ပြည်တွင်းကုန်သွယ်မှုသတင်း

     ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ်တွင် အိမ်ရှင်မများ ချက်ပြုတ်ရာ မီးဖိုချောင် အသုံးပြုသည့် လောင်စာများဖြစ်သည့် ထင်း၊ မီးသွေး ၊ လွှစာများကို  စိုစွတ် သည့်မိုးရာသီတွင်  အသုံးပြုလုပ်ရန် အတွက် ယခုလိုခြောက်သွေ့ရာသီတွင်   ဝယ်ယူ စုဆောင်း  ကြောင်းသိရပါသည်။

    ယခု မတ်လစတုတ္တပတ်တွင် နတ်တလင်းမြို့နယ် လောင်စာဈေးကွက်အတွင်း မကျည်းသား   မီးသွေး တစ်တင်းခွဲဝင် တစ်အိတ် (၁၆၀၀၀)ကျပ်၊ မကျည်သား နံပြား တစ်တင်းခွဲဝင် တစ်အိတ် (၈၀၀၀) ကျပ်၊ အင်သားထင်း ၇ချောင်းခန့်ပါ တစ်စီးလျှင် (၈၀၀)ကျပ်၊ လွှစာ တစ်တင်းခွဲဝင် တစ်အိတ် (၁၀၀၀) ကျပ်၊ မကျည်းသား ခွဲခြမ်း တစ်ချောင်း (၂၀၀)ကျပ် နှုန်း၊ ဂတ်စ် တစ်ပိဿာ (၁၀၀၀၀)ကျပ်ဖြင့် ရောင်းချလျက်ရှိကြောင်းသိရပါသည်။

DOCA(ပဲခူး)

     ဧရာဝတီတိုင်းဒေသကြီး၊ ညောင်တုန်းမြို့နယ်အတွင်းရှိ စျေးများတွင် ၂၀၂၅ခုနှစ် ၊ မေလ ပထမပတ်အတွင်း ရောင်းချလျက်ရှိသော အခြေခံစားသောက်ကုန်စျေးနှုန်းများမှာ ပေါ်ဆန်းမွှေး(၁)ပြည်(၅၀၀၀/-)ကျပ်၊ (၂၄)ပြည်တစ်အိတ် (၁၂၀၀၀၀/-)ကျပ်၊ ဆင်းသုခ (၁)ပြည်(၃၂၅၀/-)ကျပ်၊(၂၄)ပြည်တစ်အိတ်(၇၈၀၀၀/-)ကျပ်၊ ရက်(၉၀)(၁)ပြည် (၃၇၅၀/-) ကျပ်၊(၂၄)ပြည်တစ်အိတ်(၉၀၀၀၀/-)ကျပ် ၊ ဖြင့်အရောင်းအဝယ် ဖြစ်လျက်ရှိပါ သည်။

   ဆီစျေးနှုန်းများအနေဖြင့် ပဲဆီ(၁)ပိဿာ(၂၅၀၀၀/-)ကျပ်၊နှမ်းဆီ(၁)ပိဿာ(၂၅၀၀၀/-)ကျပ်နှင့် စားအုန်းဆီ(၁)ပိဿာ (၇၂၂၀/-)ကျပ်စျေးနှုန်းများဖြင့် ရောင်းချနေပြီး စားဖိုဆောင်သုံးသီးနှံအဖြစ် ငရုတ်ခြောက် (၁)ပိဿာ (၁၀၀၀၀)ကျပ်၊ ငရုတ်ပုခြောင် (၁)ပိဿာ (၁၉၀၀၀/-)ကျပ်၊ ကြက်သွန်နီအလတ် (၁)ပိဿာ (၂၂၀၀/-)ကျပ်၊ ကြက်သွန်ဖြူကြူကုတ်(၁)ပိဿာ (၁၆၀၀၀/-)ကျပ်၊  (ကြက်သွန်ဖြူ(ရှမ်းစ) (၁)ပိဿာ (၁၂၀၀၀/-) ကျပ် ၊ အာလူးအလတ်စား (၁)ပိဿာ(၄၅၀၀/-)ကျပ်၊ ဗမာကြက် (၁)ပိဿာ (၃၀၀၀၀/-) စီဘီကြက် (၁)ပိဿာ (၂၂၀၀၀/-)ကျပ်၊ ဝက်သား ၃ထပ်သား (၁)ပိဿာ (၂၃၄၀၀/-)ကျပ်၊ ဘဲသားအခြန်း (၁)ပိဿာ (၂၀၀၀၀/-)ကျပ်၊ အမဲသား (၁)ပိဿာ (၁၉၈၀၀/-)ကျပ်၊ ဆိတ်သား (၁)ပိဿာ (၂၉၈၀၀/-)ကျပ်၊ ကျော့ပုစွန်(၁)ပိဿာ (၄၀၀၀၀/-)ကျပ်၊ ရေချိုငါးခူ (၁)ပိဿာ (၁၆၀၀၀/-)၊ ငါးကြင်းခုတ်သား (၁)ပိဿာ (၁၅၀၀၀/-)ကျပ်၊ ငါးမြစ်ခြင်း (၁)ပိဿာ (၈၀၀၀)ကျပ်၊ ငါးရံ့ (၁)ပိဿာ (၁၅၀၀၀/-)ကျပ်၊ ကြက်ဥ (၄၅၀)၊ ဘဲဥ (၅၀၀)၊ ဆား(၁)ပိဿာ (၆၀၀/-)ကျပ်၊ ကုလားပဲ (၁)ပိဿာ (၅၉၀၀/-) ကျပ်စျေးနှုန်းများဖြင့် အရောင်းအဝယ်ဖြစ် လျက်ရှိပါသည်။

          အခြေခံစားသောက်ကုန်စျေးနှုန်းများမှာ ယခင် ဧပြီလ ပထမပတ်နှင့်နှိုင်းယှဉ်ပါက  ကုန်စျေးနှုန်းများမှာတည်ငြိမ်နေပြီး ပုံမှန် အရောင်းအဝယ်ဖြစ်လျက်ရှိပါသည်။

DOCA(ဧရာဝတီ)

          မြင်းခြံမြို့သည် မြန်မာနိုင်ငံအလယ်ပိုင်းတွင်တည်ရှိကာ အချက်အချာကျသောမြို့တစ်မြို့ ဖြစ်ပြီး အရောင်းအဝယ်လုပ်ငန်း၊ စိုက်ပျိုးရေးလုပ်ငန်းဖြင့်ဖွံဖြိုးတိုးတက်သောမြို့တစ်မြို့ဖြစ်ပါသည်။ ရာသီအလိုက် သီးနှံမျိုးစုံ စိုက်ပျိုးလျက်ရှိရာ ငရုတ်စိုက်ပျိုးမှုမှာလည်း စိုက်ဧက(၁၄၇၄) ဧကရှိကြောင်း စိုက်ပျိုးရေးဦးစီးဌာနစာရင်းအရသိရှိရသည်။ ငရုတ်သီးမှာ မြန်မာ့ဟင်းလျာ များချက်ပြုတ် စားသောက်ရာတွင် ထမင်းမြိန်စေရန်နှင့် အရောင်းအဆင်းရရှိရန်အတွက် မပါမဖြစ် စားကုန်တစ်မျိုးဖြစ်၍ စားသုံးမှုများပါသည်။ မြင်းခြံမြို့ အေးမြသီတာဈေး၊ မြို့မစည်ပင်သာယာ ဈေးတို့တွင် ၂၀၂၅ ခုနှစ် ဧပြီလနောက်ဆုံးအပတ်တွင် ဖြစ်ပေါ်နေသော ငရုတ်သီးခြောက် ဈေးနှုန်းများမှာ ငရုတ်သီးခြောက် ( အရှည်) တစ်ပိဿာလျှင် ( ၁၅၀၀၀) ကျပ်၊ ကျွန်းပု (ခေါ်) ငရုတ်ပွသေး တစ်ပိဿာလျှင် (၁၅၀၀၀)ကျပ်နှင့် ငရုတ်ပွသေး (အလတ်စား)တစ်ပိဿာလျှင် (၁၂၀၀၀)ကျပ်၊ ငရုတ်သီးကြမ်းမှုန့်တစ်ပိဿာလျှင် (၂၀၀၀၀)ကျပ်ဖြင့် ရောင်းချလျှက်ရှိကြောင်း၊ ဈေးကွက်အတွင်းရောင်းချနေသော ငရုတ်သီးခြောက်များမှာ ဒေသတွင်း ထွက်ရှိမှုများနှင့် ကျောက်ဆည်မြို့၊ မန္တလေးမြို့တို့မှလည်း ဝယ်ယူရောင်းချမှုရှိကြောင်းသိရသည်။

DOCA(မန္တလေး)

         မန္တလေးစျေးကွက်အတွင်းပဲကြီးသီးနှံမှာ (အစို/အခြောက်)အရောင်းသွက်သည့် ပဲတစ်မျိုး ဖြစ်ကြောင်းသိရပါတယ်။ မန္တလေးတိုင်းဒေသကြီးသည် ပဲသီးနှံမျိုးစုံစိုက်ပျိုးမှုများပြားသည့် တိုင်း တစ်ခုဖြစ်ပြီး၊ ၂၀၂၄-၂၀၂၅ ခုနှစ်တွင် ပဲကြီးသီးနှံအပါအဝင် ပဲမျိုးစုံစိုက်ပျိုးမှု (၁၀၁၉၄၇၇) ဧက ဖြစ်ကြောင်းသိရပါတယ်။စျေးကွက်အတွင်းသို့ ပြင်ဦးလွင်ခရိုင်၊ကျောက်ဆည်ခရိုင်နှင့် မြင်းခြံခရိုင် တို့မှထွက်သည့်ပဲကြီးသီးနှံများအပြင် စစ်ကိုင်းတိုင်းဒေသကြီးနှင့် မကွေးတိုင်းဒေသကြီးတို့မှ ဝင် ရောက်ကြောင်း သိရပါတယ်။ မန္တလေးပွဲစား၊ကုန်သည်၊ စက်ပိုင်များမဟာ ကထိန်တော်အသင်း တွင် ၂၀၂၅ခုနှစ်မေလပထမပတ်အတွင်း ဖြစ်ပေါ်လျက်ရှိသောပေါက်စျေးမှာ၃တင်းဝင် တစ်အိတ် လျှင် ပဲကြီး(ကြီး)၂၇၀၀၀၀ကျပ်နှင့်၂၇၅၀၀၀ကျပ်၊ပဲကြီး(လတ်) ၂၅၀၀၀၀ကျပ်နှင့် ၂၆၀၀၀၀ ကျပ်၊ ပဲကြီး(သေး) ၂၂၀၀၀၀ ကျပ်နှင့် ၂၃၀၀၀၀ကျပ်၊ တစ်ပိဿာပေါက်စျေးမှာပဲကြီး(ကြီး) ၄၈၈၇ကျပ် နှင့် ၄၉၇၇ကျပ်၊ ပဲကြီး(လတ်) ၄၅၂၅ကျပ်နှင့် ၄၇၀၆ကျပ်၊ ပဲကြီး(သေး) ၃၉၈၂ကျပ်နှင့် ၄၁၆၃ကျပ် ဖြစ်ကြောင်း သိရပါတယ်။ယခင်နှစ်ကာလတူအချိန်တွင် တစ်ပိဿာပေါက်စျေးမှာ ပဲကြီး(သေး) ၄၆၁၅ကျပ်နှင့်၄၇၀၆ကျပ် စျေးဖြစ်ပေါ်ခဲ့ပြီး၊ ယခုပေါက် စျေးနှင့်ယခင်နှစ်ပေါက်စျေးနှိုင်းယှဉ်ပါက ပဲကြီးစျေးအနည်းငယ်လျော့နည်းသွားကြောင်း သိရပါ တယ်။   ပဲကြီးသီးနှံဝင်ရောက်မှုပမာဏ ပေါ်မူတည်၍ ရက်အလိုက်ပေါက်စျေးအနည်းငယ်ပြောင်းလဲ မှုရှိကြောင်းသိရပါတယ်။ ပြည်တွင်း ၌ ပဲကြီးမှာ စားသုံးမှုပမာဏများပြားပြီး စျေးကွက်အတွင်းအရောင်းသွက်လျက်ရှိကြောင်း သိရပါတယ်။

DOCA(မန္တလေး)

     ရွှေတောင်မြို့နယ်၊ ဆည်ကြီးကုန်းအုပ်စု၊ နေကျော်တန်းရှိ တောင်သူ ဦးကုလား၏ ပြောင်းဖူးစိုက်ခင်းသို့ (၃.၄.၂၀၂၅)ရက်နေ့၊ နံနက်(၁၀:၀၀)နာရီတွင် သွားရောက်ကွင်းဆင်း လေ့လာခဲ့ပါသည်။ စိုက်ပျိုးသော ပြောင်းဖူးမျိုးမှာ (၇၀၂)တံဆိပ် ၁ထုပ်ကို (၄၈၀၀၀)ကျပ် ပေး၍ဝယ်ယူ စိုက်ပျိုးရပါသည်။ ပြောင်းဖူးပင်စိုက်ပျိုးပြီး (၂)လအကြာတွင် ပြောင်းဖူးများ ခုတ်ယူရောင်းချ၍ရပါသည်။ ပြောင်းခင်းတစ်ခင်း၏ ကုန်ကျစရိတ်မှာ (၅၀၀၀၀၀)ကျပ်ကုန်ကျပြီး၊ ပြောင်းဖူးများထွက်ပေါ်ချိန်တွင်  အခင်းသို့လာရောက်ပြီး အကြီး/အသေး (၁)ဖူးကို (၅၀၀)ကျပ်ဖြင့် လာရောက်သိမ်းယူပါသည်။ ပြောင်းဖူး ထွက်ပေါ်ချိန်မှ တုန်းချိန်အထိ အဖူးရေ ၁၈၀၀ခန့် ခူးဆွက်ရောင်းချရပြီး ဝင်ငွေအနေဖြင့် (၉)သိန်းကျပ်ရရှိပြီး၊ တောင်သူအကျိုးအမြတ်အနေဖြင့် (၄)သိန်းကျပ်ခန့် ရရှိသည်ဟု သိရပါသည်။ ဈေးများတွင်ရောင်းချသော လက်လီဈေးမှာ (၁)ဖူးကို (၇၀၀)ကျပ်ဖြင့် ရောင်းရပြီး တစ်ဖူးလျှင် သယ်ယူခနှင့်အထွေထွေကုန်ကျစရိတ်နှုတ်လိုက်လျှင် တစ်ဖူးလျှင် လက်လီရောင်းချသူ၏ အကျိုးအမြတ်မှာ (၁၀၀-၁၅၀)ခန့် ရရှိနိုင်သည်ဟု ခန့်မှန်း သိရှိရပါသည်။ ဈေးကွက်အနေဖြင့် ပြောင်းဖူးများကို ရန်ကုန်မြို့နှင့် နယ်မြို့များသို့ တင်ပို့ ရောင်းချကြောင်း သိရပါသည်။ ပြောင်းဖူးများဈေးကောင်း ရရှိသောကြောင့် အမြတ်များ များရရှိသည်ဟု သိရပါသည်။

DOCA(ပဲခူး)