ပြည်တွင်းကုန်သွယ်မှုသတင်း

    ၁၉.၉.၂၀၂၃ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။

    ၁၉.၉.၂၀၂၃ ရက်နေ့တွင်  တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှဝန်ထမ်းများသည် မကွေးတိုင်းဒေသကြီးအစိုးရအဖွဲ့၏ ကြီးကြပ်မှုဖြင့် သရက်ခရိုင်၊ စီမံအုပ်ချုပ်ရေးအဖွဲ့ဥက္ကဋ္ဌနှင့် မြို့နယ်အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ မြို့နယ်အတွင်းရှိ ဆန်စက်နှင့် ဆန်ကုန်သည်များပူးပေါင်း၍ (၉-၉-၂၀၂၃)ရက်နေ့၊ နံနက်(၀၈၀၀)နာရီအချိန်တွင် အမှတ်(၅)၊ တောင်မင်းတည်းရပ်ကွက်၊ သိမ်ကြီးဓမ္မာရုံ၌ ပြည်သူများအား ဈေးနှုန်းချိုသာစွာဆန်များရောင်းချပေးခဲ့ပါသည်။

    ထိုသို့ရောင်းချပေးရာတွင် အိမ်ထောင်စု(၁)စုလျှင် ဧည့်မထဆန်(၁)ပြည်စီကို ကျပ်(၂၅၀၀) ဈေးနှုန်းဖြင့် အိမ်ထောင်စု(၂၄၀)စုအား ဆန်များရောင်းချပေးနေမှုအား မြို့နယ်စီမံအုပ်ချုပ်ရေးအဖွဲ့ဥက္ကဋ္ဌနှင့်အဖွဲ့ဝင်များက လှည့်လည်ကြည့်ရှုခဲ့ပါသည်။

   အလားတူပင် ပြည်တော်အေးရပ်ကွက်၊ အနောက်ရပ်တောင်ပိုင်းရပ်ကွက်၊ အနောက်ရပ်မြောက်ပိုင်းရပ်ကွက်နှင့် ထုံးတောင်ကျေးရွာအုပ်စုတို့တွင်လည်း နောက်နေ့ရက်များ၌ ဆက်လက်ရောင်းချပေးသွားမည်ဖြစ်ပါကြောင်းသိရှိရပါသည်။

DOCA(မကွေး)

     မကွေးတိုင်းဒေသကြီးအစိုးရအဖွဲ့၏လမ်းညွှန်မှုဖြင့် သရက်ခရိုင်စီမံအုပ်ချုပ်ရေးအဖွဲ့၏ စီစဉ်မှုအရ (၉-၉-၂၀၂၃)ရက်နေ့၊ နေ့လယ်(၁၃း၀၀)နာရီအချိန်တွင် ကံမမြို့ပေါ်ရှိ အမှတ်(၂)ရပ်ကွက်၊ အုပ်ချုပ်ရေးမှူးရုံးရှေ့၌ အမှတ်(၁)ရပ်ကွက်နှင့် အမှတ်(၂)ရပ်ကွက်နေ အိမ်ထောင်စု(၄၃၀)စုတို့အားလည်းကောင်း၊ အမှတ်(၄)ရပ်ကွက်စုရပ်တွင် အမှတ်(၃)ရပ်ကွက်နှင့် အမှတ်(၄)ရပ်ကွက်နေ အိမ်ထောင်စု(၄၂၀)စုတို့အားလည်းကောင်း၊ ပုဇင်းနိမ့်ကျေးရွာအုပ်စု၊ ပုဇင်းနိမ့်ကျေးရွာ၌ အိမ်ထောင်စု(၄၀၀)စုတို့အားလည်းကောင်း၊ စံပယ်ခြုံကျေးရွာအုပ်စု၊ စံပယ်ခြုံကျေးရွာ၌ အိမ်ထောင်စု(၄၀၀)စုတို့အားလည်းကောင်း သက်သာသောဈေးနှုန်းဖြင့် စားအုန်းဆီ(၁)ပိဿာလျှင် ကျပ်(၄၆၀၀)ဈေးနှုန်းဖြင့် ရောင်းချပေးခဲ့ကြောင်းသိရှိရပါသည်။

   ထိုသို့ရောင်းချပေးနေမှုအား ကံမမြို့နယ်၊ စီမံအုပ်ချုပ်ရေးအဖွဲ့ဥက္ကဋ္ဌ၊ အတွင်းရေးမှူးနှင့် အဖွဲ့ဝင်များဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊ မြန်မာနိုင်ငံရဲတပ်ဖွဲ့၊ မြို့နယ်စည်ပင်သာယာရေးအဖွဲ့၊ မြို့နယ်မီးသတ်ဦးစီးဌာန၊ စားသုံးသူရေးရာဦးစီးဌာနဝန်ထမ်းတို့ပူးပေါင်းဆောင်ရွက်ခဲ့ကြောင်းသိရှိရပါသည်။

DOCA(မကွေး)

    မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ် မြို့မစည်ပင်သာယာဈေးကြီး နယ်နိမိတ်အတွင်း ၂၀၂၃ ခုနှစ် စက်တင်ဘာလ ဒုတိယပတ်အတွင်းဖြစ်ပေါ်ခဲ့သော အခြေခံစား ကုန်များ၏ လက်လီဈေးနှုန်းများမှာ ရွှေဘိုပေါ်ဆန်း ဆန်တစ်ပြည်လျှင်(၆၅၀၀)ကျပ်၊ ဧရာပဒေသာ တစ်ပြည်လျှင်(၆၀၀၀)ကျပ်၊ ဧည့်မထ တစ်ပြည်လျှင်(၃၅၀၀)ကျပ်၊ ငစိန်တစ်ပြည်လျှင် (၃၀၀၀)ကျပ်၊ မနောသုခ တစ်ပြည်လျှင်(၃၈၀၀)ကျပ်၊ ပဲဆီ တစ်ပိဿာလျှင်(၁၅၀၀၀)ကျပ်၊ နှမ်းဆီ တစ်ပိဿာလျှင် (၁၅၀၀၀)ကျပ်၊ စားအုန်းဆီ တစ်ပိဿာလျှင်(၄၅၀၀)ကျပ်၊ ကုလားပဲခြမ်း တစ်ပိဿာလျှင်(၇၅၀၀)၊ မတ်ပဲတစ်ပိဿာ(၅၀၀၀)ကျပ်၊ ငရုတ်သီးခြောက် တစ်ပိဿာ(၁၆၀၀၀)ကျပ်၊ ကြက်သွန်နီ တစ်ပိဿာ (၃၂၀၀)ကျပ်၊ ကြက်သွန်ဖြူ တစ်ပိဿာ(၉၀၀၀)ကျပ်၊ ဂျင်း(ချင်း) တစ်ပိဿာ (၆၅၀၀)ကျပ်၊ အာလူး တစ်ပိဿာ(၂၅၀၀)ကျပ်၊ ခရမ်းချဉ်သီး(ရှမ်း) တစ်ပိဿာ(၁၀၀၀)ကျပ်၊ ခရမ်းချဉ်သီး(ဒေသထွက်) တစ်ပိဿာ(၂၀၀၀)ကျပ်၊ ဆား တစ်ပိဿာ(၅၀၀)ကျပ်၊ ကြက်ဥ တစ်လုံး(၂၂၀၊ ၂၆၀)ကျပ်၊ ဘဲဥ တစ်လုံး (၃၄၀)ကျပ်တို့ဖြင့် ရောင်းဝယ်နေကြကြောင်း သိရှိရပါသည်။

      မွေးမြူရေးထွက်ကုန်များအနေဖြင့် ဒေသကြက်(ဗမာ) တစ်ပိဿာ(၁၆၀၀၀)ကျပ်၊ မွေးမြူရေး ကြက်(CP)ရင်အုံ တစ်ပိဿာ(၁၀၀၀၀)ကျပ်၊ ပေါင်သား  တစ်ပိဿာ(၉၀၀၀)ကျပ်၊ ဝက်သား တစ်ပိ  ဿာ(၁၅၀၀၀)ကျပ်၊ အမဲသား တစ်ပိဿာ(၁၂၀၀၀)ကျပ်၊ ဆိတ်သား  တစ်ပိဿာ(၁၈၀၀၀)ကျပ်၊ ငါးကြင်း  တစ်ပိဿာ(၁၈၀၀၀)ကျပ်၊ ငါးမြင်း တစ်ပိဿာ(၃၅၀၀၀)ကျပ်၊ ငါးမြစ်ချင်းတစ်ပိဿာ (၁၀၀၀၀)ကျပ်၊ ငါးရံ့ တစ်ပိဿာ(၁၀၀၀၀)ကျပ်၊ ငါးတန် တစ်ပိဿာ(၈၀၀၀)ကျပ်၊ ငါးပတ် တစ်ပိဿာ (၁၅၀၀၀)ကျပ်၊ ငါးဖယ် တစ်ပိဿာ(၃၂၀၀၀)ကျပ်၊ ရေချိုပုဇွန်(လတ်) တစ်ပိဿာ(၃၈၀၀၀)ကျပ်၊ ရေငန်ပုဇွန်(လတ်) တစ်ပိဿာ(၂၄၀၀၀)ကျပ်၊ အာပြဲခြောက်  တစ်ပိဿာ(၂၈၀၀၀၊)ကျပ်၊ ငါးတံခွန်ခြောက် တစ်ပိဿာ(၁၄၀၀၀)ကျပ်၊ ငါးနီတူးခြောက်တစ်ပိဿာ(၁၈၀၀၀)ကျပ်၊ ငါးရောင်ခြောက် တစ်ပိဿာ (၂၄၀၀၀)ကျပ်၊ ပုဇွန်ခြောက် တစ်ပိဿာ(၆၀၀၀၀၊၇၀၀၀၀၊၉၀၀၀၀)ကျပ်ခန့်ဖြင့် အရောင်းအဝယ်ဖြစ်ပေါ်နေကြောင်း သိရှိရပါသည်။

DOCA(မန္တလေး)