ပြည်တွင်းကုန်သွယ်မှုသတင်း

   ၂၀၂၃ခုနှစ်၊ မေလ၊ စတုတ္ထအပတ်တွင် ရှမ်းပြည်နယ်(အရှေ့ပိုင်း)၊ ကျိုင်းတုံမြို့၊ ဈေးကွက်ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၃၈၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၅၁၀၀)ကျပ်နှင့် စိန်တံဆိပ် (50)kg တစ်အိတ်လျှင် (၁၄၉၀၀) ကျပ်တို့ဖြစ်ပါသည်။ တာချီလိတ်မြို့ရှိ ဘိလပ်မြေဈေးနှုန်းများမှာ ကျားတံဆိပ် (40)kg တစ်အိတ်လျှင် (၁၂၆၀၀) ကျပ်၊ ဆင်တံဆိပ် (50)kg တစ်အိတ်လျှင် (၁၃၈၀၀) ကျပ်နှင့် စိန်တံဆိပ် (50)kg တစ်အိတ်လျှင် (၁၃၆၀၀) ကျပ်တို့ဖြစ်ပါသည်။

   ကျိုင်းတုံမြို့ရှိ မေလ၊ စတုတ္ထအပတ်၏ ဓာတ်မြေဩဇာဈေးနှုန်းများမှာ ပုလဲ (MEP) (50)kg တစ်အိတ်လျှင် (၉၈၀၀၀) ကျပ်၊ တီဆူပါ (လေဆာ) (50)kg တစ်အိတ်လျှင် (၂၀၀၀၀) ကျပ်၊ တီဆူပါ (may) (50)kg တစ်အိတ်လျှင် (၂၀၀၀၀) ကျပ်နှင့် ချာန(သုံးမျိုးစပ်) (50)kg တစ်အိတ်လျှင် (၁၄၂၀၀၀) ကျပ်တို့ဖြစ်ပါသည်။ တာချီလိတ်မြို့အတွင်းရှိ ဓာတ်မြေဩဇာဈေးနှုန်းများမှာ ပုလဲ(၄၆%) (50)kg တစ်အိတ်လျှင် (၁၄၀၄၀၀) ကျပ်၊ ကွန်ပေါင်း(၁၅ပတ်လည်) (50)kg တစ်အိတ်လျှင် (၁၃၁၉၀၀) ကျပ်နှင့် ကွန်ပေါင်း (50)kg တစ်အိတ်လျှင် (၁၃၁၉၀၀)ကျပ်တို့ဖြစ်ပါသည်။

     ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ ဘိလပ်မြေဈေးနှုန်းများမှာ ယခင်ဧပြီလ၊ စတုတ္ထအပတ်ထက် ဈေးနှုန်းအနည်းငယ်ကျဆင်းလျက်ရှိပြီး တာချီလိတ်မြို့ရှိ ဘိလပ်မြေ‌ဈေးနှုန်းများမှာ ယခင်ဧပြီလ၊ စတုတ္ထအပတ်ထက် ဈေးနှုန်းအနည်းငယ်မြင့်တက်လျက်ရှိပါသည်။ ဓာတ်မြေဩဇာဈေးနှုန်းအနေဖြင့် ကျိုင်းတုံမြို့နှင့် တာချီလိတ်မြို့တွင် ယခင်ဧပြီလ၊ စတုတ္ထအပတ်ထက် ဈေးနှုန်းအနည်းငယ်မြင့်တက်လျက်ရှိကြောင်း သတင်းရရှိပါသည်။

DOCA(ရှမ်း)

  လိုင်ချီးသီးများကို မြန်မာပြည်အနှံ့အပြားတွင် စိုက်ပျိုးကြပြီး ရှမ်းပြည်နယ်(မြောက်ပိုင်း)တွင် စီးပွားဖြစ်စိုက်ပျိုးကြကြောင်းနှင့် လားရှိုးမြို့ပေါ်ရှိ အိမ်များ၌လည်း တစ်နိုင်တစ်ပိုင်စိုက်ပျိုးကြကြောင်း၊ လိုင်းချီးသီးပေါ်သောအချိန်ဖြစ်သည့်အတွက် ဈေးကွက်အတွင်း လှိုင်လှိုင်ပေါပြီး အရောင်းအဝယ်ဖြစ်နေကြောင်း သိရှိရပါသည်။

     လိုင်ချီးသီးဈေးနှုန်းမှာ မေလ၊ စတုတ္ထအပတ်၌ တစ်ပိဿာလျှင် (၁၀၀၀၀) ကျပ်၊ (၈၅၀၀) ကျပ်၊ (၆၅၀၀) ကျပ် စသည်ဖြင့် ဈေးအသီးသီးရှိကြောင်း၊ တင်ပို့မှုအနေဖြင့် မူဆယ်၊ လောက်ကိုင်၊ ရန်ကုန်၊ မန္တလေးသို့ တင်ပို့ရောင်းချကြကြောင်း လေ့လာသိရှိရပါသည်။

DOCA(ရှမ်း)

    ရှမ်းပြည်နယ်တောင်ပိုင်း၊ ပအိုဝ်း ကိုယ်ပိုင်အုပ်ချုပ်ခွင့်ရဒေသ၊ နောင်တရားမြို့၊ အနီးပတ်ဝန်းကျင်ဒေသရှိ ကျေးရွာများ၌ အားလူးစိုက်တောင်သူများမှာ ယခင်က မိရိုးဖလာနည်းအတိုင်းသာစိုက်ပျိူးခဲ့ရာမှ  ယခုအခါ အာလူးများမျိုးပြောင်းစိုက်လာခြင်း၊ စိုက်ပျိုးမှုနည်းစနစ်များမှန်ကန်လာခြင်းတို့ကြောင့် အားလူးအထွက်နှုန်းမှာ တိုးပွားလာပါကြောင်း၊ နွေရာသီတွင် ရေသွင်းစိုက်ပျိုးသည့်ရေသွင်းအာလူးမှာ ယခင်နှစ်များထက် အထွက်နှုန်းပိုမိုများပြားလာပါကြောင်း၊ အထွက်နှုန်းများလာရသည့်အဓိကအကြောင်းရင်းမှာ မျိုးသစ်အာလူးများကိုပြောင်းလဲစိုက်ပျိုးလာခြင်းကြောင့်ဖြစ်ကြောင်း၊ ယခင်စိုက်သည့်ဒေသမျိုးများမှာ အထွက်နှုန်းနည်းသွားကြောင်း၊ အားလူးမှာ စိုက်ပျိုးစရိတ်ကြီးမြင့်သဖြင့် အထွက်နှုန်းနည်းပါက အရှုံးပေါ်ကြောင်း၊  ယခုမျိုးသစ်အာလူးကို တစ်ပိဿာလျှင် (၃၅၀ဝိ/-) ကျပ်အထက်ဝယ်ရသော်လည်း အားသာချက်အနေဖြင့် နောက်တစ်နှစ်အတွက် မျိုးပြန်လည်ရရှိခြင်း၊ အထွက်နှုန်းလည်းတိုးခြင်းတို့ကြောင့် အကျိုးအမြတ်ပိုမိုရရှိပါသည်။ 

       သို့ဖြစ်၍ ယခုအခါ အာလူးစိုက်တောင်သူများသည် အထွက်နှုန်းကောင်းသည့် မျိုးသစ်အာလူးများကို ရွေးချယ်စိုက်ပျိုးလာခြင်း၊ စိုက်ပျိုးသည့်နည်းစနစ် များပြောင်းလဲစိုက်ပျိုးလာခြင်း၊ စိုက်ပျိုးရေးသုံးပိုးသတ်ဆေးများသုံးစွဲမှုမှန်ကန်လာခြင်း၊ သဘာဝဓာတ်မြေဩဇာနှင့်  ဓာတုဓာတ်မြေဩဇာသုံးစွဲမှုများမှန်ကန်လာခြင်း၊  ရေဖြန်းစနစ်များမှန်ကန်လာခြင်းနှင့် ရာသီဥတုကောင်းမွန်ခြင်းတို့ကြောင့် အားလူးအထွက်နှုန်းတိုးပွားလာကြောင်း သိရပါသည်။ စိုက်ပျိုးသည့်မျိုးသစ်အာလူးများမှာ  ဘေဘီလုံ၊ ရမ်းဘား၊ ဒေသမျိုးများဖြစ်သည့် မားကစ်၊ ကာရိုးလက်များကိုစိုက်ပျိုးခြင်းဖြစ်သည်။ အားလူးစိုက်ပျိုးရာတွင် အာလူးမျိုးများကို မှန်ကန်စွာရွေးချယ်စိုက်ပျိုးရန်လိုအပ်ပြီး မျိုးရွေးချယ်မှုမှားယွင်းပါက ဆုံးရှုံးမှုများလွန်းကြောင်းကိုလည်း အာလူးစိုက်တောင်သူများထံမှ သိရပါသည်။ 

     ပအိုဝ်းကိုယ်ပိုင်အုပ်ချုပ်ခွင့်ရဒေသများမှထွက်ရှိသည့်အာလူးများသည် အောင်ပန်းဈေးကွက်သို့ဝင်ရောက်ပါကြောင်း၊ အောင်ပန်းကုန်စည်ဒိုင်တွင်လည်း အားလူးမျိုးများအပေါ်မူတည်၍ ဈေးနှုန်းများမှာ ကွဲပြားမှုပြီး ၂၀၂၃ခုနှစ်၊ ဇွန်လ၊ ပထမအပတ်တွင် အာလူးတစ်ပိဿာပေါက်ဈေးနှုန်းများမှာ အနိမ့်ဆုံး ကျပ်၁၃၀ဝိ/-မှ အမြင့်ဆုံး ကျပ်၂၂၀ဝိ/-ထိ ဈေးပေါက်နေကြောင်း ကုန်စည်ဒိုင်မှ သိရှိရပါသည်။

DOCA(ရှမ်း)

တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

   တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများ(၆-၆-၂၀၂၃)ကို အောက်ပါ pdf တွင် ဝင်ရောက်ကြည့်ရှုနိုင်ပါသည်-