၂၉.၂.၂၀၂၄ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၂၉.၂.၂၀၂၄ ရက်နေ့တွင် တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
၂၉.၂.၂၀၂၄ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-
ကျောက်ဆည်ခရိုင်တွင် စပါး၊ ပဲမျိုးစုံနှင့် ဆီထွက်သီးနှံမျိုးစုံကိုစိုက်ပျိုးသည့်အပြင် စားဖိုဆောင်သီးနှံများကိုလည်း မိသားစုအပိုဝင်ငွေရရှိရေးအတွက် ရာသီအလိုက်စိုက်ပျိုးကြပါသည်။ပဲကြီးသီးနှံကို ယခင်က လယ်ကန်သင်းရိုးများတွင် တစ်နိုင်တစ်ပိုင်စိုက်ပျိုးကြပြီး ယခုအချိန်တွင် ယာမြေ၊ လယ်မြေနှင့် ကိုင်းကျွန်းမြေများတွင်လည်း အများအပြားစိုက်ပျိုးလာကြပါသည်။ကျောက်ဆည်ခရိုင်တွင် ပဲကြီးစိုက်ဧက (၁၄၃၅)ဧကစိုက်ပျိုးထားကြောင်း ခရိုင်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရသိရှိရပါသည်။ ပဲကြီးကို အောက်တိုဘာလတွင် စတင်စိုက်ပျိုးကြပြီး ဖေဖော်ဝါရီလနှင့် မတ်လတို့တွင် စတင်ရိတ်သိမ်းလျက်ရှိပါသည်။ (၁)ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၅၀၀၀၀၀/-)ခန့်ကုန်ကျပြီး ပဲကြီးသီးနှံမှာ စိုက်ပျိုးသည်မှ ရိတ်သိမ်းပြီးသည်အထိ (၅)လမှ (၆)လအတွင်းရှိပါသည်။ စိုက်ပျိုးပြီး (၃)လကြာလျှင် အဖူးအပွင့်များ စတင်ဖူးပွင့်ပြီး အသီးတောင့်များရင့်မှည့်လာချိန်တွင် တောင်သူအများစုမှာ ပဲကြီးအစိုများကိုသာခူးဆွတ်၍ ရောင်းချကြကြောင်း၊ ယခုပေါ်ဦးပေါ်စအချိန်တွင် ဈေးကွက်အတွင်း၌ ပဲကြီးအစို (၁)ပြည်လျှင် (၄၀၀၀/-)ကျပ်စျေးနှုန်းရရှိပြီး ပဲကြီးအခြောက်တစ်တင်းလျှင် (၁၁၀၀၀၀/-)ကျပ်စျေးနှုန်းရှိကြောင်း ယခင်နှစ် ပဲကြီးအခြောက်တစ်တင်းလျှင် (၈၀၀၀၀/-)ကျပ်ဈေးနှုန်းသာရကြောင်း ပွဲရုံပိုင်ရှင်တစ်ဦးထံမှသိရှိရပါသည်။ ပဲကြီးသီးနှံစိုက်ပျိုးခြင်းဖြင့် တောင်သူများ မိသားစုအပိုဝင်ငွေရရှိရုံသာမက ကျွဲ၊ နွားစာများအတွက်လည်း ဖူလုံလျက်ရှိသောကြောင့် ပိုမိုတိုးချဲ့စိုက်ပျိုးသင့်ပါကြောင်း ရေးသားတင်ပြလိုက်ရပါသည်။
DOCA(မန္တလေး)
မန္တလေးတိုင်းဒေသကြီး၊ ကျောက်ဆည်ခရိုင်အတွင်းရှိ စဉ့်ကိုင်မြို့နယ်သည် စပါးကိုအဓိကထားစိုက်ပျိုးသည့် မြို့နယ်တစ်ခုဖြစ်သည်။ ယင်းမြို့နယ်ရှိ ကျေးလက်နေတောင်သူများမှာ မိုးစပါးများရိတ်သိမ်းပြီးချိန်တွင် ဆောင်းကုလားပဲကိုလည်းစိုက်ပျိုးလျက်ရှိကြောင်း၊ စဉ့်ကိုင်မြို့နယ်တွင် ဆောင်းကုလားပဲစိုက်ဧက (၁၆၃၀၄)ဧကစိုက်ပျိုးထားကြောင်း ခရိုင်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရသိရှိရပါသည်။ ဆောင်းကုလားပဲကို အောက်တိုဘာနှင့် နိုဝင်ဘာလတို့တွင် စတင်စိုက်ပျိုးကြပြီး စိုက်ပျိုးရာတွင် မျိုးအနေဖြင့် (၁)ဧကလျှင် ၁တင်းမှ ၁တင်းခွဲနှုန်းပက်ကြဲကြပြီး တောင်သူအများစုသည် ရိုးရိုးကုလားပဲမျိုးနှင့် V2 ကုလားပဲအဖြူလုံးကြီးမျိုးများကိုသာ အများဆုံးစိုက်ပျိုးကြကြောင်း၊ (၁)ဧကကုန်ကျစရိတ်အနေဖြင့် မျိုး၊ ထွန်ယက်ခ၊ သွင်းအားစု၊ လုပ်သားခ၊ စုစုပေါင်း (၂၅၀၀၀၀/-)ကျပ်ခန့်ကုန်ကျကြောင်း၊ (၁)ဧကလျှင် ပျမ်းမျှအထွက်နှုန်းအနေဖြင့် (၇-၈)တင်းခန့်ထွက်ရှိကြောင်းသိရှိရပါသည်။ ယခုအချိန်တွင် ဆောင်းကုလားပဲများ ဖြိုင်ဖြိုင်ရိတ်သိမ်းလျက်ရှိပြီး ကုလားပဲစျေးနှုန်းအနေဖြင့် ယခင်နှစ်တွင် ကုလားပဲရိုးရိုးတစ်တင်းလျှင် (၅၈၀၀၀/-)ကျပ်၊ ကုလားပဲ V2 တစ်တင်းလျှင် (၆၂၀၀၀/-)ကျပ်စျေးနှုန်းတို့ရှိခဲ့ပြီး ယခုနှစ် ကုလားပဲဖြိုင်ဖြိုင်ထွက်ပေါ်ချိန်တွင် ကုလားပဲရိုးရိုးတစ်တင်းလျှင် (၈၀၀၀၀/-)ကျပ်၊ ကုလားပဲ V2 တစ်တင်းလျှင် (၈၇၀၀၀/-)ကျပ်စျေးနှုန်းတို့ဖြင့် အရောင်းအဝယ်ဖြစ်နေကြောင်း၊ အကျိုးအမြတ်အနေဖြင့် (၄၅၀၀၀၀-၅၀၀၀၀၀)ကျပ်ခန့်ရရှိကြောင်း ကိုကုလားပဲစိုက်တောင်သူတစ်ဦး၏ ပြောပြချက်အရသိရှိရပါသည်။ ကုလားပဲစိုက်ပျိုးခြင်းသည် အချိန်ကုန်သက်သာပြီး ကုန်ကျစရိတ်နည်းပါးသောကြောင့် ကုလားပဲသီးနှံကို ပိုမိုတိုးချဲ့စိုက်ပျိုးသင့်ကြောင်း ရေးသားတင်ပြလိုက်ရပါသည်။
DOCA(မန္တလေး)
မန္တလေးတိုင်းဒေသကြီး၊ ကျောက်ဆည်ခရိုင်သည် သီးနှံမျိုးစုံဖြစ်ထွန်းအောင်မြင်သော ဒေသတစ်ခုဖြစ်ပြီး ဆည်ရေသောက်ဒေသဖြစ်သောကြောင့် ပြောင်းသီးနှံကို ရာသီမရွေးစိုက်ပျိုးကြပါသည်။ စီးပွားလည်းဖြစ်ဝင်ငွေတိုးပြီး ကျွဲ၊ နွားစာများပါဖူလုံသောကြောင့် ဖူးစားပြောင်း၊ နှံစားပြောင်းသီးနှံများကို အများဆုံးစိုက်ပျိုးကြပါသည်။ ခရိုင်အတွင်း (၂၀၂၃-၂၀၂၄) ဘဏ္ဍာနှစ်တွင် နှံစားပြောင်းသီးနှံစိုက်ဧက(၄၇၄၆)ဧကစိုက်ပျိုးထားရှိပြီး ယခုအချိန်ထိ (၃၈၆၆)ဧကရိတ်သိမ်းပြီးစီးပြီဖြစ်ကြောင်း၊ ခရိုင်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရ သိရှိရပါသည်။ နှံစားပြောင်းသီးနှံ(၁)ဧကလျှင် စိုက်ပျိုးမှုကုန်ကျစရိတ်အနေဖြင့် (၂၀၀၀၀၀/-)ကျပ်ခန့်ကုန်ကျပြီး မျိုးအနေဖြင့် ထွက်တိုးဖြူ၊ ထွက်တိုးနီမျိုးများကိုစိုက်ပျိုးကြကြောင်း၊ (၁)ဧကအထွက်နှုန်းအနေဖြင့် (၂၀) တင်းခန့်ထွက်ရှိကြောင်း၊ ယခင်နှစ်တွင် ပြောင်းတစ်တင်းလျှင် (၂၂၀၀၀/-)ကျပ်စျေးနှုန်းဖြင့်ရောင်းချခဲ့ရပြီး၊ ယခုနှစ်တွင် ပြောင်းတစ်တင်းလျှင် (၃၅၀၀၀/-)ကျပ် စျေးနှုန်းဖြင့် ရောင်းဝယ်လျက်ရှိကြောင်း၊ ကျွဲ၊ နွားများစားသုံးရန်ကျန်ရှိသော ပြောင်းရိုးများကို ဧကပြတ်လာရောက်ဝယ်ယူသူများရှိရာ (၁)ဧကလျှင် ထွက်ရှိသမျှပြောင်းရိုးများကို (၁၀၀၀၀၀-၁၂၀၀၀၀)ကျပ်အထိရောင်းချရကြောင်း၊ နှံစားပြောင်းစိုက်ပျိုးမှုတွင် အကျိုးအမြတ်အနေဖြင့် စိုက်ပျိုးစရိတ်များနုတ်ပြီးပါက (၆၀၀၀၀၀/-) ကျပ်ခန့်မြတ်သောကြောင့် ကုန်ကျစရိတ်သက်သာပြီး အကျိုးအမြတ်မျာပိုမိုရရှိသဖြင့် နှံစားပြောင်းသီးနှံကို တောင်သူများအနေဖြင့် တိုးချဲ့စိုက်ပျိုးသင့်ပါကြောင်း ရေးသားတင်ပြလိုက်ရပါသည်။
DOCA(မန္တလေး)
မန္တလေးတိုင်းဒေသကြီး၊ ကျောက်ဆည်ခရိုင်၌ (၂၀၂၃-၂၀၂၄) ဘဏ္ဍာနှစ်တွင် ပဲစင်းငုံ(မိုးဦး) အား ကျောက်ဆည်မြို့နယ်တွင် (၈၆၇)ဧက၊ မြစ်သားမြို့နယ်တွင် (၆၈၅)ဧက၊ စုစုပေါင်း (၁၅၅၂)ဧကစိုက်ပျိုးပြီး ယခုလက်ရှိအချိန်ထိ (၃၀၂)ဧကရိတ်သိမ်းပြီးဖြစ်ကြောင်း ခရိုင်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရသိရှိရပါသည်။ ပဲစင်းငုံသီးနှံကို သီးသန့်စိုက်ပျိုးမှုအဖြစ် စိုက်ပျိုးကြသည့်အပြင် သီးထပ်သီးညှပ်အဖြစ်လည်းစိုက်ပျိုးကြပါသည်။ စိုက်ပျိုးမှုအနေဖြင့် ပဲစင်းငုံ(၁)ဧကလျှင် (၄)ပြည်ကုန်ကျပြီး တချို့တောင်သူများသည် ပဲစဉ်းငုံများအား မိမိတို့အိမ်တွင် သေချာစွာသိမ်းဆည်းထားပြီး မျိုးအဖြစ် အသုံးပြုကြပြီး တချို့မှာမူ ပွဲရုံများမှ ဝယ်ယူ၍လည်းစိုက်ပျိုးကြကြောင်းသိရှိရပါသည်။ (၁) ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း(၂၅၀၀၀၀/-)ကျပ်ခန့်ကုန်ကြပြီး အထွက်နှုန်းအနေဖြင့် (၈-၁၀)တင်းခန့်ထွက်ရှိကြောင်း ၊ ပဲစင်းငုံစျေးနှုန်းအနေဖြင့် ယခင်နှစ်တွင် တစ်တင်းလျှင် (၆၅၀၀၀/-)ကျပ်၊ ယခုနှစ်တွင် တစ်တင်းလျှင် (၁၂၀၀၀၀/-)ကျပ်စျေးနှုန်းတို့းဖြင့် ရောင်းဝယ်လျက်ရှိကြောင်း၊ (၁)ဧကအကျိုးအမြတ်အနေဖြင့် (၇၀၀၀၀၀/-)ကျပ်ခန့်ရရှိကြောင်း ပဲစဉ်းငုံသီးနှံစိုက်ပျိုးသူ တောင်သူတစ်ဦး၏ ပြောကြားချက်အရသိရှိရပါသည်။
DOCA(မန္တလေး)
မန္တလေးတိုင်းဒေသကြီး၊ ကျောက်ဆည်ခရိုင်တွင် သီးနှံမျိုးစုံစိုက်ပျိုးလျက်ရှိရာ ပဲတီစိမ်းသီးနှံကိုလည်း စီးပွားဖြစ်စိုက်ပျိုးကြပါသည်။ (၂၀၂၃-၂၀၂၄) ဘဏ္ဍာနှစ်တွင် ခရိုင်အတွင်း မိုးပဲတီစိမ်း (၂၁၅၂၀)ဧကစိုက်ပျိုးရိတ်သိမ်းနိုင်ခဲ့ပြီး ယခုဆောင်းပဲတီစိမ်းကို (၅၁၉)ဧကစိုက်ပျိုးထားကြောင်း ခရိုင်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရသိရှိရပါသည်။ ဆောင်းပဲတီစိမ်းကို အောက်တိုဘာလ၊ နိုဝင်ဘာလများတွင်စိုက်ပျိုးကြပြီး ဖေဖော်ဝါရီလကုန်ပိုင်းတွင် အသီးများကို စတင်ကောက်ယူရတော့မည်ဖြစ်ကြောင်း၊ (၁)ဧကကုန်ကျစရိတ်အနေဖြင့် စိုက်ပျိုးမှု၊ သွင်းအားစု၊ လုပ်သားခအပါအဝင် (၃၀၀၀၀၀/-)ကျပ်ခန့်ကုန်ကျကြောင်း၊ အများဆုံးစိုက်ပျိုးသောမျိုးမှာ ကျောက်စိမ်းမျိုး ၊ ရေဆင်း-၁၁ မျိုးများဖြစ်ကြောင်း၊ ပဲတီစိမ်းစိုက်ပျိုးမှုတွင် မိုးပဲတီစိမ်းမှာ အထွက်နှုန်းပိုပြီး ဆောင်းပဲတီစိမ်းမှာ စိုက်ပျိုးမှုအလွန်နည်းပြီး အထွက်နှုန်းနည်းကြောင်း၊ ပဲတီစိမ်းစျေးနှုန်းအနေဖြင့် ယခင်မိုးပဲတီစိမ်းပေါ်ချိန်တွင် တစ်တင်းလျှင် (၄၀၀၀၀/-)ကျပ်စျေးနှုန်းရှိခဲ့ပြီး ယခုလက်ရှိပေါက်စျေးအနေဖြင့် (၅၅၀၀၀/-)ကျပ်ဖြင့် အရောင်းအဝယ်ဖြစ်နေကြောင်းသိရှိရပါသည်။ ဆောင်းပဲတီစိမ်းပေါ်ချိန်တွင် စျေးနှုန်းများကောင်းမွန်ပါက အကျိုးအမြတ်ရရှိနိုင်ကြောင်း၊ ဆောင်းပဲတီစိမ်းစိုက်ပျိုးသော တောင်သူတစ်ဦး၏ ပြောကြားချက်အရသိရှိရပါသည်။
DOCA(မန္တလေး)
မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့တွင် ယခုအချိန်၌ မိုးလေကင်းစင်၍ အဆောက်အဦများဆောက်လုပ်ကြသော အချိန်ဖြစ်သောကြောင့် ဖေဖေါ်ဝါရီလ(စတုတ္တပတ်)တွင် ယခင်လထက် ဈေးနှုန်းမြင့်တက်နေပြီး ကြံ့နှစ်ကောင်ဘိလပ်မြေတစ်အိတ်လျှင် ကျပ်(၉၅၀၀)၊ အယ်လဖာဘိလပ်မြေတစ်အိတ်လျှင် ကျပ်(၉၁၀၀)ဈေးနှုန်းဖြင့် အရောင်းအဝယ်ဖြစ်နေကြောင်းသိရှိရပါသည်။
ဇန်နဝါရီလ၊ ဖေဖေါ်ဝါရီလနှင့် မတ်လများသည် ပခုက္ကူဒေသထွက် အစေ့ထုတ်ပြောင်း၊ ပဲစင်းငုံ၊ ကုလားပဲ၊ ထောပတ်ပဲ၊ ဆောင်းပဲလွန်း၊ ပဲယင်း၊ စွန်တာနီ၊ စားတော်ပဲ၊ ဆောင်းမြေပဲ၊ ဆောင်းနှမ်း၊ ဆောင်းနေကြာ၊ ပန်းနှမ်း၊ အာလူး စသောသီးနှံများရိတ်သိမ်းချိန်ဖြစ်သောကြောင့် ဓာတ်မြေဩဇာဈေးနှုန်းမှာ ယခင်လဈေးအတိုင်း တည်ငြိမ်နေသည်ကိုတွေ့ရှိရပါသည်။
အရောင်းအဝယ်ဖြစ်နေသော ဓာတ်မြေဩဇာဈေးနှုန်းများမှာ အာမိုယူရီးယား (50)kg တစ်အိတ်လျှင် ကျပ်(၉၇၀၀၀)၊ ဩဘာယူရီးယား(50)kg တစ်အိတ်လျှင် ကျပ်(၉၀၀၀၀)၊ ရွှေနဂါးယူရီးယားတစ်အိတ်လျှင် ကျပ်(၈၀၀၀၀)၊ တရုတ်တီစူပါသံကွင်း (50)kg တစ်အိတ်လျှင် ကျပ်(၁၂၂၀၀၀)၊ တရုတ်ပုလဲရွှေတောင် (50)kg တစ်အိတ်လျှင် ကျပ်(၉၅၀၀၀)၊ မြန်မာဩဘာရွှေကောမက် (50)kg တစ်အိတ်လျှင် ကျပ်(၁၂၅၀၀၀)၊ အာမို ကွန်ပေါင်း (50)kg တစ်အိတ်လျှင် ကျပ်(၁၆၅၀၀၀)၊ ဩဘာ ကွန်ပေါင်း (50)kg တစ်အိတ်လျှင် ကျပ်(၁၅၇၀၀၀)၊ ကောမက်ကွန်ပေါင်း ၁၅း၁၅း၁၅ (50kg) တစ်အိတ်လျှင် ကျပ်(၁၅၇၀၀၀)၊ တရုတ်အာမို ၁၆း၁၆း၁၆ (50kg) တစ်အိတ်လျှင် ကျပ် (၁၄၅၀၀၀)ဖြင့် ဈေးနှုန်းတည်ငြိမ်နေသည်ကိုတွေ့ရှိရပါသည်။
သီးနှံစိုက်ပျိုးချိန်နှင့် ရိတ်သိမ်းချိန်များတွင် ပိုးမကျအောင် လုပ်ဆောင်ရသောကြောင့် ယခုဖေဖေါ်ဝါရီလ(စတုတ္ထပတ်)တွင် ဈေးနှုန်းမြင့်တက်လာသည်ကို တွေ့ရသည်။ အာမိုမက်နီဖော့(500)cc တစ်ဘူးလျှင် ကျပ်(၂၉၀၀၀)၊ အာမိုစတား (၁)လီတာတစ်ဘူးလျှင် ကျပ်(၅၀၀၀၀)၊ အာမိုအီမာ(၁) လီတာဘူးတစ်ဘူးလျှင် ကျပ်(၄၁၀၀၀)၊ ဂျက်ကက် မင်းမဟော်(၁၀၀)cc တစ်ဘူးလျှင် ကျပ်(၁၀၅၀၀)၊ ဩဘာပို့စ်(၂၅၀)cc ဘူးတစ်ဘူးလျှင် ကျပ်(၁၁၈၀၀)၊ ဩဘာအဆီဖိတ် (500)g တစ်ထုပ်လျှင် ကျပ်(၂၂၀၀၀)၊ ဩဘာငှက်ကြီးတောင် (၁၀၀)cc တစ်ဘူးလျှင် ကျပ်(၁၈၀၀၀)၊ ဩဘာငှက်ကြီးတောင်(၂၅၀)cc တစ်ဘူးလျှင် ကျပ်(၄၃၀၀၀)၊ မင်းမဟော်ဖော်ယူဘိုး (500)cc တစ်ဘူးလျှင် ကျပ် (၃၃၀၀၀)၊ မင်းမဟော်ဖော်ယူဘိုး (250)cc တစ်ဘူးလျှင် ကျပ်(၁၈၀၀၀) အသီးသီးရှိပြီး ပိုးသတ်ဆေးများမှာ ပို၍အရောင်းအဝယ်ဖြစ်လျက်ရှိကြောင်းသိရှိရပါသည်။
ယခင်လဈေးနှုန်းများနှင့်နှိုင်းယှဉ်လျှင် ယခုဖေဖေါ်ဝါရီလ(စတုတ္ထပတ်)တွင် ပိုးသတ်ဆေးဈေးနှုန်းများမြင့်တက်လာခြင်းမှာ သီးနှံလှိုင်လှိုင်ပေါ်ချိန်ဖြစ်ခြင်း၊ ကုန်သည်လုပ်ငန်းရှင်များသည် သီးနှံများဝယ်ယူသိုလှောင်ရာတွင် ပိုးမကျစေရန် ထိန်းသိမ်းရခြင်းတို့ကြောင့် ဈေးနှုန်းမြင့်တက်လာခြင်းဖြစ်ကြောင်းသိရှိရပါသည်။
DOCA(မကွေး)
၂၈.၂.၂၀၂၄ ရက်နေ့တွင် တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။
