၂.၄.၂၀၂၄ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၂.၄.၂၀၂၄ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၂.၄.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
မကွေးတိုင်းဒေသကြီး၊ သရက်ခရိုင်၊ အထက်မင်းလှမြို့နယ်ပတ်ဝန်းကျင်ရှိကျေးရွာများဖြစ်သော ပန်းတော်ပြင်၊ ဥယျာဉ်၊ ရွာတော်၊ မယ်ဇလီတော၊ ညောင်ပင်သာ စသည့်ကျေးရွာများသည် စိုက်ပျိုးရေး ကိုအဓိကထား လုပ်ကိုင်ကြပြီး ကုလားပဲ၊ မတ်ပဲ၊ ပဲကြီး၊ စားတော်ပဲ၊ နှမ်း၊ နေကြာ၊ ဝါ၊ မြေပဲ၊ ပဲစဉ်းငုံ၊ ကြက်သွန်နီ၊ ငရုတ်၊ ခရမ်းချဉ်သီးနှင့် မေမြို့ပန်းတို့ကို ရာသီအလိုက်စီးပွားဖြစ် စိုက်ပျိုးကြကြောင်း သိရှိရပါသည်။
အထက်မင်းလှမြို့နယ်၊ ပန်းတော်ပြင်ကျေးရွာအုပ်စု၊ ဥယျာဉ်ကျေးရွာ၌ ပဲကြီးစိုက်တောင်သူ (၁၈)ဦးခန့်ရှိပြီး စိုက်ဧကမှာ(၃၀)ဧကနီးပါးရှိကြောင်း၊ မိမိအနေဖြင့် ဧက(၂)ဧကခန့်စိုက်ပျိုးထားကြောင်း၊ မျိုးကို ယခင်နှစ်က ပဲကြီးခင်းမှထွက်ရှိသည့် ပဲကြီးစေ့များကို မျိုးအဖြစ်ဖယ်ချန်၍ စိုက်ပျိုးခြင်းဖြစ်ကြောင်း၊ စိုက်ပျိုးရာတွင် ရွှေကျွန်းမျိုးကို အများဆုံးစိုက်ပျိုးကြပြီး မျိုးစေ့ကို ထွန်းတုံးဖြင့် ကြောင်းဆွဲ၍ ကြဲပက်စနစ်ဖြင့်စိုက်ပျိုးကြသလို (၆)လက်မစီခြား၍လည်း စိုက်ပျိုးကြကြောင်း၊ (၁) ဧကလျှင် မျိုး(၆)ပြည်ခန့်ကုန်ကျပါကြောင်း၊ ကုန်ကျစရိတ်အနေဖြင့် (၁)ဧကလျှင် စိုက်ပျိုးစရိတ်နှင့် ပဲကြီးပေါ်ချိန်တွင် ခူးဆွတ်ခ စသည်ဖြင့် စုစုပေါင်းကုန်ကျစရိတ်မှာ ကျပ်(၂၀၀၀၀၀)ခန့်ကုန်ကျ ကြောင်း၊ ၂၀၂၃ခုနှစ်၊ စက်တင်ဘာလ(ဒုတိယပတ်)တွင် စတင်စိုက်ပျိုးပြီး ၂၀၂၄ခုနှစ်၊ ဖေဖော်ဝါရီလ (တတိယပတ်)တွင် ခူးဆွတ်၍ ယခုမတ်လ(တတိယပတ်)တွင် အကုန်ရိတ်သိမ်းပြီးဖြစ်ပါကြောင်း၊ အထွက်နှုန်းအနေဖြင့် ယခင်နှစ်က(၁)ဧကလျှင် (၁၅)တင်းမှ(၂၆)တင်းထိထွက်ရှိပြီး ယခုနှစ်တွင် မြစ်ရေဝင်ရောက်သော ကိုင်းကွင်းများတွင်စိုက်ပျိုးသော ပဲကြီးစိုက်ခင်းများမှာ (၁)ဧကလျှင် (၁၅) တင်းမှ (၂၀)တင်းထိထွက်ရှိသော်လည်း မိမိစိုက်ခင်းမှာမူ (၁)ဧကလျှင် (၁၀)တင်းခန့်သာထွက်ရှိ ကြောင်း၊ ဈေးနှုန်းအနေဖြင့် စတင်ပေါ်စအချိန် ၂၀၂၄ခုနှစ်၊ ဖေဖော်ဝါရီလ(ဒုတိယပတ်)တွင် (၁) တင်းလျှင် ကျပ်(၁၀၀၀၀၀ မှ ၁၁၀၀၀၀)ဈေးဖြင့် ယခင်နှစ်ကဈေးနှုန်းအတိုင်းရရှိပြီး ပဲကြီးသီးနှံများ လှိုင်လှိုင်ထွက်ရှိသည့် မတ်လ(ဒုတိယပတ်)တွင် တစ်တင်းလျှင် ကျပ်(၆၀၀၀၀ မှ ၇၀၀၀၀)ထိရရှိ၍ ထိုက်သင့်သည့်အကျိုးအမြတ်များရရှိကာ အဆင်ပြေလျက်ရှိကြောင်း၊ ထွက်ရှိသည့်ပဲကြီးများကို အထက်မင်းလှမြို့ရှိ ပွဲရုံများသို့ရောင်းချပါကြောင်း ဥယျာဉ်ကျေးရွာနေ ပဲကြီးစိုက်တောင်သူ ဦးဇော်အောင်ထံမှ သိရှိရပါသည်။
DOCA(မကွေး)
တနင်္သာရီတိုင်းဒေသကြီးတွင် ၂၀၂၄ခုနှစ်၊ မတ်လအတွင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးဆီတင်သွင်းသိုလှောင်ဖြန်ဖြူးရေးလုပ်ငန်းကြီးကြပ်ရေးကော်မတီအနေဖြင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်း၏ တင်ပြထားသည့် တစ်ရက်လျှင် (၉၃) ပေပါအား ဖြန်ဖြူးပေးလျက်ရှိပါသည်။
ထိုသို့ဖြန့်ဖြူးပေးလျက်ရှိသော ဆီများမှာ ထားဝယ်၊ မြိတ်၊ ကော့သောင်းခရိုင်၊ ဆီကုန်သည်နှင့်ဆီလုပ်ငန်းရှင်များအသင်းနှင့် စားသုံးသူရေးရာဦးစီးဌာနတို့၏စိစစ်မှုဖြင့် ထားဝယ်ခရိုင်တွင် ဆီကုန်သည် (၁၄) ဦး၊ မြိတ်ခရိုင်တွင် (၄၁)ဦး၊ ကော့သောင်းခရိုင်တွင် (၂၆)ဦးတို့က စားသုံးသူပြည်သူများအား သတ်မှတ်ရည်ညွှန်းဈေးဖြင့် လူတစ်ဦးလျှင် (၁) ပိဿာနှုန်း နေ့စဉ်ရောင်းချပေးလျက်ရှိရာ ယနေ့အထိ ဆီပေပါ (၁၇၆၇) ပေပါရောင်းချပေးပြီးဖြစ်ကြောင်းသိရှိရပါသည်။
DOCA(တနင်္သာရီ)
မိတ္ထီလာဈေးကွက်သို့ မတ်လလယ်ပိုင်းတွင် ဆောင်းကြက်သွန်နီအသစ်များ ဝင်ရောက်နေပြီဖြစ်ကြောင်း သိရသည်။ ဆောင်းကြက်သွန်နီမှာ ပုံမှန်အားဖြင့် ဧပြီလ(တန်ခူးလ)တွင် နှုတ်သိမ်းလေ့ရှိသော်လည်း ယခုနှစ်တွင် ဈေးကောင်းနေခြင်းကြောင့် ပုံမှန်နှုတ်သိမ်းချိန်မတိုင်မီစော၍ ရိတ်သိမ်းကြောင်း သိရသည်။ မိတ္ထီလာဈေးကွက်အနေနှင့် ကြက်သွန်နီကို ရန်ကုန်၊ ပဲခူးနှင့်ပြည်တွင်း ဈေးကွက်များသို့ ပုံမှန်တင်ပို့နေပြီး၊ ပြည်ပဝယ်လက်မှလည်း အဝယ်ရှိနေခြင်းကြောင့် ယခုအခါ မိုးကြက်သွန်နီ (မြှိတ်စား၊ဇော်မွှား) တို့အပြင် ဆောင်းကြက်သွန်နီစောစွာ နှုတ်သိမ်းလေ့ရှိလေ့သည့် မြစ်သားစတို့မှာ လက်ကျန်မရှိသလောက် နည်းလာပါသည်။ ထို့အတွက် ကြက်သွန်နီဈေးကောင်းနေရာ ဆောင်းကြက်သွန်နီကို ပုံမှန်ထက်စောစွာ နှုတ်သိမ်းခြင်းဖြစ်ပါသည်။ ယခုနှစ်ကြက်သွန်နီသီးနှံအနေနှင့် မိုးကြက်သွန်နီ လက်ကျန်မှာ ဆောလျင်စွာ မရှိတော့ခြင်း၊ ဝယ်လိုအားကောင်းခြင်းတို့ကြောင့် ကြက်သွန်နီဈေးများစွာ မနိမ့်နိုင်ကြောင်း ကုန်သည်များက ခန့်မှန်းထားကြပါသည်။ လက်ရှိကြက်သွန်နီဈေးမှာ တစ်ပိဿာ ၂၀၀၀ ကျပ် ဝန်းကျင်ဖြင့် ယခင်တစ်ပတ်နှင့်စာလျှင် ဈေးတန်းနေကြောင်း သိရသည်။
DOCA(မန္တလေး)
မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူကုန်စည်ဒိုင်ကြက်သွန်နီဈေးကွက်သို့ မတ်လ (စတုတ္ထပတ်)တွင် နွေကြက်သွန်နီ (ပင်စိုက်)အသစ်များ လှိုင်လှိုင်ဝက်ရောက်လျက်ရှိပြီး တစ်ရက်လျှင် ကုန်ချိန်(၁)သိန်းမှ (၁)သိန်းခွဲအထိဝင်ရောက်ပြီး ဒေသတွင်းကြက်သွန်နီအများဆုံးစိုက်ပျိုးသော ဆိပ်ဖြူမြို့ပေါ်ရှိ ရွာသစ်၊ အနောက်ပိုင်းရပ်ကွက်များ၊ ကိုးတောင့်အုပ်နှင့် လိပ်ခြံ၊ ရွာသစ်ကြီး၊ ကပိုင်၊ ကံတွင်း၊ ချင်တောင်၊ အောက်ဆိပ်၊ ကျောင်းရွာ၊ ကုန်းရွာများနှင့် ပခုက္ကူမြို့နယ်အတွင်းရှိ ကျေးရွာများမှ အများဆုံးဝင်ရောက်မှုရှိပြီး တစ်ပတ်အတွင်း ကုန်ချိန်ပိဿာ (၈)သိန်းခန့်ဝင်ရောက်လျက်ရှိကြောင်း ဈေးကွက်မှသိရှိရသည်။
ကြက်သွန်နီဈေးကွက်အနေဖြင့် ၂၀၂၄ခုနှစ်၊ မတ်လ(စတုတ္ထပတ်)တွင် ဈေးအနည်းငယ်ဆက်လက်ကျဆင်း၍ အရောင်းအဝယ်ဖြစ်လျက်ရှိသည်။ နွေကြက်သွန်နီ(ပင်စိုက်) (ဂျွန်)တစ်ပိဿာလျှင် အမြင့် ဈေး (ထိပ်စရှယ်) ကျပ်(၁၉၇၅)၊ အလတ်စ ကျပ်(၁၈၀၀)၊ အသေးစ ကျပ်(၁၅၀၀) ဈေးနှုန်းအသီးသီးဖြင့် အရောင်းအဝယ်ဖြစ်ခဲ့ပြီး ယခင်မတ်လ(တတိယပတ်)တွင် ထိပ်စအမြင့်ဈေး ကျပ်(၂၁၅၀)၊ အလတ်စ ကျပ်(၁၉၀၀)၊ အသေးစ ကျပ်(၁၆၀၀)ဖြင့် အရောင်းအဝယ်ဖြစ်ခဲ့ပါသည်။
ယခင်မတ်လ(တတိယပတ်)ဈေးနှုန်းနှင့်နှိုင်းယှဉ်ရမည်ဆိုလျှင် ယခုမတ်လ(တတိယပတ်) တွင် အမြင့်ဈေး(ထိပ်စ) ကျပ်(၁၇၅)၊ အလတ်စနှင့် အသေးစမှာ ကျပ်(၁၀၀) ဈေးနှုန်းအသီးသီး ကျဆင်း၍ အရောင်းအဝယ်ဖြစ်လျက်ရှိကြောင်း၊ ဈေးအနည်းငယ်ကျဆင်းရခြင်းမှာ ကြက်သွန်နီဈေးကွက်သို့ ကုန်ချိန်ဝင်ရောက်မှုများခြင်းနှင့် ပြည်ပဝယ်လိုအားဈေးကွက်နည်းခြင်းကြောင့် ဈေးနှုန်းကျဆင်းသွားကြောင်းသိရှိရပါသည်။
ဆိပ်ဖြူမြို့မှ ကြက်သွန်နီများကို မတ်လ(တတိယပတ်)တွင် ရန်ကုန်ဘုရင့်နောင်ပွဲရုံသို့ မော်တော်ယာဉ်(၂၁)စီး၊ မြဝတီမြို့သို့ တွဲကား(၂၅)စီး၊ ပြည်မြို့သို့ (၆)ဘီးကား (၇)စီး၊ ပုသိမ်မြို့သို့ (၆)ဘီးကား (၆)စီး၊ စုစုပေါင်းကုန်ချိန်ပိဿာ (၈)သိန်းခန့်၊ တန်ချိန်အားဖြင့်(၁၃၀၆)တန်ခန့် ကုန်စည်စီးဆင်းခဲ့ကြောင်း ကုန်စည်ဒိုင်ဈေးကွက်မှသိရှိရပါသည်။
DOCA(မကွေး)
မကွေးတိုင်းဒေသကြီး၊ မင်းဘူးခရိုင်၊ ပွင့်ဖြူမြို့နယ်အတွင်းရှိ တောင်သူဦးကြီးများ၏ လူမှု့ဘဝတိုးတက်စေရန်ရည်ရွယ်၍ ပွင့်ဖြူမြို့နယ်၊ ကံသာကြီးကျေးရွာအုပ်စု၊ ကံသာကြီးကျေးရွာတွင် တိုင်းတောင်သူဖွံ့ဖြိုးရေးအဖွဲ့၊ မြို့နယ်တောင်သူအကျိုးပြုအဖွဲ့၊ Good Brother ကုမ္ပဏီနှင့် မြင့်မြတ်တော်ဝင်ကုမ္ပဏီတို့ပူးပေါင်း၍ ပဲမျိုးစုံသီးနှံ တောင်သူစုပေါင်းရောင်းချပွဲကျင်းပခဲ့ပါသည်။
အဆိုပါပဲမျိုးစုံသီးနှံ တောင်သူစုပေါင်းရောင်းချပွဲသို့ ပွင့်ဖြူမြို့နယ်အတွင်းရှိ ဒေသခံတောင်သူများ ဝမ်းသာစွာလာရောက်ရောင်းချကြကြောင်း၊ ပဲမျိုးစုံသီးနှံဝယ်ယူရာတွင် ပဲအမျိုး အစားအလိုက် A,B,C နှင့် အခြားအဆင့်ဟူ၍ (၄)မျိုးခွဲခြားဝယ်ယူကြောင်း၊ ဝယ်ယူမှုဈေးနှုန်းအနေဖြင့် ကုလားပဲသီးနှံ (A)အဆင့် တစ်တင်းလျှင် ကျပ်(၈၅၀၀၀)၊ (B)အဆင့် တစ်တင်းလျှင် ကျပ်(၈၄၀၀၀)၊ (C)အဆင့် (၁)တင်းလျှင် ကျပ်(၈၃၀၀၀)ဖြင့်လည်းကောင်း၊ အခြားအဆင့် ကုလားပဲတစ်တင်းလျှင် ကျပ်(၈၂၀၀၀)၊ ပဲထောပတ်သီးနှံ (A)အဆင့် တစ်တင်းလျှင် ကျပ်(၁၁၉၅၀၀) ဖြင့်လည်းကောင်း၊ (B)အဆင့် ပဲထောပတ်သီးနှံတစ်တင်းလျှင် ကျပ်(၁၁၈၅၀၀)ဖြင့်လည်းကောင်း၊ (C)အဆင့် ပဲထောပတ်သီးနှံတစ်တင်းလျှင် ကျပ်(၁၁၇၄၀၀)ဖြင့်လည်းကောင်းဝယ်ယူကြောင်း၊ ထိုသို့ဝယ်ယူရာတွင် မကွေးဈေးနှုန်းအပေါ် ပွဲခအလွတ်ဝယ်ယူပေးသဖြင့် တောင်သူများအနေဖြင့် တစ်တင်းရောင်းဈေးအပေါ်တွင် အသားတင်ရရှိကြောင်း၊ ကတ္တားအနေဖြင့်လည်း တောင်သူကြိုက်နှစ်သက်သော ကတ္တားဖြင့် ဝယ်ယူပေးမည်ဖြစ်ပြီး မိမိတို့ဝယ်ယူသော ကတ္တားအားလည်း မည်သူမဆိုလာရောက်၍ စစ်ဆေးခြင်းများပြုလုပ်နိုင်ကြောင်း၊ ထိုသို့ စုပေါင်းရောင်းချပွဲကိုလည်း (၁၁-၃-၂၀၂၄) ရက်နေ့မှ (၁၀-၄-၂၀၂၄)ရက်နေ့အထိ ရက်ပေါင်း(၃၀)တိတိ နေ့စဉ် နံနက်(၀၇:၃၀)နာရီမှ နေ့လယ် (၁၆:၀၀) နာရီအချိန်ထိ ဖွင့်လှစ်ဝယ်ယူသွားမည်ဖြစ်ကြောင်း မြို့နယ်တောင်သူအကျိုးပြုအဖွဲ့ ခေါင်းဆောင် ဦးမြင့်အောင်ထံမှသိရှိရပါသည်။
DOCA(မကွေး)
မန္တလေးတိုင်းဒေသကြီး၊ မိတ္ထီလာမြို့၊ မိတ္ထီလာကုန်စည်ဒိုင်တွင် ဆီထွက်သီးနှံများ၊ ပဲမျိုးစုံ သီးနှံများ၊ ဝါသီးနှံများ၊ စားဖိုဆောင်သီးနှံများ အရောင်းအဝယ်ဖြစ်လျက်ရှိကြောင်း၊ မိတ္ထီလာကုန်စည်ဒိုင်၌ မတ်လ တတိယပတ်အတွင်း ဖြစ်ပေါ်နေသော ဆီထွက်သီးနှံဈေးနှုန်းများမှာ နှမ်း (ညို) တစ်တင်းလျှင် (၉၅၀၀၀-၉၆၀၀၀) ကျပ်၊ နှမ်းဖြူ တစ်တင်းလျှင် (၁၁၂၀၀၀) ကျပ်၊ နေကြာစေ့ တစ်တင်းလျှင် (၄၀၀၀) ကျပ်၊ နှမ်းဆီ တစ်ပိဿာလျှင် (၁၄၀၀၀-၁၄၅၀၀) ကျပ်၊ မြေပဲဆီ တစ်ပိဿာလျှင် (၁၄၀၀၀-၁၄၅၀၀) ကျပ်၊ နေကြာဆီ တစ်ပိဿာလျှင်(၁၃၀၀၀) ကျပ်၊ နှမ်းဖတ် တစ်ပိဿာလျှင် (၂၆၅၀) ကျပ်၊ ပဲဖတ် တစ်ပိဿာလျှင် (၃၁၀၀) ကျပ်၊ နေကြာဖတ် တစ်ပိဿာလျှင် (၁၈၅၀) ကျပ်ဖြင့် ရောင်းဝယ်ဖြစ်လျက်ရှိပြီး ယခုတစ်ပတ်တွင် ဆီထွက်သီးနှံဈေးနှုန်းများ အနည်ငယ်ကျဆင်းလာပြီး ကုန်ချောဈေးနှုန်းမျာ တည်ငြိမ်၍ အရောင်းအဝယ် ဖြစ်လျက်ရှိကြောင်း သိရသည်။
ပဲမျိုးစုံအနေဖြင့် ကုလားပဲ (V2) တစ်တင်းလျှင် (၇၈၀၀၀-၈၀၀၀၀) ကျပ်၊ ပဲစဉ်းငုံ (သစ်) တစ်တင်းလျှင် (၁၂၃၀၀၀)ကျပ်၊ ထောဖြူ (သစ်) တစ်တင်းလျှင် (၈၅၀၀၀-၉၀၀၀၀) ကျပ်တို့ဖြင့်လည်းကောင်း ၊ ငရုတ်သီး(သစ်) တစ်ပိဿာလျှင် (၈၀၀၀-၉၀၀၀) ကျပ်၊ ကြက်သွန်နီ တစ်ပိဿာလျှင် (၁၈၀၀-၂၀၀၀) ကျပ်၊ မကျီးတောင့် တစ်ပိဿာလျှင် (၂၆၀၀-၂၇၀၀) ကျပ်၊ မကျီးဖတ် တစ်ပိဿာလျှင် (၄၅၀၀) ကျပ်ဖြင့် အရောင်းအဝယ်ဖြစ်လျက်ရှိကြောင်း ကုန်စည်ဒိုင်မှ သိရှိရပါသည်။
DOCA(မန္တလေး)
ပြည်တွင်း၌ စားနပ်ရိက္ခာဖူလုံရုံသာမက အခြားလူသုံးကုန်ပစ္စည်းများနှင့် စက်မှုလုပ်ငန်းသုံး ပစ္စည်းပြတ်လပ်မှုမရှိစေရေးအတွက် နိုင်ငံတော်မှအလေးထားဆောင်ရွက် လျက်ရှိရာ တိုင်းဒေသကြီး နှင့်ပြည်နယ်များတွင် စားသောက်ကုန်ပစ္စည်းထုတ်လုပ်သည့်စက်ရုံ၊ လူသုံးကုန်ပစ္စည်းထုတ်လုပ်သည့်စက်ရုံနှင့် စက်မှုလုပ်ငန်းသုံးပစ္စည်းများထုတ်လုပ်သည့် စက်ရုံများတွင် ကုန်ကြမ်းပစ္စည်း ပြတ်လပ်မှုရှိ/မရှိတို့သိရှိရန်အတွက် စားသုံးသူရေးရာဦးစီးဌာန၊ မန္တလေးတိုင်းဒေသကြီးဦးစီးမှူးရုံး အစည်းအဝေးခန်းမတွင် ၇.၃.၂၀၂၄ ရက်နေ့ နေ့လယ် (၁၃:၃၀)နာရီတွင် တိုင်းဒေသကြီးဦးစီးမှူး၊ ဗဟိုစာရင်းအင်းဦးစီးဌာနအပါအဝင် ဒေသတွင်း အကြီးစားထုတ်လုပ်ဖြန့်ဖြူးလျက်ရှိသည့် စားသောက်ကုန်ပစ္စည်းထုတ်လုပ်သည့် စက်ရုံ၊ လူသုံးကုန်ပစ္စည်းထုတ်လုပ်သည့်စက်ရုံ၊ စက်မှုလုပ်ငန်းသုံးပစ္စည်း ထုတ်လုပ်သည့်စက်ရုံများမှ လုပ်ငန်းရှင်များနှင့်တွေ့ဆုံဆွေးနွေးမှုများ ဆောင်ရွက်ခဲ့ပါသည်။
အဆိုပါ ဆွေးနွေးမှုတွင်-
မန္တလေးတိုင်းဒေသကြီး၊ စားသုံးသူရေးရာဦးစီးဌာနအနေနှင့် စားသောက်ကုန်ပစ္စည်း ထုတ်လုပ်သည့်စက်ရုံ၊ လူသုံးကုန်ပစ္စည်းထုတ်လုပ်သည့် စက်ရုံနှင့် စက်မှုလုပ်ငန်းသုံး ထုတ်လုပ်သည့် စက်ရုံများတင်ပြဆွေးနွေးမှုများကို အခြေခံ၍ စက်ရုံများလည်ပတ်ရန် အဓိက လိုအပ်ချက်စက်သုံးဆီ ဖြစ်သည့်အတွက် သက်ဆိုင်ရာဌာနဖြစ်သည့် ရေနံထွက်ပစ္စည်း ကြီးကြပ်စစ်ဆေးရေးဦးစီးဌာနနှင့် ညှိနှိုင်း၍ စက်မှုကုန်ကြမ်းသုံးစက်သုံးဆီ Own P.O ရောင်းချပေးသည့် စက်သုံးဆီအရောင်းဆိုင်များ နှင့် ချိတ်ဆက်ဝယ်ယူနိုင်ရေးအတွက် ကူညီ ဆောင်ရွက်ပေးမည်ဖြစ်ပါသည်။
အခြားလိုအပ်ချက်များဖြစ်သည့် မုန့်ပွဆေး၊ အမိုနီယမ်ဗိုက်ကာဗွန်နိတ်၊ ပြည်ပဂျုံ ကုန်ကြမ်း လိုအပ်ချက်၊ ဆိုဒီယမ်ဆီလီကိတ်အမွှေးဆီ၊ Dop PVC ပလပ်စတစ်ပျော့ဆေး စသည့်လိုအပ်သည့် စက်ရုံများကို ကွင်းဆင်းစစ်ဆေး၍ လိုအပ်ချက်များကို တင်ပြဆောင်ရွက် ပေးမည်ဖြစ်ပါသည်။
စားသုံးသူရေးရာဦးစီးဌာန၊ မန္တလေးတိုင်းဒေသကြီးအတွင်းရှိ စားသောက်ကုန်ပစ္စည်း ထုတ်လုပ်သည့်စက်ရုံ၊ လူသုံးကုန်ပစ္စည်းထုတ်လုပ်သည့်စက်ရုံနှင့် စက်မှုလုပ်ငန်းသုံးပစ္စည်း ထုတ်လုပ်သည့်စက်ရုံများနှင့်ကုန်ကြမ်းပစ္စည်းပြတ်လပ်မှုရှိ/မရှိနှင့် ပြည်တွင်း၌စားနပ်ရိက္ခာ ဖူလုံရုံသာမက အခြားလူသုံးကုန်ပစ္စည်းများနှင့် စက်မှုလုပ်ငန်းသုံးပစ္စည်းပြတ်လပ်မှုမရှိစေရေးအတွက် နိုင်ငံတော်မှ အလေးထားဆောင်ရွက်လျက်ရှိသည့် လုပ်ငန်းများကို စဉ်ဆက်မပြတ် ဆောင်ရွက်လျက်ရှိပါသည်။
DOCA(မန္တလေး)
