ပြည်တွင်းကုန်သွယ်မှုသတင်း

ပခုက္ကူမြို့တွင် ပဲမျိုးစုံနှင့်နှမ်းသီးနှံများ အရောင်းအဝယ်ဖြစ်လျက်ရှိရာ နိုဝင်ဘာလ (၁၆)ရက် မှ (၂၃)ရက်အတွင်း ဖြစ်ပေါ်ခဲ့သော ပဲဈေးနှုန်းများမှာ ပဲမာနီ(တင်း) ကျပ် ၅၇၀၀၀၊ ကုလားပဲဝါ(929) (တင်း) ကျပ် ၆၀၅၀၀၊ ကုလားပဲ(V6) (တင်း) ကျပ် ၆၄၀၀၀ မှ ၆၅၀၀၀၊ ကုလားပဲ(HL) (တင်း) ကျပ် ၅၉၀၀၀၊ ပဲတီစိမ်းကြီး (တင်း) ကျပ် ၄၅၀၀၀၊ ပဲတီစိမ်းသေး (တင်း) ကျပ် ၃၈၀၀၀ - ၄၅၀၀၀၊ စွန်တာနီ ကျွန်း (တင်း) ကျပ် ၄၄၂၀၀ - ၄၄၅၀၀၊ ပဲဇီးကွက် (တင်း) ကျပ် ၄၅၀၀၀၊ ကျွန်းထောဖြူ (တင်း) ကျပ် ၄၅၅၀၀ - ၄၈၀၀၀၊ ပဲလွန်းပြာ (တင်း) ကျပ် ၄၃၀၀၀၊ မတ်ပဲ (တင်း) ကျပ် ၅၇၀၀၀ - ၅၅၀၀၀၊ ပဲပိစပ် (တင်း) ကျပ် ၄၃၀၀၀၊ ပဲနီပြား (တင်း) ကျပ် ၃၅၀၀၀ - ၄၂၀၀၀ အသီးသီးဖြစ်ခဲ့ပြီး နှမ်းဈေးနှုန်းများအနေဖြင့် စမုံနှမ်းနက် (တင်း) ကျပ် ၈၅၀၀၀ - ၈၀၀၀၀၊ နှမ်းယောဝါ (တင်း) ကျပ် ၈၅၀၀၀ - ၇၇၀၀၀၊ နှမ်းယောနီ (တင်း) ကျပ် ၈၀၀၀၀၊ နှမ်းနက် (တင်း) ကျပ် ၇၈၀၀၀ - ၇၅၀၀၀၊ နှမ်းညို (တင်း) ကျပ် ၇၃၀၀၀၊ နှမ်းဖြူ (တင်း) ကျပ် ၉၀၀၀၀ - ၈၀၀၀၀ အသီးသီးဖြစ်ရာ ယခု (၁)ပတ်တွင် နှမ်းဈေးနှုန်းများ အနည်းငယ်ကျလာသည်ကို တွေ့ရှိရပါသည်။
ရန်ကုန်မြို့နှင့် မန္တလေးမြို့များသို့ အများဆုံးတင်ပို့ပြီး ယခု(၁)ပတ်အတွင်း ပဲစဉ်းငုံနီ (၁)တင်းခွဲဝင်အိတ် (၁၂၅၀)၊ ကုလားပဲဝါ(929) (၁)တင်းခွဲဝင်အိတ် (၆၈၀)၊ ကုလားပဲ(HL) (၁)တင်းခွဲ ဝင်အိတ် (၄၅၀)၊ ပဲတီစိမ်းကြီး (၁)တင်းခွဲဝင်အိတ် (၇၅၀)၊ ပဲတီစိမ်းသေး (၁)တင်းခွဲဝင်အိတ် (၁၅၈၀၀)၊ နှမ်းနက်စမုံ (၁)တင်းဝင်အိတ် (၁၃၄၃၀)၊ နှမ်းဝါ (၁)တင်းဝင်အိတ် (၃၂၃၀)၊ နှမ်း ယောနက် (၁)တင်းဝင်အိတ် (၆၁၅၀)တို့ အများဆုံးတင်ပို့ကြောင်း သိရှိရပါသည်။
DOCA (မကွေး)

        စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့ စည်ပင်သာယာဈေးကြီးအတွင်း၊ ဈေးကြီးအနီး ပတ်ဝန်းကျင်နှင့် မြို့တွင်းရှိ နေရာအသီးသီးတွင် ဆောင်းရာသီပေါ်အာတာလွတ်ဥများ ရောင်းချလျက်ရှိသည်ကို တွေ့ရှိရပါသည်။ အာတာလွတ်ဥသည် ကျန်းမားရေးအတွက် များစွာအထောက်အကူပြုကြောင်းလည်း လေ့လာဖူးပါသည်။ အာတာလွတ်ဥကိုပြုတ်၍ ဓါးဖြင့်ပါးပါးလွှာပြီး မြေပဲဆံထောင်း၊ နှမ်းထောင်းဆီနှင့် ဆားတို့ဖြင့်ရောနယ်၍လည်းကောင်း၊ အာတာလွတ်ဥကိုထောင်းပြီး ဆား၊ အချိုမှုန့်စသည့် ကြိုက်နှစ်သက်ရာအရသာမှုန့်ဖြင့် ရောနယ်၍ အပြား သို့မဟုတ် အလုံးကလေးများပြုလုပ်ကာ ကြော်စားခြင်းအပြင် အာတာလွတ်ဥကို အချောင်းလိုက်လွှာပြီး အကြော်မှုန့်၊ မှုန့်မှုန့်တို့နှင့်ရောနယ်၍ အကြော်ကြော်ပြီး မိမိကြိုက်နှစ်သက်သလို အမျိုးမျိုးပြုလုပ်ကာ သရေစာအဖြစ်စားသုံးကြကြောင်း၊  အာတာလွတ်ဥကို အမှုန့်ပြုလုပ်၍လည်း ရောင်းချကြသည့်အပြင် သရေစာအဖြစ်စားသုံးနိုင်ရန် မိုးကုတ်ဒေသ၌ အာတာလွတ်ဥကိုထောင်း၍ အပြားကြော်ခြင်းနှင့် ခြစ်ဖြင့်ခြစ်၍ အခြစ်ကြော်များကို အစပ်နှင့်အချိုဟူ၍ နှစ်မျိုးပြုလုပ်ပြီး မိမိကုန်အမှတ်တံဆိပ်ဖြင့် အထုတ်ကလေးများထုတ်၍ ရောင်းချသည်ကိုလည်း တွေ့မြင်ဘူးပါသည်။

       ရွှေဘိုမြို့တွင် ရောင်းလျက်ရှိသောအာတာလွတ်ဥများသည် မန္တလေးတိုင်းဒေသကြီး၊ မိုးကုတ်ဒေသမှ မှာယူရောင်းချကြောင်း၊ မိုးကုတ်၌ (၂၀ ) ပိဿာခန့်ပါရှိသည့် အာတာလွတ်ဥ တစ်တင်းခွဲဝင်တစ်အိတ်လျှင် ယခင်ပေါ်ကာစက (၂၀၀၀ဝိ/-) ပေးရကြောင်း၊  ယခုအချိန်တွင် အာတာလွတ်ဥများ လှိုင်လှိုင်ပေါပြီဖြစ်၍ တစ်အိတ်လျှင် (၁၈၀၀ဝိ/- ) သာပေးရကြောင်း၊ မိုးကုတ်မှရွှေဘိုသို့ ကားခအနေဖြင့် ဒိုင်နာကားဖြင့်သယ်ယူပါက မြို့ပေါ်ရှိ ဖောက်သည်ပေးမည့်နေရာအရောက် တစ်အိတ်လျှင် (၂၅၀ဝိ/-) ပေးရပြီး လူစီးကားဖြင့်သယ်ပါက တစ်အိပ်လျှင် (၃၅၀ဝိ/-) ပေးရ၍ ကားဝင်းအရောက်သာဖြစ်ကြောင်း၊ ရွှေဘိုမြို့၌ တစ်ဆင့်ပြန်လည်ရောင်းချသည့်ဈေးသည်များအနေဖြင့် တစ်ပိဿာလျှင် (၁၅၀ဝိ/-) ဖြင့် ရောင်းချလျက်ရှိပြီး ဈေးသည်တစ်ဦးလျှင် တစ်ရက် တစ်အိတ်ခွဲထက်မနည်းရောင်းချရသဖြင့် သင့်တင့်သည့် အကျိုးအမြတ်များလည်းရရှိကြောင်း အာတာလွတ်ဥရောင်းချသည့် ဈေးသည်များထံမှ သတင်းရရှိပါသည်။

DOCA(စစ်ကိုင်း)

           စစ်ကိုင်းတိုင်းဒေသကြီး၊ ရွှေဘိုခရိုင်၊ ရွှေဘိုမြို့ စည်ပင်သာယာဈေးကြီးအတွင်းနှင့်ဈေးကြီး အနီးပတ်ဝန်းကျင်တွင် ရာသီအလိုက် သစ်သီးမျိုးစုံကို ပုံမှန်ရောင်းချသည့်ဆိုင်ပေါင်း (၂၅) ဆိုင်ခန့်ရှိသည့်အပြင် ယခုအချိန်တွင် ဆောင်းရာသီကာလဖြစ်၍ ရာသီပေါ်သစ်သီးရောင်းချသည့်ဆိုင်များ တိုးလာသည်ကို တွေ့ရှိရပါသည်။ ရွှေဘိုမြို့ရှိ သစ်သီးရောင်းချသူများအနေဖြင့် ယခုအချိန်တွင် ဆောင်းတွင်းကာလဖြစ်၍ သစ်သီးများ စုံလင်စွာရောင်းချလျက်ရှိသည့်အပြင် လိမ္မော်သီးများကို နေရာအနှံ့ရောင်းချကြကြောင်း၊ ရွှေဘိုမြို့တွင် ရောင်းချလျက်ရှိသည့်လိမ္မော်သီးများသည် တောင်ကြီးဒေသထွက်များဖြစ်ပြီး  မန္တလေးမြို့မှ တစ်ဆင့်မှာယူရောင်းချကြောင်း၊ လိမ္မော်သီးတစ်ခြင်းလျှင် (၂၄၀၀ဝိ/-)၊ (၂၅၀၀ဝိ/-) ကျပ်ပေးရပြီး အလုံး အကြီး၊ အလတ်၊ အသေးများရွေးချယ်၍ တစ်လုံးလျှင် (၂၅ဝိ/-)၊ (၂၀ဝိ/-) နှင့် တစ်ထောင်ဖိုး (၆) လုံး၊ အလုံးသေးများကို တစ်ထောင်ဖိုး (၁၅) လုံးစသည့်ဖြင့် အလုံးအကြီး၊ အသေးအပေါ်မူတည်၍ ဈေးနှုန်းအမျိုးမျိုးဖြင့် ရောင်းချလျက်ရှိပြီး ဈေးသည်တစ်ဦးလျှင် တစ်ရက် (၂) ခြင်း၊ (၃) ခြင်းရောင်းချရကြောင်း လိမ္မော်သီးရောင်းချသည့် ဈေးသည်များထံမှ သတင်းရရှိပါသည်။

DOCA(စစ်ကိုင်း)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များ ပိုမိုခိုင်မာအားကောင်းလာစေရေး ပူးပေါင်းဆောင်ရွက်လျက်ရှိပါသည်။ ကုန်စည်ဒိုင်များ၏သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန် စာရင်းတို့ကိုလည်း အပတ်စဉ်၊ လစဉ်တင်ပြလျက်ရှိပါသည်။

         ရွှေဘိုမြို့ပဲ၊ နှမ်းကုန်စည်ဒိုင်အနေဖြင့် နိုဝင်ဘာလ တတိယပတ်အတွင်း အစေ့ထုတ်ပြောင်းနှင့် မြေပဲဆံနှင့်နှမ်းနက်များ အရောင်းအဝယ်ဖြစ်ခဲ့ကြောင်း ပဲ၊ နှမ်းကုန်စည်ဒိုင်မှ တာဝန်ရှိသူများနှင့် ဆက်သွယ်မေးမြန်းမှုအရ သတင်းရရှိပါသည်။

အစေ့ထုတ်ပြောင်း

         အစေ့ထုတ်ပြောင်းတစ်တင်းလျှင် အနိမ့်ဈေး (၁၇၅၀ဝိ/-) နှင့် အမြင့်ဈေး (၁၈၀၀ဝိ/-) ပေါက်ဈေး ရှိခဲ့ပြီး အရောင်းအဝယ်ဖြစ်မှုမှာ (၃၀၀၀) တင်း/ (၇၅) တန်ဖြစ်ကြောင်း၊  ယခင်အပတ်နှင့် ယခုအပတ် အရောင်းအဝယ်ဖြစ်မှုတင်း/တန်နှိုင်းယှဉ်ပါက ယခုအပတ်တွင် ယခင်အပတ်အောက် (၃၀၀၀) တင်း/ (၇၅) တန် လျော့နည်းခဲ့သည်။

မြေပဲဆံ

       မြေပဲဆံတစ်တင်းလျှင် အနိမ့်ဈေး (၈၀၀၀ဝိ/-) နှင့် အမြင့်ဈေး (၈၁၆၀ဝိ/-) ပေါက်ဈေးရှိခဲ့ပြီး အရောင်းအဝယ်ဖြစ်မှုမှာ (၅၀၀) တင်း/ (၁၁) တန်ဖြစ်ကြောင်း၊ ယခင်အပတ်နှင့် ယခုအပတ် အရောင်းအဝယ်ဖြစ်မှုတင်း/ တန်နှိုင်းယှဉ်ပါက ယခုအပတ်တွင် ယခင်အပတ်အောက် (၄၀၀) တင်း/ (၁၀) တန် လျော့နည်းခဲ့သည်။

နှမ်းနက်

       နှမ်းနက်တစ်တင်းလျှင် အနိမ့်ဈေး (၇၈၀၀ဝိ/-) နှင့် အမြင့်ဈေး (၈၀၀၀ဝိ/-) ပေါက်ဈေးရှိခဲ့ပြီး အရောင်းအဝယ်ဖြစ်မှုမှာ (၂၀၀၀၀) တင်း/ (၄၉၀) တန်ဖြစ်ကြောင်း၊  ယခင်အပတ်နှင့် ယခုအပတ် အရောင်းအဝယ်ဖြစ်မှုတင်း/ တန်နှိုင်းယှဉ်ပါက ယခုအပတ်တွင် ယခင် အပတ်ထက် (၁၄၀၀၀) တင်း/ (၃၄၃) တန် ပိုမိုခဲ့သည်။

DOCA(စစ်ကိုင်း)

ကယားပြည်နယ်အတွင်း အခြေခံစားကုန်ဖြစ်သော ကြက်ဥကို ပြည်နယ်အတွင်း၌ ကြက်ခြံများရှိသော် လည်း စားသုံးသူပြည်သူတို့၏ လိုအပ်ချက်အရ အခြားမြို့များဖြစ်သော ရှမ်းပြည်နယ်ဘက်ကအများ ဆုံးတင်သွင်းကြပြီး၊ ယခု နိုဝင်ဘာလတတိယပတ်တွင် ဈေးကွက်အတွင်း၌ဖြစ်ပေါ်နေသော ဈေးနှုန်းများ အရ ကြက်ဥ/ဘဲဥ ဈေးနှုန်းမှာယခင်ကထက် ပိုမိုမြင့်တက်လာသည်ကို တွေ့ရှိရပါသည်။
ယခင် အောက်တိုဘာ တတိယပတ်တွင် ကြက်ဥကြီး တစ်လုံးလျှင်ကျပ်(၂၄၀)၊ ဥလတ် (၂၃၀)၊ ဥသေး (၂၂၀)ကျပ်၊ ဘဲဥကြီးတစ်လုံးလျှင် ကျပ် (၂၆၀)၊ ဥသေးတစ်လုံးလျှင် ကျပ်(၂၄၀) ဈေးနှုန်းဖြင့် အရောင်းအဝယ်ဖြစ်လျက်ရှိပြီး၊ ယခု လက်ရှိဈေးကွက်အတွင်းရောင်းချနေသော ကြက်ဥဈေးနှုန်းမှာ ဥကြီးတစ်လုံး လျှင် ကျပ်(၂၅၀) ၊ ဥလတ် (၂၄၀)၊ ဥသေး (၂၃၀) ကျပ် ၊ဘဲဥကြီးတစ်လုံးလျှင် ကျပ် (၂၈၀)၊ ဥသေး တစ်လုံးလျှင် ကျပ်(၂၇၀) ဈေးနှုန်းဖြင့် အရောင်းချနေကြောင်း လွိုင်ကော်မြို့ သီရိမင်္ဂလာဈေးရှိ ကြက်ဥ /ဘဲဥရောင်းချသူတစ်ဦးထံမှ သိရှိရပါတယ်။
DOCA(ကယား)