ပြည်တွင်းကုန်သွယ်မှုသတင်း

      စစ်ကိုင်းတိုင်းဒေသကြီး၊ မုံရွာမြို့၊ မကျည်းပင်ဈေးအတွင်းတွင်  အာလူးသီးများ ရောင်းချလျက်ရှိ ကြောင်းသိရှိရပါသည်။ဈေးကွက်အတွင်းရောင်းချနေသော အာလူးသီးများကို ရှမ်းပြည်နယ်၊ နောင်ချိုမြို့၊ ကလောမြို့ ဒေသများနှင့် မန္တလေးတိုင်း၊ ပြင်ဦးလွင်ဒေသများတွင် စိုက်ပျိုးကြသည်။

     အာလူးသီးသည် ကစီဓာတ်ကြွယ်ဝပြီး၊ အမျှင်ဓာတ်ပါဝင်၌ အစာခြေစနစ်ကို ကောင်းမွန် သောကြောင့် ဝမ်းချုပ်ခြင်းကို ကာကွယ်ပေးနိုင်သလို ကယ်လိုရီပါဝင်မှုနည်းပြီး ကျန်းမာရေးနှင့် ညီညွတ်စွာ ချက်ပြုတ်စားသောက်ခြင်းဖြင့် အဟာရဓာတ်များကို အပြည့်အဝ ရရှိပါသည်။

    ယခုဩဂုတ်လအတွင်း ဖြစ်ပေါ်နေသော အာလူးသီးဈေးနှုန်းမှာ အာလူးသီး (၁) ပိဿာလျှင် (၄၈၀၀)ကျပ်မှ (၅၅၀၀)ကျပ်ဖြင့် ရောင်းဝယ်လျက်ရှိကြောင်း အာလူးသီးရောင်းချသူထံမှ သိရှိရ ပါသည်။

DOCA(စစ်ကိုင်း)

     ရွှေဘိုမြို့ပေါ်ရှိ ဈေးများတွင်  ရာသီပေါ်သီးနှံများကို ရောင်းချလျက်ရှိရာ  ပန်းမာလာကာသီးများကို ရွှေဘိုမြို့နယ်အပြင် ဝက်လက်မြို့နယ် ရွှေပန်းကုန်းကျေးရွာမှ လည်းကောင်း၊ ရေဦးမြို့နှင့် ခင်ဦးမြို့များလည်း လာရောက်ရောင်းချကြကြောင်း၊ ပန်းမာလာကာသီးအရဿာမှာ ချိုပြီး အခွံပါး ၍ လူကြိုက်များကြောင်း၊ ပန်းမာလာကာသီးများမှာ လှိုင်လှိုင်ထွက်ရှိ၍ ဈေးနှုန်းမှာ အသင့်အတင့်ရှိ၍ ဝယ်ယူသူများကြောင်း၊ ၂၀၂၅ခုနှစ်၊ ဩဂုတ်လ (ပထမ)ပတ်တွင် ဖြစ်ပေါ်နေသော ပန်းမာလာကာသီးဈေးနှုန်းမှာ (၁)လုံးလျှင် (၂၀ဝိ/-)ကျပ် မှ (၅၀ဝိ/-)ကျပ်၊ အရွယ်အစားအကြီး အသေးပေါ်မူတည်၍ (၁၀၀ဝိ/-)ဖိုးဝယ်ယူလျှင် (၄)လုံးမှ (၅)လုံးထိ ရောင်းချလျက်ရှိကြောင်း အသီးရောင်းချသည့်လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

     ရွှေဘိုမြို့ပေါ်ရှိ ဈေးများတွင်  ရာသီပေါ်သီးနှံများကို ရောင်းချလက်ရှိရာ ဖရဲသီးများကို ရွှေဘိုမြို့နယ်၊ ဝက်လက်မြို့နယ်၊ ရေဦးမြို့နယ်နှင့်ခင်ဦးမြို့နယ်များမှ လာရောက်ရောင်းချကြကြောင်း၊ ဖရဲသီးကို အလုံးလိုက်သော်လည်းကောင်း၊ အစိတ်သော်လည်းကောင်းရောင်းချကြကြောင်း၊ ဖရဲသီးများကို လက်ဆောင်ပေးရန်၊ စားသုံးရန်နှင့် အလှူအတန်းပြုလုပ်ရာတွင် ဝယ်ယူကြပြီး ခေါင်းရွက်ဗျက်ထိုးဈေးသည်များမှလည်းဝယ်ယူကြကြောင်း၊ ဖရဲသီးမျိုးမှာ ကျောက်စိမ်းမျိုးဖြစ်ကြောင်း၊ ကျောက်စိမ်းမျိုးမှာ အခွံပါးပြီး အရဿာ ချို၍ လူကြိုက်များကြောင်း၊ ၂၀၂၅ခုနှစ်၊ ဩဂုတ်လ (ပထမ)ပတ်တွင်ဖြစ်ပေါ်နေသော ဖရဲသီးဈေးနှုန်းမှာ ဖရဲသီး(၁) လုံးလျှင် အရွယ်အစား အကြီးအသေးပေါ်မူတည်၍ (၁)လုံး လျှင် (၁၅၀ဝိ/-)ကျပ်မှ (၂၅၀ဝိ/-)ကျပ်ထိ အရောင်းအဝယ်ဖြစ်လျက်ရှိပြီး ဖရဲသီးစိတ်ဈေးနှုန်းမှာ (၁)စိတ်လျှင် (၃၀ဝိ/-)ကျပ် ဖြင့် ရောင်းချလျက်ရှိကြောင်း ဖရဲသီးရောင်းချသည့်လုပ်ငန်းရှင်ထံမှ သိရှိရပါသည်။

DOCA(စစ်ကိုင်း)

    ရွှေဘိုမြို့   ဈေးကွက်အတွင်းတွင် ဇူလိုင်လနောက်ဆုံးပတ်မှစတင်၍ နဂါးမောက်သီးများ လှိုင်လှိုင်ဝင်ရောက်လာကာ၊ ဒေသတွင်း ရွှေဘိုမြို့အနီးတဝိုက်ရှိ ‌ကျေးရွာများမှ  တစ်နိုင်တစ်ပိုင် စိုက်ပျိုးထွက်ရှိသော နဂါးမောက်သီး များအပြင် ပြင်ဦးလွင်မြို့၊ ကျောက်ပန်းတောင်းမြို့နှင့် ပုပ္ပါးမြို့တို့မှ နဂါးမောက်သီး များကိုလည်းမှာယူ၍   ရောင်းချလျက်ရှိပါသည်။

    နဂါးမောက်သီးများကို ခြင်းပြတ်စနစ်ဖြင့်  တစ်ဆင့်ဝယ်ယူရပြီး ၂၀၂၅ခုနှစ် ဩဂုတ်လ ပထမပတ်တွင် အလုံး အကြီး/ အသေးပေါ် မူတည်၍ နဂါးမောက်သီးအကြီးတစ်လုံးလျင် (၁၂၀၀)ကျပ်၊ အလတ်တစ်လုံး လျင်(၈၀၀)ကျပ်၊ အသေးတစ်လုံးလျင်(၅၀၀)ကျပ် ဈေးနှုန်းဖြင့် အရောင်းသွက်လျက်ရှိကြောင်း၊ နဂါးမောက်သီးများကို ဈေးအတွင်း လက်လီရောင်းချသော ဈေးသည်များကို ဖောက်သည် ပေးသည့် အပြင်၊ သစ်သီး ဖျော်ရည်ရောင်းချသည့် ဆိုင်များက ဝယ်ယူကြောင်း၊ ရွှေဘိုမြို့ အောင်ဇေယျဈေးအတွင်းရှိ သစ်သီးရောင်းချသူတစ်ဦးထံမှ သိရသည်။

DOCA(စစ်ကိုင်း)

      မကွေးတိုင်းဒေသကြီး၊ သရက်ခရိုင်၊ သရက်မြို့၊ မြို့မဈေးနှင့် အခွန်လွတ်ဈေးများတွင် ရောင်းချလျက်ရှိသည့် ကြောင်လျှာသီးများမှာ ကျေးရွာများရှိ ခြံစည်းရိုးများတွင် နှစ်ရှည်ပင်အဖြစ် စိုက်ပျိုးပြီး ရောင်းချကြောင်း သိရှိရသည်။

     ကြောင်လျှာသီးသည် ဈေးနှုန်းသက်သာပြီး အနုသည် ခါး၏။ ဖန်/ချို အရသာရှိပြီး ဝမ်းမီးကို တောက်စေသည်။ ဝမ်းလားသောအနာ၊ အစာမကြေသောအနာ၊ လေအားကြီးသောအနာ၊ ဝမ်း တွင်းပူသောအနာ၊ ဝမ်းချုပ်သော အနာတို့ကို ငြိမ်းစေတတ်၏။ နားလေးသူများ ကြောင်လျှာသီး ကိုစားလျှင် သက်သာစေသည်။ ကြောင်လျှာသီးကို ပါးပါးလှီး၍ ဆန်ဆေးရည်နှင့် တစ်ညရေစိမ်ပြီး သုပ်၍စားလျှင်သော်လည်းကောင်း၊ မီးကင်ပြီး နှပ်စား၍သော်လည်းကောင်း၊ တို့စရာအဖြစ်သော်လည်းကောင်း အမျိုးမျိုးမိမိကြိုက်နှစ်သက်သကဲ့သို့ စားသုံးကြသည်မှာ မြန်မာလူမျိုးတို့၏ ဟင်းလျာကောင်းတစ်ခွက်ဖြစ်ပါသည်။ ကြောင်လျှာပွင့်ကိုလည်း ပြုတ်ပြီး သုပ်စားခြင်း၊ ကြောင်လျှာပွင့်ကို ရေစိမ်ပြီး အခြားသီးနှံများဖြင့် ရော၍ ကြော်စားခြင်းများကိုလည်း သုံးဆောင်နိုင်ပါသည်။ ကြောင်လျှာသီး၊ အရွက်နှင့် အပွင့်တို့ကိုစားလျှင်လည်း နားလေး သက်သာစေပါသည်။ ၂၀၂၅ခုနှစ်၊ သြဂုတ်လ(ပထမပတ်)တွင် ဖြစ်ပေါ်နေသော ကြောင်လျှာသီးဈေးနှုန်းမှာ အကြီး(၁)တောင့်လျှင် ကျပ်(၅၀၀)နှင့် အသေး(၁)တောင့်လျှင် ကျပ်(၃၅၀)ဖြင့် ရောင်းချလျက်ရှိကြောင်း သိရှိရသည်။

DOCA(မကွေး)