ပြည်တွင်းကုန်သွယ်မှုသတင်း

     မန္တလေးတိုင်းဒေသကြီး ၊မိတ္ထီလာမြို့နယ်အတွင်းရှိ ကျေးရွာများတွင်  လယ်ယာစိုက်ပျိုးရေး လုပ်ငန်းများကိုအဓိကလုပ်ကိုင်ကြပြီး သီးနှံမျိုးစုံစိုက်ပျိုးလျက်ရှိရာမှ ဆီထွက်သီးနှံတစ်မျိုးဖြစ်သည့် နှမ်းသီးနှံများကိုစိုက်ပျိုးကြကြောင်း၊ မိတ္ထီလာမြို့နယ်တွင် မိုးနှမ်း စိုက်ဧက( ၁၈၆၇၅)ဧက စိုက်ပျိုး နိုင်ခဲ့ကြောင်း စိုက်ပျိုးရေးဦီးစီးဌာနစာရင်းအရ သိရှိရပါသည်။

          မိုးနှမ်းကို မေလဆန်းပိုင်းတွင် စိုက်ပျိုးကြပြီး ဇူလိုင်လတတိယပတ် မိုးနှမ်းများ စတင်ရိတ်သိမ်း ကြကြောင်း၊ မိုးနှမ်းကို သီးသန့်စိုက်ပျိုးခြင်း၊ ပဲသီစိမ်း၊ ပဲစင်းငုံတို့နှင့်သီးထပ်သီးညှပ်အဖြစ်လည်း စိုက်ပျိုးကြကြောင်း၊ ကုန်ကျစရိတ်အနေဖြင့် မျိုး၊ မြေပြုပြင်ခ၊ သွင်းအားစု၊ လုပ်သားခ အပါအဝင် တစ်ဧကစုစုပေါင်း ငွေကျပ်နှစ်သိန်းကျော်ကုန်ကျကြောင်း၊  ယခုနှစ်အထွက်နှုန်းမှာ တစ်ဧကလျှင်(၅) တင်းခန့်ထွက်ရှိခဲ့ကြောင်းနှမ်းစိုက်တောင်သူများထံမှသိရပါသည်။

    မိတ္ထီလာမြို့ပေါ်ရှိသီးနှံပွဲရုံများတွင် နေ့စဉ် မိုးနှမ်းအိတ်(၅၀၀)မှ(၁၀၀၀) အထိဝင်ရောက် လျက်ရှိပြီး အရောင်းအဝယ်ဖြစ်လျက်ရှိကြောင်း၊ ယခုဩဂုတ်လပထမပတ်တွင် နှမ်းညိုတစ်တင်း လျှင်(၈၀၀၀၀-၈၄၀၀၀)ကျပ်၊နှမ်းဖြူတစ်တင်းလျှင်( ၈၈၀၀၀ )ကျပ် ဖြင့်အရောင်းအဝယ် ဖြစ်လျက်ရှိ ကြောင်း၊ ယခင်လနှင့်ကာလတူနှိုင်းယှဉ်လျှင် နှမ်းညိုတစ်တင်းလျှင်(၁၂၀၀၀-၁၃၀၀၀)ကျပ်၊ နှမ်းဖြူ တစ်တင်းလျှင်(၁၀၀၀၀)ကျပ်ခန့် ဈေးနှုန်းကျဆင်းလာကြောင်း ဈေးနှုန်းကျဆင်းလာရခြင်းမှာ ဈေးကွက် အတွင်း မိုးနှမ်းများလှိုင်လှိုင်ပေါ်လာခြင်းကြောင့်ဖြစ်ကြောင်း၊ ဈေးကွက်အနေဖြင့် ဒေသတွင်းဆီကြိတ် စက်များအပြင်မန္တလေးမြို့သို့အဓိကတင်ပို့ရောင်းချကြကြောင်းသိရပါသည်။

DOCA (မန္တလေး)

     စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် ရာသီပေါ်သီးနှံများကို စိုက်ပျိုး ရောင်းချလျက်ရှိရာ ယခုအခါ ကြက်ဟင်းခါးပင်နှင့်ခဆော့ပင်များကို  နေအိမ်ခြံဝင်းများတွင်လည်း ကောင်း၊ယာတော၊ လယ်တောများတွင်လည်းကောင်း တစ်နိုင်တစ်ပိုင်စိုက်ပျိုး၍ ရောင်းချလျက်ရှိ ကြောင်းသိရသည်။  

     ၂၀၂၅ခုနှစ်၊ဩဂုတ်လ ပထမပတ်အတွင်း ကန့်ဘလူမြို့မဈေးတွင် ကုန်စိမ်းရောင်းချသူ တစ်ဦး၏ပြောပြချက်အရ ကြက်ဟင်းခါးသီးနှင့် ခဆော့သီးများကို ကန့်ဘလူမြို့ပေါ်နှင့်နတ်ပေး ကျေးရွာ၊ ကာဘိုးကျေးရွာများမှ ဝယ်ယူရောင်းချလျက်ရှိကြောင်း၊ ကြက်ဟင်းခါးသီးဈေးနှုန်းများမှာ ကြက်ဟင်းခါးသီး (၂၅)ကျပ်သားလျှင် (၁၀၀၀)ကျပ်၊ (၅၀)ကျပ်သားလျှင် (၂၀၀၀)ကျပ်၊ (၁)ပိဿာ လျှင်(၄၀၀၀)ကျပ်နှင့် ခဆော့သီး(၁)ပြည်လျှင် (၃၈၀၀)ကျပ်၊(၁)ဘူးလျှင် (၅၀၀)ကျပ်ဖြင့် ရောင်းချ လျက်ရှိကြောင်း သတင်းရရှိပါသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ ကန့်ဘလူမြို့ “မြို့မဈေး”သည် နေ့စဉ်ဈေးရောင်းသူများ၊ ဈေးဝယ် သူများနှင့်စည်ကားလျက်ရှိပြီး ရာသီပေါ်သီးနှံများ၊ ဒေသထွက်ကုန်များအပြင် အခြားဒေသမှဝင် ရောက်သည့် လူသုံးကုန်နှင့် စားသောက်ကုန်ပစ္စည်းများကို ရောင်းချပေးလျက်ရှိကြောင်း ၊ ယခုအခါ ဒေသထွက်ရွှေဖရုံသီးနှင့် ခရမ်းကြွပ်သီးများ ရောင်းချလျက်ရှိကြောင်း သိရသည်။

     ရွှေဖရုံသီးနှင့် ကြက်ဟင်းခါးသီးများကို ကန့်ဘလူမြို့ပေါ်ရပ်ကွက်နှင့် ကန့်ဘလူမြို့နယ် နတ်ပေးကျေးရွာနှင့် အခြားသောကျေးရွာများမှ ထွက်ရှိကြောင်း၊ ၂၀၂၅ခုနှစ်၊ ဩဂုတ်လ ပထမ ပတ်အတွင်း ကန့်ဘလူမြို့မဈေးတွင်ရောင်းချနေသည့် ရွှေဖရုံသီးဈေးနှုန်းများမှာ  ရွှေဖရုံသီးအလုံး ကြီး(၁)လုံးလျှင် (၃၅၀၀)ကျပ်၊ အလုံးသေး(၁)လုံးလျှင် (၂၅၀၀)ကျပ်၊ ရွှေဖရုံသီးစိတ်(၁)စိတ်လျှင် (၁၀၀၀)ကျပ်နှင့် ခရမ်းကြွပ်သီး(၁)ပိဿာလျှင်(၃၈၀၀)ကျပ်၊ (၂၅)ကျပ်သားလျှင် (၁၀၀၀)ကျပ်ဖြင့် ရောင်းချလျက်ကြောင်း ကုန်စိမ်းရောင်းချသည့် လုပ်ငန်းရှင်များထံမှ သတင်းရရှိသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ ကန့်ဘလူမြို့ “မြို့မဈေး”သည် နေ့စဉ်ဈေးရောင်းသူများ၊ ဈေးဝယ် သူများနှင့်စည်ကားလျက်ရှိပြီး ရာသီပေါ်သီးနှံများ၊ ဒေသထွက်ကုန်များအပြင် အခြားဒေသမှဝင် ရောက်သည့် လူသုံးကုန်နှင့် စားသောက်ကုန်ပစ္စည်းများကို ရောင်းချပေးလျက်ရှိကြောင်း ၊ ယခုအခါ ဒေသထွက်ပဲတောင့်ရှည်သီးများရောင်းချလျက်ရှိကြောင်း သိရသည်။

      ပဲတောင့်ရှည်သီးနှင့်ကြောင်လျှာသီးများကို ကန့်ဘလူမြို့ပေါ်ရပ်ကွက်နှင့် ကန့်ဘလူမြို့နယ် နတ်ပေးကျေးရွာနှင့် အခြားသောကျေးရွာများမှထွက်ရှိကြောင်း၊ ၂၀၂၅ခုနှစ်၊ ဩဂုတ်လ ပထမပတ် အတွင်း ကန့်ဘလူမြို့မဈေးတွင် ရောင်းချနေသည့် ပဲတောင့်ရှည်သီးဈေးနှုန်းများမှာ ပဲတောင့်ရှည် (၅)တောင့်ပါ(၁)စည်းလျှင်(၅၀၀)ကျပ်၊ ပဲတောင့်ရှည်(၅)တောင့်ပါ(၅)စည်းလျှင် (၂၅၀၀)ကျပ်၊ပဲ တောင့်ရှည်(၁၀) စည်းပါ ( ၁ ) ထုံးလျှင်(၅၀၀၀)ကျပ်ဖြင့် ရောင်းချကြောင်း ကုန်စိမ်းရောင်းချသည့် လုပ်ငန်းရှင် များထံမှ သတင်းရရှိသည်။

DOCA(စစ်ကိုင်း)

 ‌     ဆေးနည်းပေါင်းစုံ ကျန်းမာရေးဗဟုသုတ ဖော်ပြချက်သီရှိရခြင်းဖြစ်ပါသည်။ သစ်ပင်လိမ္မာ ကျွမ်းကျင် ပညာရှင်၏ အဆိုရ  မအိုမနာမသေချင်လျှင် မအိုမနာမသေသော ဆေးပင်ကို သုံးစွဲရမည်ဟု ဆိုသည်။ ယင်းဆေးပင်များမှာ အုန်းနှဲ့ပင်၊ ငုပင်နှင့် ဆင်တုံးမနွယ်ပင်တို့ဖြစ်သည်။အုန်းနှဲ့ပင်၏ အခေါက်ကို နေလှန်းအတုံး ကလေးများတုံး၍ ကွမ်းယာ၊ဆေးလိပ်တို့တွင်ထည့်သုံးကြသည်ကို ငယ်ငယ်ကမြင်ဖူးကြမည် သည့်ကြမည်ထင်ပါသည်။ ရှေးလူကြီးများအဆိုအရ  အုန်းနှဲ့ပင်ရှိရာ အနီးအနားတွင်  ရေတွင်းတူက ရေချိုထွက်သည်ဟူ၍ ဆုံးမကြားဖူးနားဝရှိခဲ့ဖူးပါသည်။ အုန်းနှဲ့ပင်သည် (၁၂)ရာသီလုံးရင့်ရော် အိုမင်းအရွက်ကြွေခြင်းမရှိသည့် အပင်မျိုးဖြစ်သည်။ ထိုကြောင့် အုန်းနှဲ့ပင်ကို မအိုသောအပင်ဟုခေါ်သည်။ ငုပင်သည် မနာသောအပင်ဖြစ်သည်။ငုပင်၏ အခေါက်ကိုခွာယူလျှင် ၎င်းငုပင်သည်နွမ်းခြင်းပရှိပေ။အပူညှင်းလေအား ရှိလေဖြစ်ကာ လန်းဆန်းစိုပြေသော သတ္တိရှိသည်။ ငုပင်က နာအောင်ညှင်းလေ မနာလေအပင်ဖြစ်သည်။ မသေသောအပင်က ဆင်တုံးမနွယ်ပင်ဖြစ် သည်။ မြေ၊ရေ မထိတွေ့ရေစေပကမူ သေသည်ဟူ၍ မရှိချေ။ အဖြူ၊အဝါ၊အနက် သုံးမျိုးတွင်  အနက်မျိုးသည် အကောင်းဆုံးဖြစ်သည်။အစွမ်းသတ္တိကောင်းဆေးပင် (၃) မျိုး အညီအမျှစီယူ၍ ပျားရည်စစ်စစ်နှင့်တေပြီး စားအကျိုးများသည့်ဟု ဆိုကြသည်။ ချွဲကြပ်ခြင်း၊ မောဟိုက်ခြင်း၊ လေဖြတ်ခြင်း၊ ထုံခြင်း၊ ကိုယ်တပိုင်းတခြင်းသေခြင်း၊ ဆီးရှိလျှက်ဆီမဆင်းခြင်း၊ ဓါတ်ချုပ် စမြင်းခံခြင်း၊ လေငန်းအမျိုးမျိုးတို့အတွက် ပျောက်ကင်းစေပြီးကျန်းမာ အသက်ရှည်သည်ဟု လေ့လာသိရှိရသည်။ ၎င်းဆေးတွင်နနွင်းခါးစစ်စစ် ထပ်မံရောစပ်က ဆီချိုးရောဂါနှင့် ကျောက်ကပ်အားမရှိ၍ သွေးအညစ်အကြေးများပြီး ပွေးကွက်ယား ကွက်ထွက်သူ ဝေဒနာရှင် များလည် သက်သာပျောက်ကင်းနိုင်ကြောင်းလဲသိရှိရသည်။ မည်သို့ဆိုစေကာမူ နွယ်မြက်သစ်ပင် ဆေးဖက်ဝင်ဆိုသည့်အတိုင်း သစ်ပင်ပန်းပင်တို့၏  အစွမ်းထက်မူကို သိရှိစေရန်သာ လေ့လာတင်ပြ ခြင်းဖြစ်ပါသည်။

DOCA (မန္တလေး)