စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ပြည်နယ်ဦးစီးမှူး ဦးဉာဏ်လင်းနှင့် ဝန်ထမ်း များသည် ၁၄-၈-၂၀၂၆ ရက်၊ သောကြာနေ့ နေ့လည် ၁၂:၀၀ နာရီအချိန်တွင် ကရင်ပြည်နယ်၊ ဘားအံမြို့ရှိ အမှတ်(၃) မူလတန်းလွန်ကျောင်းတွင် ဆရာ/ဆရာမ များနှင့် ကျောင်းသားမိဘများအား စားသုံးသူကာကွယ်‌ရေးဆိုင်ရာ သိကောင်းစရာအကြောင်းကို အသိပညာပေးဟောပြောခဲ့ကြောင်း သိရှိရသည်။

    အဆိုပါဟောပြောပွဲတွင် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးမှ ပြည်နယ် ဦးစီးမှူး ဦးဉာဏ်လင်းက  စားသုံးသူကာကွယ်ရေးဆိုင်ရာ သိကောင်းစရာများအကြောင်းများနှင့် ဟောပြောခဲ့ပြီး၊ ဆက်လက်၍ ဒု-ဦးစီးမှူး ဦးအောင်ထွန်းမြက ထုတ်ကုန်လုံခြုံစိတ်ချရမှုရှိသော အစားအသောက်နှင့်ကုန်စည်များကို စနစ်တကျ ရွေးချယ်ဝယ်ယူ စားသောက်သုံးစွဲတတ်စေရန်အတွက် ကုန်ညွှန်းအမှတ်အသားအကြောင်းကိုလည်းကောင်း ရှင်းလင်းပြောကြားခဲ့ကာ ဆရာ၊ ဆရာမ (၁၂) ဦး၊  ကျောင်းသားမိဘများ (၁၅)ဦး စုစုပေါင်း ဦးရေ(၂၇) တက်ရောက်ပြီး  လက်ကမ်းစာစောင် များလည်း ဖြန့်ဝေခဲ့ကြောင်း သိရှိရပါ သည်။

DOCA (ကရင်)

               စားသောက်ဆိုင်နှင့် အစားအသောက်ဝန်ဆောင်မှုလုပ်ငန်းများတွင် ဘေးကင်းလုံခြုံမှုနှင့် စားသုံးသူ အခွင့် အရေးများ ပြည့်မီစေရန်အတွက် ပန်းတနော်မြို့နယ် စားသုံးသူရေးရာဦးစီးဌာနမှ တာဝန်ရှိသူများသည် (၁၁-၈-၂၀၂၆) ရက်နေ့က သက်ဆိုင်ရာ စည်ပင်သာယာရေးအဖွဲ့နှင့်အတူ ထုတ်ကုန်လုံခြုံစိတ်ချရမှု ရှိစေရေး မြေပြင် ကွင်းဆင်းစစ်ဆေးမှုများကို ဆောင်ရွက်ခဲ့ကြောင်း သိရသည်။

           စစ်ဆေးရာတွင် စားသောက်ဆိုင်များအနေဖြင့် အစားအသောက်များကို သန့်ရှင်းသပ်ရပ်စွာ ပြင်ဆင်ချက်ပြုတ်ရောင်းချမှုရှိ/မရှိ၊ အသုံးပြုသည့် ကုန်ကြမ်းများ၏ အရည်အသွေးနှင့် ဘေးကင်းလုံခြုံမှု၊ အစားအသောက်များကို သင့်လျော်စွာ သိမ်းဆည်းထားရှိမှုနှင့် ဆိုင်အတွင်း သန့်ရှင်းရေးအခြေအနေများကို စိစစ်ခဲ့သည်။ ထို့အပြင် စားသုံးသူများ၏ အခွင့်အရေးများ မထိခိုက်စေရေး၊ အစားအသောက်များကို သန့်ရှင်းဘေးကင်းစွာ ဝန်ဆောင်မှုပေးနိုင်ရေးနှင့် စားသုံးသူမဝယ်ယူမီ ဈေးနှုန်းများကို သိသာထင်ရှားစွာ ဖော်ပြသည့် မီနူးထားရှိမှုအခြေအနေများကို စစ်ဆေးခြင်း၊ စားသောက်ဆိုင်များတွင် အမှိုက်ပုံး ၃ခု ထားရှိမှုအခြေအနေများကို စစ်ဆေးခြင်းများဆောင်ရွက်ခဲ့ပြီး ကောင်းမွန်သော ဝန်ဆောင်မှုနှင့်မညီသော အခြေအနေများကို စစ်ဆေးတွေ့ရှိပါက သက်ဆိုင်ရာဥပဒေများအရ အရေးယူဆောင်ရွက်သွားမည်ဖြစ်ပြီး  စားသုံးသူများအပေါ် ကောင်းမွန်မျှတသော ဝန်ဆောင်မှုပေးနိုင်ရေးတို့ကို ဆိုင်ရှင်များနှင့် ဝန်ထမ်းများအား အသိပညာပေး လမ်းညွှန်ခဲ့သည်။

DOCA(ဧရာဝတီ)

                   မအူပင် ခရိုင်ဦးစီးမှူးရုံး အနေဖြင့် စားသုံးသူကာကွယ်ရေး အသိပညာပေးဟောပြောပွဲများ အပြင်၊  စီးပွားရေးလုပ်ငန်းရှင်များအား တွေ့ဆုံပြီး ဦးစီးဌာနမှထုတ်ပြန်ထားသည့် ဥပဒေ၊ အမိန့်နှင့်ညွှန်ကြားချက်များ ရှင်းလင်းဆွေးနွေးခြင်းများကို ဆောင်ရွက်လျက်ရှိရာ (၁၁.၈.၂၀၂၆)ရက်နေ့၊ နံနက်(၁၀:၀၀)နာရီ အချိန်တွင် မအူပင်ခရိုင် စားသုံးသူရေးရာ ဦးစီးဌာနမှ ခရိုင်ဦးစီးမှူး၊ ဒု-ခရိုင်ဦးစီးမှူး၊ စားသုံးသူရေး ရာဌာနခွဲ တာဝန်ခံနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံ နှင့်  မအူပင်မြို့၊ အမှတ်(၉)ရပ်ကွက်ရှိ စာကလေးခွေနှင့် ငှက်ပျောကျော်ထုတ်လုပ်ဖြန့်ဖြူး ရောင်းချသည့်လုပ်ငန်းရှင်မှ ခရိုင်ဦးစီးမှူးရုံးသို့ လာရောက် တွေ့ဆုံ၍ ကုန်အညွှန်းအမှတ်အသားနှင့် စပ်လျဉ်း၍ ထုတ်ကုန်တွင် ဖော်ပြပါဝင်ရမည့် အခြေအနေအား စိစစ်နိုင်ရေး လာရောက်မေးမြန်းဆွေးနွေးခဲ့သဖြင့် တာဝန်ရှိသူများမှ ကူညီဆောင်ရွက်ပေးခဲ့ကြောင်းသိရ သည်။

           တွေ့ဆုံဆွေးနွေးရာတွင် မအူပင်ခရိုင်၊ စားသုံးသူရေးရာဦးစီးဌာနမှ ခရိုင်ဦးစီးမှူးနှင့် ဒု-ခရိုင်ဦးစီးမှူးက စားသုံးသူ ကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များ၊ စားသုံးသူများသာ မက စီးပွားရေး လုပ်ငန်းရှင်များအနေဖြင့် စားသုံးသူကာကွယ်ရေးဥပဒေအရ စီးပွားရေးလုပ်ငန်းရှင်များသည် ရောင်းချသည့် ကုန်စည်များတွင် ကုန်အညွှန်းအမှတ်အသား (Label) ကို မြန်မာဘာသာဖြင့် ရှင်းလင်းစွာ ဖော်ပြရမည်။ ကုန်စည်အမျိုးအစားအလိုက် ကုန်အမည်၊ အရွယ်အစား၊ အရေအတွက်၊ အသားတင်ပမာဏ၊ ထည့်သွင်း ပစ္စည်းများ၊ သုံးစွဲပုံနည်းလမ်း၊ ထုတ်လုပ်သည့်ရက်စွဲနှင့် သက်တမ်းကုန်ဆုံးရက်တို့ကို မဖြစ်မနေ ထည့်သွင်း ဖော်ပြရန် တာဝန်ရှိကြောင်းရှင်းလင်းပြီး ဖော်ပြရမည့် အဓိကအချက်များမှာ ကုန်စည်၏ တံဆိပ်အမှတ် အသား နှင့် အမည်အစစ်အမှန်။ထုတ်လုပ်သူ၏ အမည်၊ လုပ်ငန်းတည်နေရာနှင့် ထုတ်လုပ် သည့်ရက်စွဲ။ အသားတင်ပမာဏ၊ အရေအတွက်နှင့် ပါဝင်သည့်ပစ္စည်းများ၏ အချိုးအစား။ ဖော်ပြပါဝင်ရမည့် အကြောင်းအရာများ လုပ်ငန်းရှင်မှ ထုတ်လုပ်သော ကုန်စည်တွင် ဖော်ပြရမည့် အမှတ်တံဆိပ်နှင့် အချက်အလက်များ၊ လိုအပ်သောအထောက်အထားများကို ခရိုင်ဦးစီးမှူးရုံးသို့ တင်ပြပြီး ဆက်လက်၍ အထက်ဌာနသို့ တင်ပြနိုင်ရေးဆောင်ရွက်ပေးခဲ့ကြောင်း ဌာနမှဆောင်ရွက်လျက်ရှိသော လုပ်ငန်းများ ကိုသိရှိလိုပါက ရုံးဖွင့်ရက်ရုံးချိန်အတွင်း Consumer Call Center No 1535လိုင်းခွဲ(၁) နေပြည်တော်၊ လိုင်းခွဲ(၂)ရန်ကုန်၊ လိုင်းခွဲ(၃)မန္တလေးသို့ ဆက်သွယ်မေးမြန်းနိုင်သည့်အကြောင်းများ၊ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ်(၂/၂၀၁၉)ပါအကြောင်းများ၊ အသင့်စားမုန့် အမျိုးမျိုးတွင် ထည့်သွင်းဖော်ပြရမည့fကုန်အညွှန်းအမှတ်အသားအကြောင်းများအသိပညာပေးဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

             ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်သည် ဆန်စပါးအဓိကစိုက်ပျိုးထုတ်လုပ်ပြီး အခြားတိုင်းဒေသကြီးသို့ ဆန်စပါးတင်ပို့ရောင်းချခြင်းလုပ်ငန်းများ ဆောင်ရွက်လျက်ရှိရာ ၂၀၂၆ခုနှစ်၊ ဩဂုတ်လ(၆)ရက်နေ့ (၁၆:၃၀)နာရီအချိန်တွင် မြိတ်မြို့သို့ တင်ပို့မည့်ဆန်တင်ရေယာဉ်အား ကွင်းဆင်းစိစစ်ခဲ့ကြောင်း သိရသည်။

       အဆိုပါကွင်းဆင်းစစ်ဆေးခြင်းကို မြို့နယ်စီမံခန့်ခွဲရေးနှင့်အုပ်ချုပ်ရေးဦးစီးဌာနဦးဆောင်၍ ခရိုင်စားသုံးသူရေးရာဦးစီးဌာန၊ မြို့နယ်စားသုံးသူရေးရာဦးစီးဌာန၊ မီးသတ်ဦးစီးဌာန၊ လ.ဝ.ကဦးစီးဌာန၊ အခွန်ဦးစီးဌာန၊ ရေကြောင်းပို့ဆောင်ရေးဦးစီးဌာန၊ ဆန်စက်ပိုင်ရှင်အသင်း စသည့် ပူးပေါင်းအဖွဲ့သည်(MV-အောင်တက်တိုး)ရေယာဉ်ပေါ်တွင် ပေါ်ဆန်းဆန်၊ ဧည့်မထဆန်အိတ်များ တင်ဆောင်၍ ဆန်များသယ်ဆောင်ရာတွင် ကန့်သတ်ကုန်ပစ္စည်းများ သယ်ဆောင်ခြင်း မရှိစေရေးနှင့် တရားဥပဒေနှင့် ညီညွတ်မှုမရှိသည့် ကိစ္စရပ်များ ဖြစ်ပွားမှုမရှိစေရေး ကွင်းဆင်းကြည့်ရှုစစ်ဆေးခဲ့ကြောင်း သတင်းရရှိပါသည်။

DOCA (ဧရာဝတီ)

       မအူပင်မြို့နယ်အတွင်း စားသုံးသူများ ဘေးကင်းလုံခြုံစွာ စားသုံးနိုင်ရေးနှင့် အစားအသောက်များ၏ အရည်အသွေးပြည့်မီမှုရှိစေရေးအတွက် (၁၀-၈-၂၀၂၆) ရက်နေ့တွင် အသင့်စားမုန့်အမျိုးမျိုး ရောင်းချသည့်ဆိုင်များအား ကျန်းမာရေးဦးစီးဌာနနှင့် စားသုံးသူရေးရာဦးစီးဌာနတို့ ပူးပေါင်း၍ ကွင်းဆင်းစစ်ဆေးခဲ့ကြောင်း သိရသည်။

          ကွင်းဆင်းစစ်ဆေးရာတွင် အသင့်စားမုန့်များ၏ ထုပ်ပိုးမှုအပေါ် ကုန်အညွှန်းအမှတ်အသားဆိုင်ရာ သတ်မှတ်ချက်များနှင့် ကိုက်ညီမှုရှိ/မရှိ၊ ထုတ်လုပ်သည့်ရက်စွဲ၊ သက်တမ်းကုန်ဆုံးရက်၊ ထုတ်လုပ်သူအမည်နှင့် အခြားလိုအပ်သည့် အချက်အလက်များ ပြည့်စုံစွာဖော်ပြထားမှုရှိ/ မရှိတို့ကို စစ်ဆေးခဲ့ကြောင်း သိရသည်။

        ထို့အပြင် သက်တမ်းကုန်ဆုံးပြီးဖြစ်သည့် မုန့်များကို သက်တမ်းရှိမုန့်များနှင့် ရောနှော၍ ရောင်းချမှုရှိ/မရှိ၊ စားသုံးရန် မသင့်လျော်သည့် ကုန်ပစ္စည်းများ ဈေးကွက်အတွင်း ရောင်းချနေမှုရှိ/မရှိတို့ကိုလည်း စစ်ဆေးဆောင်ရွက် ခဲ့ကြောင်း သိရသည်။ ဆိုင်ရှင်များနှင့် လုပ်ငန်းရှင်များအား မုန့်နှင့် အစားအသောက်များ ရောင်းချရာတွင် ကုန်အညွှန်းအမှတ်အသားများ ပြည့်စုံမှန်ကန်စေရေး၊ သက်တမ်းကုန်ဆုံးသည့် ကုန်ပစ္စည်းများကို ဈေးကွက်အတွင်း ရောင်းချခြင်းမပြုရေးနှင့် စားသုံးသူများအတွက် အရည်အသွေးပြည့်မီပြီး ဘေးကင်းလုံခြုံသော အစားအသောက်များ ကိုသာ ရောင်းချရေးတို့ကို အသိပညာပေး လမ်းညွှန်ခဲ့ကြောင်း သိရသည်။

          မအူပင်မြို့နယ်အတွင်း စားသုံးသူများ၏ ကျန်းမာရေးနှင့် အခွင့်အရေးများ မထိခိုက်စေရေးအတွက် အသင့်စားမုန့်နှင့် အစားအသောက်များ၏ အရည်အသွေး၊ ကုန်အညွှန်းအမှတ်အသားနှင့် ဈေးကွက်အတွင်း ရောင်းချမှုအခြေအနေများကို သက်ဆိုင်ရာဌာနများနှင့် ပူးပေါင်း၍ ဆက်လက်စောင့်ကြည့် စစ်ဆေးသွားမည်ဖြစ်ကြောင်း သိရှိရပါသည်။

DOCA(ဧရာဝတီ)