သတင်းနှင့် လှုပ်ရှားမှုများ

              မြန်မာနိုင်ငံသည် စိုက်ပျိုးရေးကိုအားထားသည့်နိုင်ငံဖြစ်သည်နှင့်အညီ စိုက်ပျိုးရေးသွင်းအားစုများဖြစ်သည့် သဘာဝမြေဩဇာ၊ ဓါတ်မြေဩဇာနှင့် အသီးအနှံများကောင်းမွန်စွာဖြစ်ထွန်းစေရန် ပိုးသတ် ဆေးများကိုအသုံးပြုကြပါသည်။

          (၂၉.၁.၂၀၂၆) ရက်နေ့တွင်ကျင်းပခဲ့သော (၄၇)ကြိမ်မြောက် “ပိုးသတ်ဆေးမှတ်ပုံတင်အဖွဲ့ အစည်းအဝေး” ဆုံးဖြတ်ချက်အရ ပိုးသတ်ဆေးအိပ်ရှိပစ္စည်းဖြစ်သော Paraquat ကို မြန်မာနိုင်ငံတွင် သုံးစွဲရန်တားမြစ်ပိတ်ပင်သော ပိုးသတ်ဆေး(Banned Pesticide)အဖြစ် သတ်မှတ်ထားပြီး ဈေးကွက် တွင် ဖြန့်ဖြူးရောင်းချခွင့်မပြုကြောင်း ကြေငြာချက်အရ တောင်ငူမြို့နယ်တာဝန်ခံ ဦးမြင့်သူနှင့်အဖွဲ့၊ စိုက်ပျိုးရေးဦးစီးဌာန၊ မြို့နယ်စည်ပင်သာယာရေးအဖွဲ့၊ အထွေထွေအုပ်ချုပ်ရေးဦးစီးဌာနနှင့် မြန်မာ နိုင်ငံရဲတပ်ဖွဲ့တို့ပူးပေါင်း၍ တောင်ငူမြို့နယ်အတွင်းရှိ စိုက်ပျိုးရေးသွင်းအားစုအရောင်းဆိုင်များတွင် တားမြစ်ပိတ်ပင်ထားသော ပိုးသတ်ဆေးနှင့်ပေါင်းသတ်ဆေးများ ရောင်းချမှုရှိ/မရှိ ကွင်းဆင်းစစ်ဆေး ခဲ့ပြီး ဆိုက်ပါမီသရင်း 1 OEC ပိုးသတ်ဆေးသည် ရေထုတစ်သန်းပုံ၏ ၀.၀၀၄၂ ပုံ (ppm)ပျော်ဝင်ရုံဖြင့် ၄ လက်မ ရွှေဝါငါးကြင်းကို သေဆုံးစေနိုင်ကြောင်း၊ အယ်လ်ဆန်း 5 OEC ပိုးသတ်ဆေးသည် ရေထုအပုံ တစ်သန်းပုံ၏ ၀.၀၂ပုံ(ppm) ပျော်ဝင်ရုံဖြင့် ၃.၅ လက်မတီလားပီးယားကို သေစေနိုင်ကြောင်း၊ အင်ဒရင်း ပိုးသတ်ဆေးသည် ပတ်ဖျန်းပြီးနောက် တစ်လကြာသည်အထိလည်းကောင်း၊ DOTပိုးသတ်ဆေးသည် ၄၅ရက်ခန့်အထိလည်းကောင်း အာနိသင်ကြာရှည်စွာတည်ရှိသဖြင့် ရေသတ္တဝါများအား ချက်ချင်းသေစေ ရုံသာမက အချို့ရေသတ္တဝါများအား တဖြည်းဖြည်းချင်းသေဆုံးစေနိုင်သဖြင့် ပိုးသတ်ဆေးများအား စိုက်ပျိုးရေးလုပ်ငန်းအတွက်သာအသုံးပြုကြရန်နှင့် အင်း၊ အိုင်၊ ချောင်း၊ မြောင်းများအတွင်းရှိငါးများ အားအဆိပ်ချ၍ငါးဖမ်းခြင်းမပြုလုပ်ကြရန် အသိပေးဆွေးနွေးခဲ့ကြောင်းသိရှိရပါသည်။

DOCA(ပဲခူး)

                ပဲခူးတိုင်းဒေသကြီး၊ သာယာဝတီခရိုင်၊ မင်းလှမြို့ စားသုံးသူရေးရာဦးစီးဌာနမှ မြို့နယ် တာဝန်ခံ ဒေါ်မိုးစန္ဒာ သည် ၂၀၂၆ခုနှစ်ဖေဖော်ဝါရီလ ၁၉ရက်နေ့ ၊နံနက် (၁၀:၀၀) နာရီတွင် ပြန်ကြားရေးနှင့်ပြည်သူ့ဆက်ဆံရေးဦးစီးဌာနရုံး ၊လူထုအခြေအနေပြု ဗဟိုဌာန (C0mmunity Centre)တွင် စားသုံးသူကာကွယ်ရေးဆိုင်ရာဖြင့် Talk Show အစီစဉ်ဆောင်ရွက်ခဲ့ပါသည်။

            စားသုံးသူကာကွယ်ရေးနှင့် ပတ်သက်၍ သိသင့်သိထိုက်သော အချက်များကို ပြန်ကြားရေးနှင့် ပြည်သူဆက်ဆံရေးဦးစီးဌာနမှ ဒုတိယဦးစီးမှူး ဒေါ်ဇင်မာဝင်းမှ သိလိုသည်များကို မေမြန်းရာ စားသုံးသူရေးရာဦးစီးဌာန၏ မြို့နယ်တာဝန်ခံမှ Online Sale ရောင်းချရာတွင် လိုက်နာရမည့် အချက်များအား အသိပညာပေး Talk Show အား  ပြန်ဆက်ဌာနနှင့် ပူပေါင်း၍ အသိပညာပေး ဆောင်ရွက် ခဲ့ပါသည်။

DOCA(ပဲခူး)

        မကွေးတိုင်းဒေသကြီး စားအုန်းဆီဖြန့်ဖြူးရောင်ချခြင်း ကြီးကြပ်မှုကော်မတီ၏ လမ်းညွှန်ချက် အရ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံးမှ လက်ထောက်ညွှန်ကြားရေးမှူးဦးဆောင်၍ တိုင်း/ ခရိုင်ဝန်ထမ်း(၅)ဦးနှင့် စားအုန်းဆီဖြန့်ဖြူးရောင်းချခြင်း ကြီးကြပ်မှုကော်မတီ အဖွဲ့ဝင်များဖြစ်သည့် အထူး စုံစမ်းစစ်ဆေးရေးဦးစီးဌာန၊ စီမံခန့်ခွဲရေးနှင့်အုပ်ချုပ်ရေးကော်အတီ တို့နှင့်ပူးပေါင်း၍ (၂၁.၂.၂၀၂၆) ရက်နေ့၊ နံနက်(၁၀:၀၀)နာရီအချိန်တွင် မကွေးမြို့ပေါ်ရှိ စားအုန်းဆီ ဖြန့်ဖြူးရောင်းချနေသည့် လက်လီ/ လက်ကားကိုယ်စားလှယ်အရောင်းဆိုင်များသို့ ဆီရောင်းချမှု အခြေအနေများအား သွားရောက်၍ ကွင်း ဆင်းစစ်ဆေးခြင်းများပြုလုပ်ခဲ့ပါသည်။

        ထိုသို့ကွင်းဆင်းစစ်ဆေးခဲ့ရာတွင် မိမိရရှိသည့် ဆီခွဲတမ်းအလိုက်ပြည်သူများလက်ဝယ်သို့ သတ်မှတ် ထားသည့် ပမာဏ၊ သတ်မှတ်ရည်ညွှန်းဈေးနှုန်းဖြင့် မှန်မှန်ကန်ကန် ဖြန့်ဖြူးရောင်းချပေးနေမှုများ ရှိ/မရှိ၊ အရောင်းဆိုင်များတွင် ပြည်သူများသို့ရောင်းချရန် သတ်မှတ်ထားသောရည် ညွှန်းဈေးနှုန်း ဗီနိုင်းများ ချိတ်ဆွဲထားခြင်းရှိ/မရှိ၊ လက်လီ/လက်ကားများမှာ ထုတ်ယူရမည့် ဆီခွဲတမ်းအလိုက် အမှန်တကယ် ထုတ် ယူရရှိမှု ရှိ/မရှိစစ်ဆေးခြင်းများဆောင်ရွက်ခဲ့ပြီး စားအုန်းဆီဖြန့်ဖြူး ရောင်းချနေသည့် လက်လီ/ လက်ကားကိုယ်စားလှယ်များအား လက်ကား/လက်လီစာရင်းမှန်၊ အချိန်မှန်၊ ဈေးနှုန်းမှန်၊ အရေအတွက် မှန်၊ အချိန်အတွယ်မှန်နှင့် အရည်အသွေးမှန်စသည်ဖြင့် မှန်(၆)မှန် အတိုင်း လိုက်နာဆောင်ရွက်သွားရန်နှင့် သတ်မှတ်ပမာဏ၊ သတ်မှတ်အရည်အသွေးဈေးနှုန်းဖြင့် မှန်မှန်ကန်ကန် ဖြန့်ဖြူးရောင်းချစေရန် ပြောကြားခဲ့ကြောင်း သိရှိရပါသည်။

DOCA(မကွေး)

          စားသုံးသူရေးရာဦးစီးဌာန၊ ရန်ကုန်အရှေ့ပိုင်းခရိုင်ဦးစီးမှူးရုံးမှ ဒေါ်မိုးမိုးကြည် (ဌာနခွဲစာရေး)နှင့် ဝန်ထမ်းများသည် (၁၉.၂.၂၀၂၆)ရက်နေ့၊ နေ့လယ်(၁၅:၃၀)နာရီအချိန်တွင် အရှေ့ဒဂုံမြို့နယ်၊ အမှတ်(၂)ဈေးစည်ပင်ရုံးတွင် ကုန်အညွှန်းအမှတ်အသားနှင့် စပ်လျဉ်း၍ အသိပညာပေးဟောပြောခြင်းများ ဆောင်ရွက်ခဲ့ပါသည်။

      ထိုသို့ဟောပြောပွဲတွင် ဒေါ်မိုးမိုးကြည်က စားသုံးသူများ၏အခွင့်အရေးနှင့် အကျိုးစီးပွားကိုကာကွယ်ပေးနိုင်ရန်အတွက် စားသုံးသူကာကွယ်ရေးဥပဒေကို ၂၀၁၉ ခုနှစ်၊ မတ်လ ၁၅ ရက် နေ့တွင်အတည်ပြုပြဋ္ဌာန်းခဲ့ပါကြောင်း၊ စားသုံးသူအခွင့်အရေး (၈) ချက်အကြောင်းအရာများ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေး ဥပဒေ၂၀၁၉ပါပြဌာန်းချက်များမှ အခန်း(၁၈)ရှိကုန်အညွှန်းအမှတ်အသားဖော်ပြခြင်းနှင့် စပ်လျဉ်၍ ကုန်အညွှန်းအမှတ်အသားဖော်ပြခြင်းဆိုင်ရာများ၊ စားသုံးသူကာကွယ်ရေးဥပဒေ အခန်း(၁၈) ပါ ပုဒ်မ(၄၁) ပုဒ်မခွဲ (ခ)နှင့်(ဂ)တို့ပါ ကုန်စည်၏ အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့်ထုတ်လုပ်သည့်ရက်စွဲ၊ သက်တမ်းကုန်ဆုံးသည့် ရက်စွဲ၊ ထုတ်လုပ်မှုအမှတ်စဉ်တို့အား အသေးစိတ်ရှင်းလင်းဟောပြောခဲ့ပြီး၊ စားသုံးသူထိခိုက်နစ်နာလျှင် တိုင်ကြားနိုင်မည့်နည်းလမ်းများနှင့် အွန်လိုင်းစျေးရောင်းချမှုနှင့်ပတ်သက်၍ သုံးစွဲသူများ သိရှိရမည့်အကြောင်းအရာများကို အသေးစိတ်ရှင်းလင်းပြောကြားခဲ့ကြောင်း သိရှိရပါသည်။

DOCA(ရန်ကုန်)

       ပဲခူးတိုင်းဒေသကြီး၊ သာယာဝတီခရိုင် စားသုံးသူရေးရာဦးစီးဌာနမှ  လစဉ်ကျင်းပပြုလုပ် သော ဝန်ထမ်း များစွမ်းဆောင်ရည်မြှင့်တင်ရေးအတွက် အသိပညာပေး Talk Show ဟောပြော ပွဲများ ကျင်း ပပြုလုပ်ခဲ့ရာ (၁၃) ကြိမ် မြောက်ဟောပြောပွဲ ကို ( ၁၉.၂.၂၀၂၆ ) ရက်‌ နေ့ နေ့လည် ( ၁:၀၀ ) နာရီ အချိန်တွင် သာယာဝတီခရိုင်ရုံးမှ ဦးစီးမှူးဦးချစ်ကိုကိုမှ လက်ပံတန်းမြို့သမိုင်းအကြောင်း သိကောင်း စရာခေါင်းစဉ်ဖြင့် အသိပညာပေး Talk Show ဆွေးနွေးပွဲကို သာယာဝတီ၊ လက်ပံတန်း၊ မင်းလှ၊ မိုးညို၊အုတ်ဖို၊ ကြို့ပင်ကောက်မြို့နယ်များမှ ဝန်ထမ်းများနှင့် Zoo metting ဖြင့် ချိတ်ဆက် ဆောင်ရွက်ခဲ့ပါသည်။ဦးချစ်ကိုကိုမှလက်ပံတန်းမြို့ သမိုင်းကြောင်းကိုဆွေးနွေးခဲ့ရာတွင် လက်ပံတန်းမြို့ဖြစ်ပေါ် လာပုံနှင့် လက်ပံတန်း မြို့တွင် တန်ခိုးကြီးမား ဖူးမြော်ရမည့် အထင်ကရ စေတီတော်ကြီး များစွာ ရှိပါသည်။ ဗုဒ္ဓဂယာ မဟာဗောဓိ စေတီတော်ကြီး ကို လက်ပံတန်း မြို့၊ မြို့မရပ်ကွက် လမ်းမတော် လမ်းကြီး၏ မျက်နှာစာ မြို့နယ် ပြည်သူ့ ပန်းခြံနှင့် မျက်နှာချင်းဆိုင် အရပ်ရှိ သဒ္ဓမ္မောဒယျ အဘိဓမ္မာ ညဝါတက္ကသိုလ် ပရိယတ္တိ စာသင်တိုက်ကြီး ပရဝုဏ်အတွင်း ခမ်းနား တင့်တယ်ကြည်ညိုဖွယ် တည် ထားကိုးကွယ် ထားရှိပါသည်   ဗုဒ္ဓဂယာ မဟာဗောဓိ  စေတီတော်ကြီးကို သဒ္ဓမ္မောဒယျ အဘိ ဓမ္မာ ညဝါ တက္ကသိုလ် ပရိယတ္တိ စာသင်တိုက်ကြီး ဦးစီးပဓာန  နာယကဆရာတော်ကြီး ဖြစ်တော် မှု သော“အဂ္ဂမဟာပဏ္ဍိတအဘိဓဇမဟာရဌဂုရုဘွဲ့တံဆိပ်တော်ရ  ဘဒ္ဒန္တအရှင်ဝိသဒဉာဏ”ဆရာတော်ဘုရားကြီးက သာသနာနှစ်  (၂၅၁၆) ၊မြန်မာသက္ကရာဇ် (၁၃၃၃)ခုနှစ် ၊ခရစ်နှစ်(၁၉၇၂) ခုနှစ်၌ စတင်ပန္နက်တော်ချခဲ့ခြင်းဖြစ်သည်။ ဆရာတော်ကြီး၏ ရည်မှန်းချက်မှာတုနှိုင်းမရဗုဒ္ဓမြတ်စွာ ဘုရား ရှင်ပွင့် တော်မှုရာ အိန္ဒိယနိုင်ငံဂယာ  အရပ်၌ တည်ထား ကိုးကွယ်တော်မှုသော “ဗုဒ္ဓဂယာ မဟာ  ဗောဓိ စေတီတော်မြတ်ကြီးကို ”မြန်မာပြည်သူပြည်သား ဗုဒ္ဓဘာသာ နွယ်ဝင်သူတော်စင် များသွား ရောက် မဖူးမြော်နိုင်ကြစေကာမှု အိန္ဒိယနိုင်ငံ ဂယာအရပ်၌တည်ထား ကိုးကွယ်တော်မူသော ဗုဒ္ဓဂယာမဟာ ဗောဓိ စေတီတော်မြတ်ကြီးနှင့်ပုံစံတူ တည်ထားကိုးကွယ်သွားရန် ရည်မှန်းပန္နက် တော်ချခဲ့ ခြင်းဖြစ်ပါသည်။၂၀၀၇ ခုနှစ် မတ်လ (၂၇) ရက်နေ့တွင် ကျောင်းထိုင်ဆရာတော်နှင့် မြို့နယ်သံဃာ့နာယက ဆရာတော်ကြီးများမြို့မိမြို့ဖများဖိတ်ကြား၍ ဆရာတော်ကြီးများ၏ ဩဝါဒခံယူကာ မူလပန္နက် တော်ချတော်မူခဲ့သောစေတီတော်ကြီး ဆက်လက်တည်ထား ကိုးကွယ်ရေး  ဆုံးဖြတ်တော်မူပြီး “ဗုဒ္ဓဂယာ မဟာဗောဓိ စေတီတော်” ဟု ဆရာတော် သံဃာတော် များ၏ဩဝါဒနှင့်အမည် နာမ သမုတ်အပ်ခဲ့ကြကြောင်း လက်ပံတန်းမြို့၏ ကျက်သရေဆောင် မဟာဗောဓိစေတီတော်မြတ်ကြီးကို ဖူးမြော်စေခြင်ကြောင်း ဆွေးနွေးခဲ့ပါသည်။ခရိုင်ဦးစီးမှူးမှ ဘုရားကြီးနှင့်ပတ်သတ်၍ မှတ်သားအချက် များကို မှတ်သားထားကြစေလိုကြောင်းနှင့် မြို့နယ်တာဝန်ခံများမှ အားနည်းချက် အားသာချက်များ ဖြည့်စွက်ဆွေးနွေးပြောကြားခဲ့ကြောင်း သိရှိရပါသည်။

DOCA(ပဲခူး)