ပြည်တွင်းကုန်သွယ်မှုသတင်း

      မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မစည်ပင်ဈေး၊ အမှတ်(၂)ဈေးနှင့် ပျံကျဈေးတို့တွင် ငရုတ်သီးခြောက်အမျိုးမျိုး အရောင်းအဝယ်ဖြစ်လျက်ရှိပါသည်။ အရောင်းအဝယ်ဖြစ်လျက်ရှိသော ငရုတ်သီးများမှာ ပန်းရဲ၊ မြှားနီ၊ မယ်သီ၊  ကာမာလာ၊ ညောင်တော၊ မိုးမျှော်ငရုတ်သီးတို့ဖြစ်ပြီး နေ့စဉ်အရောင်းအဝယ်ဖြစ်နေကြောင်း မြို့မဈေးသည်များထံမှ သိရှိရပါသည်။

       ငရုတ်သီးခြောက်အမျိုးအစားကိုလိုက်၍ ဈေးနှုန်းများလည်း ကွာခြားလျက်ရှိပါသည်။ ၂၀၂၄ ခုနှစ်၊ မေလ(ဒုတိယပတ်)တွင် ပန်းရဲ(ခေါ်)ပလပ်သီးမှာ တစ်ပိဿာလျှင် ကျပ်(၄၅၀၀-၅၀၀၀)၊ မြှားနီ (မယ်သီ)တစ်ပိဿာလျှင် ကျပ်(၅၀၀၀)၊ ကာမာလာငရုတ်သီးခြောက် တစ်ပိဿာလျှင် ကျပ်(၆၀၀၀-၆၅၀၀)၊ ညောင်တောသီး တစ်ပိဿာလျှင် ကျပ်(၆၀၀၀)၊  မိုးမျှော်သီးတစ်ပိဿာလျှင် ကျပ်(၉၀၀၀-၉၅၀၀)ဖြစ်ပြီး ငရုတ်သီးခွဲခြမ်း တစ်ပိဿာလျှင် ကျပ်(၁၀၀၀၀)၊ ငရုတ်သီးအနုမှုန့် တစ်ပိဿာလျှင် ကျပ်(၁၀၀၀၀)၊   ငရုတ်သီးစိမ်း တစ်ပိဿာ လျှင် ကျပ်(၅၀၀၀) ဖြင့် အရောင်းအဝယ်ဖြစ်နေကြောင်း၊ ယခုနှစ်များတွင် တောင်သူများမှ လမ်းပန်းဆက်သွယ်ရေးခက်ခဲခြင်း၊ ကုန်အဝင်နည်းခြင်းတို့ကြောင့်  အရောင်းအဝယ်အသင့်အတင့်ဖြစ်နေကြောင်း မြို့မဈေးသည်များထံမှ သိရှိရပါသည်။

DOCA(မကွေး)

    မကွေးတိုင်းဒေသကြီး၊ မကွေးခရိုင်၊ မကွေးမြို့နယ်သည် ဆန်လိုဒေသဖြစ်၍ ဆန်စပါး အဓိက စိုက်ပျိုးထွက်ရှိရာ အခြားတိုင်းဒေသကြီး/ ပြည်နယ်များဖြစ်သည့် ဧရာဝတီတိုင်း မြောင်းမြမြို့၊ ပုသိမ်မြို့၊ ဒါးကမြို့၊ ကန်ကြီးတောင်မြို့များမှ အများဆုံးတင်သွင်းရပါသည်။

    ၂၀၂၄ခုနှစ်၊ မေလ(ဒုတိယပတ်)တွင် ဖြစ်ပေါ်နေသောဆန်ဈေးနှုန်းများမှာ ပေါ်ဆန်းမွှေး (မြောင်းမြ)(၂၄)ပြည်တစ်အိတ်လျှင် ကျပ်(၁၂၀၀၀၀-၁၃၀၀၀၀)၊ ဧရာပဒေသာ(မြောင်းမြ) (၂၄)ပြည် တစ်အိတ်လျှင် ကျပ်(၁၁၅၀၀၀-၁၂၀၀၀၀)၊ သီးထပ်(၂၄)ပြည် တစ်အိတ်လျှင် ကျပ်(၈၀၀၀၀-၈၅၀၀၀)၊ ရက်(၉၀)(၂၄)ပြည်တစ်အိတ်လျှင် ကျပ်(၈၅၀၀၀-၉၀၀၀၀)၊ မနောသုခ (မြောင်းမြ) (၂၄) ပြည် တစ်အိတ်လျှင် ကျပ်(၁၀၀၀၀၀-၁၀၅၀၀၀)၊ ဖန်သီး(၂၄)ပြည် တစ်အိတ်လျှင် ကျပ်(၉၀၀၀၀-၉၅၀၀၀)၊ မန္တလေးမှဝင်ရောက်သော ရွှေဘို(ပေါ်ဆန်း) (၂၄)ပြည် တစ်အိတ်လျှင် ကျပ်(၁၄၀၀၀၀-၁၆၀၀၀၀)၊ ပွင့်ဖြူ၊ ကုန်းဇောင်း၊ စလင်း၊ ဆင်ဖြူကျွန်းတို့မှထွက်ရှိသော ဧရာပဒေသာ(ကုန်းဇောင်း) (၂၄)ပြည်တစ်အိတ်လျှင် ကျပ်(၁၄၀၀၀၀-၁၄၈၀၀၀)၊ မနော်(အနောက်ဘက်) (၂၄)ပြည်တစ်အိတ် လျှင် ကျပ်(၁၂၀၀၀၀)၊ ဧရာပဒေသာ(အနောက်ဘက်)(ဆန်လတ်) (၂၄)ပြည်တစ်အိတ်လျှင် ကျပ် (၈၃၀၀၀-၈၅၀၀၀)၊ ဧရာပဒေသာ(တောင်တွင်း)(၂၄)ပြည်တစ်အိတ်လျှင် ကျပ်(၁၁၈၀၀၀)တို့ဖြင့် ဈေးနှုန်းများဖြစ်ပေါ်လျက်ရှိပြီး ယခင်တစ်ပတ်နှင့်နှိုင်းယှဉ်ပါက ယခုတစ်ပတ်တွင် ဈေးနှုန်းပြောင်းလဲမှုမရှိကြောင်း သိရှိရပါသည်။

DOCA(မကွေး)

       ဧရာဝတီတိုင်းဒေသကြီး၊ ပုသိမ်ခရိုင်၊ ငပုတောမြို့နယ်၊ စားသုံးသူရေးရာဦးစီးဌာနမှ မြို့နယ်တာဝန်ခံနှင့် ဝန်ထမ်းတို့သည့ ငပုတောမြို့နယ်အတွင်းရှိ လိပ်ချောင်းကျေးရွာနေ ဦးဌေးကြည်မိသားစု၏ တစ်နိုင်တစ်ပိုင်လုပ်ကိုင်နေသည့် လက်မှုလုပ်ငန်းတစ်ခုဖြစ်သော တံမြက်စည်းလုပ်ငန်းသို့ သွားရောက်လေ့လာတွေ့ဆုံခဲ့ပါသည်၊၊

     တံမြက်စည်းပြုလုပ်ရာတွင် အဓိကလိုအပ်သောပစ္စည်းမှာ ကိုင်းဘောပင်၍ဖြစ်ပြီး ကိုင်းဘောပင်များသည် ငပုတောမြို့နယ်‌အတွင်း ဖေဖော်ဝါရီလနှင့်မတ်လတွင် အလေ့ကျပေါက်သောအပင်များဖြစ်ပြီး တံမြက်စည်းပြုလုပ်ရာ၌ အဖူးအပွင့်ချွေခြင်းနှင့် အရွယ်အစားခွဲခြားခြင်း၊ အရိုးတံချွန်ခြင်း၊ အပြားယှက်ခြင်း၊ လက်ကိုင်ရိုးကြိုးချည်ခြင်း စသည်ဖြင့် အဆင့်ဆင့်ပြုလုပ်ရပြီး ဈေးကွက်အတွင်း ဖြန့်ဖြူးရောင်းချလျက်ရှိကြောင်းသိရသည်၊၊

       တံမြက်စည်းအချောင်း(၅၀)ပြုလုပ်သည့် ကုန်ကျစရိတ်မှာ ကိုင်းဘောတစ်စီးဝယ်ယူခမှာ ကျပ် (၂၅၀၀၀)၊ အရိုးဖျင်ခမှာ ကျပ် (၁၀၀၀၀)၊ နိုင်လွန်ကြိုးဖိုးမှာ ကျပ် (၅၀၀၀)၊ သယ်ယူလုပ်သားခမှာ ကျပ် (၁၀၀၀၀)၊ သင်္ဘောတန်ဆာအပါ တင်ချလုပ်သားခမှာ ကျပ် (၅၅၀၀) ဖြစ်ပြီး စုစုပေါင်းကုန်ကျစရိတ်မှာ ကျပ် (၅၅၅၀၀) ကုန်ကျ၍ တံမြက်စည်းတစ်ချောင်းရောင်းဈေးမှာ ကျပ် (၁၈၀၀) ဖြစ်ပြီး တံမြက်စည်းအချောင်း (၅၀) လျှင် ကျပ် (၉၀၀၀၀) ရရှိ၍ တံမြက်စည်းအချောင်း (၅၀) ပြုလုပ်ရရှိပြီး အကျိုးအမြတ်မှာ ကျပ် (၃၄၅၀၀) ရရှိကြောင်း လုပ်ငန်းရှင်ကပြောကြားခဲ့ပါသည်။

       တံမြက်စည်းကုန်ချောကို ငပုတောမြို့နယ်နှင့် အခြားမြို့နယ်များသို့ လက်ကားဖြန့်ဖြူးရောင်းချလျက်ရှိကြောင်း တံမြက်စည်းပြုလုပ်သူများအနေဖြင့် အိုးမကွာအိမ်မကွာနေနိုင်ကြပြီး အရင်းအနှီးများစွာမလိုသောကြောင့် မိသာစုအပိုဝင်ငွေရရှိပြီး ကိုင်းဘောတံမြက်စည်းကို ခြောက်သွေ့သောနေရာတွင်ထား၍ အသုံးပြုပါက (၁) နှစ်ခန့်ခိုင်သောကြောင့် ဝယ်ယူသုံးစွဲသူများ ပိုမိုများပြားလာကြောင်း လိပ်ချောင်းကျေးရွာရှိ တံမြက်စည်းလုပ်ငန်းရှင် ဦးဌေးကြည်၏ ပြောကြားချက်အရသိရှိရပါသည်။

DOCA(ဧရာဝတီ)

၉.၅.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

       မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့သည် စပါးစိုက်ဧကနည်းပြီး ဆန်လိုဒေသဖြစ်သောကြောင့် အခြားတိုင်းဒေသများနှင့် မြို့နယ်များမှ ဆန်တင်သွင်းရသောမြို့ဖြစ်ပါသည်။ ဧရာဝတီတိုင်းဒေသကြီး ပုသိမ်၊ မြောင်းမြမြို့များမှ ရေလမ်းကြောင်းမှအများဆုံးဝင်ရောက်ပြီး  ရွှေဘို ခရိုင်၊ ဆင်ဖြူကျွန်း၊ စလင်းဒေသများမှလည်း နေ့စဉ်ဝင်ရောက်လျက်ရှိပါသည်။

       ယခုအချိန်တွင် ပခုက္ကူဒေသ၌ ဆန်အသစ်များ ဝင်ရောက်လျက်ရှိပြီး ဧပြီလ(စတုတ္ထပတ်) တွင် ဖြစ်ပေါ်ခဲ့သော ဈေးနှုန်းများသည် ယခု မေလ (ပထမပတ်)တွင် ဈေးအနည်းငယ်တက်လာသည်ကို တွေ့ရှိရပါသည်။ အများသုံးဆန်ဖြစ်သော မြောင်းမြ ဧရာပဒေသာ ဆန်ဈေးနှုန်းမှာ တစ်အိတ်လျှင် ကျပ်(၁၄၂၀၀၀)၊ စလင်းမြို့နယ်၊ ရှောက်တောမှလာသော ဧရာပဒေသာဆန်(အသစ်)တစ်အိတ်လျှင် ကျပ်(၁၆၂၀၀၀) ရှိပါသည်။ ဧည့်မထ ဆန်မျိုးဖြစ်သော ချန်ဧရာ တစ်အိတ်လျှင် ကျပ်(၁၁၀၀၀၀)၊ မနောဖြူ (အသစ်)တစ်အိတ်လျှင် ကျပ်(၁၁၀၀၀၀)၊ နေလဆန် တစ်အိတ်လျှင် ကျပ်(၉၅၀၀၀)၊ ဝန်ကြီးပဒေသာဆန် တစ်အိတ်လျှင် ကျပ်(၁၆၅၀၀၀)၊ ဧရာမင်းဆန်(ရှယ်)တစ်အိတ်လျှင် ကျပ် (၁၁၃၀၀၀)၊ မနောသုခ(အသစ်) တစ်အိတ်လျှင် ကျပ်(၁၁၀၀၀၀)၊ ချန်သုခ(အသစ်) တစ်အိတ်လျှင် ကျပ်(၈၉၀၀၀)၊ နေလ ဧရာပဒေသာဆန်(ရှယ်) တစ်အိတ်လျှင် ကျပ်(၁၆၂၀၀၀)၊ နေလ/၂၂ တစ် အိတ်လျှင် ကျပ်(၁၀၀၀၀၀)၊ မိုးဇလပ် (နွေဆန်အသစ်) တစ်အိတ်လျှင် ကျပ်(၇၅၀၀၀) ၊ နွေဇလပ် (အသစ်)တစ်အိတ်လျှင် ကျပ်(၇၂၀၀၀)၊ ဇီယာဆန်(အသစ်) တစ်အိတ်လျှင် ကျပ်(၉၅၀၀၀)၊ ပွင့်ဖြူသစ် (မနောဖြူအသစ်)တစ်အိတ်လျှင် ကျပ်(၁၀၅၀၀၀)၊ အောင်သုခ (အသစ်) ကျပ်(၉၅၀၀၀) ဈေး ဖြင့် အသီးသီးအရောင်းအဝယ်ဖြစ်လျက်ရှိပြီး ကောက်ညှင်းဆန်(အသစ်)မှာ မေလ(ပထမပတ်)တွင်  တစ်အိတ်လျှင် ကျပ်(၉၀၀၀၀)ဖြင့် ဈေးကျသွားသည်ကို  သိရှိရပါသည်။ ဧရာဝတီဘက်မှ ဝင်ရောက်လာသောဆန်များမှာ အရည်အသွေးအနည်းငယ်နိမ့်သော်လည်း ပြည်သူများစားသုံးနိုင်သော ဈေးနှုန်းရှိသောကြောင့် အရောင်းအဝယ်ပိုဖြစ်ကြောင်း သိရှိရပါသည်။

     ပေါ်ဆန်းမွှေးမှာ ဒုတိယအများဆုံး စားသုံးသော ဆန်ဖြစ်ပြီး မြောင်းမြဒေသမှ ဝင်ရောက်သလို ရွှေဘိုဒေသမှလည်း အများဆုံးဝင်ရောက်ပါသည်။ ရွှေဘိုပေါ်ဆန်းမွှေးမှာ ပိုမိုအရည်အသွေးကောင်း မွန်ပြီး မေလ(ပထမပတ်)တွင် (ရှယ်)တစ်အိတ်လျှင် ကျပ်(၁၆၅၀၀၀-၁၇၀၀၀၀)၊ ရွှေထိုက် (ပေါ်ဆန်းအသစ်)တစ်အိတ်လျှင် ကျပ်(၁၆၀၀၀၀)၊ တိုးတိုးနွယ် တစ်အိတ်လျှင် ကျပ်(၁၆၅၀၀၀-၁၇၀၀၀၀)၊ မြောင်းမြပေါ်ဆန်းမှာ တစ်အိတ်လျှင် ကျပ်(၁၅၅၀၀၀)နှင့် အရောင်းအဝယ်ဖြစ်နေကြောင်း ဆန်ရောင်းဝယ်ရေးလုပ်ငန်းရှင်ထံမှ သိရှိရပါသည် ။

DOCA(မကွေး)