သတင်းနှင့် လှုပ်ရှားမှုများ

           ဖျာပုံခရိုင်၊ ကျိုက်လတ်မြို့ မြို့နယ်စီမံခန့်ခွဲရေးနှင့် အုပ်ချုပ်ရေးမှူးရုံးရှိ ရွှေဝါလတ်ခန်းမ၌ ကျင်းပပြု လုပ်သည့် အုပ်ချုပ်ရေးမှူးများတက်ရောက်သည့် သင်တန်းတွင် စားသုံးသူရေးရာဦးစီးဌာနမှ မြို့နယ်တာဝန် ခံနှင့် ဝန်ထမ်းတို့သည် ၂၀၂၆ခုနှစ်၊ စက်တင်ဘာလ(၁၄)ရက်နေ့ နံနက် (၁၀:၀၀)နာရီအချိန်တွင် သင်တန်း တက်ရောက်သည့် အုပ်ချုပ်ရေးမှူးများအား စားသုံးသူကာကွယ်ရေး အသိပညာပေးဟောပြောခဲ့ပါသည်။

                           ထိုသို့ ဟောပြောရာတွင် မြို့နယ်တာဝန်ခံက စားသုံးသူများ လုံခြုံစိတ်ချရမှုရှိစေရန်ဆိုတဲ့ မျှော်မှန်း ချက်ထားရှိပြီး ရည်မှန်းချက်အနေဖြင့် စားသုံးသူအခွင့်အရေးနှင့် စားသုံးသူအကျိုးစီးပွားကာကွယ်ပေးရန်၊ ထုတ်ကုန်များလုံခြုံစိတ်ချရမှုရှိစေရေး ဆောင်ရွက်ရန် ကုန်စည်နှင့်ဝန်ဆောင်မှုများ၏ အရည်အသွေးစီမံခန့် ခွဲမှုနှင့်သုတေသနလုပ်ငန်းများ ဖွံ့ဖြိုးတိုးတက်ရေးဆောင်ရွက်ရန်ဆိုတဲ့ရည်မှန်းချက်(၃)ချက်ချမှတ်ထားရှိပါတယ်ဦးစီးဌာန၏မျှော်မှန်းချက်၊ ရည်မှန်းချက်များ အောင်မြင်စွာ ဆောင်ရွက်နိုင်ရေးအတွက် စားသုံးသူကာကွယ်ရေးဉပဒေကို ပြဌာန်းဆောင်ရွက်လျှက်ရှိပါသည်။

          ကုန်စည်နှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာ အချက်(၈)ချက်ကို ဖော်ပြရပါမည်။ ထိုကုန်အညွှန်းအမှတ်အသား(၈)ချက်ပါဝင်မှသာ ဝယ်ယူသုံးစွဲသင့်ကြောင်း ပြောကြားခဲ့ပါသည်။

DOCA(မန္တလေး)

          ၂၀၂၆ခုနှစ်၊စက်တင်ဘာလ (၁၃) ရက်နေ့ နံနက် ၁၁:၀၀ နာရီအချိန်တွင် ဖျာပုံခရိုင်၊ဒေးဒရဲမြို့နယ် အတွင်းရှိ  ဆားစက်များနှင့်ကုန်ခြောက်ဆိုင်များတွင်   ထုတ်လုပ်ရောင်းချလျက်ရှိသော   ဆားများ၌   အိုင်အိုဒင်းပါဝင်မှု အနည်းအများနှင့် သတ်မှတ်ချက်များနှင့် ကိုက်ညီမှုရှိ/မရှိတို့ကို မြို့နယ်ကျန်းမာရေး ဦးစီးဌာန၊ စည်ပင်သာယာရေးအဖွဲ့၊  မြို့နယ်မိခင်နှင့်ကလေးစောင့်ရှောက်ရေးအသင်းနှင့်  စားသုံးသူရေးရာဦးစီးဌာနတို့မှတာဝန်ရှိသူများ ပါဝင်သည့် ပူးပေါင်းအဖွဲ့ဖြင့် ကွင်းဆင်းစစ်ဆေးဆောင်ရွက်ခဲ့ပါသည်။

          ကွင်းဆင်းစစ်ဆေးရာတွင်   ဆားများ၌ အိုင်အိုဒင်းပါဝင်မှု  အနည်းအများကို  စစ်ဆေးခြင်း၊  ထုတ်လုပ် ရောင်းချမှုနှင့်   သက်ဆိုင်သည့်   သတ်မှတ်ချက်များနှင့် ကိုက်ညီမှုရှိ /  မရှိ စစ်ဆေးခြင်းများ   ဆောင်ရွက်ခဲ့ပြီး စားသုံးသူများအနေဖြင့်  အရည်အသွေးပြည့်မီပြီး  ကျန်းမာရေးနှင့်ညီညွတ်သော  ဆားများကို ရွေးချယ်ဝယ်ယူ သုံးစွဲနိုင်ရေးအတွက်   လိုအပ်သည့်   အသိပညာပေးမှုများကိုလည်း   ဆောင်ရွက်ခဲ့ပါသည်။  အဆိုပါကွင်းဆင်း စစ်ဆေးခြင်းသည် ပြည်သူများ စားသုံးနေသော  ဆားများတွင်  အိုင်အိုဒင်းပါဝင်မှု  သတ်မှတ်စံနှုန်းနှင့် ကိုက်ညီ စေရေး၊   စားသုံးသူများ၏   ကျန်းမာရေးနှင့်   အခွင့်အရေးများကို   ကာကွယ်စောင့်ရှောက်နိုင်ရေးနှင့်  အရည် အသွေးပြည့်မီသော ကုန်စည်များ ရောင်းချနိုင်ရေးတို့အတွက် ရည်ရွယ်၍ပူးပေါင်းဆောင်ရွက်ခြင်းဖြစ်ကြောင်း သိရပါသည်။

DOCA(ဧရာဝတီ)

        ဧရာဝတီတိုင်းဒေသကြီး၊ စားသုံးသူရေးရာဦးစီးဌာန မအူပင်ခရိုင်ဦးစီးမှူးရုံးအောက်ရှိ ညောင်တုန်းမြို့ နယ်ဦးစီးမှူးရုံးမှ တာဝန်ရှိသူများသည် ညောင်တုန်းမြို့နယ် စားသုံးသူရေးရာဦးစီးဌာန ရုံးဝန်းအတွင်း ညောင်တုန်းမြို့နယ် စားအုန်းဆီလက်လီ၊ လက်ကားရောင်းချသည့် လုပ်ငန်းရှင် များနှင့် တွေ့ဆုံ၍ ၂၀၂၆ခုနှစ် စက်တင်ဘာလ ၁၃ ရက်နေ့ ၊နေ့လယ် (၁၁:၀၀) နာရီအချိန်တွင် လုပ်ငန်းရှင်တွေ့ဆုံ အသိပညာပေး ဟောပြောခြင်း ဆောင်ရွက်ခဲ့ပါသည်။

           အဆိုပါ အသိပညာပေးဆွေးနွေးပွဲတွင် ညောင်တုန်းမြို့နယ်ဦးစီးမှူး  ဒေါ်ချိုမီဇင် က ဦးဆောင်၍ ဆီလုပ်ငန်းရှင် (၇) ဦးအား စားအုန်းဆီဖြန့်ဖြူးရောင်းချရာတွင် လိုက်နာဆောင်ရွက်ရမည့် စည်းမျဉ်း စည်းကမ်းများနှင့်ပတ်သက်၍ ရှင်းလင်းခြင်း၊  စားအုန်းဆီများကို ဆီထုတ်ယူခွင့်စာအုပ်များဖြင့် စနစ်တကျရောင်းချရန်၊ ပြင်ပမှ ဝယ်ယူရရှိသည့် စားအုန်းဆီများကို ရောင်းချခြင်းမပြုရန်၊ သတ်မှတ် ရည်ညွှန်းဈေးနှုန်းထက် ပိုမိုမြှင့်တင်ရောင်းချခြင်း မပြုရန် ၊ စားသုံးသူပြည်သူများနှင့် ဆက်ဆံရာတွင် ယဉ်ကျေးပြေပြစ်စွာ ဝန်ဆောင်မှုပေးရန်၊ ဆီဖြန့်ဖြူးရောင်းချမှုနှင့်ပတ်သက်သည့် စာရင်းမှတ်တမ်းများကို မှန်ကန်စွာ ထားရှိရန်နှင့် သက်ဆိုင်ရာ ညွှန်ကြားချက်များနှင့်အညီ ဆောင်ရွက်ရန်၊ စားသုံးသူများအတွက် စားအုန်းဆီ လုံလောက်စွာရရှိစေရန်နှင့် စနစ်တကျဖြန့်ဖြူးနိုင်ရန် စီမံဆောင်ရွက်ထားရှိမှုများ အစိုးရမှ ခွဲတမ်းချထားပေးသောဆီများကို သတ်မှတ်ရည်ညွှန်းဈေးနှုန်းအတိုင်း ရောင်းချရန်နှင့် အခြင်အတွယ် မှန်ကန်စေရန် လမ်းညွှန်ချက်များကိုလည်းကောင်း၊ ဈေးနှုန်းအဆမတန်မြှင့်တင်ခြင်း၊ အလေးချိန် မပြည့်မဝ‌ရောင်းချခြင်း သို့မဟုတ် ဈေးကစားရန်ရည်ရွယ်၍ ဆီများကို သိုလှောင်ထားခြင်းများ မပြုလုပ်ရန်နှင့် ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူမည်ဖြစ်ကြောင်း သတိပေးခဲ့ပြီး၊ သက်ဆိုင်ရာဌာနများမှ ဈေးကွက်အတွင်း ကွင်းဆင်းစစ်ဆေးမှုများ ပြင်းထန်စွာ ဆောင်ရွက်သွား မည်ဖြစ်ကြောင်းကို အသိပေးဆွေးနွေးခဲ့ကြောင်း သိရသည်။

DOCA(ဧရာဝတီ)

       စက်သုံးဆီအရောင်းဆိုင်များတွင် သတ်မှတ်စံချိန်စံညွှန်းများနှင့်အညီ ရောင်းချမှုရှိစေရေး၊ စက်သုံးဆီ ဈေးနှုန်းများ သင့်တင့်မျှတမှုရှိစေရေးနှင့် သတ်မှတ်စည်းကမ်းချက်များ လိုက်နာဆောင်ရွက်မှုရှိ/မရှိ စစ်ဆေးနိုင်ရေးအတွက် ၂၀၂၆ ခုနှစ် စက်တင်ဘာလ ၁၂ ရက်နေ့တွင် တိုင်းဒေသကြီး စွမ်းအင်ဝန်ကြီးဌာနနှင့် မြို့နယ်အထွေထွေ အုပ်ချုပ်ရေးဦးစီးဌာန၊ မြို့နယ်စားသုံးသူရေးရာဦးစီးဌာန၊ မြို့နယ်ရဲတပ်ဖွဲ့၊ မြို့နယ်မီးသတ်တပ်ဖွဲ့နှင့် မြို့နယ် စည်ပင်သာယာရေးအဖွဲ့တို့မှ တာဝန်ရှိသူများ ပူးပေါင်းဆောင်ရွက်ခဲ့ကြောင်း သိရသည်။

         ကွင်းဆင်းစစ်ဆေးရာတွင် ပန်းတနော်မြို့နယ်တွင် ရောင်းချဖြန့်ဖြူးနေသော စက်သုံးဆီဆိုင်များမှ စက်သုံးဆီများကို သတ်မှတ်ထားသည့် စံလီတာပမာဏအတိုင်း ပြည့်မီစွာ ရောင်းချခြင်းရှိ/မရှိ၊ သတ်မှတ်ရောင်း ဈေးနှုန်းများနှင့် ကိုက်ညီမှုရှိ/မရှိတို့ကို စစ်ဆေးခဲ့သည်။ ထို့အပြင် စက်သုံးဆီအရောင်းဆိုင်များအနေဖြင့် သက်ဆိုင်ရာဌာနများမှ ချမှတ်ထားသည့် စည်းကမ်းချက်များကို လိုက်နာဆောင်ရွက်မှုရှိ/မရှိကိုလည်း စိစစ်ခဲ့ကြောင်း သိရသည်။ တာဝန်ရှိသူများက ဆိုင်ပိုင်ရှင်များအား စက်သုံးဆီများကို သတ်မှတ်ပမာဏအတိုင်း မှန်ကန်စွာ ချိန်တွယ်ရောင်းချရန်၊ ဈေးနှုန်းများကို သတ်မှတ်ချက်များနှင့်အညီ ရောင်းချရန်နှင့် စည်းကမ်းချက်များကို တိတိကျကျ လိုက်နာဆောင်ရွက်ရန် အဆိုပါ စစ်ဆေးမှုကို ပန်းတနော်မြို့နယ်အတွင်း စက်သုံးဆီဈေးကွက် တည်ငြိမ်ရေးနှင့် စားသုံးသူပြည်သူများ မှန်ကန်သော ပမာဏ၊ သင့်တင့်မျှတသော ဈေးနှုန်းဖြင့် စက်သုံးဆီများ ဝယ်ယူရရှိနိုင်ရေးအတွက် သက်ဆိုင်ရာဌာနများမှ ပူးပေါင်းကွင်းဆင်းစစ်ဆေးခြင်းများကို ဆက်လက်ဆောင်ရွက်သွားမည်ဖြစ်ကြောင်း သိရသည်။

DOCA(ဧရာဝတီ)

                  ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊ လပွတ္တာမြို့နယ်တာဝန်ခံဦးလှထွဠ်ဦးနှင့် ဝန်ထမ်း များသည် မြို့နယ်စည်ပင်သာယာရေးအဖွဲ့နှင့် ပူးပေါင်း၍ (၁၄.၉.၂၀၂၆) ရက်နေ့၊ မွန်လွှဲ(၁၅း၀၀) အချိန်တွင် လပွတ္တာမြို့နယ် အမှတ်(၁)ရပ်ကွက်ရှိ မုန်မျိုးစုံဆိုင်များတွင် ရောင်းချနေသော အသင့်စားခေါက်ဆွဲခြောက်များအား ကုန်အညွှန်းအမှတ်အသား ပြည့်စုံမှုရှိ/မရှိ ကွင်းဆင်းစစ်ဆေးခဲ့ပါသည်။

                      ထိုသို့ကွင်းဆင်းစစ်ဆေးဆောင်ရွက်ရာတွင် လပွတ္တာမြို့နယ်တာဝန်ခံမှ လပွတ္တာမြို့နယ်၊အမှတ်(၁)ရပ်ကွက်အတွင်းရှိ မုန့်မျိုးစုံဆိုင်များတွင်ရောင်းချနေသော အသင့်စားခေါက်ဆွဲခြောက်များအား ကုန်အညွှန်းအမျတ်အသားဖော်ပြခြင်း ပြည့်စုံမှု ရှိ/မရှိ စစ်ဆေးခဲ့ပြိး ကုန်မျိုးစုံဆိုင်ရှင်များအား စီးပွားရေးနှင့် ကူသန်းရောင်းဝယ်ရေးဝန်ကြီးဌာန ထုတ်ပြန်ထားသော စားသုံးသူကာကွယ်ရေး ဥပဒေ၂၀၁၉ ပါ ပြဌာန်းချက်များမှ အခန်း(၁၈)ပါ ကုန်အညွှန်းအမှတ်အသား ဖော်ပြခြင်းနှင့် စပ်လျဉ်း၍ မည်သည့်စီးပွားရေးလုပ်ငန်းရှင်မဆို ပုဒ်မခွဲ(ခ)နှင့် (ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြစ်စေ၊ မြန်မာဘာသာနှင့် အခြားဘာသာတစ်ခု(သို့)တစ်ခုထက်ပို၍ တွဲလျက်ဖြစ်စေ ရေးသားဖော်ပြရမည်ဖြစ်ပြီး၊ စီးပွားရေး လုပ်ငန်းရှင် များအနေဖြင့်ကုန်စည်အမျိုးအစားအလိုက် သတ်မှတ်ထားသည့် ဥပဒေညွှန်းကြားချက်များ အား လိုက်နာဆောင်ရွက်ကြရန် ဈေးကွက်အတွင်းရောင်းချနေသော ကုန်စည်များတွင် ကုန်ညွှန်းအမှတ်အသား ဖော်ပြချက်၊ပြည့်စုံမှုရှိ/မရှိအား ဌာနအနေဖြင့် ဈေးကွက်စောင့်ကြည့်စစ်ဆေးမှုများ စဉ်ဆက်မပြတ်ဆောင်ရွက်သွားပါမည် ဖြစ်ကြောင်း သတင်းရရှိပါသည်။

(DOCA ဧရာဝတီ)