ပြည်တွင်းကုန်သွယ်မှုသတင်း

    စစ်ကိုင်းတိုင်းဒေသကြီး၊ မုံရွာမြို့နယ်၌ ကွမ်းကို မိမိတို့အိမ်ခြံဝင်းအတွင်း တစ်နိုင်တစ်ပိုင်အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း စိုက်ပျိုးကြကြောင်း၊ ကွမ်းကို ဆောင်းစိုက်နှင့် မိုးစိုက်ဟူ၍ နှစ်မျိုးခွဲ၍ စိုက်ပျိုးကြရာ မိုးစိုက်သည် ပိုးကျလွယ်သည့်အတွက် အနည်းငယ်သာ စိုက်ပျိုးကြပြီး ဆောင်းစိုက်ကိုသာ ပိုမိုစိုက်ပျိုးကြကြောင်း သိရှိရပါသည်။

       မုံရွာမြို့နယ်၌ ဖြစ်ပေါ်နေသော ကွမ်းဈေးနှုန်းများအနေဖြင့် အရည်အသွေးအပေါ်မူတည်၍ ဇန်နဝါရီလ(နောက်ဆုံးပတ်)တွင် ကွမ်း တစ်ပိဿာလျှင် ငွေကျပ်(၁၈၀၀၀- ၁၉၀၀၀)များဖြင့်လည်းကောင်း၊ ဖေဖော်ဝါရီလ(တတိယပတ်)တွင် ငွေကျပ်(၆၀၀၀-၉၀၀၀) များဖြင့်လည်းကောင်း၊ ဖေဖော်ဝါရီလ (စတုတ္ထပတ်) တွင် ငွေကျပ် (၅၀၀၀-၇၀၀၀)များဖြင့် လည်းကောင်း ရောင်းချလျက်ရှိကြောင်း၊ ဆောင်းအကုန်နွေဦးရာသီတွင် ကွမ်းအထွက်နှုန်းတိုးပြီး ဈေးကွက်အတွင်း ဝင်ရောက်မှုများကာ  ဈေးနှုန်းကျဆင်းလျက်ရှိကြောင်း ကွမ်းစိုက်တောင်သူများထံမှ သိရှိရသည်။

DOCA(စစ်ကိုင်း)

   စစ်ကိုင်းတိုင်းဒေသကြီးအတွင်းရှိ  ဆန်ပိုဒေသများဖြစ်သော ကလေး၊ ကသာ၊ ကန့်ဘလူ၊ ရွှေဘိုနှင့် ရေဦး၊ ကသာခရိုင်(အင်းတော်မြို့နယ်)နှင့် မုံရွာခရိုင်များအနေဖြင့် စပါး၊ ဆန် အသစ်များ ပေါ်လာပြီး  ဈေးနှုန်းများမြင့်တက်နေပါကြောင်း သိရှိရပါသည်။

   စစ်ကိုင်းတိုင်းဒေသကြီးအတွင်း ဖေဖော်ဝါရီလ  (စတုတ္ထ) ပတ်တွင် ဖြစ်ပေါ်နေသော စပါး/ ဆန် ဈေးနှုန်းများမှာ ရွှေဘိုခရိုင်၊ ရွှေဘိုမြို့နယ်မှ ရွှေဘိုပေါ်ဆန်း (စပါး)(သစ်)  တင်း ၁၀၀ လျှင် ကျပ် ၄၀၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၀၀၀၀ကျပ်၊ ပေါ်ဆန်း (ဆန်) (ဟောင်း)၂၄ပြည်ပါ တစ်အိတ်လျှင် ၁၆၀၀၀၀ ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၃၂၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ ကျပ်၊ ဧရာမင်း (ဆန်)(ဟောင်း) ၂၄ပြည်ပါ တစ်အိတ်လျှင် ၁၆၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရှိရပါသည်။

    ရေဦးခရိုင်၊ ရေဦးမြို့နယ်မှ ပေါ်ဆန်း (စပါး)(သစ်)  တင်း ၁၀၀လျှင် ကျပ် ၄၀၀၀၀၀၀၊ ပေါ်ဆန်း (ဆန်) (သစ်)၂၄ပြည်ပါ တစ်အိတ်လျှင် ၁၅၀၀၀၀ကျပ်၊ ပေါ်ဆန်း (ဆန်) (ဟောင်း)၂၄ပြည်ပါ တစ်အိတ်လျှင် ၁၆၀၀၀၀ကျပ်၊ ရွှေဘိုဧရာမင်း(စပါး)(သစ်)  တင်း ၁၀၀လျှင် ကျပ် ၃၂၀၀၀၀၀၊ ဧရာမင်း (ဆန်)(သစ်) ၂၄ပြည်ပါ တစ်အိတ်လျှင် ၁၄၀၀၀၀ ကျပ်၊ ဧရာမင်း (ဆန်)(ဟောင်း) ၂၄ပြည်ပါ တစ်အိတ်လျှင် ၁၆၀၀၀၀ ကျပ်ဖြင့် အရောင်း အဝယ်ဖြစ်နေကြောင်း သိရှိရပါသည်။

   ကလေးခရိုင်၊ ကလေးမြို့နယ်မှ ဧည့်မထ(စပါး) (သစ်)တင်း၁၀၀ လျှင် ၂,၆၅၀,၀၀၀၊ ဧည့်မထ (ဆန်) (သစ်)‌၂၄ပြည်ပါ တစ်အိတ်မှာ ကျပ် ၈၅,၀၀၀၊ ဧည့်မထ(စပါး)(‌ဟောင်း) တင်း၁၀၀ လျှင် ၂,၉၀၀,၀၀၀၊ ဧည့်မထ (ဆန်) ‌၂၄ပြည်ပါ တစ်အိတ်မှာ ကျပ် ၁၀၅,၀၀၀၊ ငစိန် (စပါး)(ဟောင်း)တင်း၁၀၀လျှင် ၂၈၀၀,၀၀၀၊ ငစိန် (ဆန်)(ဟောင်း)၂၄ပြည်ပါ တစ်အိတ်မှာ ၉၅,၀၀၀၊ ငစိန်(စပါး)(သစ်)တင်း၁၀၀လျှင် ၂၄၅၀,၀၀၀၊ ငစိန် (ဆန်)(သစ်)၂၄ပြည်ပါ တစ်အိတ်မှာ ၇၀,၀၀၀၊ ဧရာမင်း(စပါး)(သစ်) တင်း ၁၀၀ လျှင် ကျပ် ၂,၇၀၀,၀၀၀၊ ဧရာမင်း(ဆန်)(သစ်)၂၄ပြည်ပါ တစ်အိတ်မှာ ကျပ်၉၅,၀၀၀၊ ဧရာမင်း(စပါး) (ဟောင်း)တင်း ၁၀၀ လျှင် ကျပ် ၃,၁၀၀,၀၀၀၊ ဧရာမင်း (ဆန်)(‌ဟောင်း)၂၄ပြည်ပါ တစ်အိတ်မှာ ကျပ် ၁၃၀,၀၀၀ ဖြင့် အရောင်းအဝယ်ဖြစ်နေကြောင်း သိရှိရပါ သည်။

   ကသာခရိုင်၊ အင်းတော်မြို့နယ်မှ ဆင်းဧကရီ(၃)(စပါး) (သစ်) တင်း၁၀၀ လျှင် ကျပ် ၁,၅၀၀,၀၀၀၊ ဆင်းဧကရီ-၃ ဆန် (သစ်) ၂၄ပြည်တစ်အိတ်မှာကျပ် ၈၀,၀၀၀၊ ဆင်းဧကရီ(၃)(စပါး) (ဟောင်း) တင်း၁၀၀ လျှင် ကျပ် ၂,၀၀၀,၀၀၀၊ ဆင်းဧကရီ-၃ ဆန် (ဟောင်း) ၂၄ ပြည်တစ်အိတ်မှာကျပ် ၉၅,၀၀၀ ဧရာမင်း (စပါး) သစ် တင်း ၁၀၀ လျှင် ကျပ် ၂,၀၀၀,၀၀၀၊ ဧရာမင်း(ဆန်) ၂၄ပြည် ဆန်တစ်အိတ်လျှင် ကျပ် ၉၀၀၀၀၊ ဧရာမင်း (စပါး) (ဟောင်း) တင်း ၁၀၀လျှင် ကျပ် ၂,၅၀၀,၀၀၀၊ ဧရာမင်း(ဆန်) (ဟောင်း)  ၂၄ပြည် ဆန်တစ်အိတ်လျှင် ကျပ် ၁၂၀၀၀၀ ဖြင့်အရောင်းအဝယ်ဖြစ်နေကြောင်း သိရှိရပါသည်။

   မုံရွာခရိုင်၊ မုံရွာမြို့တွင် ဧရာမင်း(စပါး)(သစ်)တင်း ၁၀၀ လျှင် ကျပ် ၃,၀၀၀,၀၀၀၊  ဧရာမင်း (ဆန်)(သစ်) ၂၄ပြည် တစ်အိတ်မှာ ကျပ် ၁၃၀၀၀၀၊ ဧရာမင်း(စပါး)(ဟောင်း)တင်း ၁၀၀ လျှင် ကျပ် ၃,၆၀၀,၀၀၀၊  ဧရာမင်း (ဆန်)(ဟောင်း) ၂၄ပြည် တစ်အိတ်မှာ ကျပ် ၁၅၀၀၀၀ ဖြင့် အရောင်းအဝယ် ဖြစ်နေကြောင်း သိရှိရပါသည်။

   ကန့်ဘလူခရိုင်၊ ကန့်ဘလူမြို့တွင်  ဧရာမင်း(စပါး)(သစ်)တင်း ၁၀၀ လျှင် ကျပ် ၂၆၀၀,၀၀၀၊  ဧရာမင်း (ဆန်)၂၄ပြည် တစ်အိတ်မှာ ကျပ် ၁၂၀၀၀၀၊ ပေါ်ဆန်း(စပါး)(သစ်) တင်း ၁၀၀လျှင် ကျပ် ၃၄၀၀၀၀၀ ပေါ်ဆန်း (ဆန်)၂၄ပြည်တစ်အိတ်လျှင် ကျပ် ၁၃၀၀၀၀ ဖြင့် အရောင်း အဝယ်ဖြစ်နေကြောင်း သိရှိရပါသည်။

    စစ်ကိုင်းတိုင်းဒေသကြီးမှ ဖေဖော်ဝါရီလ  (တတိယ) ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၂၅၀၀၀၊ မန္တလေးသို့ အိတ်ရေ ၂၉၅၀၀ နေပြည်တော်သို့ အိတ်ရေ ၃၀၀၀၊ ရှမ်း (တောင်)သို့ အိတ်ရေ ၂၀၀၀၊ မွန်သို့ အိတ်ရေ ၆၁၂၀၊ ကချင်သို့ အိတ်‌ရေ ၁၅၈၀၊ ပခုက္ကူသို့ အိတ်ရေ ၁၀၀၀  စုစုပေါင်း အိတ်ရေ (၆၈၂၀၀)  အိတ်၊ တန်အား ဖြင့် (၃၄၁၀) စီးထွက်ခဲ့ပြီး ယခု ဖေဖော်ဝါရီလ  (စတုတ္ထ) ပတ်တွင် စစ်ကိုင်းတိုင်းဒေသကြီးမှ အခြားတိုင်းဒေသကြီးများသို့  ဆန်စီးထွက်မှုမှာ ရန်ကုန်သို့ အိတ်ရေ ၂၉၇၅၀၊ မန္တလေး သို့ အိတ်ရေ ၃၄၇၅၀ နေပြည်တော်သို့ အိတ်ရေ ၃၃၀၀၊ ရှမ်း (တောင်)သို့ အိတ်ရေ ၂၃၀၀၊ မွန်သို့ အိတ်ရေ ၂၅၂၀၊ ကချင်သို့ အိတ်‌ရေ ၇၆၀၀၊ ပခုက္ကူသို့ အိတ်ရေ ၂၀၀၀  စုစုပေါင်း အိတ်ရေ (၈၂၂၂၀)  အိတ်၊ တန်အား ဖြင့် (၄၁၁၁) စီးထွက်ခဲ့သည့်အတွက်  ယခင်ပတ်နှင့် နှိုင်းယှဉ်လျှင် ယခုပတ်တွင် အိတ်ရေ (၁၄၀၂၀) အိတ်၊ တန်အားဖြင့် ( ၇၀၁) ပိုမို စီးထွက်ခဲ့ပါကြောင်း သိရှိရပါသည်။

DOCA(စစ်ကိုင်း)

       ၂၀၂၄ခုနှစ်၊ ဖေဖော်ဝါရီလ (ပထမပတ်)အတွင်း ပဲမျိုးစုံများ၏ ဈေးနှုန်းအခြေအနေမှာ  ပဲတီစိမ်း(ရွှေဝါ) ၂၀ ပိဿာ (တစ်တင်း) ကျပ် ၈၅၀၀၀၊ ပဲတီစိမ်း၂၀ ပိဿာ (တစ်တင်း) ကျပ် ၆၇၀၀၀၊ မတ်ပဲ၂၀ ပိဿာ (တစ်တင်း) ကျပ် ၁၁၅၀၀၊ ပဲလွန်းဖြူ ၂၀ ပိဿာ(တစ်တင်း)ကျပ် ၇၂၀၀၀၊ ဘိုကိတ်၂၀ ပိဿာ (တစ်တင်း)ကျပ် ၇၅၀၀၀၊ ပဲပုပ်၂၀ပိဿာ(တစ်တင်း)ကျပ် ၆၁၄၀၀၊ မြေပဲ(အသစ်)၂၀ ပိဿာ (တစ်တင်း) ကျပ် ၁၆၂၀၀၀  ဈေးနှုန်းဖြစ်ပေါ်ခဲ့သည်။ ၎င်းလ၏ (စတုတ္တပတ်)အတွင်းတွင် ပဲတီစိမ်း(ရွှေဝါ) ၂၀ ပိဿာ (တစ်တင်း) ကျပ် ၇၃၅၀၀၊ ပဲတီစိမ်း၂၀ ပိဿာ (တစ်တင်း) ကျပ် ၆၅၀၀၀၊ မတ်ပဲ၂၀ ပိဿာ (တစ်တင်း) ကျပ် ၉၆၀၀၀၊ ပဲလွန်းဖြူ ၂၀ပိဿာ(တစ်တင်း)ကျပ် ၆၃၀၀၀၊ ဘိုကိတ်၂၀ ပိဿာ (တစ်တင်း) ကျပ် ၇၂၀၀၀၊ ပဲပုပ်၂၀ပိဿာ(တစ်တင်း)ကျပ် ၆၁၀၀၀၊ မြေပဲ(အသစ်)၂၀ ပိဿာ (တစ်တင်း) ကျပ် ၃၆၃၀၀၀ ဈေးနှုန်းဖြစ်ပေါ်နေသည်။

       သို့ဖြစ်၍ မွန်ပြည်နယ်၏ ဖေဖော်ဝါရီလ(ပထမပတ်)နှင့်နှိုင်းယှဉ်ပါက စတုတ္ထပတ် တွင် ပဲဈေးနှုန်းအခြေအနေမှာ တချို့ပဲများမှာ ၁၀၀၀ကျပ်မှ ၁၀၀၀၀ကျပ်ခန့်အတွင်း သိသာစွာ ဈေးနှုန်းကျဆင်းလာကြောင်းသိရပါသည်။ ထိုသို့ ပဲဈေးနှုန်းကျဆင်းရခြင်း သည် ပဲထွက်ရာသီချိန်ဖြစ်ကြောင်းနှင့် မော်လမြိုင်သို့ ပဲမျိုးစုံဝင်ရောက်မှုရှိနေခြင်း ကြောင်း ဖြစ်သည်ဟု သုံးသပ်ရပါ၍ ဈေးနှုန်းကျဆင်းကြောင်း သိရှိရပါသည်။

DOCA(မွန်)

   ပြင်ဦးလွင်မြို့သည် ရာသီဥတုကောင်းမွန်ပြီး အမြဲတမ်းစိမ်းလန်းစိုနေသည့်အတွက် သီးနှံများ စိုက်ပျိုးရာ၌ ကောင်းမွန်သည့်သာယာလှပသော တောင်ပေါ်ဒေသဖြစ်ပါသည်။ ယခုလိုအေးမြသည့် ဆောင်းရာသီအချိန်တွင် စိုက်ပျိုးလုပ်ကိုင်သူများက ရာသီပေါ်သီးနှံများကို မိသားစုတစ်ပိုင်တစ်နိုင် စိုက်ပျိုးကြသလို ဈေးကွက်အတွင်း တင်ပို့ရောင်းချရန်အတွက် စီးပွားဖြစ်စိုက်ပျိုးလုပ်ကိုင်သူများလည်းရှိကြောင်း သိရပါသည်။

     ယခုလအတွင်း ဈေးကွက်အတွင်းအရောင်းအဝယ်ဖြစ်နေသည်မှာ ပြင်ဦးလွင်ဒေသထွက် ရာသီချိန်မုန်ညှင်းဖြူနှင့် ဂေါ်ဖီထုပ်များ ဖြစ်ပါသည်။ ဈေးနှုန်းအနေဖြင့် ယခင်နှစ် မုန်ညှင်းဖြူထုပ် တစ်ပိဿာလျှင် (၄၀၀၀) ကျပ်၊ ဂေါ်ဖီထုပ် တစ်ထုပ်လျှင် (၁၅၀၀) ကျပ်ဖြင့်ရောင်းချမှုရှိခဲ့ပြီး ယခုနှစ်တွင် မုန်ညှင်းဖြူထုပ် တစ်ပိဿာလျှင် (၂၀၀၀) ကျပ်၊ ဂေါ်ဖီထုပ် တစ်ထုပ်လျှင် (၅၀၀) ကျပ်မှ (၃၀၀) ကျပ်အထိသာ ရောင်းချလျက်ရှိကြောင်း၊ စိုက်ပျိုးလုပ်ကိုင်သူများပြားလာပြီး လမ်းပန်းဆက်သွယ်ရေးအနေဖြင့်လည်း ကုန်ပစ္စည်းသယ်ယူစရိတ်မြင့်မားလာ၍ တခြား ဒေသ များသို့ တင်ပို့ ရောင်းချမှုနည်းပါး၍လည်းကောင်း၊ ယခင်နှစ်လောက်ဈေးရရှိမှု နည်းပါးကြောင်း၊ ရာသီသီးနှံဖြစ်သည့်အတွက် မုန်ညှင်းဖြူထုပ်နှင့် ဂေါ်ဖီထုပ်များကို လတ်လတ်ဆတ်ဆတ်ကြော်စား ခြင်းနှင့် အသားနှင့်ရော၍ကြော်စားခြင်းဖြင့်လည်းကောင်း အမျိုးမျိုးချက်ပြုတ်စားနိုင်ပြီး ကျန်းမာရေး အတွက်လည်း ကောင်းမွန်သည့်အတွက် ဈေးကွက်အတွင်း အရောင်းအဝယ်ဖြစ်နေကြောင်း သိရှိရ ပါသည်။

DOCA(ရှမ်း)

    ယခုတစ်ပတ်တွင် ပြည်မြို့ပေါ်ဈေးကွက်များအတွင်း သံပုရာသီးနှင့်ရှောက်သီးများ ရှားပါး၍ ဈေးမြင့်တက်မှုရှိနေကြောင်း သိရှိရပါသည်။ ယခင်မိုးတွင်းစိုက်သံပုရာသီးနှင့် ရှောက်သီးများမှာ မိုးရေရ၍ အလုံးချောကာ ပေါများသဖြင့် ဈေးနှုန်းအနေဖြင့် ဈေးချိုသော်လည်း ယခု ဆောင်းတွင်းကာလ ရေသွင်း စိုက်ပျိုးရသဖြင့် ရှားပါးကာ ဈေးမြင့်ရခြင်းဖြစ်ကြောင်း သိရှိရပါ သည်။ ပြည်မြို့ပေါ် ဈေးများသို့ ယခုအချိန်တွင် ဇီးအုပ်၊ နတ်တလင်းနှင့် ရွှေတောင်ဘက်မှ အဝင်ရှိနေပြီး တစ်ပတ်လျှင်ရက်ခြား သံပုရာသီးနှင့် ရှောက်သီးအလုံး ၁၀၀၀၊ ၁၅၀၀ ခန့် ဝင်ရောက်မှုရှိနေပါသည်။ ဈေးကွက်အတွင်း သံပုရာသီးတစ်လုံးလျှင် ကျပ် ၃၅၀-၄၀၀ ရှိပြီး ရှောက်သီးတစ်လုံးလျှင် ကျပ် ၇၀၀-၈၀၀-၁၀၀၀ နှုန်းတို့ဖြင့် အသီးသီး ရောင်းဝယ်မှုရှိကြောင်း သိရှိရပါသည်။

DOCA(ပဲခူး)