သတင်းနှင့် လှုပ်ရှားမှုများ

          ကျိုက်လတ်မြို့နယ် စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည် (၁၉.၁.၂၀၂၆) နေ့၊ နေ့လယ် (၁၃:၀၀) နာရီ အချိန်တွင် စားအုန်းဆီ လက်လီ/လက်ကား ရောင်းချနေသော ဆိုင်များသို့ တရားမဝင်ကုန်သွယ်မှု တိုက်ဖျက်ရေးအဖွဲ့၊ ကုန်ဈေးနှုန်းတည်ငြိမ်ရေးအဖွဲ့၊ စားအုန်းဆီတင်သွင်းဖြန့်ဖြူးရေး ကြီးကြပ်မှုကော်မတီ ဥက္ကဌဖြစ်သော မြို့နယ်စီမံခန့်ခွဲရေးနှင့် အုပ်ချုပ်ရေး ကော်မတီ ဥက္ကဌ ဦးမင်းအောင်ဦး ဦးဆောင်၍ စားသုံးသူရေးရာဦးစီးဌာန၊ မီးသတ်ဦးစီးဌာန၊ စည်ပင်သာယာရေးအဖွဲ့၊ ဈေးကော်မတီ ဆီကိုယ်စားလှယ်များ ပါဝင်သော ပူးပေါင်းအဖွဲ့တို့ဖြင့် ရှောင်တခင်ဝင်ရောက်စစ်ဆေးခဲ့ပါသည်။

       ကျိုက်လတ်မြို့နယ်အတွင်း စားအုန်းဆီ လက်လီ/လက်ကား ရောင်းချနေသောဆိုင်များတွင် ရည်ညွှန်းဈေး ဆိုင်းဘုတ်တင်ရောင်းချခြင်းရှိ/ မရှိ၊ အလေးချိန်တွယ် ပြည့်မပြည့်၊ ဆီအရည်အသွေး ကောင်းမကောင်း၊ ပြင်ပ၌ သတင်းထွက်ပေါ်နေသော စားအုန်းဆီ တစ်ပိဿာဈေး (၁၀၀၀၀) နှင့် အထက် ရောင်းချနေမှုရှိ/ မရှိတို့ကို ဈေးဝယ်သူစာအုပ်နှင့် ထုတ်ယူသူတို့ကိုပါ မေးမြန်းစုံစမ်းခဲ့ကြပါသည်။ ဆီဆိုင်များတွင် သက်ဆိုင်ရာဌာနများ၏ ညွှန်ကြားချက်များအား လိုက်နာဆောင်ရွက်ထားကြောင်း၊ မှန်(၆) မှန်ဖြင့် တိုက်ဆိုင်စစ်ဆေးခဲ့ကြောင်း၊ ကောလဟာလသတင်းမှာ မမှန်ကန်ကြောင်း စစ်ဆေးတွေ့ရှိရပါသည်။

          ကျိုက်လတ်မြို့နယ်အနေဖြင့် လူဦးရေ(၁၉၆၂၂၂) ဦးရှိပြီး အိမ်ထောင်စုဦးရေအနေဖြင့် မြို့ပေါ်နေအိမ်ထောင်စုဦးရေ (၆၁၄၁)နှင့်  ကျေးရွာနေအိမ်ထောင်စုဦးရေ (၃၉၈၂၆) စုစုပေါင်း အိမ်ထောင်စု ဦးရေ (၄၅၉၆၁၇) ရှိပြီး ဆီထုတ်စာအုပ်များဖြင့် ထုတ်ပေးလျက်ရှိကြောင်း စားအုန်းဆီခွဲတမ်းရရှိမှုမှာ နေ့စဉ် ပေပါ (၂၀) ပိဿာ (၂၂၀၀၀) ပိဿာ၊ တစ်လလျှင် ပေပါ (၅၀၈) ပေပါ ဆီပိဿာ (၅၅၈၈၀) ပိဿာ ရရှိပြီး ရပ်ကွက်၊ ကျေးရွာများသို့ ဆီထုတ်စာအုပ်များဖြင့်လည်းကောင်း ဝန်ထမ်းများ ဘဏ်ပင်စင်စားများ၊ သာရေးနာရေး အသင်းအဖွဲ့များအား ရောင်းချပေးလျက်ရှိကြောင်း စိစစ်သိရှိရပါသည်။ယခုအပတ် စားအုန်းဆီရောင်းချဈေးနှုန်း (၆၆၇၂) ကျပ်ဖြင့်သာ ရောင်းချနေကြောင်း သတင်းရရှိပါသည်။

DOCA(ဧရာဝတီ)

          ဧရာဝတီတိုင်းဒေသကြီး၊ ဖျာပုံခရိုင်၊ ကျိုက်လတ်မြို့နယ်သည် ဆန်စပါးကို အဓိကထား စိုက်ပျိုးထုတ်လုပ်ပြီး အခြားတိုင်းဒေသကြီးသို့ ဆန်/စပါး တင်ပို့ရောင်းချခြင်းလုပ်ငန်းများ ဆောင်ရွက်လျက်ရှိရာ ၂၀၂၆ ခုနှစ်၊ ဇန်နဝါရီလ ( ၁၆ ) ရက်နေ့၊ ညနေ (၁၆:၃၀) နာရီအချိန်တွင် Wilmar  ပေါင်းဆန်စက်ရုံမှ ရန်ကုန်တိုင်း သီလဝါသို့ တင်ပို့မည့်စပါးတင်ထားသော ရေယာဉ်တစ်စီးအား ကွင်းဆင်းစိစစ်ခဲ့ကြပါသည်။

          အဆိုပါ ကွင်းဆင်းစစ်ဆေးခြင်းကို ခရိုင်/ မြို့နယ်အထွေထွေအုပ်ချုပ်ရေးဦးစီးဌာန၊ ခရိုင်/ မြို့နယ် စားသုံးသူရေးရာဦးစီးဌာန၊ လ.ဝ.က ဦးစီးဌာန၊ မီးသတ်ဦးစီးဌာန၊ ဆန်စက်လုပ်ငန်းရှင်အသင်းတို့ ပါဝင်သော ပူးပေါင်းအဖွဲ့သည် Wilmar  ပေါင်းဆန်စက်ရုံမှ သီလဝါသို့ အေးချမ်းခွန်အား(၅) ရေယာဉ်ဖြင့် စပါး တန်ချိန် (၈၅၈)၊ စပါးတင်း(၃၇၇၅၂)  တင်ဆောင်ထားရှိမှုအား စစ်ဆေးဆောင်ရွက်ခြင်းနှင့် စပါးများသယ်ဆောင်ရာတွင် ကန့်သတ်ကုန်ပစ္စည်းများ  သယ်ဆောင်ခြင်းမရှိစေရေးနှင့် တရားဥပဒေနှင့် အညီ ညီညွတ်မှုမရှိသည့် ကိစ္စရပ်များ ဖြစ်ပွားမှုမရှိစေရေး ကွင်းဆင်းစစ်ဆေး ဆောင်ရွက်ခဲ့ပြီး ထွက်ခွာခွင့်ပြုခဲ့ပါကြောင်း သတင်းရရှိပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ နေပြည်တော်ဦးစီးမှူးရုံးမှ ဒေါ်မြင့်မြင့်အေး (ဦးစီးမှူး)သည် ၂1-၁-၂၀၂6 ရက်နေ့၊ နံနက် (၁၀:3၀)နာရီအချိန်တွင် ပျဉ်းမနားမြို့နယ်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၌ “စားသုံးသူကာကွယ်ရေးအကြောင်းသိကောင်းစရာများ၊ ကုန်ပစ္စည်းများ ထုတ်လုပ် ရောင်းချရာတွင် ပါဝင်ရမည့် ကုန်အညွှန်းအမှတ်အသားများအကြောင်း” (Talk Show) ဆွေးနွေးပြောကြားခဲ့ပါသည်။

    စားသုံးသူကာကွယ်ရေးအကြောင်း ဆွေးနွေးပြောကြားရာတွင် စားသုံးသူကာကွယ်ရေးအတွက် အဓိကကျသော စားသုံးသူနှင့် စီးပွားရေးလုပ်ငန်းရှင် အဓိပ္ပါယ်သတ်မှတ်ချက် စားသုံးသူနှင့် စီးပွား‌‌ရေး လုပ်ငန်းရှင်တို့အကြား ကော်မတီနှင့်ကော်မရှင် အဆင့်ဆင့်တို့မှ ချမှတ်ပေးသော မျှတမှုရှိသော လုပ်ငန်းစဉ်အကြောင်း စီးပွားရေးလုပ်ငန်းရှင်များ၊ ကုန်ပစ္စည်းများ ထုတ်လုပ်ဖြန့်ဖြူးလျှင် သိရှိလိုက် နာရမည့် ကုန်အညွှန်းအမှတ်အသားအတွက် ဦးစီးဌာနမှ ပြဌာန်းထားသည့် အခန်း(၁၈)၊ ပုဒ်မ (၄၁)၊ ဥပဒေများအကြောင်းနှင့် (Talk Show) ဆွေးနွေးပြောကြားခဲ့ပါကြောင်း သိရှိရပါသည်။

DOCA (ပြည်ထောင်စုနယ်မြေ)

                စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနအနေဖြင့် စားသုံးသူ ပြည်သူများအတွက် ကုန်စည်နှင့်ဝန်ဆောင်မှုများ အသုံးပြုရာတွင် ဘေးအန္တရာယ်ကင်းရှင်းစေရေး၊ လုံခြုံစိတ်ချရမှု ရှိစေရေးအတွက် အစဉ်ဆောင်ရွက်လျက်ရှိပါသည်။ စားသုံးသူများအတွက်လုံခြုံစိတ်ချရမှုမရှိသောကုန်စည်များ၊ စားသုံးသူကာကွယ်ရေး ဥပဒေ (၂၀၁၉)၊ အခန်း(၁၈) ပုဒ်မ ၄၁ ပါ ကုန်အညွှန်းအမှတ်အသားများနှင့် ပြည့်စုံမှုမရှိသော ကုန်စည်များ ထုတ်လုပ်ဖြန့်ဖြူးခြင်း၊  ဈေးကွက် အတွင်း တင်သွင်းရောင်းချခြင်းမရှိစေရန်ရည်ရွယ်၍ မုံရွာခရိုင်ဦးစီးမှူးရုံးမှ  မုံရွာမြို့နယ်နှင့် ဝန်ထမ်း (၂) ဦးတို့သည် (၂၀.၁.၂၀၂၆) ရက်နေ့ နံနက် (၁၀:၀၀) နာရီအချိန်တွင် မုံရွာမြို့၊ နန္ဒဝန်ရပ်ကွက် လူသုံးကုန်နှင့် စားသောက်ကုန်ပစ္စည်းအရောင်းဆိုင်များသို့ စည်သွပ်အစားအစားအမျိုးမျိး ဈေးကွက် စောင့်ကြည့်စစ်ဆေးခြင်း၊ ချမ်းမြဝတီရပ်ကွက်ရှိ  စားသောက်ကုန်နှင့် လူသုံးကုန် ပစ္စည်းအရောင်း ဆိုင်များသို့   အသင့်သောက်အချိုရည်အမျိုးမျိုးအား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြောင်း သိရသည်။

      ထိုသို့ဆောင်ရွက်ရာတွင် လူသုံးကုန်နှင့် စားသောက်ကုန်ပစ္စည်း အရောင်းဆိုင်များတွင် ကုန်အညွှန်းအမှတ်အသားနှင့် ပြည့်စုံမှုမရှိသော စည်သွပ်အစားအစားအမျိုးမျိုး ရောင်းချနေခြင်း ရှိ/မရှိ စစ်ဆေးခဲ့ကြပြီး ဆိုင်ပိုင်ရှင်များအား စီးပွားရေးလုပ်ငန်းရှင်၏တာဝန်များနှင့် ကုန်အညွှန်းအမှတ် အသားပြည့်စုံမှုမရှိသောကုန်စည်များအားတင်သွင်းရောင်းချခြင်းမပြုကြရန် ပြောကြား ခဲ့ပြီး လက်ကမ်းစာစောင်များပေးဝေခဲ့ ကြောင်းသတင်းရရှိပါသည်။

DOCA(စစ်ကိုင်း)

   စားသုံးသူရေးရာဦးစီးဌာန၊ မိုးညှင်းခရိုင်ဦးစီးမှူးရုံးမှ ဦး‌ကျော်မိုးလွင် (ဌာနခွဲစာ‌ရေး) သည် ၂၂.၁.၂၀၂၆  ရက်နေ့ တွင် မိုးညှင်းမြို့ရှိ စားသုံးသူ (၁၅) ဦးတို့အား မိုးညှင်းခရိုင်ဦးစီးမှူးရုံး၌ တွေ့ဆုံ၍  အသိပညာပေးဟောပြောပွဲ ပြုလုပ်ဆောင်ရွက်ခဲ့ပါ သည်။

          ထိုသို့ ဟောပြောရာတွင် စားသုံးသူ၊ အွန်လိုင်းစနစ်ဖြင့် ရောင်းချခြင်းလုပ်ငန်း၏ အမည်နှင့် အဓိပ္ပာယ်ဖွင့်ဆိုချက်၊ စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ တာဝန်များ၊ အွန်လိုင်းမှ ဈေးဝယ်ယူခြင်း၏ အားသာချက်၊ အားနည်းချက်၊ အွန်လိုင်းမှလိမ်လည်မှုပုံစံ (၂) မျိုး၊ အွန်လိုင်းရောင်းချမှု လုပ်ငန်းများနှင့် စပ်လျဉ်း၍ စိစစ်သင့်သည့် အချက်များ၊ ကုန်စည် သို့မဟုတ် ဝန်ဆောင်မှုနှင့် စပ်လျဉ်း၍ စားသုံးသူများ စိစစ်သင့်သည့် အချက်အလက်များ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၏ အမိန့်ကြော်ငြာစာအမှတ် ၅၀/၂၀၂၃ အရ အွန်လိုင်းစနစ်ဖြင့် ရောင်းချ ခြင်းလုပ်ငန်းကို အရေးကြီးဝန်ဆောင်မှုလုပ်ငန်းအဖြစ် သတ်မှတ်ထားရှိမှု အခြေအနေ၊ အွန်လိုင်းစနစ် ဖြင့် ရောင်းချခြင်း လုပ်ငန်းမှတ်ပုံတင်ခြင်းဆိုင်ရာ အမိန့်ကြော်ငြာစာအမှတ် ၅၁/၂၀၂၃ အား လိုက်နာ ဆောင်ရွက်ရန်၊ ကုန်သွယ်ရေးဦးစီးဌာန၏ eComReg System ၏ Report နှင့် ပတ်သက်သည့် အသုံးပြုရန် နည်းလမ်းများ၊ တရားမဝင်တင်သွင်းလာသည့် ကုန်ပစ္စည်းများအား အွန်လိုင်းစနစ်ဖြင့် ရောင်းချခြင်းလုပ်ငန်းများ ဆောင်ရွက်ခြင်းမပြုရန်၊ စားသုံးသူကာကွယ်ရေးဥပဒေပါ ကုန်အညွှန်း အမှတ်အသား ဖော်ပြခြင်းနှင့် စပ်လျဉ်း၍ ပြည့်စုံစွာ ဖော်ပြထားသော ကုန်စည်များကိုသာ ဝယ်ယူ ရောင်းချခြင်းပြုရန်၊ အရေးကြီးကုန်စည်နှင့် ဝန်ဆောင်မှုဥပဒေပါ ပြစ်မှု ပြစ်ဒဏ်များအကြောင်း တက် ရောက်လာသော စားသုံးသူများအား 1535 Consumer Call Center လိုင်းခွဲ (1) သို့ လက်တွေ့ခေါ်ဆို၍ တိုင်ကြားရမည့်နည်းလမ်းအား အသိပညာပေးဆွေးနွေးခဲ့ပါသည်။ 

DOCA(ကချင်)