ပြည်တွင်းကုန်သွယ်မှုသတင်း

     ၂၀၂၃ခုနှစ်၊ ဇွန်လ၊ ပထမအပတ်အတွင်း မုံရွာမြို့နယ်၌ အခြေခံစားသောက်ကုန်များဖြစ်သော ရွှေဘိုပေါ်ဆန်းဆန်တစ်ပြည်လျှင် (၄၃၀၀) ကျပ်နှင့် ဧရာမင်းဆန်တစ်ပြည်လျှင် (၄၁၀၀)  ကျပ်တို့ဖြင့် အရောင်းအဝယ်ဖြစ်လျက်ရှိပါသည်။ စားအုန်းဆီတစ်ပိဿာလျှင် (၆၄၀၀) ကျပ်၊ မြေပဲဆီတစ်ပိဿာလျှင် (၁၂၅၀၀) ကျပ်၊ နှမ်းဆီတစ်ပိဿာလျှင် (၁၁၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်နီလက်လီတစ်ပိဿာလျှင် (၂၀၀၀) ကျပ်မှ (၂၂၀၀) ကျပ်ထိ၊ ကြက်သွန်ဖြူလက်လီ(ဗမာ)တစ်ပိဿာလျှင် (၇၅၀၀) ကျပ်မှ (၈၀၀၀) ကျပ်ထိ၊ ကြက်သွန်ဖြူ(ရှမ်း)တစ်ပိဿာလျှင် (၇၀၀၀) ကျပ်မှ (၇၅၀၀) ကျပ်ထိ၊ ကြက်သွန်ဖြူ(ကြူကုတ်)တစ်ပိဿာလျှင် (၇၅၀၀) ကျပ်မှ (၈၀၀၀) ကျပ်ထိ၊ ချင်းတက်တစ်ပိဿာလျှင် (၁၉၀၀) ကျပ်မှ (၂၀၀၀) ကျပ်ထိ၊ ငရုတ်ခြောက်တစ်ပိဿာလျှင် အမျိုးအစားအလိုက်  (၁၄၀၀၀)  ကျပ်မှ (၁၅၀၀၀) ကျပ်ထိ၊ အာလူးတစ်ပိဿာလျှင် (၂၄၀၀) ကျပ်မှ (၂၅၀၀) ကျပ်ထိ၊ ခရမ်းချဉ်သီးတစ်ပိဿာလျှင် (၁၉၀၀) ကျပ်မှ (၂၀၀၀) ကျပ်ထိတို့ဖြင့် အရောင်းအဝယ်ဖြစ်လျက်ရှိပါသည်။

      ကြက်ဥလက်လီဈေးနှုန်းမှာ အကြီးတစ်လုံးလျှင် (၂၅၀) ကျပ်၊ အသေးတစ်လုံးလျှင် (၂၀၀) ကျပ်၊ ဘဲဥ(ကြီး)တစ်လုံးလျှင် (၃၅၀) ကျပ်နှင့် အသေးတစ်လုံးလျှင် (၃၀၀) ကျပ်တို့ရှိပါသည်။ မုံရွာမြို့၏အသားငါးဈေးနှုန်းများမှာ ကြက်သား (CP) တစ်ပိဿာလျှင် ( ၁၀၀၀၀) ကျပ်မှ  (၁၁၀၀၀) ကျပ်ထိ၊ ကြက်သား(ဗမာ)တစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာလျှင် (၁၉၀၀၀) ကျပ်မှ (၂၀၀၀၀) ကျပ်ထိ၊ အမဲသားတစ်ပိဿာလျှင် (၁၈၀၀၀) ကျပ်မှ (၁၉၀၀၀)ကျပ်ထိ၊ ငါးမြစ်ချင်းတစ်ပိဿာလျှင် (၈၀၀၀) ကျပ်နှင့် ငါးကြင်းတစ်ပိဿာလျှင် (၁၀၀၀၀) ကျပ်တို့ဖြင့် အရောင်းအဝယ်ဖြစ်နေကြောင်း သိရပါသည်။

    ဇွန်လ၊ ပထမပတ်အတွင်း အခြေခံစားကုန်ဈေးနှုန်းများနှင့် ယခင်အပတ်ဈေးနှုန်းများကိုနှိုင်းယှဉ်လျှင် ဈေးနှုန်းများမှာ ကွာဟမှုမရှိကြောင်း မုံရွာမြို့နေ ဈေးရောင်းချသူများထံမှ သိရှိရပါသည်။

DOCA(စစ်ကိုင်း)

ပခုက္ကူမြို့၌ ၂၀၂၃ခုနှစ်၊ ဇွန်လ ပထမပတ်တွင် ဘိလပ်မြေဈေးကွက်မှာ အရောင်းအဝယ်ပုံမှန်ရှိပြီး ဈေးနှုန်းမှာလည်း မေလနောက်ဆုံးပတ်အတိုင်း ကြံ့နှစ်ကောင် ဘိလပ်မြေတစ်အိတ်လျှင် ကျပ်(၉၀၀၀)၊ အယ်လဖာ ဘိလပ်မြေ တစ်အိတ်လျှင် ကျပ်(၈၈၀၀)ရှိကြောင်း သိရှိရပါသည်။

ဓာတ်မြေဩဇာဈေးနှုန်းမှာ မေလနောက်ဆုံးပတ်ထက် မြင့်တက်လာသည်ကို တွေ့ရှိရပြီး အရောင်းအဝယ်ဖြစ်နေသော ဈေးနှုန်းများမှာ အာမိုယူရီးယား(50)Kgပါတစ်အိတ်လျှင် ကျပ်(၉၃၀၀၀)၊ ဩဘာယူရီးယား (50)Kgပါ တစ်အိတ်လျှင် ကျပ်(၉၅၀၀၀)၊ ရွှေနဂါးယူရီးယား (50)Kgပါ တစ်အိတ်လျှင် ကျပ်(၈၈၀၀၀)၊ တရုတ်ပုလဲရွှေတောင် (50)Kgပါ တစ်အိတ်လျှင် ကျပ်(၉၅၀၀၀)၊ ဩဘာရွှေကောမက် (50)Kgပါ တစ်အိတ်လျှင် ကျပ်(၁၃၄၀၀၀)၊ အာမိုကွန်ပေါင်း(50)Kgပါ တစ်အိတ်လျှင် ကျပ်(၁၃၈၀၀၀)၊ ဩဘာကွန်ပေါင်း (50)Kgပါ တစ်အိတ်လျှင် ကျပ်(၁၅၇၀၀၀)၊ ကောမက်ကွန်ပေါင်း(၁၅:၁၅:၁၅)(50)Kgပါ တစ်အိတ်လျှင် ကျပ်(၁၅၇၀၀၀) အသီးသီးဈေးရှိပြီး ပခုက္ကူခရိုင်အတွင်း မိုးစပါး၊ အစေ့ထုတ်ပြောင်း၊ ပဲတီစိမ်း၊ မိုးမြေပဲ၊ မိုးနှမ်း သီးနှံများ စတင်စိုက်ပျိုးချိန်ဖြစ်သောကြောင့် ဓာတ်မြေဩဇာဈေးများ မြင့်တက်လာကြောင်း သိရှိရပါသည်။

ပိုးသတ်ဆေးဈေးနှုန်းများအနေဖြင့် မေလနောက်ဆုံးပတ်ဈေးထက် အနည်းငယ်ကျဆင်းလာသည်ကို တွေ့ရှိရပြီး ယခု ဇွန်လပထမပတ်ဈေးနှုန်းများအနေဖြင့်  အာမိုမက်နီဖော့ (500)cc တစ်ဘူး လျှင် ကျပ်(၂၇၀၀၀)၊ အာမိုအီမာ(250)cc တစ်ဘူးလျှင် ကျပ် (၁၀၅၀၀)၊ အာမိုအီမာ(1)Liter တစ်ဘူး လျှင် ကျပ်(၃၃၀၀၀)၊ မင်းမဟော်စီအက်စ် (500)Kg ပါ တစ်ထုပ်လျှင် ကျပ်(၂၀၀၀၀)၊ မင်းမဟော် ဖော်ယူဘိုး (500)cc တစ်ဘူးလျှင် ကျပ်(၂၈၅၀၀)၊ ဩဘာပို့စ် (250)cc တစ်ဘူးလျှင် ကျပ် (၁၀၀၀၀)၊ ဩဘာအဆီ ဖိတ်(500)gပါ တစ်ထုပ်လျှင် ကျပ်(၂၀၅၀၀)၊ ဩဘာငှက်ကြီးတောင် (100)cc တစ်ဘူးလျှင် ကျပ်(၁၆၅၀၀)၊ ဩဘာငှက်ကြီးတောင် (250)ccတစ်ဘူးလျှင် ကျပ်(၃၉၅၀၀) ဈေးအသီးသီးရှိပြီး ယခုအမျိုးအစားများကိုအသုံးများပြီး မေလနောက်ဆုံးပတ်ထက် အရောင်းအဝယ်ပိုဖြစ်နေကြောင်း သိရှိရပါသည်။

DOCA (မကွေး)

မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ်တွင် ဆီထွက်သီးနှံ ဖြစ်သည့် မိုးမြေပဲကို အဓိကစိုက်ပျိုးလျက်ရှိပြီး ဆောင်းမြေပဲကို အနည်းငယ်သာစိုက်ပျိုးမှုရှိပါသည်။ ၂၀၂၂-၂၀၂၃ ခုနှစ်တွင် မိုးမြေပဲကို (၆၁၂၆၈)ဧက စိုက်ပျိုးခဲ့ပြီး တစ်ဧက ပျမ်းမျှအထွက်နှုန်း (၄၂.၂၅) တင်းနှုန်းဖြင့် တင်းပေါင်း(၂၅၈၈၅၇၃)တင်း ထွက်ရှိခဲ့ပါသည်။ ဆောင်းမြေပဲစိုက်ပျိုးမှုအနေဖြင့် (၁၉၆)ဧကသာ စိုက်ပျိုးခဲ့ပြီး တစ်ဧကပျမ်းမျှအထွက်နှုန်းမှာ (၄၆)တင်းဖြင့် တင်းပေါင်း(၉၀၁၆)တင်း ထွက်ရှိခဲ့ပါသည်။ ၂၀၂၃-၂၀၂၄ ခုနှစ်တွင် မိုးမြေပဲကို စိုက်ပျိုးရန်လျာထားမှုအနေဖြင့် (၅၈၂၇၁) ဧက လျာထားမှုရှိပြီး (၁၄၆၂၁)ဧကစိုက်ပျိုးပြီးဖြစ်ပါသည်။ ဆောင်းမြေပဲစိုက်ပျိုးရန်လျာထားမှုမှာ(၃၁၉) ဧကရှိပါသည်။ နှစ်စဉ် ဩဂုတ်လတွင် ကျောက်ပန်းတောင်းမြို့နှင့် ထိစပ်လျက်ရှိသောကျေးရွာများမှ မြို့ပေါ်ရှိပွဲရုံများနှင့် ဆီစက်များသို့ လာရောက်ရောင်းချကြပါသည်။ ယခင်နှစ်မြေပဲဆီဆံ တစ်တင်း လျှင် (၄၅၀၀၀)ကျပ်၊ မြေပဲလုံးဆံတစ်တင်းလျှင်(၄၈၀၀၀)ကျပ်၊ မျိုးမြေပဲတစ်တင်းလျှင်(၆၀၀၀၀) ကျပ်များဖြင့် ဈေးနှုန်းများရှိခဲ့ပြီး ယခုနှစ်တွင် မြေပဲဆီဆံတစ်တင်းလျှင် (၁၀၄၀၀၀)ကျပ်၊ မြေပဲလုံးဆံ တစ်တင်းလျှင်(၁၀၅၆၀၀)ကျပ်၊ မျိုးမြေပဲတစ်တင်းလျှင်(၁၀၈၀၀၀)ကျပ် ဝန်းကျင်များဖြင့် အရောင်း အဝယ်ဖြစ်ပေါ်လျက်ရှိပါသည်။

၂၀၂၂-၂၀၂၃ ခုနှစ်တွင် ကျောက်ပန်းတောင်းမြို့နယ်၏ မြေပဲတစ်ဧကစိုက်ပျိုးမှု ကုန်ကျစရိတ် နေဖြင့်(၄၅၇၀၀၀)ကျပ်ခန့် ကျသင့်ပြီး တစ်ဧကပျမ်းမျှအထွက်တင်း(၄၂.၂၅)တင်းနှုန်း ထွက် ခဲ့ပါသည်။ ပေါ်ချိန်တွင် မြေပဲတောင့်တစ်တင်းလျှင်(၁၈၀၀၀)ကျပ်နှုန်း ရောင်းချခဲ့ရပြီး၊ တစ်ဧကဝင်ငွေ(၇၆၀၅၀၀)ကျပ်ရရှိ၍ တောင်သူအကျိုးအမြတ်မှာ(၃၀၃၅၀၀)ကျပ် ရရှိပါသည်။ ဆောင်းမြေပဲ တစ်ဧက စိုက်ပျိုးမှုကုန်ကျစရိတ်မှာ (၄၅၇၀၀၀)ကျပ်ခန့်ကျသင့်ပြီး၊ တစ်ဧကလျှင် ပျမ်းမျှအထွက် တင်း(၄၆)တင်းခန့် ထွက်ရှိ၍ တစ်ဧကဝင်ငွေမှာ (၈၂၈၀၀၀)ကျပ် ရရှိပါသည်။ တစ်ဧက တောင်သူအကျိုးအမြတ်အနေဖြင့် (၃၇၁၀၀၀)ကျပ်ရရှိပါသည်။ ဒေသတွင်းထွက် မြေပဲများကို ယခင်က အခြားဒေသများသို့ တင်ပို့ရောင်းချမှုများ ရှိခဲ့သော်လည်း ယခုအချိန်တွင်ပြည်ပသို့ ရောင်းချမှုနည်းပါးလာပြီး ဒေသတွင်း၌သာ ဆီကြိတ်ခွဲသုံးစွဲမှုများလာပါသည်။

တောင်သူအကျိုးအမြတ်ရရှိသောဆီထွက်သီးနှံမြေပဲကို ပိုမိုစိုက်ပျိုးပြီး ပြည်ပသို့ရောင်းချ ခြင်းမပြုပဲ ပြည်တွင်း၌သုံးစွဲခြင်း၊ ဆီကြိတ်ခွဲရောင်းချခြင်းများပြုလုပ်ပါက ဒေသတွင်းဆီစားသုံးမှု ဖူလုံလာခြင်း၊ တိရစ္ဆာန်အစာများ ပေါများလာခြင်း၊ ဒေသတွင်းလုပ်သားများ အလုပ်အကိုင်အခွင့်အလမ်းများ ပိုမိုရရှိစေခြင်းအပြင် ဘေးအန္တရာယ်ကင်းသော ဆီများစားသုံးရခြင်းကြောင့် ကျန်းမာရေး ညီညွတ်ကောင်းမွန်လာစေခြင်းစသည့် အကျိုးကျေးဇူးများ ရရှိလာစေသည့်အတွက် ဆီထွက်သီးနှံမြေပဲကို ပိုမိုတိုးချဲ့စိုက်ပျိုးသင့်ပါသည်။

DOCA (မန္တလေး)

၂၀၂၃ ခုနှစ်၊ မေလ (နောက်ဆုံးပတ်) အတွင်း မိတ္ထီလာကုန်စည်ဒိုင်၌ ဖြစ်ပေါ်နေသော သီးနှံစျေးနှုန်းအခြေအနေများမှာ နှမ်းဆီတစ်ပိဿာလျှင် (၁၃၀၀၀) ကျပ်၊ မြေပဲဆီတစ်ပိဿာလျှင် (၁၃၅၀၀-၁၄၀၀၀)ကျပ် နေကြာဆီတစ်ပိဿာလျှင် (၁၂၅၀၀-၁၃၀၀၀) ကျပ်၊ စားအုန်းဆီ တစ်ပိဿာ လျှင်(၆၃၂၅)ကျပ်၊ နှမ်း ဖတ် တစ်ပိဿာလျှင် (၂၆၅၀) ကျပ်၊ ပဲဖတ်တစ်ပိဿာလျှင် (၃၂၅၀-၃၃၀၀) ကျပ်၊ နေကြာဖတ် တစ်ပိဿာလျှင် (၁၉၀၀-၁၉၅၀) ကျပ်၊ ကုလားပဲ (V2)  တစ်တင်းလျှင် (၈၂၀၀၀)ကျပ်၊ နှမ်းညိုတစ်တင်းလျှင် (၈၈၀၀၀-၉၀၀၀၀) ကျပ်၊ နှမ်းဖြူတစ်တင်းလျှင် (၁၀၀၀၀၀-၁၀၅၀၀၀)ကျပ်၊ နေကြာစေ့တစ်ပိသာလျှင် (၃၈၀၀)ကျပ်၊ မန်ကျည်းတောင့်တစ်ပိဿာလျှင် (၈၅၀-၉၀၀) ကျပ်၊  ဝါတစ်ပိသာလျှင် (၂၈၀၀-၃၀၀၀) ကျပ်၊ ငရုတ်တစ်ပိသာလျှင် (၁၃၀၀၀ - ၁၃၅၀၀) ကျပ်၊ ကြက်သွန်နီ တစ်ပိဿာလျှင် (၁၉၀၀-၂၀၀၀) ကျပ်နှုန်းများဖြင့် အသီးသီးရောင်းဝယ်ဖောက်ကားလျက်ရှိပြီး ယခင်အပတ်နှင့် နှိုင်းယှဉ်ကြည့်လျှင်  ကုလားပဲ (V2)နှင့် နှမ်းညိုဈေးနှုန်းတို့မှာ သိသိသာသာမြင့်တက်လျက်ရှိပါသည်။

ယခုကဲ့သို့ ဈေးနှုန်းမြင့်တက်ရခြင်းမှာ သီးနှံလက်ကျန် နည်းပါးပြီး ဈေးကွက်ဝယ်လိုအားမြင့်တက်ရခြင်းကြောင့်ဖြစ်ကြောင်း မိတ္ထီလာကုန်စည်ဒိုင်မှ သိရှိရပါသည်။

DOCA (မန္တလေး)

   တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။