ပြည်တွင်းကုန်သွယ်မှုသတင်း

    ပခုက္ကူကုန်စည်ဒိုင်တွင် ပခုက္ကူဒေသမှ စိုက်ပျိုးထွက်ရှိသော ပဲစဉ်းငုံနီ၊ ကုလားပဲ၊ မတ်ပဲ၊ ပဲယင်း၊ စွန်တာနီ၊ ပဲလွန်းပြာနှင့် အခြားပဲမျိုးစုံများ အရောင်းအဝယ်ဖြစ်နေပါသည်။ ၂၀၂၃ခုနှစ် မေလ (စတုတ္ထ)ပတ်၏ ပဲဈေးနှုန်းများမှာ ပဲစဉ်းငုံနီ တစ်တင်းလျှင် (၈၄၀၀၀-၈၅၀၀၀-၈၅၃၀၀)ကျပ်၊ ကုလားပဲဝါ လုံးကြီး (929) တစ်တင်းလျှင် (၇၇၁၀၀-၇၈၅၀၀)ကျပ်၊ ကုလားပဲဖြူလုံး (V2/V6) တစ်တင်းလျှင် (၇၉၀၀၀) ကျပ်၊ ပဲတီစိမ်းကြီးမှာ အရည်အသွေးပေါ်မူတည်ပြီး တစ်တင်းလျှင် (၄၅၀၀၀-၆၆၀၀၀)ကျပ်၊  ပဲဇီးကွက် တစ်တင်းလျှင် (၄၂၀၀၀-၄၂၆၀၀-၄၃၇၀၀)ကျပ်၊ ပဲယင်းနီ တစ်တင်းလျှင် (၇၂၈၀၀)ကျပ်၊ ပဲယင်း (မြစ်ခြေ) တစ်တင်းလျှင် (၄၉၂၀၀) ကျပ်၊ ပြောင်းဖူးစေ့(CP) တစ်တင်းလျှင် (၂၀၃၀၀)ကျပ် ထောပတ်ပဲဖြူ တစ်တင်းလျှင် (၇၉၀၀၀-၈၀၀၀၀)နှင့် မန်ကျည်းတောင့် တစ်ပိဿာလျှင် (၉၄၀-၉၅၀-၉၆၀)ကျပ်ဖြင့် ဥပုသ်နေ့မှလွဲ၍ နေ့စဉ် ကုန်စည်ဒိုင်တွင် အရောင်းအဝယ် ဖြစ်နေပါသည်။

    ယခုတစ်ပတ်၏ အရောင်းအဝယ်ဖြစ်မှု အိတ်ရေမှာ ပဲစဉ်းငုံနီ (၉၀၀)အိတ်၊ ကုလားပဲဝါ လုံးကြီး(929) ၂၅၀ အိတ်၊ ကုလားပဲဖြူလုံး (V2/V6) (၂၀၀)အိတ်၊ ပဲတီစိမ်းကြီး (၄၁၀၀)အိတ်၊  ပဲဇီးကွက် (၃၀၀) အိတ်၊ ပဲယင်းနီ(၁၀၀)အိတ်၊ ပဲယင်း(မြစ်ခြေ)(၅၀)အိတ်၊ ပြောင်းဖူးစေ့ (CP)(၁၀၀၀)အိတ် ထောပတ် ပဲဖြူ (၄၅၀)အိတ်နှင့် မန်ကျည်းတောင့်  ကုန်ချိန်(၃၀၀၀၀) ကျော် အရောင်းအဝယ်ဖြစ်နေပြီး တင်ပို့မှုအနေဖြင့် မန္တလေး၊ ရန်ကုန်နှင့် အိန္ဒိယ၊ တရုတ်နိုင်ငံများသို့ တင်ပို့နေကြောင်း ကုန်သည်များထံမှ သိရှိရပါသည်။

DOCA(မကွေး)         

   ပခုက္ကူမြို့ပေါ်တွင် ၂၀၂၃ခုနှစ် မေလဒုတိယ(၂)ပတ်အတွင်း အရောင်းအဝယ်ဖြစ်လျက်ရှိသော အိမ်သုံးဆေးဝါးများ၏ ဈေးနှုန်းများမှာ Decogen (၁၀)လုံးပါ(၁)ကဒ်လျှင် ၁၀၀၀ ကျပ်၊ Cevit အလုံး(၁၀၀)ပါ (၁)ဘူးလျှင် ၁၉၀၀ ကျပ်၊ Paracetamol (၁၀)လုံးပါ(၁)ကဒ်လျှင် ၃၀၀ ကျပ်၊ Biogesic (၁၀)လုံးပါ(၁)ကဒ်လျှင် ၈၀၀ ကျပ်၊ Amoxacillin (၁၀)လုံးပါ(၁)ကဒ်လျှင် ၄၅၀ ကျပ်၊ Enervon-C (၄)လုံးပါ(၁)ကဒ်လျှင် ၁၃၅၀ ကျပ်၊ Bermeton အလုံး(၁၀၀)ပါ(၁)ဘူးလျှင် ၁၉၀၀ ကျပ်၊ Cetrine (၁၀)လုံးပါ(၁)ကဒ်လျှင် ၁၉၀ ကျပ်၊ ဓာတ်ဆား MPF (၁)ထုပ်လျှင် ၃၀၀ ကျပ်၊ သီးစုံဓာတ်ဆား Royal-D (၁)ထုပ်လျှင် ၂၇၀ ကျပ်၊ Oramin-G (၅)လုံးပါ(၁)ကဒ်လျှင် ၃၀၀၀ ကျပ်၊ Becozinc (၁၀)လုံးပါ(၁)ကဒ်လျှင် ၃၆၀၀ ကျပ်၊ Vitahome (၁၀)လုံးပါ(၁)ကဒ်လျှင် ၁၆၀၀ ကျပ်၊ SaRa (၁၀)လုံးပါ(၁)ကဒ်လျှင် ၉၀၀ ကျပ်၊ Vitacee (၁၅)လုံးပါ(၁)ကဒ်လျှင် ၃၉၀၀ ကျပ်၊ Flemex (၁၀)လုံးပါ(၁)ကဒ်လျှင် ၃၀၀၀ ကျပ်၊ Solmux (၄)လုံးပါ (၁)ကဒ်လျှင် ၉၀၀ ကျပ်၊ Wood (၁)ဘူးလျှင် ၇၀၀၀ ကျပ်၊ Alexan (၁၀)လုံးပါ(၁)ကဒ်လျှင် ၁၅၀၀ ကျပ်၊ Mexagrip (၄)လုံးပါ(၁)ကဒ်လျှင် ၆၀၀ ကျပ်၊ Vitamin-D  1000 IU (၁)လုံးလျှင် ၁၀၀ ကျပ်၊ Vitamin-K   (၁)လုံးလျှင် ၁၀၀ ကျပ်၊ Zinc (၁)လုံးလျှင် ၅၀ ကျပ်၊ Becozinc (၁)လုံးလျှင် ၃၇၀ ကျပ်၊ Zincovit (၁)လုံးလျှင် ၂၀၀ ကျပ် ဈေးနှုန်းအသီးသီးဖြင့် အရောင်းအဝယ်ဖြစ်လျက်ရှိပါသည်။

   ယခင်မေလ ပထမ(၂)ပတ်နှင့် ဈေးနှုန်းနှိုင်းယှဉ်ချက်အရ ယခုမေလ ဒုတိယ (၂)ပတ်အတွင်း Cevit၊ Bermeton၊ Cetrine၊ Becozinc၊ SaRa၊ Vitacee၊ Solmux စသည့်ဆေးများမှာ(၁၀၀)ကျပ်၊ Amoxacillin နှင့် Enervon-C တို့မှာ(၅၀)ကျပ်ခန့် ဈေးနှုန်းကျဆင်းပြီး ကျန်ဆေးပစ္စည်းများမှာ ဈေးငြိမ်၍ အရောင်းအဝယ်ဖြစ်လျက်ရှိကြောင်း ဆေးနှင့်ဆေးပစ္စည်းရောင်းချသူများထံမှ သိရှိရပါသည်။

DOCA(မကွေး)

   မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့ ပတ္တမြားဈေးကြီးအတွင်းတွင် သီးနှံမျိုးစုံ အများဆုံး စိုက်ပျိုးထွက်ရှိသော ရေလယ်ကျွန်း၊ သံဇလုံ၊ ချင်တောင်၊ ချောင်းမကြီး၊ မယ်ဇလီကွေ့၊ တူရွင်းမျော၊ ဂွေးပင်ကျေးရွာများမှ အများဆုံးဝင်ရောက် ရောင်းချလျက်ရှိသည့်အပြင် ချောက်၊ ဆင်ဖြူကျွန်း၊ စလင်း၊ ပွင့်ဖြူ၊ ကျောက်ပန်းတောင်း၊ ပုပ္ပါး၊ ရှမ်းပြည်နယ် အင်းလေးဒေသထွက် ဟင်းသီးဟင်းရွက် သစ်သီးဝလံများ ဝင်ရောက်လျက်ရှိပြီး ဒေသခံပြည်သူများ ရောင်းဝယ်ဖောက်ကားရာ ဈေးဖြစ်ပါသည်။

   ဆိပ်ဖြူမြို့ ပတ္တမြားဈေးအတွင်း၌ (၂၀၂၃)ခုနှစ်၊ မေလ(၂၅)ရက် မှ (၃၁)ရက်နေ့ထိ အရောင်းအဝယ်ဖြစ်လျက်ရှိသော အခြေခံစားကုန်ဈေးနှုန်းများမှာ ခရမ်းချဉ်သီး (၁)ပိဿာလျှင် (၁၅၀၀ မှ ၁၆၀၀)ကျပ်၊ ခရမ်းသီး (၁)ပိဿာလျှင်(၃၀၀၀ မှ ၃၂၀၀)ကျပ်၊ အာလူး (၁)ပိဿာလျှင် (၂၅၀၀ မှ ၂၈၀၀)ကျပ်၊ ငရုတ်သီး (စိမ်း) (၁)ပိဿာလျှင် (၁၀၀၀၀)ကျပ်၊ ငရုတ်သီး(ခြောက်)အသစ် (၁)ပိဿာလျှင် (၁၅၀၀၀ မှ ၂၀၀၀၀)ကျပ်၊ သကြားပြောင်းဖူး (၁)ဖူးလျှင် (၃၅၀)ကျပ်၊  ဒညင်းသီး (၁)လုံးလျှင် (၅၀ မှ ၁၀၀)ကျပ်၊ ကြက်သွန်နီ (၁)ပိဿာလျှင် (၂၀၀၀ မှ ၂၂၀၀)ကျပ်ဈေးဖြင့် အရောင်းအဝယ်ဖြစ်လျက်ရှိသည်။

   ဆိပ်ဖြူမြို့ အသားငါးဈေးနှုန်းများမှာ မွေးမြူရေး CP ကြက်သား (၁)ပိဿာလျှင် (၁၂၀၀၀) ကျပ်၊ ဗမာကြက်သား (၁)ပိဿာလျှင် (၁၇၀၀၀)ကျပ်၊ ဝက်သား (၁)ပိဿာလျှင် (၁၈၀၀၀) ကျပ်၊ ဆိတ်သား (၁)ပိဿာလျှင် (၂၂၀၀၀) ကျပ်၊ အမဲသား (၁)ပိဿာလျှင် (၁၂၀၀၀ မှ ၁၆၀၀၀)ကျပ်၊ မြစ်ငါးကြင်း(၁)ပိဿာလျှင် (၁၆၀၀၀)ကျပ်၊ မွေးမြူရေး ငါးကြင်း (၁)ပိဿာလျှင် (၈၀၀၀)ကျပ်၊ မြေပဲစက်ပဲဆီ (၁)ပိဿာလျှင် (၁၅၀၀၀)ကျပ်၊ နှမ်းရောဆီ (၁)ပိဿာလျှင် (၉၅၀၀)ကျပ်၊ စားအုန်းဆီ (၁)ပိဿာလျှင် (၇၀၀၀)ကျပ်၊ ဧရာပဒေသာဆန်(၂၄)ပြည် တစ်အိတ်လျှင် (၁၀၄၀၀၀)ကျပ်၊ မနောသုခ (၂၄)ပြည် တစ်အိတ်လျှင် (၈၀၀၀၀)ကျပ်၊ ရာပြည့် (၂၄)ပြည် တစ်အိတ် လျှင် (၈၅၀၀၀)ကျပ်၊ သိင်္ဂီပေါ်ဆန်း (၂၄)ပြည် တစ်အိတ်လျှင် (၁၁၀၀၀၀)ကျပ် ဈေးနှုန်းအသီးသီးဖြင့် အရောင်းအဝယ်ဖြစ်နေကြောင်း သိရှိရသည်။

DOCA(မကွေး)

    ပခုက္ကူမြေပဲဈေးကွက်၌ ၂၀၂၃ခုနှစ် မေလ(စတုတ္ထ)ပတ်တွင် မြေပဲဈေးများမှာ ဈေးတက်ပြီး အရောင်းအဝယ် ဖြစ်လျက်ရှိသည်။ ယခုတစ်ပတ်တွင် ဗန်းမော်၊ ကသာမြို့နယ်များမှ (၃)လမြေပဲများ အနည်းငယ် ဝင်ရောက်လျက်ရှိပြီး ဈေးကွက်အနေဖြင့် မြင့်တက်လျက်ရှိကြောင်း သိရှိရသည်။ (၃)လမြေပဲဆံများမှာ တစ်ပိဿာလျှင် ကျပ်(၆၈၀၀ မှ ၇၂၀၀)ထိ ဈေးဖြင့် အရောင်းအဝယ် ဖြစ်လျက်ရှိကြောင်း သိရှိရသည်။  (၃)လမြေပဲများကို မျိုးဆံများအဖြစ် ပြန်လည်ရောင်းချပြီး ရေဦး၊ မြိုင်မြို့နယ်ဘက်မှ ဝယ်ယူကြောင်း သိရှိရသည်။ မြေပဲဆီဆံ တစ်ပိဿာလျှင် (၆၀၀၀ မှ ၆၃၀၀) ကျပ် ဈေးရှိပြီး မြေပဲလုံးဆံ တစ်ပိဿာလျှင် (၆၅၀၀ မှ ၆၉၀၀)ကျပ်ဈေးရှိကြောင်း သိရှိရသည်။

    ဈေးကွက်သို့ မြေပဲအတောင့် အဝင်နည်းသော်လည်း ပခုက္ကူမြို့ပေါ်ရှိ မြေပဲကုန်သည် ပွဲစားများသည် ယခင်ဝယ်ယူ သိုလှောင်ထားသော မြေပဲများကိုသာ ကြိတ်ခွဲထုတ်လုပ် အရောင်းအဝယ်ဖြစ်လျက်ရှိကြောင်း သိရှိရသည်။

  ယောဘက်မှ ဝင်ရောက်လာသော (၆)လမြေပဲလုံးဆံနီများမှာ အဝင်နည်းသော်လည်း တစ်ပိဿာလျှင်(၈၂၀၀ မှ ၈၅၀၀)ကျပ်ဈေးရှိပြီး ဈေးမြင့်၍ အရောင်းအဝယ်ဖြစ်လျက်ရှိကြောင်း သိရှိရသည်။ ဈေးကွက်အနေဖြင့် မန္တလေးမှတဆင့် ပြည်ပတရုတ်နိုင်ငံသို့ တင်ပို့ဖြန့်ဖြူးရောင်းချလျက်ရှိကြောင်း သိရှိရပါသည်။

DOCA(မကွေး)

      ၂၀၂၃ ခုနှစ် မေလ စတုတ္ထအပတ်အတွင်း မုံရွာမြို့နယ်အတွင်း အခြေခံစားကုန်များ ဖြစ်သော ရွှေဘိုပေါ်ဆန်းဆန်တစ်ပြည် (၄၃၀၀) ကျပ်၊ ဧရာမင်းဆန်တစ်ပြည် (၄၁၀၀)  ကျပ်ဖြင့် အရောင်းအဝယ်ဖြစ်လျက်ရှိပါသည်။ စားအုန်းဆီ တစ်ပိဿာလျှင် (၆၄၀၀) ကျပ်၊ မြေပဲဆီတစ်ပိဿာလျှင် (၁၂၅၀၀) ကျပ်၊ နှမ်းဆီ တစ်ပိဿာလျှင် (၁၁၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်နီ လက်လီတစ်ပိဿာလျှင် (၂၀၀၀) ကျပ်မှ (၂၂၀၀) ကျပ်ထိ၊ ကြက်သွန်ဖြူ လက်လီ (ဗမာ) တစ်ပိဿာလျှင် (၉၀၀၀) ကျပ်မှ (၁၀၀၀၀) ကျပ်ထိ၊ ကြက်သွန်ဖြူ (ရှမ်း) တစ်ပိဿာ လျှင် (၈၅၀၀) ကျပ်မှ (၉၀၀၀) ကျပ်ထိ၊ ကြက်သွန်ဖြူ(ကြူကုတ်) တစ်ပိဿာလျှင် (၈၅၀၀) ကျပ်မှ (၉၀၀၀) ကျပ်ထိ၊ ချင်းတက် တစ်ပိဿာလျှင် (၁၉၀၀) ကျပ်မှ (၂၀၀၀) ကျပ်ထိ၊ ငရုတ်ခြောက် အမျိုးအစားအလိုက်  (၁၄၀၀၀)  ကျပ် မှ (၁၅၀၀၀) ကျပ်ထိ၊ အာလူး တစ်ပိဿာလျှင် (၂၄၀၀) ကျပ် မှ (၂၅၀၀) ကျပ်ထိ၊ ခရမ်းချဉ်သီး တစ်ပိဿာလျှင် (၁၉၀၀) ကျပ်မှ (၂၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

       ကြက်ဥလက်လီဈေးနှုန်းမှကြီး တစ်လုံး (၂၅၀) ကျပ်၊ သေးတစ်လုံး (၂၀၀) ကျပ်၊ ဘဲဥ(ကြီး) တစ်လုံး (၃၅၀) ကျပ်၊ သေးတစ်လုံး (၃၀၀) ကျပ်ရှိသည်။ မုံရွာမြို့၏ သား/ ငါးဈေးနှုန်းမှ ကြက်သား (CP) တစ်ပိဿာလျှင် ( ၁၀၀၀၀) ကျပ်မှ  (၁၁၀၀၀) ကျပ်ထိ ၊ ကြက်သား (ဗမာ) တစ်ပိဿာလျှင် (၁၂၀၀၀) ကျပ်၊ ဝက်သားတစ်ပိဿာလျှင် (၁၉၀၀၀) ကျပ်မှ (၂၀၀၀၀) ကျပ်ထိ၊ အမဲသား တစ်ပိဿာလျှင် (၁၈၀၀၀) ကျပ်မှ (၁၉၀၀၀)ကျပ်ထိ၊ ငါးမြစ်ချင်း တစ်ပိဿာလျှင် (၈၀၀၀) ကျပ်၊ ငါးကြင်း တစ်ပိဿာလျှင် (၁၀၀၀၀) ကျပ် တို့ဖြင့်အရောင်းအဝယ်ဖြစ်နေကြောင်း သိရပါသည်။

     မေလ စတုတ္ထပတ်အတွင်း အခြေခံစားကုန်ဈေးနှုန်းများနှင့် ယခင်အပတ်ဈေးနှုန်းများနှိုင်းယှဉ်လျှင် စားအုန်းဆီ တစ်ပိဿာလျှင် (၅၀၀)ကျပ်၊ ငရုတ်ခြောက် တစ်ပိဿာလျှင် (၁၀၀၀)ကျပ် ဈေးနှုန်းတက်ပြီး အခြားအခြေခံစားကုန်များ၏ ဈေးနှုန်းများမှာ ကွာဟမှုမရှိကြောင်း မုံရွာမြို့နေ ဈေးရောင်းချသူများထံမှ သိရှိရပါသည်။

DOCA(စစ်ကိုင်း)