ပြည်တွင်းကုန်သွယ်မှုသတင်း

တောင်ငူမြို့ ညောင်ပင်ဈေးတွင် ကြက်သား(အိမ်မွေးကြက်)တစ်ပိဿာလျှင် ၂၀၀၀၀ ကျပ် ဖြင့် ယခင်အပတ်ကအတိုင်း ဈေးနှုန်းတည်ငြိမ်နေပါသည်။ မွေးမြူးရေးကြက် (စီပီကြက်)မှာ ယခင်အပတ်က အသားသီးသန့် တစ်ပိဿာလျှင် ၁၀၀၀၀ ကျပ်ရှိရာရာ ယခုမေလ (စတုတ္ထအပတ်)တွင် တစ်ပိဿာလျှင် ၁၂၀၀၀ ကျပ်ဖြင့် ဈေးနှုန်းအနည်းငယ်မြင့်တက်ပြီး အခြမ်းလိုက်ဈေးမှာ ယခင်အပတ်က အတိုင်း တစ်ပိဿာလျှင် ၈၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

ဝက်သား(ရေလွတ်သား)မှာ သုံးထပ်သား တစ်ပိဿာလျှင် ၁၆၀၀၀ ကျပ်၊ ပေါင်သား တစ် ပိဿာလျှင် ၁၈၀၀၀ ကျပ်၊ အသားသီးသန့် တစ်ပိဿာလျှင် ၂၀၀၀၀ ကျပ်ဖြင့် ယခင်အပတ်က အတိုင်း ဈေးနှုန်းတည်ငြိမ်နေပါသည်။

ငါးကြင်းမှာ ယခင်အပတ်က အကောင်လိုက်ဈေးမှာ တစ်ပိဿာလျှင် ၈၀၀၀ ကျပ်၊ အသားသီးသန့် တစ်ပိဿာလျှင် ၁၂၀၀၀ ကျပ်ရှိရာမှ ယခုအပတ်တွင် အကောင်လိုက်ဈေး တစ်ပိဿာလျှင် ၁၀၀၀၀ ကျပ်၊ အသားသီးသန့်တစ်ပိဿာလျှင် ၁၅၀၀၀ ကျပ်ဖြင့် ဈေးနှုန်း မြင့်တက်ပါသည်။

ငါးကြင်းဖြူ အကောင်လိုက်ဈေး တစ်ပိဿာလျှင် ၁၆၀၀၀ ကျပ်၊ အမြီးလွတ်ခေါင်းလွတ်တစ်ပိဿာလျှင် ၁၈၀၀၀ ကျပ်၊ ငါးရံ့တစ်ပိဿာလျှင် အသေး ၁၅၀၀၀ ကျပ်၊ အလတ် ၁၈၀၀၀ ကျပ်နှင့် အကြီး ၂၀၀၀၀ ကျပ်ဖြင့် ယခင်အပတ်ကအတိုင်း ဈေးနှုန်း တည်ငြိမ်နေပါသည်။

ငါးခူမှာ ယခင်အပတ်က တစ်ပိဿာလျှင် အသေး ၂၀၀၀၀ ကျပ်၊ အလတ် ၂၂၀၀၀ ကျပ် နှင့် အကြီး ၂၄၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် အသေး ၁၈၀၀၀ ကျပ်၊ အလတ် ၂၀၀၀၀ ကျပ်နှင့် အကြီး ၂၂၀၀၀ ကျပ်ဖြင့် ဈေးနှုန်းအနည်းငယ်ကျဆင်းပါသည်။

ပုဇွန်ဆိတ်မှာ တစ်ပိဿာလျှင် ၈၀၀၀ ကျပ်၊ ပုဇွန်အသေး တစ်ပိဿာလျှင် ၂၄၀၀၀ ကျပ်၊ ပုဇွန်အလတ် ၂၆၀၀၀ ကျပ်နှင့် ပုဇွန်အကြီး တစ်ပိဿာလျှင် ၂၈၀၀၀ ကျပ်ဖြင့် ယခင်အပတ်က အတိုင်း ဈေးနှုန်းတည်ငြိမ်နေကြောင်း သိရပါသည်။

DOCA (ပဲခူး)

ပဲခူးတိုင်းဒေသကြီး၊ တောင်ငူမြို့တွင် ယခင်အပတ်က 92 RON တစ်လီတာလျှင် ၁၉၂၀ ကျပ်၊ 95 RON တစ်လီတာလျှင် ၂၀၁၀ ကျပ်၊ ဒီဇယ် တစ်လီတာလျှင် ၁၈၇၀ ကျပ်နှင့် ပရီမီယံ ဒီဇယ် တစ်လီတာလျှင် ၁၉၅၀ ကျပ် ရှိခဲ့ပါသည်။

ယခုမေလ (စတုတ္ထအပတ်) တွင် 92 RON တစ်လီတာလျှင် ၁၉၅၀ ကျပ်၊ 95 RON တစ်လီတာလျှင် ၂၀၄၀ ကျပ်၊ ဒီဇယ် တစ်လီတာလျှင် ၁၉၀၀ ကျပ်နှင့် ပရီမီယံ ဒီဇယ် တစ်လီတာလျှင် ၁၉၈၀ ကျပ် ရှိခဲ့ပါသည်။

သို့ဖြစ်ပါ၍ 92 RON မှာ ယခင်အပတ်ထက် တစ်လီတာလျှင် ၃၀ ကျပ်၊ 95 RON မှာ ယခင်အပတ်ကထက် တစ်လီတာလျှင် ၃၀ ကျပ်၊ ဒီဇယ်မှာ ယခင်အပတ်ကထက် တစ်လီတာ လျှင် ၃၀ ကျပ်နှင့် ပရီမီယံဒီဇယ်မှာ တစ်လီတာလျှင် ၃၀ ကျပ် ဈေးမြှင့်တက်လာကြောင်း သိရှိရပါသည်။

DOCA(ပဲခူး)

တောင်ငူမြို့တွင် အခြေခံစားသောက်ကုန်များဖြစ်သော မြေပဲဆီမှာ  တစ်ပိဿာလျှင် ၁၅၀၀၀ ကျပ်ဖြင့် ယခင်အပတ်ကအတိုင်း ဈေးနှုန်းတည်ငြိမ်နေပြီး၊ စားအုန်းဆီမှာ ယခင်အပတ်က တစ်ပိဿာလျှင် ၆၂၅၀ ကျပ်မှ ၂၀၂၃ခုနှစ်၊ မေလ(စတုတ္ထအပတ်) တွင် တစ်ပိဿာလျှင် ၆၃၅၀ ကျပ်ဖြင့် ဈေးနှုန်း အနည်းငယ် မြင့်တက်ပါသည်။

ကြက်သွန်နီအသေးမှာ ယခင်အပတ်က တစ်ပိဿာလျှင် ၂၄၀၀ ကျပ်မှ ယခုအပတ်တွင် တစ်ပိဿာလျှင် ၂၅၀၀ ကျပ်၊ အလတ် တစ်ပိဿာလျှင် ၂၆၀၀ ကျပ်မှ ယခုအပတ်တွင် တစ်ပိဿာလျှင် ၂၈၀၀ ကျပ်၊ အကြီးမှာ ယခင်အပတ်က တစ်ပိဿာလျှင် ၂၈၀၀ ကျပ်မှ ယခု အပတ်တွင် တစ်ပိဿာလျှင် ၃၀၀၀ ကျပ်၊ တရုတ်ကြက်သွန်နီမှာ ယခင်အပတ်က တစ်ပိဿာလျှင် ၃၀၀၀ ကျပ်မှ ယခုအပတ်တွင် တစ်ပိဿာလျှင် ၃၂၀၀ ကျပ်ဖြင့်  ဈေးနှုန်းမြင့်တက်ခဲ့ပါသည်။ကြက်သွန်ဖြူ အသေးမှာ တစ်ပိဿာလျှင် ယခင်အပတ်က ၄၅၀၀ ကျပ်မှ ယခုအပတ် တွင် ၅၀၀၀ ကျပ်၊ အလတ်မှာ တစ်ပိဿာလျှင် ယခင်အပတ်က ၅၀၀၀ ကျပ်မှ ယခုအပတ်တွင် ၅၄၀၀ ကျပ်၊ အကြီးမှာ တစ်ပိဿာလျှင် ယခင်အပတ်က ၅၅၀၀ ကျပ်မှ ယခုအပတ်တွင် ၅၈၀၀ ဖြင့် ဈေးနှုန်းအနည်းငယ်မြင့်တက်ပြီး တရုတ်ကြက်သွန်ဖြူမှာ ယခင်အပတ်က တစ်ပိဿာ လျှင် ၆၂၀၀ ကျပ်မှ ယခုအပတ်တွင် ၆၀၀၀ ကျပ်ဖြင့် ဈေးနှုန်းအနည်းငယ်ကျဆင်းခဲ့ပါသည်။

အာလူးမှာ ယခင်အပတ်က တစ်ပိဿာလျှင် အသေး ၂၄၀၀ ကျပ်၊ အလတ် ၂၆၀၀ ကျပ်၊ အကြီး ၂၈၀၀ ကျပ်၊ တရုတ်အာလူး ၃၂၀၀ ကျပ် ရှိရာမှ ယခုအပတ်တွင် တစ်ပိဿာလျှင် အသေး ၁၈၀၀ ကျပ်၊ အလတ် ၂၀၀၀ ကျပ်၊ အကြီး ၂၆၀၀ ကျပ်၊ တရုတ်အာလူး ၃၀၀၀ ကျပ်ဖြင့် ဈေးနှုန်း အနည်းငယ် ကျဆင်းပါသည်။ငရုတ်သီးခြောက် အပုမှာ ယခင်အပတ်က တစ်ပိဿာလျှင် ၁၄၀၀၀ ကျပ်မှ ၁၅၀၀၀ ကျပ် ရှိရာမှ ယခုအပတ်တွင် တစ်ပိဿာလျှင် ၂၀၀၀၀ ကျပ်ဖြင့် ဈေးနှုန်းမြင့်တက်ခဲ့ပြီး ငရုပ်သီးခြောက် အရှည်မှာ တစ်ပိဿာလျှင် ၁၅၀၀၀ ကျပ်၊ ငရုပ်သီးခြောက်အပွမှာ ၂၅၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

မြေပဲဆံအဖြူမှာ တစ်ပိဿာလျှင် ၇၄၀၀ ကျပ်၊ မြေပဲဆံအနီမှာ ယခင်အပတ်က တစ်ပိဿာလျှင် ၈၀၀၀ ကျပ်၊ ကုလားပဲခြမ်းမှာ တစ်ပိဿာလျှင် ၅၀၀၀ ကျပ်ဖြင့် ဈေးနှုန်းတည်ငြိမ်နေကြောင်းနှင့် အခြေခံစားသောက်ကုန်များမှာ ပုံမှန်အတိုင်း အရောင်းအဝယ် ဖြစ်နေကြောင်း တောင်ငူသိရပါသည်။

DOCA (ပဲခူး)

ပဲခူးတိုင်းဒေသကြီး၊ နတ်တလင်းခရိုင်အတွင်း ရာသီအလိုက်သီးနှံများ စိုက်ပျိုးကြသော်လည်း ပြောင်းသီးနှံကို ပိုမိုစိုက်ပျိုးကြပါသည်။ ပြောင်းသီးနှံကို ရေရရှိမှုနှင့် ဈေးကွက်လိုအပ်ချက်အရ တစ်နှစ်ပတ်လုံးလိုလို တစ်နိုင်တစ်ပိုင် စိုက်ပျိုးကြပါသည်။

ယခုထွက်ရှိသော ပြောင်းဖူးများကို မတ်လပထမပတ်တွင် စတင်စိုက်ပျိုး၍ မေလပထမပတ်တွင် ခူးဆွတ်ရောင်းချလျက်ရှိပါသည်။ ပြောင်းဖူးစိုက်ပျိုးမှု တစ်ဧကကုန်ကျစရိတ်အနေဖြင့် ၇၅၀၀၀၀ ကျပ်မှ ၈၀၀၀၀၀ ကျပ်အတွင်း ကုန်ကျကြောင်း သိရှိရ၍ ဈေးနှုန်း အခြေအနေမှာ ပြောင်းဖူးအစိမ်းတစ်ဖူးလျှင် ၁၈၀ ကျပ်နှုန်းဖြင့် အရောင်းအဝယ်ဖြစ်ပြီး တစ်ဧကအကျိုးအမြတ်မှာ ၁၀၀၀၀၀၀ ကျပ်ဝန်းကျင်ရှိကြောင်း သိရှိရပါသည်။ ပြောင်းဖူးဈေးကွက်အခြေအနေမှာ ဒေသတွင်း ရောင်းချရုံသာမက အခြားမြို့နယ်များမှ လာရောက် ဝယ်ယူမှုများလည်းရှိပါသည်။ ဒေသတွင်းအနေဖြင့် နတ်တလင်းမြို့နှင့် ပေါင်းတည်မြို့နယ်ကြား ရန်ကုန်-ပြည်လမ်း လမ်းဘေးဝဲယာတစ်လျှောက်တွင် ပြောင်းဖူးအစိမ်းကို (၁၀)ဖူးစည်း အစည်းလိုက်သော်လည်းကောင်း၊ အသင့်စားရန် မီးဖုတ်၍သော်လည်းကောင်း၊ ခြွေပြီးသားပြောင်းစေ့ကို ကြော်၍သော်လည်းကောင်း၊ လှော်၍သော်လည်းကောင်း ရောင်းချကြပါသည် ။

ထိုသို့ရောင်းချရာတွင် ပြောင်းစိုက်တောင်သူကိုယ်တိုင် ရောင်းချခြင်းမျိုးအပြင် ကျေးရွာရှိ ပြောင်းစိုက်တောင်သူများထံမှတစ်ဆင့် ဝယ်ယူရောင်းချခြင်းများလည်းရှိပါသည်။ တစ်ဆင့်ဝယ်ယူ၍ ပြန်လည်ရောင်းချရာတွင် ပြောင်းဖူးအစိမ်း (၁၀)ဖူးစည်း တစ်စည်းကို ၂၂၀၀ ကျပ်မှ ၂၅၀၀ ကျပ်နှုန်း၊ အသင့်စား မီးဖုတ်ပြီးသား တစ်ဖူးလျှင် ၂၅၀  ကျပ်နှုန်း၊ ပြောင်းဖူးအစေ့ကျော် တစ်ပြည်လျှင် ၅၅၀ ကျပ်နှုန်း၊ ပြောင်းဖူးစေ့လှော် တစ်ပြည်လျှင် ၅၀၀ ကျပ်နှုန်းဖြင့် အရောင်းအဝယ်ဖြစ်လျက်ရှိသောကြောင့် ပြောင်းစိုက်တောင်သူများအနေဖြင့် ဈေးနှုန်းဈေးကွက် အကျိုးအမြတ်ရရှိသည် ဖြစ်သဖြင့် ပြောင်းသီးနှံကို ပိုမိုစိုက်ပျိုးလာကြောင်း သိရှိရသည်။

DOCA(ပဲခူး)

   ပဲခူးတိုင်းဒေသကြီး ၊ သာယာဝတီခရိုင် ၊ မင်းလှမြို့နယ်ရှိ ကြက်သွန်နီဈေးကွက်အခြေအနေမှာ ၂၀၂၃ခုနှစ်၊ ဧပြီလ ဒုတိယပတ်တွင် ကြက်သွန်နီဈေးနှုန်းမှာ ကြက်သွန်နီအသေးတစ်ပိဿာလျှင် ၁၂၀၀ကျပ် ၊ ကြက်သွန်နီ အလတ်တစ်ပိဿာလျှင် ၁၄၀၀ကျပ် ၊ ကြက်သွန်နီ အကြီးတစ်ပိဿာလျှင် ၁၆၀၀ ကျပ်ဖြင့် အသီးသီး ဈေးနှုန်းများ ရှိခဲ့သော်လည်း သင်္ကြန်ကာလအပြီး မေလ ဒုတိယအပတ်ထိ ကြက်သွန်နီဈေးနှုန်းများ မြင့်တက်လျက်ရှိပါသည် ။ မေလတတိယပတ်နှင့် ယခုလက်ရှိဈေးနှုန်းမှာ ကြက်သွန်နီ အသေး တစ်ပိဿာလျှင် ၂၂၀၀ကျပ် ၊ အလတ်တစ်ပိဿာလျှင် ၂၅၀၀ကျပ် ၊ အကြီးတစ်ပိဿာလျှင် ၃၅၀၀ ကျပ်ထိရှိနေကြောင်း သိရှိရသည်။

DOCA(ပဲခူး)