ပြည်တွင်းကုန်သွယ်မှုသတင်း

              ဆူးပုတ်ကြီးသည် အသားမာပေါက်လျှင် ဆူးပုတ်ရွက်ကို မကြာခဏစားသုံးပေးခြင်းဖြင့် ပျောက် ကင်းစေနိုင်ခြင်း၊ ဆူးပုတ်အမြစ်ကို သွေးလိမ်းပေးလျှင် အသာမာပျောက်ကင်းစေနိုင်သည်။ လေအထက်ဆန်လျှင် ဆူးပုတ်ရွက်ကိုစားသုံးပေးခြင်းဖြင့် လေကိုအောက်သို့ သက်စေနိုင်ပြီး ဆူးပုတ်ကြီး နှင့်ပဲကြီးကို ဟင်းချိုချက်၍သောက်လျှင်လေရောဝမ်းပါ သက်သာစေနိုင်သည်။ သွားဖုံး မှသွေးယိုစီးလျှင် ဆူးပုတ်ရွက် သတ္တုရည်ကိုငုံပေးခြင်းဖြင့် ပျောက်ကင်းစေ နိုင်ခြင်း၊ မြွေဆိပ်ဖြေဆေးဖော်စပ်ရာတွင် ဆူးပုတ်ကြီးပင်၏အခေါက်ကို အခြားဆေးဖက်ဝင် အပင်များဖြင့် ရော၍ဖော် စပ်နိုင်ခြင်း၊ လျှာတွင် ကြာဆူးထွက်လျှင် လျှာနာပေါက်ပါက ဆူပုတ်ကြီးအမြစ်ကိုသွေး၍ စပါးကြီးသည်းခြေအနည်းငယ် နှင့်ရော၍ လျှာပွတ်ပေးပါက ပျောက်ကင်း နိုင်ခြင်း၊ အူကျရောဂါ၊ မုတ္တရောဂါ တို့အတွက် ဆူးပုတ် ကြီးမြစ်ကို သွေးလိမ်းပေးခြင်းဖြင့် ပျောက်ကင်းနိုင်ခြင်း၊ ညအိပ်မပျော်ရောဂါ ဖြစ်ပါက ဆူးပုတ်ကြီး အရွက်ကို အတို့အမြှပ်ပြု လုပ် စားခြင်းဖြင့်အိပ်ပျော်နိုင်စေခြင်း၊ အမျိုးသမီးများ မီးယပ်သွေးဆုံးကိုင် ရောဂါဖြစ်လျှင် ဆူးပုတ် ကြီးကိုဘဲဥနှင့် ရော၍ကြော်စားခြင်းဖြင့် သွေးဆုံး ကိုင်ခြင်းမှကင်းဝေးပြီး သက် သာပျောက် ကင်းစေနိုင်ကြောင်း သိရှိရသည်။ မြင်းခြံမြို့အေးမြသီတာဈေးတွင်နိုဝင်ဘာဒုတိယပတ် ဆူပုတ်ကြီးဈေးနှုန်းမှာ ၁စည်းလျှင်(၈၀၀) ကျပ် ၊၂စည်းလျှင်(၁၅၀၀) ကျပ်ဖြင့် အရောင်းအဝယ်ဖြစ်ကြောင်း သိရှိရပါသည်။

DOCA(မန္တလေး)  

                ကြက်သွန်ဖြူသည် သဘာဝအလျှောက်ဆေးဖက်ဝင်ပြီး ရှေးယခင်ကတည်း ကိုယ့်နည်းကိုယ် ဟန်နဲ့ဆေးဖော်စပ်၍ အသုံးပြုကြသည်။ ကြက်သွန်ဖြူ ပုံမှန်စားသုံးနေသူတစ်ဦးမှာ ကိုယ်ခံအားကောင်းပြီးအပြင်မှာအလွယ်တကူကူးဆက်နိုင်တဲ့ရောဂါများကိုတားဆီးကာကွယ်ပေးပါသည်။  ကြက်သွန်ဖြူမှာ အခြားသော ကျန်းမာရေးအကျိုးကျေးဇူးများ လည်းရှိနေကြောင်း သိရှိရပါသည်။ သွေးကြော အဆီပင်မှုကိုကာကွယ်ပေးခြင်း၊ ကိုလက်စ်ထရော လျော့ချပေးခြင်း၊ သွေးဖိအားလျော့ ချပေးခြင်း၊ လေးဘက်နာ ဂေါက်ရောဂါကိုကုသနိုင်ခြင်း၊ အအေးမိအဖျား ပျောက်ကင်းစေခြင်း၊ အသက် ရှုလမ်းကြောင်းနှင့်ဆိုင်သောရောဂါများပျောက်ကင်းစေနိုင်ခြင်း၊ အဆုတ်နှင့် ဆက်စပ်ရောဂါကိုပျောက် ကင်းစေနိုင်ခြင်း၊ ပြည်တည်နာကိုကျက်စေနိုင်ခြင်း၊ ဆီးလမ်းကြောင်းမှတစ်ဆင့် ကူးဆက်သောရောဂါ များအားပျောက်ကင်းစေနိုင်ခြင်း၊ဝမ်းတွင်းအစာချေဖြတ်မှုလုပ်ငန်းအား မြန်ဆန်စေနိုင်ခြင်း၊ ကင်ဆာ ရောဂါအများစုကို မဖြစ်စေရန်ကာကွယ်ပေးနိုင်ခြင်း၊ ဓာတုဆေးအဆိပ်တို့ကိုပြေစေနိုင်ခြင်း၊ သွေးမခဲ စေရန် တားဆီးကာကွယ်ပေးနိုင်ခြင်း၊ အစားစားချင်စိတ် ဖြစ်ပေါ်စေနိုင်ခြင်း၊ အင်းဆက်နှင့် ပိုးကောင်ကိုက် ဒဏ်ရာများအား ကုသပေးနိုင်ခြင်း၊ မျက်စိအတွင်း တိမ်ကိုသက်သာစေနိုင်ခြင်း၊ ဆီချိုရောဂါ ကာကွယ်ပေးနိုင်ခြင်း၊ အဆစ်ရောင်ရောဂါများအား သက်သာစေနိုင်ခြင်း၊ သွားကိုက်ရောဂါ သက်သာ စေနိုင်ခြင်း၊ ဝက်ခြံပျောက်ကင်းစေနိုင်ခြင်း၊ ကိုယ်ခံအားတိုးစေခြင်းဖြင့်ရောဂါများ သက်သာပျောက် ကင်းစေနိုင်ကြောင်းသိရှိရသည်။  မြင်းခြံမြို့အေးမြသီတာဈေးတွင် နိုဝင်ဘာဒုတိယပတ် ၁ပိဿာလျှင် (၅၅၀၀)ကျပ်ရှိကြောင်း သိရှိရသည်။

DOCA(မန္တလေး)  

      မန္တလေးမြို့တွင်းသို့ တောင်ကြီး၊ အောင်ပန်း၊ မြင်းခြံ၊ တောင်သာ၊ ကျောက်ဆည်နယ်များမှ ဝင်ရောက်လာပြီး ဈေးကွက်တွင်းသို့ ကြက်သွန်ဖြူကို ရှမ်းပြည်နယ်တောင်ပိုင်းမှ အများဆုံးဝင်ရောက်လာကာ ရှမ်းကြက်သွန်ဖြူများ အရောင်းသွက်လျက်ရှိပါသည်။ ကြက်သွန်ဖြူတွင် ယခင်က ဗမာကြက်သွန်ဖြူ၊ ရှမ်းကြက်သွန်ဖြူ၊ ဟူ၍ရှိပြီး ဗမာကြက်သွန်ဖြူမှာ ကျောက်ဆည်၊ မြင်းခြံ၊ တောင်သာနယ်မှလည်းကောင်း၊ ရှမ်းကြက်သွန်ဖြူမှာ တောင်ကြီး၊ အောင်ပန်းတို့မှလည်းကောင်း၊ ယခုနှစ်မှာတော့ ရှမ်းကြက်သွန်ဖြူများသာ ဈေးကွက်တွင် တွေ့ရပါသည်။ ကြက်သွန်ဖြူဈေးမှာ ယခုနှစ်တွင် ဈေးနှုန်းသိသာစွာမြင့်တက်မှုမရှိဘဲ သီးနှံသစ်ပေါ်စမှ လက်ရှိအချိန်အထိ ဈေးနှုန်း သိသာစွာမြင့်တက်မှုမရှိကြောင်း၊ ယခင်လအောက်တိုဘာလတွင် ကြက်သွန်ဖြူတစ်ပိဿာလျှင် ကြက်သွန်ဖြူဥ အကြီး/ အသေးပေါ်မူတည်၍(၄၀၀၀မှ ၈၀၀၀)ကျပ်ရှိပြီး ယခု နိုဝင်ဘာလတတိယ ပတ်၌ ကြက်သွန်ဖြူတစ်ပိဿာလျှင်(၄၀၀၀မှ ၈၀၀၀)ကျပ် ဈေးရှိကြောင်း ဈေးကွက်မှ သိရှိရပါသည်။

DOCA(မန္တလေး)

                ပင်ပွားဆိုသည်မှာ ကမ္ဘာပေါ်တွင် လူသိများသော ဆေးဖက်ဝင်အပင်ဖြစ်သည့် ပင်စိမ်းပင်၏အ စေ့ဖြစ်ပါသည်။ ပင်ပွားစေ့ကို အချိုပွဲများနှင့် စားသောက်ဖွယ်ရာများထဲတွင် ထည့်သွင်းတည်ခင်းလေ့ ရှိပါသည်။ ပင်ပွားကိုအရသာရှိပြီး ကျန်းမာရေးနှင့်ညီညွတ်သော အစားအစာတစ်မျိုးအနေဖြင့် အစား အသောက်များထဲတွင် ထည့်သွင်းစားသုံးလေ့ရှိပါသည်။ ပင်ပွားတွင် ခန္ဓာကိုယ်တွင်လိုအပ်သော အာဟာရဓာတ်များပါဝင်နေသလို ပရိုတင်းဓာတ်၊ ကာဗိုဟိုက်ဒရိတ်၊ အမျှင်ဓာတ်နှင့် ခန္ဓာကိုယ် အကျိုး ပြုသော အဆီဓာတ်များပါဝင်ပါသည်။  ပင်ပွားတွင် ဓာတ်တိုးဆန့်ကျင်ပစ္စည်းကြွယ်ဝစွာပါဝင်သောကြောင့် ဆီးချိုရောဂါများအတွက် အထောက်အကူပြုနိုင်သလို အရေပြားအတွက်လည်းကောင်းကျိုး ပြုပါသည်။ ပင်ပွားမှရရှိနိုင်သော ကျန်းမာရေးအကျိုးကျေးဇူးများမှာ ကိုယ်အလေးချိန်ကျစေခြင်း၊ အအေးဓာတ်ရရှိစေခြင်း၊ သွေးတွင်းသကြားဓာတ်ကိုထိန်းညှိပေးခြင်း၊ ဝမ်းချုပ်ခြင်းနှင့် လေပွခြင်းကို သက်သာစေခြင်း၊ အစာအိမ်အချဉ်ပေါက်ခြင်းနှင့် ရင်ပူခြင်းကိုသက်သာစေနိုင်ခြင်း၊ အရေပြားနှင့် ဆံသားကိုကျန်းမာစေခြင်း၊တုပ်ကွေးဖြစ်ခြင်းနှင့် ချောင်းဆိုးခြင်းကိုသက်သာစေခြင်း၊ အရိုးကိုကြံ့ခိုင် သန်စွမ်းစေခြင်း၊ ကိုလက်စထရောပမာဏကိုကျဆင်းစေခြင်း၊ စိတ်ဖိစီးမှုကိုသက်သာစေခြင်း၊ အမြင် အာရုံကို တိုးတက်စေခြင်းနှင့် နာကျင်ကိုက်ခဲမှုကို လျော့ပါးသက်သာစေခြင်း အစရှိသည့်ကောင်းကျိုး များစွာကိုရရှိစေနိုင်ပါသည်။ ပင်ပွားကို သစ်သီးဖျော်ရည်များ၊အုန်းနို့များထဲတွင် ထည့်ပြီးစားသုံးခြင်း၊ ရေခဲသုပ်ကဲ့သို့ အသုပ်များထဲတွင်ထည့်စားခြင်း၊  ချိစ် နှင့် ခရင်မ်ဆော့များတွင်ထည့်၍စားသုံးခြင်း၊ အချိုပွဲများ နှင့် ဒိန်ချဉ်ထဲတွင်လည်းထည့်ပြီး အမျိုးမျိုးစားသုံးနိုင်ကြောင်း စာပေများမှလေ့လာသိရှိ ရပါသည်။

DOCA(မန္တလေး)      

              ရှောက်ဘီလူးသည် ကြည့်လိုက်လျှင် အခွံတွင်အဖုအထစ်များနှင့် ကြည့်ရဆိုးသော်လည်း ဆေးဖက်ဝင်ပါသည်။ ရှောက်ဘီလူးသီးသည် သံပုရာသီးအရွယ်အစားလောက်ရှိပြီး အခွံသည် သံပုရာ သီးကဲ့သို့ လုံးချောမနေဘဲ အဖုအထစ်များရှိပါသည်။ အချဉ်အရသာရှိပြီး အတွင်းပိုင်းသည် သုံပုရာသီး နှင့်ခပ်ဆင်ဆင်ဖြစ်ပါသည်။ ရှောက်ဘီလူးသီး၏အခွံကို ဟင်းခတ်အမွှေးအကြိုင်အဖြစ်လည်း အသုံးပြု ၍ရပါသည်။ ထိုင်းအစားအစာများထဲတွင်ထည့်၍အသုံးပြုကြသလို မြန်မာလူမျိုးများခံတွင်းတွေ့ကြ သည့် တုန်ယမ်းဟင်းရည်ထဲတွင်လည်းအမွှေးအကြိုင်အတွက် ရှောက်ဘီလူးသီးအခွံကိုထည့်သုံးကြပါ သည်။ ရှောက်ဘီလူးသီးကိုစားပေးခြင်းဖြစ်ဖြစ်၊ ထက်ခြမ်းခြမ်းပြီးသွားများ၊ သွားဖုံးများပေါ်တွင် ပွတ်တိုက်ပေးခြင်းဖြစ်ဖြစ် ခံတွင်းကိုကျန်းမာစေပြီး သွားဖုံးနှင့်သွားများတွင်ကပ်ငြိနေသော ဘတ်တီး ရီးယားများကို အထိရောက်ဆုံးတိုက်ဖျတ်ပေးနိုင်ပါသည်။ သွားတိုက်ဆေးနှင့်အတူရော၍အသုံးပြု လျှင်လည်းရပါသည်။ သွေးနှင့်ပတ်သတ်သောရောဂါများ၊ နာတာရှည်သွေးရောဂါခံစား နေရသူများ အနေဖြင့်လည်း အထူးသင့်လျော်ပါသည်။ ရှောက်ဘီလူးသီးသည် အသည်းနှင့် ခန္ဓာကိုယ်အတွင်း အဆိပ်အတောက်များကိုလည်းဖယ်ရှားပေးနိုင်ပါသည်။ ရှောက်ဘီလူးသီးတွင်ပါဝင်သော ဒြပ်ပေါင်းများ ကနာကျင်ရောင်ရမ်းမှုကိုလျော့ကျစေနိုင်ပြီး အစာခြေစနစ်ကိုကျန်းမာစေကာ ဝမ်းချုပ်ခြင်း၊ အစာမကြေခြင်း၊ အစာအိမ်အနာဖြစ်ခြင်း၊ အူမကြီးကင်ဆာနှင့် လိပ်ခေါင်းရောဂါရှိသူများအတွက် အထူး သင့်လျော်ပါသည်။ အင်းဆက်များကိုနှိမ်နှင်းပေးနိုင်သည့် အာနိသင်ရှိပြီး အင်းဆက်ကြောင့်ဖြစ်တတ် သောရောဂါများမှလည်း ကာကွယ်ပေးပါသည်။ ရှောက်ဘီလူးသီးသည် ကျန်းမာရေးအတွက်သာမက အလှအပများအတွက်လည်း အသုံးဝင်ပါသည်။ ရှောက်ဘီလူးသီးအရည်ကို အလှကုန်ပစ္စည်းများနှင့် တွဲသုံးပေးပါက အသားအရေကိုကြည်လင်လှပစေပြီး ဓာတ်တိုးပစ္စည်းများကြွယ်ဝစွာ ပါဝင်သော ကြောင့်လည်း ဆဲလ်များကိုပြုပြင်ပေးပြီး အရေပြားညစ်ညမ်းမှုမဖြစ်အာင် လည်းကာကွယ်ပေးနိုင် ပါသည်။ ရှောက်ဘီလူးသီး၏အရည်သာမက အရွက်ကပါ ဆံသားနှင့်ဦးရေပြားကိုကျန်းမာစေပြီး အစိုဓာတ်ကိုထိန်းပေးကာ ဗောက်မထအောင်ကာကွယ်ပေးပါသည်။ ထို့ကြောင့် ကျန်းမာရေးအတွက် သာမက အလှအပအတွက်ပါအကျိုးပြုသော ရှောက်ဘီလူးသီးကို ကျန်းမာရေးဆိုင်ရာအကျိုးကျေးဇူးများစွာရရှိစေနိုင်ပါကြောင်း စာပေများမှလေ့လာသိရှိရပါသည်။

DOCA(မန္တလေး)