ပြည်တွင်းကုန်သွယ်မှုသတင်း

       မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်တွင် အစေ့လွတ်နှင့် အစေ့ပါ မန်ကျည်းသီးမှည့်များ ဝင်ရောက်အရောင်းအဝယ်ဖြစ်လျက်ရှိပြီး အဓိကအားဖြင့် ယောနယ်ဒေသများနှင့် ကျောက်ပန်းတောင်းမြို့၊ ဆိပ်ဖြူမြို့၊ မြိုင်၊ ကမ္မနှင့် မြစ်ခြေမြို့များမှထွက်ရှိ၍ နေ့စဉ်ဝင်ရောက်အရောင်းအဝယ်ဖြစ်လျက်ရှိပါသည်။

         ၂၀၂၄ခုနှစ်၊ မေလ(ပထမပတ်)တွင် မန်ကျည်းသီးမှည့်ဈေးနှုန်းများမှာ မန်ကျည်းသီးအစေ့ပါ တစ်ပိဿာလျှင် ကျပ် (၂၇၁၀)၊ မန်ကျည်းသီး(အသစ်)အစေ့မပါ လက်ကားတစ်ပိဿာလျှင် ကျပ် (၅၀၀၀)၊ လက်လီတစ်ပိဿာလျှင် ကျပ် (၅၅၀၀)၊ မန်ကျည်းသီး(အဟောင်း)အစေ့မပါ လက်ကားတစ်ပိဿာလျှင်ကျပ် (၂၅၀၀)၊ လက်လီတစ်ပိဿာလျှင် ကျပ် (၃၀၀၀) ရှိကြောင်း၊ ယခင်ဧပြီလ (ပထမပတ်) ထက်ဈေးတက်၍ အရောင်းအဝယ်ဖြစ်လျက်ရှိကြောင်း၊ ပခုက္ကူမြိုု့တွင် မန်ကျည်းသီးမှည့်များ လှိုင်လှိုင်ဝင်ရောက်လျက်ရှိပြီး အစေ့ပါနှင့် အစေ့လွတ်မန်ကျည်းသားများကို ပခုက္ကူမြို့ပေါ်ရှိ စားသောက်ကုန်လုပ်ငန်းရှင်များနှင့် လှောင်လက်သမားများက ဝယ်ယူကြောင်း၊ အကြော်ဆိုင်၊ အကင်ဆိုင်များမှ မန်ကျည်းသီးအချဉ်ရည်များပြုလုပ်ရန်အတွက် ဝယ်ယူခြင်း၊ မန်ကျည်းဖျော်ရည်လုပ်ငန်းများနှင့် မန်ကျည်းတော်ဖီလုပ်ငန်းရှင်များကလည်း အများအပြားဝယ်ယူသည့်အပြင် ရန်ကုန်မြို့နှင့် မန္တလေးမြို့များသို့လည်း တင်ပို့လျက်ရှိပြီး ပူပြင်းသောနွေရာသီသို့ ရောက်ရှိသောကြောင့် ကျန်းမာရေးနှင့်ညီညွတ်သည့် မန်ကျည်းသီးမှည့်များကို ဝယ်ယူသုံးစွဲမှုများလျက်ရှိကြောင်း ဈေးကွက်မှသိရှိရပါသည်။

DOCA(မကွေး)

      စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့ “မြို့မဈေး”၌ ၂၀၂၄ခုနှစ်၊ မေလ ဒုတိယပတ်တွင် ရောင်းချနေသော ရေထွက်ကုန်ပစ္စည်းဈေးနှုန်းများမှာ ပုစွန်ခြောက်(အချို)ကြီး (၁)ပိဿာလျှင် ကျပ်(၅၉၀၀၀)၊ ငါးပုတ်သင်ခြောက် (အသေး)(၁)ပိဿာလျှင် ကျပ် (၁၁၅၀၀)၊ ငါးကြီးသားခြောက် (၁)ပိဿာလျှင် ကျပ်(၅၂၀၀၀)၊ မြီးဆံသွယ်ခြောက်(အချို) (၁)ပိဿာလျှင် ကျပ်(၁၁၅၀၀)၊ မြီးဆံသွယ်ခြောက်(အငန်) (၁)ပိဿာလျှင် ကျပ်(၉၀၀၀) ၊ ငါးနီတူခြောက် (၁)ပိဿာ လျှင် ကျပ် (၁၅၀၀၀)၊ လသာခြောက်(အချို) (၁)ပိဿာလျှင် ကျပ်(၁၃၅၀၀)၊ ငါးရောင်ခြောက် (၁)ပိဿာလျှင် ကျပ်(၂၄၅၀၀)၊ ပလာတူးခြောက်(အချို) (၁)ပိဿာလျှင် ကျပ် (၁၃၀၀၀)၊ ငါးရံ့လုံးခြောက် (၁)ပိဿာလျှင် ကျပ်(၁၇၀၀၀)နှင့် အသားမျှင်ခြောက် (၁)ပိဿာလျှင် ကျပ်(၂၈၀၀၀)ဖြင့် အရောင်းအဝယ်ဖြစ်လျက်ရှိရာ ပထမပတ်နှင့်နှိုင်းယှဉ်လျှင် ဈေးနှုန်းအနည်းငယ်မြင့်တက်လျက်ရှိကြောင်း ငါးခြောက်ရောင်းချသည့် လုပ်ငန်းရှင်ထံမှသိရှိရပါသည်။

DOCA(စစ်ကိုင်း)

      စစ်ကိုင်းတိုင်းဒေသကြီး၊ ကန့်ဘလူခရိုင်သည် စိုက်ပျိုးရေးလုပ်ငန်းများကို အဓိကအားထားလုပ်ကိုင်သော ဒေသတစ်ခုဖြစ်ပြီး သီးနှံစိုက်ပျိုးရာတွင် အထွက်နှုန်းများပိုမိုကောင်းမွန်စေရေးအတွက် စိုက်ပျိုးရေးသုံးဓာတ်မြေဩဇာနှင့် ပိုးသတ်ဆေးများကို စိုက်ပျိုးသူတောင်သူများ ဝယ်ယူအသုံးပြုလျက်ရှိကြောင်းသိရှိရပါသည်။

       ကန့်ဘလူခရိုင်အတွင်းရှိ စိုက်ပျိုးရေးသုံးဓာတ်မြေဩဇာနှင့် ပိုးသတ်ဆေးများ၏ မေလ ပထမပတ်အတွင်းဖြစ်ပေါ်ခဲ့သော ဈေးနှုန်းများမှာ ပန်းဖူး(50)kg တစ်အိတ်လျှင် (၈၉၀၀၀)ကျပ်၊ မြှားကမ္ဘာ(50)kg တစ်အိတ်လျှင် (၈၅၀၀၀)ကျပ်၊ အာမို(ကွန်ပေါင်း)(10:10:5) (50)kg တစ်အိတ်လျှင် (၇၉၀၀၀)ကျပ်၊ အာမို (ကွန်ပေါင်း) (15:15:15) (50)kg တစ်အိတ်လျှင် (၁၆၅၀၀၀)ကျပ်၊ ပိုတက် (50)kg တစ်အိတ်လျှင် (၁၂၂၀၀၀)ကျပ်နှင့် ရွှေတောနစ် (၅၀၀)စီစီတစ်ဘူးလျှင် (၁၃၀၀၀)ကျပ်၊ မိုရယ်လ်မုန်း (၅၀၀)စီစီတစ်ဘူးလျှင် (၂၈၅၀၀) ကျပ်၊ ဟတ်ကာ (၅၀၀)စီစီတစ်ဘူးလျှင် (၂၅၅၀၀)ကျပ်ဖြင့် ရောင်းချလျက်ရှိကြောင်း စိုက်ပျိုးရေးသုံးဆေးနှင့် ဆေးပစ္စည်းရောင်းချသည့် လုပ်ငန်းရှင်ထံမှသိရှိရပါသည်။

DOCA(စစ်ကိုင်း)

    အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့ မေလ(၁)ရက်နေ့မှ မေလ (၇)ရက်အတွင်း ညောင်တုန်း၊ မှော်ဘီ၊သာရဝေါ၊ ညောင်နှစ်ပင်ကျေးရွာ၊ ကြာကန်စု ကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချနေကြောင်း သိရှိရပါသည်။ ထိုသို့ ဝင်ရောက်ရာတွင် ယခုရက်သတ္တပတ်အတွင်း ခရမ်းချဉ်သီးထိုင်ဝမ်(ပိဿာ)ကျပ် ၁၂၀၀ မှ ၂၀၀၀ အတွင်း၊ ဂေါ်ဖီထုပ်(တစ်ထုပ်)ကျပ် ၅၀၀ မှ ၁၅၀၀ အတွင်း၊ ပန်းဂေါ်ဖီ(ထုပ်)ကျပ် ၆၀၀ မှ ၁၈၀၀ အတွင်း၊ အာလူး(ပိဿာ)ကျပ် ၁၃၀၀ မှ ၂၀၀၀ အတွင်း၊ မုန့်လာဥနီ(ပိဿာ) ကျပ် ၁၅၀၀ မှ ၂၀၀၀ အတွင်း ရွှေဖရုံသီး(လုံး)ကျပ် ၉၀၀ မှ ၂၀၀၀ အတွင်း၊ ဗူးသီး(လုံး) ကျပ် ၁၅၀၀ မှ ၃၀၀၀ အတွင်း၊ မုန်ညှင်း(ထုပ်)(ပိဿာ)ကျပ် ၃၅၀၀ မှ ၄၅၀၀ အတွင်း၊ ကြက်သွန်နီ(ဆိပ်ဖြူ)ကျပ် ၁၆၀၀ မှ ၂၆၀၀ အတွင်း၊ ကြက်သွန်ဖြူ(ရှမ်း)(ပိဿာ)ကျပ် ၇၀၀၀ မှ ၈၀၀၀ အတွင်း၊ ကြက်သွန်ဖြူ (ကြူကုတ်) (ပိဿာ) ကျပ် ၁၂၀၀၀ မှ ၁၂၈၀၀ အတွင်း၊ ချင်း(ပိဿာ)ကျပ် ၈၅၀၀ မှ ၉၀၀၀ အတွင်း၊ ဆလပ်ရွက် (စည်း) ကျပ် ၁၅၀ မှ ၄၀၀ အတွင်း၊ ချဉ်ပေါင်ရွက်(စည်း) ကျပ် ၈၀ မှ ၁၂၀ အတွင်း၊ ခရမ်းသီး  (ရှည်) (ပိဿာ)ကျပ် ၁၀၀၀ မှ ၂၂၀၀ အတွင်း၊ သံပရာသီး(လုံး)ကျပ် ၅၀ မှ ၃၀၀ အတွင်း၊ ငရုတ်သီးစိမ်း (ကျောက်စိမ်း) (ပိဿာ)ကျပ် ၁၄၀၀ မှ ၁၆၀၀ အတွင်း၊ ဖရဲသီး (အကြီး၊ အလတ်၊ အသေး)ကျပ် ၃၅၀၀ မှ ၆၅၀၀ အတွင်းဖြစ်ကြောင်း သိရှိရပါသည်။ တညင်းကုန်းလက်ကားဈေးကြီး အတွင်းသို့ ယခုရက်သတ္တပတ်အတွင်း သံပုရာသီးအလုံးပေါင်း (၁၃၈၅၃၀၀)ကျော်၊ ခရမ်းသီး(ရှည်) (ပိဿာ) (၂၅၁၉၀)ကျော်၊ ဗူးသီးအလုံးပေါင်း (၁၄၄၈၀) ကျော်၊ ရွှေဖရုံသီးအလုံးပေါင်း(၆၇၄၂)ကျော်၊ ဂေါ်ဖီ ထုပ်ပေါင်း (၄၆၉၇၀)ကျော်၊ ပန်းဂေါ်ဖီထုပ်ပေါင်း (၃၀၇၈၅)ကျော်၊ မုန်ညှင်းထုပ်(ပိဿာ) ပေါင်း(၁၂၉၃၀)ကျော်၊ ဖရဲသီးလုံးပေါင်း (၃၂၃၀၀) ကျော် အသီးသီးကုန်အဝင်ရှိကြောင်း သိရပါသည်။

DOCA(ရန်ကုန်)

     ၆.၅.၂၀၂၄ ရက်နေ့၊ ဘုရင့်နောင်ကုန်စည်ဒိုင်တွင် ဖြစ်ပေါ်ခဲ့သော ရေထွက်ကုန်ပစ္စည်းများ၏ တစ်ပိဿာ ဈေးနှုန်းများမှာ ဖျာပုံရွှေပုဇွန်ရှယ် အနိမ့်ဆုံးဈေးမှာကျပ် ၈၅၀၀၀ မှ အမြင့်ဆုံးဈေးမှာ ကျပ် ၁၀၀၀၀ ၊ ဖျာပုံရွှေပုဇွန်ရိုးရိုးကျပ် ၇၀၀၀၀မှ  ကျပ် ၇၅၀၀၀၊ ဖျာပုံချိုကြီးရှယ် ကျပ် ၆၀၀၀၀ မှ ကျပ် ၇၀၀၀၀၊ ဖျာပုံချို သေးရှယ်ကျပ် ၄၀၀၀၀မှ ကျပ် ၅၀၀၀၀၊ ဖျာပုံချိုသေးရိုးရိုးကျပ် ၂၅၀၀၀ မှကျပ် ၃၅၀၀၀ ၊ ရခိုင်ရွှေပုဇွန်ရှယ်မှာ ကျပ် ၇၀၀၀၀ မှ ကျပ် ၈၀၀၀၀ ၊ ရခိုင်ရွှေပုဇွန်ရိုးရိုးကျပ် ၅၀၀၀၀ မှ ကျပ် ၆၀၀၀၀ ၊ငါးကျီးကြပ်တိုက်ကြီး  အနိမ့်ဆုံး ကျပ် ၇၀၀၀၀ မှ ကျပ် ၇၅၀၀၀ ၊ ငါးကျီးကြပ်တိုက်သေး  အနိမ့်ဆုံး ကျပ် ၄၅၀၀၀ မှ ကျပ် ၅၀၀၀၀၊ ငါးမြွေထိုးကျပ် ၃၅၀၀၀ မှ ကျပ် ၄၀၀၀၀၊ ငါးရံ့ခြောက်ကြီး ကျပ် ၆၅၀၀၀ မှ ကျပ် ၇၀၀၀၀၊ ငါးရံ့ခြောက်လတ်ကျပ် ၄၅၀၀၀ မှ ကျပ် ၅၅၀၀၀၊ ငါးရံ့လုံး ကျပ် ၃၅၀၀၀ မှ ကျပ် ၄၀၀၀၀၊ ကလိန် ကျပ် ၉၅၀၀ မှ ကျပ် ၁၀၀၀၀ ၊ ငါးကွမ်းရှပ်ကျပ် ၃၀၀၀၀ မှ ကျပ် ၃၅၀၀၀၊ ငါးတံခွန်မျှင်ကြီးကျပ် ၁၀၀၀၀ မှ ကျပ် ၁၅၀၀၀၊ ငါးနှပ်ချို ကျပ် ၂၅၀၀၀ မှကျပ် ၃၀၀၀၀ ၊ ငါးပုပ်သင် တစ်ပိဿာကျပ် ၂၀၀၀၀ မှ ကျပ် ၂၅၀၀၀၊ ငါးရောင်ကြီး ကျပ် ၃၅၀၀၀မှ ကျပ် ၄၅၀၀၀ ၊ငါးရောင်လတ် ကျပ် ၂၅၀၀၀မှ ကျပ်၃၅၀၀၀ ၊ ဆီငါးရောင် ကျပ် ၃၅၀၀၀ မှ ကျပ် ၄၀၀၀၀ ၊ ငါးရွှေသေး ကျပ် ၁၅၀၀၀ မှ ကျပ် ၂၀၀၀၀၊ ငါးမီးတံသွယ် ကျပ် ၄၀၀၀ မှ ကျပ် ၄၅၀၀၊ ငါးဘူးစိ ကျပ် ၇၀၀၀ မှ ကျပ် ၈၀၀၀ ဈေးတို့ အသီးသီးရှိကြကြောင်း ကုန်စည်ဒိုင်မှ စုံစမ်းသိရှိရပါသည်။

DOCA(ရန်ကုန်)