သတင်းနှင့် လှုပ်ရှားမှုများ

                  စားသုံးသူရေးရာဦးစီးဌာန၊ သန်လျင်ခရိုင်၊ သန်လျင်မြို့နယ်အတွင်း စားသုံးသူပြည်သူများ ဆေးဝါးများဝယ်ယူရာတွင် အဆင်ပြေစေရန်ရည်ရွယ်၍ စက်တင်ဘာလ(၁၇)ရက်နေ့၊ နံနက်(၀၉:၃၀)နာရီအချိန်တွင် သန်လျင်မြို့နယ်စည်ပင်သာယာမြို့မဈေးအတွင်း/အပြင်နှင့် ပုဂ္ဂလိကဆေးဆိုင်များသို့ ဒုတိယခရိုင်ဦးစီးမှူးနှင့်ဝန်ထမ်းများ ကွင်းဆင်းစစ်ဆေးခဲ့ကြောင်း သိရသည်။

           ထိုသို့ကွင်းဆင်းစစ်ဆေးခဲ့ရာတွင် သန်လျင်ခရိုင်၊ စားသုံးသူရေးရာဦးစီးဌာနမှ ဒုတိယခရိုင် ဦးစီးမှူးနှင့်ဝန်ထမ်းများသည် ဆေးဆိုင်များအား အသည်းအားဆေး၊ အကိုက်အခဲပျောက်ဆေးနှင့် နှလုံးအားဖြည့်ဆေးတို့မှာ ဆေးဝါးပြတ်လပ်မှုရှိ/မရှိနှင့် အလားတူဆေးဝါးများရှိ/မရှိ၊ အစာအိမ် ဆေးနှင့်လေဆေးတို့မှာ ဈေးနှုန်းမြှင့်တင်ရောင်းချမှုရှိ/မရှိနှင့် ဈေးကစားရန်ရည်ရွယ်ချက်ဖြင့် သိုလှောင်ထားခြင်းမရှိစေရန် မှာကြားခဲ့ပြီး ကျန်ဆေးဝါးများမှာလည်း ဈေးကွက်အတွင်းပြတ်လပ်မှုမရှိခြင်း၊ ဈေးနှုန်းမြှင့်တင်ရောင်းချခြင်းမရှိခြင်းနှင့် ဈေးကစားရန်ရည်ရွယ်ချက်ဖြင့် သိုလှောင် ခြင်းများမရှိကြောင်း ဆေးဆိုင်ပိုင်ရှင်လုပ်ငန်းများက ပြောကြားခဲ့ပြီး ဈေးကွက်အတွင်း ကွင်းဆင်း စစ်ဆေးခဲ့ကြောင်း သိရှိရပါသည်။

   DOCA (ရန်ကုန်)

            ၂၀၂၆ ခုနှစ် ဩဂုတ်လတတိယပတ်တွင် ပဲခူတိုင်းဒေသကြီး (အနောက်) နတ်တလင်းခရိုင်၊ သဲကုန်းမြို့နယ် စားသုံးသူရေးရာဦးစီးဠာန၊ မြို့နယ်တာဝန်ခံ ဦးထင်ဇော်ထွန်း (ဒု-ဦးစီးမှူး)သည် သဲကုန်းမြို့နယ် တံခွန်တိုင် ကျေးရွာ၊ ဗေဒါလက်မှုပစ္စည်းလုပ်ငန်းအား ကွင်းဆင်းရာ၊ ပစ္စည်းအမျိုးအမည်၊ ဦးထုပ်အမျိုးမျိုး၊ လက်ဆွဲခြင်းသေး/ကြီး၊ လက်ဆွဲအိတ်၊ ဖိနပ်များ၊ တစ်ယောက်ထိုင်ခုံ၊ ခြေသုတ်ခုံစသည်များကို လုပ်ငန်းရှင်ဒေါ်ဝင်းဝင်းသန်းထံသို့ ကွင်းဆင်းစစ်ဆေးဆောင်ရွက်ခဲ့ပါသည်။

     ထိုသို့ကွင်းဆင်းစစ်ဆေးရာတွင် စားသုံးသူရေးရာဦးစီးဌာန၊ သဲကုန်းမြို့နယ်တာဝန်ခံ ဦထင်ဇော်ထွန်း(ဒု-ဦးစီးမှူး)သည် လုပ်ငန်းရှင်အား စားသုံးသူကာကွယ်ရေးဥပဒေအခန်း (၁၈) ပါကုန်စည်များအပေါ်တွင် ကုန်အညွှန်း အမှတ်အသားဖော်ပြခြင်းနှင့် စပ်လျဉ်း၍ ကုန်စည် အမျိုးအစားအလိုက် သတ်မှတ်ချက်များနှင့် အညီဖြန့်ဖြူး ရောင်းချရန်၊ ကုန်စည်၏အရည်အသွေး၊ ထားသိုသိမ်းဆည်းမှုအညွှန်း၊ သုံးစွဲပုံနည်းလမ်းများအား၊ ဥပဒေအခန်း (၁၁)ပါ ကုန်စည်နှင့်စပ်လျဉ်း၍ စားသုံးသူလက်ခံနိုင်သည့် အရည်အသွေးရှိခြင်းကို အထူးအလေးထားဆောာင်ရွက်ရန် အသိပညာပေးဆွေးနွေး ဆောင်ရွက်ခဲ့ကြောင်းသိရပါသည်။

DOCA(ပဲခူး)

       စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီအနေဖြင့် စားသုံးဆီ ဖြန့်ဖြူးခြင်းအား နည်းပညာအသုံးပြု၍ ကြီးကြပ်နိုင်ရေးအတွက် လက်လီကိုယ်စားလှယ်အဆင့်အထိ အသုံးပြုရမည့် စားသုံးဆီဖြန့်ဖြူးမှုကြီးကြပ်သည့်စနစ် (EOS = Edible Oil System)ကို  Capital Connect Co., Ltd နှင့်ပူးပေါင်း၍ အကောင်အထည်ဖော် ဆောင်ရွက်လျက်ရှိရာ လက်ကား ကိုယ်စားလှယ်များနှင့် လက်လီကိုယ်စားလှယ်များအား Digital Platform အသုံးပြု စားသုံးဆီဖြန့်ဖြူးမှုစနစ် မိတ်ဆက်ခြင်းအခမ်းအနား အား ၂၂-၉-၂၀၂၆ ရက်နေ့၊ နံနက်(၀၉း၃၀)နာရီအချိန်တွင် စားသုံးသူ ရေးရာဦးစီးဌာန၊ ရှမ်းပြည်နယ်ဦးစီးမှူးရုံး အစည်းအဝေးခန်းမ၌ ကျင်းပပြုလုပ်ခဲ့ကြောင်း သိရှိရပါသည်။

              အဆိုပါ Digital Platform အသုံးပြု စားသုံးဆီ ဖြန့်ဖြူး မှုစနစ် မိတ်ဆက်ခြင်းအခမ်းအနား သို့ ပြည်နယ်စားသုံးဆီဖြန့်ဖြူးမှုကြီးကြပ်ရေးအဖွဲ့ ဥက္ကဋ္ဌ၊ ပြည်နယ်စီမံကိန်း၊ စီးပွားရေးနှင့် ဘဏ္ဍာရေး ဝန်ကြီးမှဦးဆောင်၍ အဖွဲ့ဝင်ဌာနဆိုင်ရာများ၊ ရှမ်းပြည်နယ်(တောင်ပိုင်း) ဆီကုန်သည်နှင့် ဆီလုပ်ငန်း ရှင်များအသင်း ဥက္ကဋ္ဌနှင့် Capital Connect Co., Ltd မှ တာဝန်ရှိပုဂ္ဂိုလ်များ၊ တော်ဝင်ဧကရာဇ်ကုမ္ပဏီမှ တာဝန်ရှိပုဂ္ဂိုလ်များ၊ Citizen Pay မှ ဝန်ထမ်းများ၊ လက္ကား/လက်လီ ကိုယ်စားလှယ်များ တက်ရောက်ခဲ့ကြောင်း သိရှိရပါသည်။

DOCA(ရှမ်း)

          စားသုံးသူတို့၏ အခွင့်အရေးနှင့်ကာကွယ်ရေးဆိုင်ရာ အသိပညာပေးဟောပြောမှုကို ၂၀၂၆ခုနှစ်၊ စက်တင်ဘာလ(၂၂)ရက်နေ့၊ နံနက်(၁၁:၀၀)အချိန်တွင် ကလောမြို့နယ်၊သာမိုင်းခမ်း ကျေးရွာရှိ နယ်စပ်ဒေသတိုင်းရင်းသားလူငယ်များစက်မှုလက်မှုပညာသင်တန်းကျောင်းတွင်သင်တန်း သားများအားစားသုံးသူတို့၏ အခွင့်အရေးနှင့်တာဝန်များအကြောင်း ပိုမိုသိမြင်စေရန်အတွက် အသိ ပညာ ပေးဟောပြောဆွေနွေးခြင်းကိုဆောင်ရွက်ခဲ့ပါသည်။

                                အဆိုပါဟောပြောပွဲတွင် စားသုံးသူရေးရာဦးစီးဌာန၊ ကလောခရိုင်ဦးစီးမှူးရုံး(အောင်ပန်း)မှ  ဒုတိယဦးစီးမှူး ဦးထန်ဘူးလေက စားသုံးသူတို့၏ အခွင့်အရေးနှင့်တာဝန်များအား အကျယ်တဝင့်ပြောကြားမှုကို ဆောင်ရွက်ခဲ့ပြီး ထုတ်ကုန်ဘေးကင်းလုံခြုံမှယုံကြည်စိတ်ချစားသုံးသူဘဝဆိုသည့်ဆောင်ပုဒ်နှင့်အညီစားသုံးသူပြည်သူတို့၏ ဘေးအန္တရာယ်ကင်းရှင်းစေရန်အတွက် ဌာန၏ကြိုးပမ်း ဆောင်ရွက်နေမှုများ၊ စားသုံးသူတို့ နစ်နာမှုများနှင့်ပတ်သက်၍ ဖြေရှင်းဆောင်ရွက်ခဲ့မှုများကို ပြောကြားခဲ့ပါသည်။ ဟောပြောပွဲအတွင်းရှိ သင်တန်းသားများကို မိမိတို့ကိုယ်တိုင်သည်လည်း စားသုံးသူများဖြစ်သည့်အတွက် စားသုံးသူအခွင့်အရေးဆိုင်ရာ နစ်နာမှုများတစ်စုံတစ်ရာဖြစ်ပွားလာပါက Consumer Call Center (၁၅၃၅)  ကိုလည်း ဆက်သွယ်တိုင်ကြားနိုင်ကြောင်း ဆွေနွေးပြောကြားခဲ့ပြီး ဟောပြောပွဲသို့ စုစုပေါင်း(၂၅)ဦး တက်ရောက်ခဲ့ကြောင်းသိရှိရပါသည်။

DOCA(ရှမ်း)

      ၂၀၂၆ ခုနှစ်၊ စက်တင်ဘာလ ၂၃ ရက်နေ့၊ ၁၀:၀၀ နာရီအချိန်တွင် စားသုံးသူရေးရာ ဦးစီးဌာန၊ တနင်္သာရီတိုင်းဒေသကြီး၊ မြိတ်ခရိုင်ဦးစီးမှူးရုံးမှ ခရိုင်ဦးစီးမှူးနှင့်ဝန်ထမ်းများသည် မြိတ် မြို့ပေါ်ရှိ ကလေးအသုံးအဆောင်၊ အထည်အလိပ်၊ အဝတ်အထည်နှင့် စပ်ဆက်ပစ္စည်းများ၊ အလှကုန် များ၊ စားသောက်ကုန်များ၊ လူသုံးကုန်ပစ္စည်းများ၊ အီလက်တရောနစ်ပစ္စည်း ရောင်းချသည့်လုပ်ငန်း များနှင့် အိမ်ခြံမြေအကျိုးဆောင်ဝန်ဆောင်မှုလုပ်ငန်းများ မှအွန်လိုင်းရောင်းချခွင့်လိုင်စင်လျှောက် ထားလာမှုအား မြေပြင်ကွင်းဆင်းစစ်ဆေးခြင်းများဆောင်ရွက်ခဲ့ပါသည်။

          ထိုသို့ဆောင်ရွက်ရာတွင် ခရိုင်ဦးစီးမှူးနှင့်ဝန်ထမ်းများမှ အွန်လိုင်းမှတ်ပုံတင်စနစ်တွင် မှတ်ပုံ တင်ထားရှိသည့်အချက်အလက်များအား မြေပြင်စစ်ဆေးရာတွင် ကိုက်ညီမှုများ ရှိ/မရှိနှင့် အခြား လို အပ်သည့်အချက်အလက်များ ပြည့်စုံမှန်ကန်မှု ရှိ/မရှိ အား DOCA Application  အသုံးပြု၍ စစ်ဆေး ခြင်းနှင့် အွန်လိုင်းမှရောင်းချရာတွင် လိုက်နာဆာင်ရွက်ရမည့်တာဝန်များ၊  စားသုံးသူကာကွယ်ရေး ဥပဒေပါ စားသုံးသူအခွင့်အရေး၊ တာဝန်များ၊ စီးပွားရေးလုပ်ငန်းရှင်များ လိုက်နာဆောင်ရွက်ရမည့် တာဝန်များ၊ စားသုံးသူကာကွယ်ရေးဥပဒေပါ ကုန်စည်များ၏ ကုန်အညွှန်းအမှတ်အသားဖော်ပြခြင်း ဆိုင်ရာများအကြောင်း ရှင်းလင်းဆွေးနွေးခဲ့ကြောင်း သိရှိရပါသည်။

DOCA(တနင်္သာရီ)