ပြည်တွင်းကုန်သွယ်မှုသတင်း

          ၂၀၂၂-၂၀၂၃ခုနှစ် ကသာခရိုင် မိုးစပါးသစ် ရိတ်သိမ်းမှုမှာ နိုဝင်ဘာလ တတိယအပတ်တွင် ၄၉.၄၀ ရာခိုင်နှုန်း ရိတ်သိမ်းပြီးစီးပြီဖြစ်ကြောင်း ခရိုင်စိုက်ပျိုးရေးဦးစီးဌာန၏ စာရင်းများအရ သိရ ပါသည်။

          ကသာခရိုင်အတွင်းရှိ မြို့နယ်(၄)မြို့နယ်၏ မိုးစပါးရိတ်သိမ်းပြီးစီးမှုမှာ ကသာမြို့နယ်စိုက်ဧက (၃၈၅၀၂)ဧကရှိပြီး ရိတ်သိမ်းဧက (၁၂၇၇၁)ဧကဖြစ်ကြောင်း ရိတ်သိမ်းပြီးစီးမှုရာခိုင်နှုန်းမှာ (၃၃.၁၆)ရာခိုင်နှုန်းဖြစ်ကြောင်း၊ ထီးချိုင့်မြို့နယ်တွင် စိုက်ဧက(၄၀၂၇၁)ဧကရှိပြီး၊ ရိတ်သိမ်းဧက(၂၂၄၁၀)ဧကဖြစ်၍ ရိတ်သိမ်းပြီးစီးမှုရာခိုင်နှုန်းမှာ (၅၅.၆၄)ရာခိုင်နှုန်းဖြစ်ကြောင်း၊ အင်းတော်မြို့နယ်တွင် စိုက်ဧက(၅၅၉၈၅)ဧကရှိပြီး ရိတ်သိမ်းဧက(၂၃၅၀၅)ဧကဖြစ်၍ ရိတ် သိမ်းပြီးစီးမှုရာခိုင်နှုန်းမှာ (၄၁.၉၈)ရာခိုင်နှုန်းဖြစ်ကြောင်းနှင့် ဗန်းမောက်မြို့နယ်တွင် စိုက်ဧက(၃၈၈၅၇)ဧကရှိပြီး ရိတ်သိမ်း ဧက(၂၇၀၈၀)ဧကဖြစ်၍ ရိတ်သိမ်းပြီးစီးမှုရာခိုင်နှုန်းမှာ(၆၉.၆၉)ရာခိုင်နှုန်းဖြစ်ကြောင်း၊ ကသာခရိုင်အတွင်း မိုးစပါးစိုက်ဧကပေါင်း (၁၇၃၆၁၅)ဧက၊ ရိတ်သိမ်းဧကပေါင်း (၆၅၇၆၆)ဧကရှိပြီး ရိတ်သိမ်းပြီးစီးမှုရာခိုင်နှုန်းမှာ ၄၉.၄၀ ရာခိုင်နှုန်းဖြစ်ကြောင်း သိရသည်။

          ခရိုင်အတွင်း မိုးစပါးရိတ်သိမ်းပြီးစီးမှုအနေဖြင့် နေ့စဉ်တိုးတက်လျက်ရှိပြီး ယခုနှစ် ဒီဇင်ဘာလ ကုန်ခန့်တွင် ကွင်းပိတ်ရိတ်သိမ်းနိုင်မည်ဖြစ်ကြောင်း သုံးသပ်သိရှိရပါသည်။

DOCA(စစ်ကိုင်း)

        မကွေးမြို့ ကန်သာဈေး၌ရောင်းချလျက်ရှိသော ဂေါ်ဖီထုပ်၊ ပန်းဂေါ်ဖီ၊ အာလူး၊ မုန်လာဥနီ၊ မုန်ညှင်းသီးနှံများမှာ ရှမ်းပြည်နယ် (အောင်ပန်းမြို့) မှ ဝင်ရောက်လျက်ရှိပြီး ‌ရွှေဖရုံသီး၊ ရုံးပတီသီး၊ ပဲသီး၊ သံပုရာသီး၊ ချဉ်ပေါင်ရွက်၊ ကန်စွန်းရွက်များမှာ မကွေးမြို့နယ် ပတ်ဝန်းကျင်ကျေးရွာများဖြစ်သော ချောင်းဖြူကျေးရွာ၊ မြင်းကင်းကျေးရွာ၊ မကျီးကန်ကျေးရွာများမှ ထွက်ရှိကြောင်း သိရှိရပါသည်။

         နိုဝင်ဘာလ စတုတ္ထအပတ်အတွင်း ဖြစ်ပေါ်နေသောဟင်းသီးဟင်းရွက်ဈေးနှုန်းများမှာ  ခရမ်းချဉ်သီး (၁) ပိဿာလျှင် ကျပ် (၂၅၀၀)၊ ဂေါ်ဖီထုပ် (၁) ထုပ်လျှင် ကျပ် (၁၂၀၀)၊ အာလူး (၁) ပိဿာလျှင် ကျပ် (၃၀၀၀)၊ မုန်လာဥနီ (၁)ပိဿာလျှင် ကျပ် (၃၀၀၀)၊ ရွှေဖရုံသီး (၁) လုံးလျှင် ကျပ် (၁၀၀၀ မှ ၁၅၀၀) အတွင်း၊ ဘူးသီး (၁) လုံးလျှင် ကျပ် (၇၀၀မှ ၁၀၀၀) အတွင်း၊ မုန်ညှင်း (၁) ထုပ်လျှင် ကျပ် (၁၂၀၀)၊ ဆလပ်ရွက် (၂) ပင် (၁) စီးလျှင် ကျပ် (၂၀၀)၊ ရုံးပတီသီး (၁) ထောင့်လျှင် ကျပ် (၁၅ မှ ၂၀) အတွင်း၊ ကန်စွန်းရွက် (တရုတ်) (၁) စီးလျှင် ကျပ် ( ၁၀၀ မှ ၂၀၀) အတွင်း၊ ချဉ်ပေါင်ရွက် (၁) စီးလျှင် ကျပ် (၅၀မှ ၁၀၀) အတွင်း၊ ခရမ်းသီး (ရှည်) (၁) ပိဿာလျှင် ကျပ် (၁၇၀၀ မှ ၂၀၀၀) အတွင်း၊ သံပုရာသီး (၁) လုံးလျှင် ကျပ်(၁၀၀ မှ ၂၀၀) အတွင်း၊ ပဲသီး (၁) စီးလျှင် ကျပ် (၂၀၀မှ ၃၀၀) အတွင်းနှင့် ငရုတ်သီးစိမ်း (ကျောက်စိမ်း) (၁) ပိဿာလျှင် ကျပ် (၅၀၀၀) ဖြစ်ကြောင်း သိရပါသည်။

DOCA(မကွေး)

        ၂၀၂၂ခုနှစ်၊ နိုဝင်ဘာ စတုတ္ထပတ်အတွင်း နေပြည်‌တော်ကောင်စီနယ်မြေတွင် အခြေခံစားကုန်များဖြစ်သော ရွှေဘိုပေါ်ဆန်း တစ်ပြည် ၃၅၈၀ကျပ်၊ ဧည့်မထ တစ်ပြည် ၂၄၀၀ကျပ်၊ မနောသုခ တစ်ပြည် ၁၇၀၀ကျပ်နှုန်းဖြင့် အ‌ရောင်းအဝယ် ဖြစ်လျက်ရှိပါသည်။ ကြက်သွန်နီ လက်လီဈေးမှာ (ကြီး)တစ်ပိဿာ ၄၀၀၀ကျပ်၊ (လတ်)တစ်ပိဿာ ၃၈၀၀ကျပ်၊ (သေး)တစ်ပိဿာ ၃၄၀၀ကျပ်နှုန်းဖြင့် ‌အရောင်းအဝယ်ဖြစ်လျက်ရှိပါသည်။ ကြက်သွန်ဖြူ လက်လီဈေးမှာ (ကြူကုတ်) တစ်ပိဿာ ၄၂၅၀ကျပ်မှ ၅၅၀၀ကျပ်ထိ၊ (ရှမ်း)တစ်ပိဿာ ၃၈၅၀ကျပ်မှ ၄၅၀၀ကျပ်ထိ၊ ငရုတ်သီး ခြောက်လက်လီဈေးမှာ (အရှည်) တစ်ပိဿာ ၁၂၅၀၀ကျပ်မှ ၁၆၅၀၀ကျပ်ထိ၊ (အပု)တစ်ပိဿာ ၁၄၅၀၀ကျပ်မှ ၂၀၀၀၀ကျပ်ထိ၊ အာလူးလက်လီဈေးမှာ ၂၄၀၀ကျပ်မှ ၃၀၀၀ကျပ်ထိ၊ ခရမ်းချဥ်သီး တစ်ပိဿာ ၁၀၀၀ကျပ်မှ ၁၈၀၀ကျပ်ထိ အရောင်းအဝယ် ဖြစ်လျက်ရှိပါသည်။

          ကြက်ဥ လက်လီဈေးမှာ  တစ်လုံး ၁၉၀ကျပ်မှ ၂၂၀ကျပ်ထိ ဖြစ်ပါသည်။ နေပြည်တော်ကောင်စီနယ်မြေ၏ အသား/ငါး ဈေးနှုန်းများမှာ ကြက်သား(CP) တစ်ပိဿာ ၉၂၀၀ကျပ်မှ ၁၂၅၀၀ ကျပ်ထိ၊ ကြက်သား(ဗမာ) တစ်ပိဿာ ၁၁၀၀၀ကျပ်မှ ၁၄၀၀၀ကျပ်ထိ၊ ဝက်သား တစ်ပိဿာ ၁၁၅၀၀ကျပ်မှ ၁၄၀၀၀ကျပ်ထိ၊ အမဲသား တစ်ပိဿာ ၁၂၅၀၀ကျပ်မှ ၁၄၀၀၀ကျပ်ထိ၊ ငါးမြစ်ချင်း တစ်ပိဿာ ၅၁၀၀ကျပ်မှ ၈၂၀၀ထိ၊ ငါးကြင်း တစ်ပိဿာ ၁၀၀၀၀ကျပ်မှ ၁၄၀၀၀ကျပ်ထိ ရောင်းဝယ် နေကြောင်း သိရသည်။

          စားသုံးဆီ ဈေးနှုန်များမှာ ပဲဆီ တစ်ပိဿာလျှင် ၁၃၀၀၀ကျပ်၊ စားအုန်းဆီ တစ်ပိဿာလျှင် ၅၈၀၀ကျပ်နှင့် နှမ်းဆီ တစ်ပိဿာလျှင် ၁၁၀၀၀ကျပ်ဖြင့် အရောင်းအဝယ်ဖြစ်နေကြောင်း သိရသည်။

DOCA(ပြည်ထောင်စုနယ်‌မြေ)

        ကွမ်းသီးနှင့် သီဟိုစေ့များသည် မြန်မာနိုင်ငံတောင်ပိုင်း တနင်္သာရီတိုင်းဒေသကြီးနှင့် မွန်ပြည်နယ်တို့တွင် အများဆုံးစိုက်ပျိုးလျက်ရှိပါသည်။ ကွမ်းသီးတွင် ကွမ်းသီးအလုံးစျေးနှင့် ကွမ်းသီးခွဲခြမ်း စျေးဟူ၍ စျေးနှုန်း (၂)မျိုးရှိပြီး သီဟိုစေ့တွင် အခွံမချွတ်ရသေးသောအပင်မှ ဆွတ်ခူးသော အသီးအကြမ်းစျေးနှင့် အခြောက်လှန်းသန့်စင်ပြီး အချောစျေးဟူ၍ စျေးနှုန်း (၂)မျိုးရှိကြောင်းသိရှိရပြီး ယခု နိုဝင်ဘာလ ၂၉ ရက်တွင် ကွမ်းသီးစျေးမှာ ကွမ်းသီးအလုံး(အခွံမပါ) တစ်ပိဿာလျှင် (၆၅၀ဝိ/-)နှုန်း နှင့် ကွမ်းသီးခွဲခြမ်း တစ်ပိဿာလျှင် (၅၀၀ဝိ/-) နှုန်းစျေးပေါက် နေကြောင်းသိရှိရပါသည်။ သီဟိုစေ့စျေးနှုန်းမှာ သီဟိုစေ့အကြမ်း တစ်ပိဿာလျှင် ၄၅၀၀ ကျပ်ရှိပြီး ယခုအပတ်တွင် သီဟိုစေ့အချော တစ်ပိဿာလျှင် ၃၅၀၀၀ ကျပ်ဖြစ်ကြောင်း စုံစမ်းသိရှိ ရပါသည်။

       ကွမ်းသီးစျေးနှုန်းမှာ အနည်းငယ်ကျဆင်းလျက်ရှိပြီး သီဟိုစေ့စျေးနှုန်းမှာပြောင်းလဲမှုမရှိကြောင်း ကုန်သည်တစ်ဦးထံမှ သိရှိရပါသည်။

DOCA(တနင်္သာရီ)

         မန္တလေးတိုင်းဒေသကြီး၊ ကျောက်ဆည်ခရိုင်အတွင်းရှိ ယာမြေများ၌ စက်တင်ဘာလတွင် ရွာသွန်းသောမိုးရေကြောင့် အောက်တိုဘာလဆန်းတွင် ယာမြေများ၌ ကုလားပဲကို မိုးရေအစိုဓါတ်ဖြင့် စတင်စိုက်ပျိုးပါသည်။ အချို့မှာ မိုးရေအစိုဓါတ်အပြင်ရေစက်များဖြင့် ရေတင်၍ စိုက်ပျိုးကြကြောင်း၊ ရေဖြင့်ထပ်မံတင်၍ စိုက်ပျိုးသောယာမြေများသည် မိုးရေဖြင့်စိုက်ပျိုးသော ယာမြေများထက် ပို၍ကောင်းမွန်ပြီး အထွက်နှုန်းပိုမိုကောင်းမွန်ကြောင်း တောင်သူများထံမှသိရှိရပါသည် ။ တောင်သူများသည် ကုလားပဲမျိုးကို မိမိ၏အိမ်တွင်သေချာစွာ သိမ်းဆည်းထားပြီး မျိုးအဖြစ်အသုံးပြုကြသလို အချို့‌တောင်သူများသည် ဝယ်ယူ၍စိုက်ပျိုးကြကြောင်း၊ ကုန်ကျစရိတ်အနေဖြင့် တစ်ဧကလျှင် (၂၀၀၀၀၀) ကျပ်ဝန်းကျင်ကုန်ကျကြောင်း ၊ ကုလားပဲသည် ကုန်ကျစရိတ်သက်သာပြီး အချိန်ကုန်သက်သာခြင်းကြောင့် ဝင်ငွေတိုးပြီး နွေရာသီသုံးငွေအဖြစ် ရရှိခြင်းကြောင့် တောင်သူအများစုမှာ အများဆုံးစိုက်ပျိုးကြကြောင်း၊ ယာမြေများတွင် ကုလားပဲ (၁) ဧကလျှင် (၁) တင်းနှုန်းပတ်ကြဲရပြီး လယ်မြေများတွင် (၁) ဧကလျှင် (၁) တင်းခွဲနှုန်း ပိုမို၍စိုက်ပျိုးရကြောင်း၊ အကြောင်းရင်းမှာ ယာမြေများသည် လယ်မြေများထက် မြေသန်ခြင်းကြောင့်ဖြစ်ကြောင်း ယခုအခါ ကုလားပဲအပင်ပေါက်များ အောင်မြင်စွာဖြစ်ထွန်းနေပြီး ကုလားပဲရွက်များခူး၍ ဈေးထဲတွင်ရောင်းချလျက်ရှိကြောင်း၊ ကုလားပဲရွက်(၁) ပိသာလျှင် ဖောက်သည်ဈေးအနေဖြင့် (၅၀၀၀) ကျပ်ရှိပြီး လက်လီဈေးအနေဖြင့် ကုလားပဲရွက် (၁၀) ကျပ်သားလျှင် ၆၀၀ ကျပ်နှင့် ရောင်းချလျက်ဖြစ်ကြောင်း  ကုလားပဲကိုကြိတ်ခွဲလျှင် ကုလားပဲဆံကိုရရှိပြီး ကုလားပဲဆံကို အလှူပွဲများတွင် မပါမဖြစ် ပဲနှပ်အဖြစ် ချက်ပြုတ်ကျွေးမွေးကြကြောင်း၊ ကုလားပဲဆံဖြင့် မုန့်အမျိုးမျိုးပြုလုပ်၍လည်း ရောင်းချလျက်ရှိကြောင်း၊ ဈေးနှုန်းအနေဖြင့် ယခုအချိန်တွင် ကုလားပဲများထွက်ရှိခြင်းမရှိသေးသော်လည်း ဈေးကွက်အတွင်းတွင် ယခင်နှစ်ကထွက်ရှိသော ကုလားပဲဈေးနှုန်းများမှာ ကုလားပဲ (ရိုးရိုး) တစ်တင်းလျှင် (၅၄၀၀၀) ကျပ် ၊ ကုလားပဲ (V2) တစ်တင်းလျှင် (၆၄၀၀၀ )ကျပ်နှင့်ကုလားပဲဆံတစ်ပိဿာလျှင် (၄၂၀၀) ကျပ်ဖြင့်ရောင်းချလျက်ရှိကြောင်း သိရှိရပါသည်။

DOCA(မန္တလေး)