ပြည်တွင်းကုန်သွယ်မှုသတင်း

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးအနေဖြင့် “ပြည်တွင်းကုန်သွယ်မှုဖွံ့ဖြိုးရေးနှင့် စားသုံးသူကာကွယ်ရေးလုပ်ငန်းများဖြင့် နိုင်ငံ့စီးပွားရေးဖွံ့ဖြိုးတိုးတက်ရန်”ဆိုသည့် ဌာန၏မျှော်မှန်းချက်တာဝန်ကိုလည်း အကောင်အထည်ဖော်ဆောင်ရွက်လျက်ရှိရာ ကန့်ဘလူမြို့၊ မြို့မစည်ပင်သာယာဈေးတွင် ငါးမျိုးစုံရောင်းချလျက်ရှိပြီး ၂၀၂၃ခုနှစ်၊ ဇွန်လ၊ ပထမအပတ်အတွင်း ဖြစ်ပေါ်နေသောငါးလက်လီဈေးနှုန်းများမှာ ငါးရံ့အကောင်လိုက်တစ်ပိဿာလျှင် (၁၂၀၀၀) ကျပ်၊ တီလားဗီးယားအကောင်သေးတစ်ပိဿာလျှင် (၆၀၀၀) ကျပ်၊ တီလားဗီးယားအကောင်ကြီးတစ်ပိဿာလျှင် (၈၀၀၀) ကျပ်၊ ငါးကြင်းတစ်ပိဿာလျှင် (၉၅၀၀)ကျပ်၊ ငါးဖယ်တစ်ပိဿာလျှင် (၈၀၀၀) ကျပ်၊ ငါးမုတ်တစ်ပိဿာလျှင် (၆၅၀၀) ကျပ်၊ ငါးမြင်းတစ်ပိဿာလျှင် (၆၅၀၀) ကျပ်၊ ငါးမြင်းခုတ်သားတစ်ပိဿာလျှင် (၁၀၀၀၀) ကျပ်၊ ငါးကြင်းခုတ်သားတစ်ပိဿာလျှင် (၁၆၀၀၀) ကျပ်၊ ငါးဖယ်ခြစ်တစ်ပိဿာလျှင် (၂၀၀၀၀) ကျပ်၊ ပုစွန်ဆိတ်တစ်ပိဿာလျှင် (၇၀၀၀) ကျပ်နှင့် ပုစွန်ထုပ်တစ်ပိဿာလျှင် (၄၀၀၀၀) ကျပ်တို့ဖြင့် အရောင်းအဝယ်ဖြစ်လျက်ရှိပါသည်။

          ငါးဈေးနှုန်းများအား ယခင် မေလနောက်ဆုံးပတ်နှင့်နှိုင်းယှဉ်ပါက တီလာဗီးယားအကောင်သေးတစ်ပိဿာလျှင် (၁၂၀၀) ကျပ်၊ တီလားဗီးယားအကောင်ကြီးတစ်ပိဿာလျှင် (၁၀၀၀) ကျပ်ဈေးနှုန်းမြင့်တက်နေပြီး အခြားငါးဈေးနှုန်းများမှာ ပုံမှန်အတိုင်း အရောင်းအဝယ်ဖြစ်လျက်ရှိနေကြောင်း မြို့မစည်ပင်သာယာဈေးအတွင်းရှိ ငါးဒိုင်များမှ သတင်းရရှိပါသည်။

DOCA(စစ်ကိုင်း)

    စစ်ကိုင်းတိုင်းဒေသကြီး၊ မုံရွာမြို့နယ်ရှိ ကျေးရွာများတွင် ငရုတ်ကို စီးပွားဖြစ်စိုက်ပျိုးလျက်ရှိသည်ကိုတွေ့ရှိရပါသည်။ မြေတစ်ဧကလျှင် ငရုတ်မျိုးစေ့ ၉ထုပ်စိုက်ပျိုးရပြီး ငရုတ်အမျိုးအစားများစွာရှိသော်လည်း တောင်သူအများစုစိုက်ပျိုးသောမျိုးစေ့များမှာ ၀၀၄၊  ၄၄၊ ၉၉ စသောသာမိုနှင့်ဒီမွန်မျိုးများကိုသာ အများဆုံးစိုက်ပျိုးလျက်ရှိကြောင်း၊ မျိုးစေ့တစ်ထုပ်လျှင် သာမိုမျိုးစေ့မှာ ၁၇၀၀၀ကျပ်မှ ၁၈၀၀၀ကျပ်ထိ၊ ၄၄နှင့် ၉၉မျိုးတို့ကို ၅၀၀၀ကျပ်နှုန်းစီပေးဝယ်ရကြောင်း၊ ကျန်မျိုးစေ့များသည် မျိုးသာကွာပြီး ဈေးနှုန်းမှာ အတူတူပင်ဖြစ်ကြောင်း၊ မြေတစ်ဧကစိုက်ပျိုးလျှင် ထွန်စက်ကြီးဖြင့် ထွန်ယက်ခမှာ ၄၅၀၀၀ကျပ်ပေးရပြီး စိုက်ပျိုးချိန်ထိ ထွန်ယက်ခမှာ (၁၅၀ဝ၀ဝ) ကျပ်ကုန်ကျခဲ့ကြောင်း၊ စတင်စိုက်ပျိုးချိန်၌ ဘောင်ဆွဲခမှာ တစ်မနက်လျှင် ယောကျာ်းလေးတစ်ဦးကို ၂၅၀ဝကျပ်နှုန်းဖြင့် (၂၀) ဦးငှားရမ်းရပြီး ကုန်ကျစရိတ်မှာ တစ်ရက်လျှင် ငှားရမ်းခမှာ (၅၀၀၀၀) ကျပ်ကုန်ကျခဲ့ပါကြောင်း၊ အပင်စိုက်မိန်းကလေး (၃၅) ဦးအား ၁၅၀ဝကျပ်နှုန်းဖြင့် ငှားရမ်းခမှာ (၅၂၅၀၀) ကျပ်ကုန်ကျခဲ့ပါကြောင်း၊ ငရုတ်အပင်မစိုက်မီ စိုက်ပျိုးမည့်ကျင်းထဲသို့ မြေဆီထည့်ပေးရပြီး မြေဆီတစ်အိတ်လျှင် ၁၆၀၀၀၀ကျပ်ပေးဝယ်ရပါကြောင်း၊ ငရုတ်မျိုးစေ့ကို ပျိုးထုပ်ထဲသို့ထည့်ပြီး ၁လသားရလျှင် မြေကြီးထဲချ၍စိုက်ပျိုးရပြီး တစ်ဧကစိုက်ပျိုးရေးကုန်ကျစရိတ်မှာ အပြီးအစီး ၅သိန်းခန့်ကုန်ကျခဲ့ကြောင်း၊ ငရုတ်ကို များသောအားဖြင့် စက်တင်ဘာလနှင့် အောက်တိုဘာလများတွင် စတင်စိုက်ပျိုးပြီး အပင်ကြီးထွားချိန်တွင် ပိုးသတ်ဆေး၊ စုတ်စား(ပိုးနိုင်တဲ့ဆေး)၊ မှိုဆေး၊ သြဘာ၊ ဒီမွန်စသောပိုးသတ်ဆေးများကို စတင်စိုက်ပျိုးပြီးချိန်မှစ၍ တစ်ပတ်လျှင် တစ်ခါဖြန်းပေးရပါကြောင်း၊ ဆေးဖြန်းပြီး ၂ပတ်ကြာလျှင် အသီးဆွတ်ခူးရကြောင်း၊ ငရုတ်ကို ရေမဝင်သောနေရာများတွင် ရာသီမရွေးစိုက်ပျိုးနိုင်ပြီး ဆောင်းရာသီ၌ စိုက်ပျိုးလျှင် ပိုမိုဖြစ်ထွန်းကြောင်း၊ စိုက်ပျိုးလျှင် အကောင်းဆုံးမျိုးမှာ သာမိုမျိုးပင်ဖြစ်ကြောင်း၊ ငရုတ်တစ်ဧကလျှင် အစိုမှာ ပိဿာ၈၀ဝ၀မှ ပိဿာ၁၀၀၀၀ကျော်ထွက်ရှိကြောင်း၊ အစို၁ပိသာလျှင် ၄၀၀၀ကျပ်မှ ၅၀၀ဝကျပ်ထိရောင်းချရပြီး အခြောက်တစ်ပိဿာလျှင် ၂၀၀ဝ၀ကျပ်နှုန်းဖြင့်ရောင်းချရကြောင်း၊ အစို၄ပိဿာလှန်းလျှင် အခြောက်၁ပိဿာတင်ကြောင်း၊ ငရုတ်စိုက်ခင်းတစ်ဧကလျှင် လူငှားမိန်းကလေး၁၀ဦးကို တစ်မနက်လျှင် ၁၅၀ဝကျပ်နှုန်းဖြင့်ငှား၍ ဆွတ်ခူးရကြောင်း၊ ပိုးဖျက်လျှင်မူ အရှုံးပေါပြီး အောင်မြင်ဖြစ်ထွန်းပါက တစ်ဧကကို သိန်း၂၅/၃၀ကျော်အမြတ်ရရှိခဲ့ကြောင်း ကျောင်းစုကျေးရွာရှိ ငရုတ်စိုက်ပျိုးသောတောင်သူတစ်ဦးထံမှ သိရှိခဲ့ရပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများကိုဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် အသင်း၊ အစုအဖွဲ့နှင့် ကုန်စည်ဒိုင်များ ဖွဲ့စည်းခြင်း၊ ဖွဲ့စည်းပြီးအသင်းအဖွဲ့များ၊ ကုန်စည်ဒိုင်များပိုမိုခိုင်မာအားကောင်းလာစေခြင်းတို့အတွက် ပူးပေါင်းဆောင်ရွက်လျက်ရှိပါသည်။ ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကိုလည်း အပတ်စဉ်၊ လစဉ်တင်ပြလျက်ရာ ၂၀၂၃ခုနှစ်၊ ဇွန်လ၊ ပထမအပတ်အတွင်း အရောင်းအဝယ်ဖြစ်သည့်သီးနှံနှင့်ဈေးနှုန်းအခြေအနေများကို ရွှေဘိုမြို့၊ ပဲ၊ နှမ်းကုန်စည်ဒိုင်ရှိ တာဝန်ရှိသူများအား ဆက်သွယ်မေးမြန်းခဲ့ပါသည်။

      ပဲတီစိမ်းမှာ ဧပြီလ၊ တတိယအပတ်မှစတင်၍ ရွှေဘိုဈေးကွက်သို့ စတင်ဝင်ရောက်ခဲ့ပြီး ဇွန်လ၊ ပထမအပတ်အထိဝင်ရောက်လျက်ရှိကြောင်း၊ ရွှေဘိုမြို့၊ ပဲ၊ နှမ်းကုန်စည်ဒိုင်သို့ ရွှေဘိုခရိုင်အတွင်းရှိ နွေသီးနှံစိုက်ပျိုးရန်အတွက် ဆည်ရေရရှိသည့်မြို့နယ်များအပြင် မူးမြစ်ဝှမ်းဒေသများမှ ပဲတီစိမ်းများဝင်ရောက်လျက်ရှိကြောင်း၊  ဇွန်လ၊ ပထမအပတ်တွင် အရောင်းအဝယ်ဖြစ်သည့်ဈေးနှုန်းမှာ ပဲတီစိမ်းတစ်တင်းလျှင် (၆၀၀၀ဝိ/-) ကျပ်ပေါက်ဈေးရှိပြီး အရောင်းအဝယ်ဖြစ်မှုမှာ (၁၅၀၀) တင်း/ (၄၉) တန်ဖြစ်ကြောင်း၊ ယခင်နှစ်ကာလတူ၌ ပဲတီစိမ်းများအရောင်းအဝယ်ဖြစ်မှုမရှိကြောင်း၊ ယခင်အပတ်နှင့် ယခုအပတ် အရောင်းအဝယ်ဖြစ်သည့်ဈေးနှုန်းတို့ကိုနှိုင်းယှဉ်ပါက ယခင်အပတ်၌ ပဲတီစိမ်းတစ်တင်းလျှင် (၆၃၃၀ဝိ/-) ကျပ်ပေါက်ဈေးရှိခဲ့သဖြင့် ယခုအပတ်တွင် ယခင်အပတ်အောက် တစ်တင်းလျှင် (၃၃၀ဝိ/-) ကျပ်ဈေးလျော့နည်းခဲ့ပြီး ဈေးနှုန်းလျော့နည်းသော်လည်း ဝင်ရောက်သမျှ အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများကိုဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့်တွေ့ဆုံ၍ အခြေခံစားကုန်ဈေးနှုန်းများ၊ ဓာတ်မြေဩဇာနှင့် ပိုးသတ်ဆေးဈေးနှုန်းများအား အပတ်စဉ်တင်ပြလျက်ရှိပါသည်။

    ၂၀၂၃ခုနှစ်၊ ဇွန်လ၊ ပထမအပတ်တွင် ရွှေဘိုမြို့၌ ရောင်းချလျက်ရှိသောဓာတ်မြေဩဇာဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅)ကွန်ပေါင်းဓာတ်မြေဩဇာ 50kg တစ်အိတ်လျှင် (၁၃၃၀၀ဝိ/-) ကျပ်၊ MC တံဆိပ် (၁၅:၁၅:၁၅)ကွန်ပေါင်းဓာတ်မြေဩဇာ 50kg တစ်အိတ်လျှင် (၉၈၀၀ဝိ/-) ကျပ်၊ ဇာမဏီတံဆိပ် (၁၃:၅:၇)ကွန်ပေါင်းဓာတ်မြေဩဇာ 50kg တစ်အိတ်လျှင် (၆၀၇၀ဝိ/-) ကျပ်၊ အာမို၊ ပုလဲတံဆိပ် ကွန်ပေါင်းဓာတ်မြေဩဇာ 50kg တစ်အိတ်လျှင် (၉၈၀၀ဝိ/-) ကျပ်၊ ပန်းဖူးတံဆိပ် ဓာတ်မြေဩဇာ 50kg တစ်အိတ်လျှင် (၇၇၀၀ဝိ/-) ကျပ်ဖြစ်ပြီး ပိုးသတ်ဆေးဈေးနှုန်းများမှာ ရှောင်လင်တံဆိပ် ထိသေ/စားသေ(အဆိပ်ငွေ့) 1Liter တစ်ဘူးလျှင် (၁၅၅၀ဝိ/-) ကျပ်၊ ဒီမွန်1.8တံဆိပ် ထိသေ/စားသေ(အဆိပ်ငွေ့) 500cc တစ်ဘူးလျှင် (၁၂၅၀ဝိ/-) ကျပ်၊ ငှက်ကြီးတောင်တံဆိပ် ထိသေ/စားသေ(အဆိပ်ငွေ့) 250cc တစ်ဘူးလျှင် (၂၈၅၀ဝိ/-) ကျပ်၊ ဇိုင်ကလုံးတံဆိပ် ပင်လုံးပြန့် 1Liter တစ်ဘူးလျှင် (၂၉၅၀ဝိ/-) ကျပ်၊ အင်ဖာနိုတံဆိပ် ပင်လုံးပြန့် 500g တစ်ဘူးလျှင် (၉၀၀ဝိ/) ကျပ်ဖြစ်ကြောင်း၊ ယခင်လ ကာလတူနှင့် အရောင်းအဝယ်ဖြစ်သည့်ဈေးနှုန်းတို့ကိုနှိုင်းယှဉ်ပါက အာမို၊ ကျွဲနက်တံဆိပ် (၁၅:၁၅:၁၅)ကွန်ပေါင်းဓာတ်မြေဩဇာ 50kg တစ်အိတ်လျှင် (၁၁၀၀ဝိ/-) ကျပ်၊ MC တံဆိပ် (၁၅:၁၅:၁၅)ကွန်ပေါင်းဓာတ်မြေဩဇာ 50kg တစ်အိတ်လျှင် (၂၇၀၀ဝိ/-) ကျပ်၊ ဇာမဏီတံဆိပ် (၁၃:၅:၇)ကွန်ပေါင်းဓာတ်မြေဩဇာ 50kg တစ်အိတ်လျှင် (၉၈၀ဝိ/) ကျပ်လျော့နည်းခဲ့ပြီး အာမို၊ ပုလဲတံဆိပ် ကွန်ပေါင်းဓာတ်မြေဩဇာ 50kg တစ်အိတ်လျှင် (၂၄၅၀ဝိ/-) ကျပ်၊ ပန်းဖူးတံဆိပ် ဓာတ်မြေဩဇာ 50kg တစ်အိတ်လျှင် (၇၀၀ဝိ/-) ကျပ်မြင့်တက်ခဲ့ကြောင်းနှင့် အရောင်းအဝယ်မှာ ပုံမှန်သာရှိကြောင်း ဓာတ်မြေဩဇာအရောင်းဆိုင်များမှ တာဝန်ရှိသူများနှင့် ဆက်သွယ်မေးမြန်းမှုအရ သိရှိရပါသည်။

DOCA(စစ်ကိုင်း)

     မုံရွာမြို့၊ ချင်းတွင်းရတနာစျေး၌  ရောင်းချနေသောပုစွန်ခြောက်၊ ငါးခြောက်များမှာ ရန်ကုန်၊ မန္တလေး၊ ရခိုင်ပြည်နယ်ဘက်တို့မှ ဝင်ရောက်နေကြောင်း သိရပါသည်။ ပုစွန်၊ ငါးခြောက်စျေးနှုန်းများမှာ ဝင်ရောက်သည့်ဒေသအ‌ပေါ် မူတည်၍လည်းကောင်း၊ အရည်အသွေးကိုလိုက်၍လည်းကောင်း ကွာခြားလျက်ရှိပါသည်။

     ၂၀၂၃ခုနှစ်၊ ဇွန်လ၊ ပထမအပတ်တွင် ရောင်းချနေသောဈေးနှုန်းများမှာ ပုစွန်ခြောက်(၁)ပိဿာလျှင် ကျပ် (၆၅၀၀၀) မှ ကျပ် (၈၅၀၀၀)၊ ငါးရံ့ခြောက်(၁) ပိဿာလျှင် ကျပ် (၅၅၀၀၀) မှ ကျပ် (၈၀၀၀၀)၊ ငါးပုတ်လုံးခြောက်(၁)ပိဿာလျှင် ကျပ် (၁၆၀၀၀) မှ ကျပ် (၁၈၅၀၀)၊  ငါးပုတ်သင်(၁)ပိဿာလျှင် ကျပ် (၁၅၀၀၀) မှ ကျပ် (၁၆၀၀၀)၊ အာဗြဲခြောက်(၁)ပိဿာလျှင် ကျပ် (၂၀၀၀၀) မှ ကျပ် (၂၂၀၀၀)၊ ငါးကျည်းခြောက်(၁)ပိဿာလျှင် ကျပ် (၃၅၀၀၀) မှ ကျပ် (၄၅၀၀၀)၊ ငါးနီတူးခြောက်(၁)ပိဿာလျှင် ကျပ် (၁၂၀၀၀) မှ ကျပ် (၁၄၀၀၀)၊ ငါးဖန့်ဝိုင်း(ငါးပိကောင်) (၁)ပိဿာလျှင် ကျပ် (၁၅၀၀၀) မှ ကျပ် (၁၇၅၀၀) ထိရှိကြောင်း ချင်းတွင်းရတနာဈေးတွင်ရောင်းချနေသော ငါးခြောက်ကုန်သည်များထံမှ သိရှိရပါသည်။

DOCA(စစ်ကိုင်း)