောင်း ဆရာ၊ ဆရာမ များ နှင့် သင်တန်းသား  (၂၅)ဦးတို့အား စားသုံးသူကာကွယ်ရေး အသိပညာပေး ဟောပြောပွဲဆောင်ရွက်ခဲ့ကြောင်း သိရှိရပါသည်။

            အဆိုပါဟောပြောပွဲတွင် ခရိုင်ဦးစီးမှူး မှ တက်ရောက်လာသော သင်တန်းကျောင်း ဆရာ၊ ဆရာမများ နှင့် သင်တန်းသားများကို စားသုံးသူကာကွယ်ရေး ဟောပြောပွဲ ဆောင်ရွက်ရခြင်း၏ ရည် ရွယ်ချက်ကိုလည်းကောင်း၊ စားသုံးသူ၏အဓိပ္ပာယ်၊ စီးပွားရေးလုပ်ငန်းရှင်၏ အဓိပ္ပာယ်တို့အားဟော ပြောခဲ့ကြောင်း၊ စားသုံးသူအခွင့်အရေး (၈)ချက် နှင့် လိုက်နာရမည့် တာဝန်များအကြောင်း၊ စားသုံး သူများသည် ကုန်စည် နှင့် ဝန်ဆောင်မှုများကို ဝယ်ယူအသုံးပြုရာတွင် စားသုံးသူအခွင့်အရေး များ နစ်နာ ဆုံးရှုံးမှု ရှိခဲ့လျှင် တိုင်ကြားနိုင်မည့်နည်းလမ်းများ၊ ပြစ်မှုပြစ်ဒဏ်များ စသည့်အကြောင်းအရာ များ ဟောပြောဆွေးနွေးခဲ့ကြောင်းနှင့် အသိပညာပေးလက်ကမ်းစာစောင်များ ဖြန့်ဝေပေးခဲ့ကြောင်း သိရှိရ ပါသည်။

DOCA(ရှမ်း)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ ဂန့်ဂေါခရိုင်ဦးစီးမှူးရုံးအနေဖြင့် မြို့နယ် တာဝန်ခံ ဒု-ဦးစီးမှူး ဒေါ်ဇာဇာချိုဦးနှင့် အကြီးတန်းစာရေး ဒေါ်ခင်နွဲ့ဝင်းတို့သည် ၂၀၂၆ခုနှစ်၊ မတ်လ(၁၅)ရက်နေ့တွင် ကျရောက်သည့် “ကမ္ဘာစားသုံးသူအခွင့်အရေးများနေ့”အား ကြိုဆိုဂုဏ်ပြု သောအားဖြင့် စားသုံးသူပြည်သူများအား အခွင့်အရေးနှင့် တာဝန်များသိရှိစေရန်၊ စားသုံးသူပြည်သူ များ အခွင့်အရေးနှင့် အကျိုးစီးပွားကာကွယ်ရန်ရည်ရွယ်၍ (၁၁.၃.၂၀၂၆)ရက်နေ့၊ နံနက်(၁၁:၀၀) နာရီအချိန်တွင် ဂန့်ဂေါခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတွင် ဖွင့်လှစ်သင်ကြား လျက်ရှိသည့် အခမ်းအနားမှူးသင်တန်း၌ သင်တန်းသား/သင်တန်းသူ (၄၅)ဦးတို့အား စားသုံးသူ ကာကွယ်ရေး အသိပညာပေးဟောပြောပွဲ ပြုလုပ်ဆောင်ရွက်ခဲ့ပါသည်။

ရှေးဦးစွာ ဂန့်ဂေါခရိုင်ပြန်ကြားရေးနှင့် ပြည်သူ့ဆက်ဆံရေးဦးစီးဌာန ခရိုင်ဦးစီးမှူးက ကြိုဆို နှုတ်ခွန်းဆက်စကားပြောကြားပြီး မြို့နယ်တာဝန်ခံကဆွေးနွေးရာတွင် ဌာန၏သမိုင်းကြောင်း၊ ဆောင်ပုဒ်နှင့် မျှော်မှန်းချက်၊ ရည်မှန်းချက်များအကြောင်းအား ရှင်းလင်းပြီး စားသုံးသူကာကွယ် ရေးဥပဒေ (၂၀၁၉)ပါဝင်သည့် စားသုံးသူအခွင်အရေးနှင့်တာဝန်များ ကုန်အညွှန်းအမှတ်အသား ဖော်ပြချက်များ၊ တိုင်းကြားခြင်းအကြောင်းနှင့် စားသုံးသူ ပြည်သူများအတွက် ကုန်စည်(သို့)              ဝန်ဆောင်မှုနှင့်စပ်လျဉ်း၍ စားသုံးသူကတောင်းဆိုနိုင်သည့် အခွင့်အရေးများအကြောင်း၊ တိုင်ကြား မေးမြန်းရန်အတွက် (Consumer Call Center)အား ဖွင့်လှစ်ထားကြောင်းနှင့် (Consumer Call Center) သို့ ခေါ်ဆိုနိုင်သည့် နံပါတ် (၁၅၃၅) အားခေါ်ဆို၍ သိလိုသည်များ တိုင်ကြားလိုသည် များကို မေးမြန်းတိုင်ကြားနိုင်ပါကြောင်း အသေးစိတ်ဆွေးနွေးခဲ့ပြီး လက်ကမ်းစာစောင်များ ဖြန့်ဝေ ခဲ့ပါသည်။

DOCA(မကွေး)

           စားသုံးသူရေးရာဦးစီးဌာန၊ ပန်းတနော်မြို့နယ်တာဝန်ခံရုံးမှ တာဝန်ရှိသူများသည် စားသုံးသူအခွင့်အရေးများ အပြည့်အဝရရှိစေရန်၊ကုန်စည်များဘေးအန္တရာယ်ကင်းရှင်းပြီး ထုတ်ကုန်လုံခြုံစိတ်ချရမှုရှိစေရေးအတွက် ၁၇.၃.၂၀၂၆ ရက်နေ့တွင် ပန်းတနော်မြို့ရှိ စက်သုံးဆီဆိုင် ထုတ်လုပ်ဖြန့်ဖြူးရောင်းချသည့် လုပ်ငန်းရှင်များနှင့် တွေ့ဆုံ၍ မြို့နယ်အထွေထွေ အုပ်ချုပ်ရေးဦးစီးဌာန အစည်းအဝေးခန်းမတွင် အသိပညာ ပေး ဆောင်ရွက်ခဲ့ကြောင်း သိရသည်။

       ထိုသို့အသိပညာပေးဆောင်ရွက်ခဲ့ရာတွင် မြို့နယ်ဦးစီးမှူးက  စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏ အဓိပ္ပာယ်ဖွင့်ဆိုချက်၊ စီးပွားရေးလုပ်ငန်းရှင်၏ တာဝန်များဖြစ်သည့် စားသုံးသူကို ခွဲခြားမှုမရှိဘဲဖြောင့်မတ်မှန်ကန်စွာဆက်ဆံခြင်း၊ စီးပွားရေးလုပ်ငန်းလုပ်ကိုင်ရာတွင် စီးပွားရေးကျင့်ဝတ်၊ စည်းကမ်းနှင့် အညီ ဖြောင့်မတ်မှန်ကန်စွာဆောင်ရွက်ခြင်း၊ စားသုံးသူနစ်နာဆုံးရှုံးမှုဖြစ်ပွားစေမည့် ကုန်စည် သို့မဟုတ် ဝန်ဆောင်မှုကိုတိုက်ရိုက်ရောင်းချခြင်း သို့မဟုတ် သွယ်ဝိုက်ရောင်းချခြင်း စသည့်အချက်များ၊ စက်သုံးဆီ ဈေးနှုန်းတည်ငြိမ်စေရေး၊ အချိုးကျရောင်းချပေးမှု အခြေအနေများနှင့် လိုင်စင်ဆိုင်ရာ ကိစ္စရပ်များအတွက်ဆွေးနွေးခြင်း၊ စက်သုံးဆီ အရောင်းဆိုင်များအနေဖြင့် ဈေးနှုန်းမြှင့်တင်ရောင်းချခြင်း လုံးဝမပြုလုပ်ရန်နှင့် သတ်မှတ်ဈေးနှုန်းအတိုင်းသာ ရောင်းချရန် ရေနံထွက်ပစ္စည်း ကြီးကြပ်စစ်ဆေးရေး ဦးစီးဌာနမှ ၂၀၂၆ ခုနှစ်၊ မတ်လအတွင်း အသိပေး ထုတ်ပြန် ထားခြင်း ရှိပါကြောင်း မတ်လအတွင်း စုံ/မ ရက်ခွဲ၍ သတ်မှတ်စည်ကမ်းနှင့်အညီ ရောင်းချပေးနိုင်ရေး  မြို့နယ်အတွင်း စက်သုံးဆီဆိုင်များ ပုံမှန်ရောင်းချပေးနိုင်ရေး ကိုဆွေးနွေးပြီး သတ်မှတ်ချက်များနှင့်အညီ စနစ်တကျရောင်းချရန်၊ လုပ်ငန်းလိုအပ်ချက်များရှိပါက သက်ဆိုင်ရာဌာနများနှင့် အတူ တင်ပြဆောင်ရွက်သွားနိုင်ရေးတို့ကို ဆွေးနွေးပြီး  သတ်မှတ်ချက်နှင့် အညီ မရောင်းချပါက သက်ဆိုင်ရာဥပ‌ဒေနှင့် အညီ ဆောင်ရွက်သွားမည်ဖြစ်ကြောင်း  အသိပညာပေးဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

           မအူပင်ခရိုင်၊ ပန်းတနော်မြို့နယ် ခရေကန်ကျေးရွာတွင် ကျေးရွာနေပြည်သူ (၂၀)ဦးအား စားသုံးသူရေးရာဦးစီးဌာနမှ ကျေးရွာအုပ်ချုပ်ရေးမှူးရုံးခန်းမတွင် ၁၆.၃.၂၀၂၆ ရက်နေ့ နေ့လယ် (၁၅း၀၀)နာရီအချိန်တွင် စားသုံးသူကာကွယ်ရေး အသိပညာပေးဟောပြောခဲ့ကြောင်း သိရသည်။

        ဟောပြောရာတွင် ပန်းတနော်မြို့နယ် တာဝန်ခံ ဦးအောင်ကျော်သက်မှ ကျေးရွာနေပြည်သူများအား  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၏ ဆောင်ပုဒ်ဖြစ်သည့် “စားသုံးသူအခွင့်အရေးဦးစားပေး” ဆိုသည့်အတိုင်း စားသုံးသူပြည်သူများသည် စားသုံးသူအခွင့်အရေးနှင့် ပတ်သက်သည့် အသိပညာဗဟုသုတများရရှိစေရန် စားသုံးသူကာကွယ်ပေးရေး အသိ ပညာပေး ဟောပြောခြင်းဖြစ်ကြောင်း စားသုံးသူကာကွယ်ရေး ဥပဒေ ၂၀၁၉ပါ အကြောင်းများကို သိရှိလေ့လာနိုင်စေရန် စားသုံးသူများ အနေဖြင့် ကုန်စည်နှင့် ဝန်ဆောင်မှုများကို အသုံးပြုရာတွင် ဘေးအန္တရာယ်ကင်းရှင်းစေရန်နှင့် ထုတ်ကုန်များ လုံခြုံစိတ်ချရမှုရှိစေရန် ဈေးကွက်မရောက်မီနှင့် ဈေးကွက်ရောက်ပြီးသောကုန်စည်များကို ဈေးကွက်စောင့်ကြည့်စစ်ဆေးခြင်းများ ဆောင်ရွက်လျက်ရှိကြောင်း၊  စားသုံးသူများ၏ အခွင့်အရေး (၈)ချက်အနက် ကုန်စည် (သို့မဟုတ်) ဝန်ဆောင်မှုများနှင့် ပတ်သက်သည့် အသိပညာဗဟုသုတများနှင့် လိုအပ်သော အချက်အလက်များကို သိရှိလေ့လာ နိုင်ရန်ရှင်းလင်းခြင်း၊  နစ်နာဆုံးရှုံးမှုများကို ရှင်းလင်းတင်ပြနိုင်ရန်၊ တိုင်ကြားနိုင်ခြင်းကို သိရှိစေရန် တိုင်ကြားနိုင်သည့် နည်းလမ်းများထဲမှ    စားသုံးသူအခွင့်အရေးနှင့် အကျိုးစီးပွားနစ်နာဆုံးရှုံးမှုများရှိပါက တိုင်ကြားနိုင်တဲ့ နည်းလမ်း အဆင့်ဆင့်တွေကတော့ DOCA Myanmar Application, CICC Naypyi Taw လူမှုကွန်ယက်၊ သက်ဆိုင်ရာတိုင်းနဲ့ ပြည်နယ်ဦးစီးမှူးရုံးတွေကို လူကိုယ်တိုင် (သို့) စာဖြင့်တိုင်ကြားနိုင်၊ CICC ဖုန်း၊ Consumer Complaint System 908&progo ဖြည့်စွက်တိုင်ကြားနိုင်ကြောင်း၊ www.doca.gov.mm မှတဆင့် တိုင်ကြားနိုင်ကြောင်း၊ DOCA FaceBook Page Messanger မှလည်းကောင်း၊  Consumer Call Center No.1535 စားသုံးသူကာကွယ်ရေးဆိုင်ရာ အသင်းအဖွဲ့များမှတစ်ဆင့် တိုင်ကြားလို့ရကြောင်း၊ ပို၍လွယ်ကူတာကတော့  Consumer Call Center  ရယ့်      HOT Line No ဖြစ်တဲ့ 1535 ကို  Mytel, Ooredoo , Telenor, MPT အသုံးပြုသူများ စားသုံးသူကာကွယ်ရေးဆိုင်ရာ အကြောင်းအရာတွေကို သိရှိလိုသည်ဖြစ်ဖြစ်၊ တိုင်ကြားချင်သည်ဖြစ်ဖြစ်၊ HOT Line No ကို  အလွယ်တကူခေါ်ဆိုရုံဖြင့် ဆက်သွယ်တိုင်ကြားလို့ရကြောင်း ထပ်ဆင့် အသိပေးပြောကြားခဲ့ပြီး ကျေးရွာနေပြည်သူ ၂၀ဦးတက်ရောက်ခဲ့ကြောင်း သိရှိရပါသည်။

DOCA(ဧရာဝတီ)